一盅點心

营业中

休息中

之前同爹哋去長沙灣辦事，完成之後已經係晚飯時間，途經一間點心店，爹哋鍾意食點心，於是入去試下。點心店細細，但座位都幾舒服，有幾張枱卡位。一盅燒賣拼盤各式各樣嘅燒賣係呢間點心店嘅賣點之一。呢個拼盤有齊多款燒賣，乾蒸牛肉，蠟味糯米，鮮味鮑魚，二粒經典蟹子，爆汁墨魚，啱晒貪心想試唔同味道嘅我。賣相最吸引的肯定係鮑魚燒賣，燒賣豬肉同蝦肉嘅比例好好，加上啲冬菇粒，口感爽口彈牙，鮑魚仔細細隻，好入味，質地軟腍，有鮮味。爆汁墨魚燒賣有驚喜，墨魚彈牙，內裏爆汁，流心效果佳，全是龍蝦汁。筍尖蝦餃皇蝦餃皮薄餡靚，晶瑩剔透，粉嫩粉嫩的，蝦肉非常爽口，加上鮮嫩嘅筍粒，爽口鮮味。爆餡叉燒包飲茶食點心除咗蝦餃燒賣又點少得叉燒包呢，呢度嘅叉燒包正常發揮，餡料都幾多。五柳鮮蝦炸雲吞炸得非常香脆，而且唔油膩，一咬落去脆到颯颯聲，餡料嘅鮮蝦亦都爽口，沾上五柳汁酸酸甜甜好醒胃。鳳爪排骨飯分量好大份，足夠兩個人分享，呢度嘅蒸飯係荷葉蒸飯，飯粒除咗吸入了鳳爪排骨嘅精華還有淡淡的清香荷葉味。鳳爪好腍膠質好重，但排骨就肥膏比較多，雖然豬油甘香，但係比較肥膩。總括而言，呢間點心小店，街坊價錢，點心好多選擇，質素亦都唔錯。

《一盅兩件點心🫖》———————————————-#一盅點聚 🇭🇰-今次來推薦呢一間CP值超高嘅點心專門店，雖然位於長沙灣道嘅舊區，但都相當乾淨企理，好適合疫情期間又想一盅兩件，可以放心嘆茶🫖-先來嘅係招牌嘅六拼燒賣，裏面有乾蒸牛肉、臘味糯米、經典蟹籽、鮮味鮑魚、深海原蝦同白雪帶子🥰件件都整得啱啱好，煙韌有咬口，用料豐富～-黑松露蝦餃都好唔錯，外皮包得仔細，蝦肉豬肉比例均勻。呢款春風得意腸亦都相當特別，有啲似炸兩，入邊有粟米上面鋪煮蟹籽～另外比較少見嘅係紫薯流沙煎堆仔，口感軟糯，裏面仲有奶黃流沙添💕-最近做緊堂食八折，折扣後相當抵，想拎返屋企食，小店都有做唔同外賣app😆聽夥記講好快港島都可能會有分店啊，非常期待！-⭐ 參考價錢︰（以下係原價，另收茶芥）六拼燒賣組合： $68醬皇蒸鳳爪： $25紫薯流心煎堆：$33春風得意腸：$35黑松露鮮蝦餃：$37🍌 抵deal 指數：9/10💰 人均消費：$100

大件夾抵食點心-長沙灣一帶有好多街坊食肆 唔sell賣相sell抵食薄利多銷 自然受街坊歡迎 以呢間點心專門店為例款式多價錢合理 而家堂食做緊八折優惠 抵上加抵-🥢#一盅燒賣拼盤 $68一共六款蒸燒賣 牛豬海鮮樣樣一啲有矜貴鮑魚燒賣 啖啖肉經典豬肉燒賣爽口彈牙海蝦燒賣 懷舊臘味糯米粿 帶子燒賣同乾蒸牛肉 一個拼盤試勻多種點心 一個人食晒冇難度-🥟#魚翅灌湯餃 $35珍寶魚翅餃好巨型 佔隻上湯碗大半嘅空間豬肉餡好多不過有啲實 上湯夠熱但係飲完有啲口渴-🥘🥣#飽肚靚湯全日套餐 $68追加白灼生菜 $8套餐包蒸飯加燉湯 鹹魚肉餅鋪滿成個蒸籠 抵食夾大件飯粒用荷葉包住再蒸熟 清甜有飯香淮山杞子螺頭燉竹絲雞湯雖然細細盅湯水唔算特別多 勝在足料炮製呢個價錢有飯有湯有蔬菜落肚 好實惠📍一盅點心長沙灣青山道152號地舖

