一盅點心

营业中

休息中

邊個話朝早先可以食點心架？琴晚去咗長沙灣呢間平價點心鋪食晚餐，佢哋嘅點心即叫即蒸，仲有好多特別款式，將傳統點心升級化，變得更高級😆鮑魚燒賣 $42 燒賣共兩粒，原粒蠔油鮑魚放喺燒賣上，鮑魚彈牙入味，令燒賣口感同味道提升😙黑松露鮮蝦餃 $37蝦餃外皮有淡淡嘅黑松露香味，令到鮮蝦餃食落更加高級😋韭黃鮮蝦腸$33鮮蝦腸有三條，蝦仁幾大粒又彈牙爽口，略嫌腸粉皮有點厚🙈 金針雲耳滑雞蒸飯$40呢個蒸飯係喺點心盤裹面蒸，幾有風味😆 飯身幾香，又乾身。配滑滑雞柳同兩大塊爽口雲耳好夾😁淮杞螺頭燉竹絲雞$38足料靚湯好夠味，感覺好健康補身😋

下午茶飲茶點心超平宜，時段 （15:00-17:30），星期一至日都有 （除公眾假期外），照價價錢68折，變得非常抵食，環境座位就非常普通，不太舒適，點心即叫即蒸，熱辣，各款點心都很美味。推廣期，食滿$98.- 送兩粒 鮑魚燒賣，👍🏻💖 聽阿姐講 工場在葵芳，香港自制點心。。試了 蝦餃，燒賣，腸粉，潮州粉果，排骨，都非常不錯。。食咁嘢都係百零蚊 👍🏻👍🏻

好友話佢屋企附近的點心專門店，點心全日8折、下午茶68折，約我一齊嘆茶。茶$4位，真超抵。我們點左懷舊燒賣王 $33，豬肉粒和原隻蝦肉，上面加蟹籽，味道不錯真美味。椰香黃金糕$23，椰味清香夠鬆軟又彈牙，少少甜，賣相靚。一盅燒賣拼盤 $68乾蒸牛肉、臘味糯米、深海原蝦、經典蟹籽、鮮味鮑魚、白雪帶子，粒粒都美味又滋味。👍👍👍筍尖蝦餃，皮薄餡靚，蝦肉爽。XO醬菜苗餃，菜嫩蝦肉爽口。爆餡义燒包$23，很鬆軟包住义燒和醬汁，很可口又好食😋😋金針雲耳滑雞飯$40，去皮雞肉很滑夠健康，味道不錯。總結：質素高，街坊價，值得推介及回頭再吃。一盅點心 地址：長沙灣青山道152號地舖

一盅點心原名叫「一盅點聚」。同老闆傾開計先知原來佢地喺香港有工場，食物都係佢地自家製，夠曬地道，有港式風味！經典糯米雞大件又足料！有成隻雞翼！重有火腿同冬菇等食材。呢度有七款燒賣。嗌「大滿足精選燒賣組合」可以試其中六款，每款一粒。我地嗌左其中兩款燒賣：爆汁墨魚燒賣、鵪鶉蛋燒賣。爆汁墨魚燒賣口感彈牙。食嘅時候真係要好小心，真係會「爆」汁出黎架！夠曬玩味！鵪鶉蛋燒賣依家好少茶樓有得食啦，估唔到呢度有得食😻，梗係要食番舊本啦！黑金流沙包包又熱又軟熟。食嘅時候又要小心，因為入面嘅蛋黃真係「流心」，一咬開就會流出黎，要小心整污糟衫褲