王牌點心套餐懷舊燒賣皇(兩隻)乾蒸牛肉燒賣(兩隻)帶子燒賣(兩隻)糯米燒賣(兩隻)筍尖蝦餃皇(兩隻)XO醬菜苗餃(兩隻)黑金流沙包(一個)爆饀叉燒包(一個)吸睛的黑金流沙包➡️賣相型格，微微鹹蛋黃香味，爆漿流沙， 味道口感一流。糯米燒賣➡️ 買少見少酒樓食到，皮薄，豬肉香菇餡料多，味道好。XO醬菜苗餃➡️配搭新穎，微辣XO醬配上菜苗, 份外惹味爽口。春風得意腸➡️又滑又嫩的腸粉皮，包住爽口的蝦，粟米，卜卜脆的米綱，一試有驚喜。荷葉金針雲耳滑雞蒸飯➡️ 嫩滑雞肉加雲耳，健康配搭。這間一盅點心，點心即叫即蒸， 熱騰騰送上檯面， 每款都抵食好食😋下午茶竟然還送上免費杏仁茶，抵上加抵。

屋企人鐘意食點心。今日經過長沙灣見到這點心店的宣傳品頗吸引，便買了點心外賣回家孝敬爸媽。見到有個皇牌點心二人套餐頗吸引，便叫了一份。另外叫多一份一盅燒賣拼盆。拿到回家，點心還是微溫的。打開外賣盒，見到大大粒的蝦餃燒賣，好吸引，忍不住要即刻開餐。一盅燒賣拼盤一個人獨自享用最正。共有六款特色燒賣，最啱愛食燒賣的人。乾蒸牛肉燒賣結實有牛肉味。臘味糯米燒賣有咬口不肥膩。經典蟹籽燒賣的蝦和肉好味。深海原蝦燒賣的蝦較結實。白雪帶子燒賣的帶子鮮甜。這拼盤懷舊中注入新意，令人欣賞點心師傅的用心和創意。王牌點心二人套餐抵食好食。叫一份足夠兩個人吃飽，不用傷腦筋便可試哂經典王牌點心。拼盤有懷舊燒賣皇二隻，乾蒸牛肉燒賣二隻，帶子燒賣二隻，糯米燒賣二隻，筍尖蝦餃皇二隻，XO醬菜苗餃二隻，黑金流沙包一個和爆餡叉燒包一個。各款燒賣都足料可口。蝦餃皇有水準，皮薄饀靚。菜苗餃微辣，好開胃。流沙包香甜。叉燒包也不錯。總括而言，這點心店的出品頗有特色，價錢合理。收銀的女士服務態度好。下次有機會再來店裏嘆茶吃其他點心。

呢排成日都要留喺屋企嗌外賣，茶記都已經食到好厭見到啲人話呢間外賣點心好似幾好食咁，一於試吓佢嘅選擇唔算好多，但係都算係揀到平時想食嘅嘢呢個點心拼盤都幾有心思，有齊燒賣蝦餃同埋糯米包，仲有牛肉球，如果一個人想試晒咁多嘢都可以叫佢嘅粉果餡料十足，皮唔會太厚呢個黑糖千層糕，做得幾煙un，而且唔會太甜,趁熱食真係幾好味😋蝦餃一籠有四粒，都算係幾抵食，就算係外賣佢都擺得賣相唔錯，如果同屋企老人家一齊食就啱哂

今天比較晚下班，買了數個點心跟家人吃。店家的外賣生意非常之好，加上即叫即蒸，等了接近二十分鐘。鮑魚燒賣 - $42一口鮑魚煨煮鮑魚汁，燒賣裡面是豬肉鮮蝦餡，爽口彈牙。黑松露鮮蝦餃 - $37餃子皮玉螢剔透，薄得有韌性。有頗多的鮮蝦餡，陣陣松露飄香，夠惹味。蒜蓉鮮蝦春卷 - $28春卷炸得金黃酥脆，鮮嫩的鮮蝦加上些脆爽的蔬菜，再夾雜些濃郁的蒜蓉香更濃郁。魚肚滑雞扎 - $38滑雞好有彈性和嫩口；魚肚蓬鬆得來好軟滑彈牙，有點黏笠感；還有一片芋頭和冬菇吸收湯汁。章魚肉餅飯 - $40肉餅的份量很多，幾近覆蓋白飯。一粒粒的章魚佈滿肉餅面，味道濃郁又彈牙。肉餅肥瘦適中，口感滑溜鮮美。

經過呢間點心店就入去品嚐吓，位於長沙灣青山道，坐位舒適，點心選擇多，眼見好多街坊叫套餐食，價錢親民，亦有唔少人用app 叫外賣，水準應該唔錯🤭 黑金流沙包 $33流沙包一籠3個，黑色撞金色有別於傳統，麵包鬆軟，咬落去入面好流心，係真正既流沙包，熱辣辣，好食 一盅燒賣拼盤 $68叫咗個拼盤，每樣一件試多幾款唔同燒賣配搭，入面有乾蒸牛肉，臘味糯米，經典蟹籽，鮮味鮑魚，深海原蝦，白雪帶子，足料，點少少辣油食，唔錯 黑松露鮮蝦餃$37蝦餃大小適中，一啖一件，皮薄，蝦肉彈牙，食到有黑松露既味道，幾好 甜蜜蜜叉燒腸 $28腸粉皮個人覺得厚左少少，味道正常 魚翅灌湯餃 $35脹卜卜，薄薄的餃皮，入面餡料十足，口感豐富

收工約左朋友嚟長沙灣買野，肚餓之際，決定入嚟試下點心。荀尖蝦餃皇蝦餃皮嘅厚度適中，入面淡淡蝦肉，都幾大嚿。秘製牛柏葉一碟至少有五六件牛柏葉，咬落爽口有嚼勁，亦唔會韌到咬唔斷，配上秘製醬汁，味道更豐富有層次。春風得意腸腸粉包住春卷，上面有少許蟹籽同粟米，個人覺得唔洗點醬汁都夠哂滋味，外層既腸粉薄得嚟好嫩滑，中間既春卷皮仲keep到好香脆，最入面既餡料則夠哂彈牙。五柳鮮蝦炸雲吞炸雲吞嘅外皮好爽口，點埋酸酸甜甜嘅醬汁，更加開胃。XO醬菜苗餃外層既皮略嫌厚左少少，不過作為餡料既菜苗同XO醬味道就配合得啱啱好，唔會太過鹹。黑金流沙包流沙包即叫即蒸，需要等多少少時間先上菜。咬到中間，熱辣辣既奶皇流沙係咁湧出嚟，果然無令人失望。

探望完父母後，想起太太應該還沒吃午餐，便在長沙灣看有什麼外賣選擇，然後在青山道發現這家點心專門店非常實惠，外賣在做85折，便決定買來給太太試試位置：座落長沙灣青山道百佳超市對面，鄰近美居中心，港鐵長沙灣站A2出口步行約4分鐘，而青山道本身有大量巴士及小巴線，從地理上來說算是方便環境：餐廳走傳統點心店格局，較為親民，來的客人都以附近街坊為主，座位以4人枱為主，亦不會感覺擠迫服務：餐廳入口處設消毒洗手液及噴霧，雖說我這次是買外賣，但也能看到侍應積極加茶及上菜時介紹食物，亦會主動和客人交流，頗有人情味食物：餐廳是點心專門店，主要供應中式點心，以及堂食飲茶下午茶超值套餐 $38經理推薦的這個套餐，有皮蛋瘦肉粥一碗和燒賣皇、蝦餃皇、菜苗餃及粉果各一件。套餐非常實惠，平常單點一碗粥已是$28，而且是份量很足夠的一人餐皮蛋瘦肉粥～把米煮至溶化的粥水，很易入口，配料有大量皮蛋粒及豬肉絲，味道不錯燒賣皇～有一隻蝦亦大件，豬肉味香，但粉比較多蝦餃皇～蝦算是大隻，蝦餃不會太油，但皮稍為偏厚菜苗餃～竟然放上了XO醬，把本身單調的菜苗餃提鮮不少粉果～皮厚度適中，餡料算足夠，花生亦不會淋，整體味道可以秘製牛柏葉

大家好咁今日就去咗深水埗食飯行過見到有間叫做一盎點心 點心專門店 咁呢佢呢度 點心款式好多 而且價錢合理 外賣自取85折下午茶優惠68折食滿98蚊仲送鮑魚燒賣一籠 價錢十分抵食 咁我一個人過嚟食就嗌咗一個燒賣點心拼盤 一份牛肉腸粉 同埋一個蛋散 蛋散夠香脆加咗少少蜜糖芝麻食落香口牛肉腸個皮略為厚咗少少咁但係味道上面係唔錯嘅 可以加返少少辣椒油調味仲有係份量好夠有三條 另外燒賣拼盤落單先蒸要等等 大概五分鐘上菜佢淨係燒賣都有 七款 爆汁墨魚燒賣 鮑魚燒賣 帶子燒賣 鵪鶉蛋燒賣 糯米燒賣 牛肉燒賣 同埋燒賣王 最好食係牛肉燒賣,燒賣蒸得火侯岩岩好,唔會太乾身,肉鮮餡飽滿,皮身夠薄呢個價錢街坊小店,唔錯了 #一盅點聚 #一盅點心 #港式飲茶 #點心 #點心專門店 #港式腸粉 #港式燒賣 #燒賣 #飲茶長沙灣青山道152號地舖

廣東菜中最愛吃的肯定是點心！不過酒樓人流多，所以很多人轉戰點心舖，所以這間一盅點聚就是我的選擇時間尚早，人流不算太多，２０：３０離開時反而多人呢環境：普通，算是乾淨企理服務：不錯，侍應忙得來不會太無禮點心的選擇都是最其本的那些，但最吸睛的一定是燒賣，款式超級多！有整整七款食物：＄１２８的二人套餐，有４款燒賣，２款餃，２個包燒賣：傳統版本算是普通的選擇，肉量夠多帶子版滿創新的，加了一顆彈牙的帶子在傳統版上糯米超飽肚，非常有趣的煙韌燒賣牛肉我反而很喜歡，沒有那些莞茜的味道，牛肉味很香濃ＸＯ醬菜苗餃有明顯的元貝辣香，沒得輸！蝦餃也是不妨一試之選再來一客爆汁墨魚燒賣＄３３，超彈牙，入口即彈，還有一顆會爆醬耶！份量很多金錢肚＄３５ 沒想到那麼大份！超稔軟的牛肚好好吃！千島脆炸蘿蔔糕＄３３非常有趣的味道，酸酸的千島醬跟薄薄的炸皮包著蘿蔔糕，外脆內軟～

餐廳：一盅點心 (長沙灣)地址：長沙灣青山道152號地舖自從疫情開始好似好少再去茶樓飲茶🫖，星期五夜晚上堂之前去咗長沙灣青山道呢間一盅點心食吓點心，懷緬一吓以前過時過節都會去茶樓飲茶嘅回憶🥺吸引我去食點心嘅原因喺因為佢哋做緊全日點心8折(以下嘅價錢未計8折)，3點到5點半前離座仲有68折下午茶優惠😍，成張單滿$98仲送鮑魚燒賣一籠，都咪話唔吸引😏淮杞螺頭燉竹絲雞 $38夏日熱辣辣🔥，先飲番個竹絲雞湯滋補吓，用咗淮山、杞子、龍眼肉、瘦肉、竹絲雞去熬製，慢火煲長時間，連雞骨都煲到腍晒，果然落足心機♥️，呢個湯較為濃味，有少少鹹🤏，但材料味好突出，都幾足料黑金流沙包 $33黑色嘅流沙包以食用竹炭粉製成，面頭再掃上食用金粉，黑同金嘅配搭俾人型格又高貴嘅感覺😎，呢個包鬆軟有彈性，雙手搣開就有濃郁嘅流沙蛋黃醬流出🤩，蛋黃香亦隨之飄散，難怪吸引咁多人食啦魚肚滑雞扎 $38雞扎喺唔少人亦喺我嘅至愛，將腐皮包住芋頭、冬菇、魚肚同滑雞去蒸，每啖都可以食到豐富嘅餡料，而魚肚吸收晒其他材料嘅湯汁同精華，食落就更加鮮香又多汁💦懷舊燒賣王 $33相信冇幾多人唔鍾意食燒賣，以豬肉同蝦肉作為主要餡料，用鮮黃色嘅薄皮包住

大角咀街坊收工都仲可以飲茶~新開冇耐,裝修好明亮,有別於一般茶樓,比較新派全部野都係即叫即蒸,帶住熱氣上台見到佢有特色燒賣,可以叫一盅燒賣拼盤($68)!有齊6款每樣有一粒,岩晒貪心又咩都想試既我!鮑魚真係成粒係上面,價錢真係好實惠!爆汁墨魚燒賣!真係爆汁臘味糯米都好得意難得有春風得意腸 $35 !我見到都必點!腸粉包住脆米網中間係蝦滑,工序麻煩好少茶樓會整!以下唔洗介紹啦~都係飲茶必點既點心流沙奶皇包$33醬皇鳳爪$25筍尖蝦餃$33有茜潮州粉果$23魚翅灌湯餃$35點少少紅醋~好飲好食!!係傳統既味道,都係我見到就會叫既點心~但我唔鍾意某某連鎖的蟹黃口味,完全唔夾一人都有套餐,唔洗怕一籠3件食唔晒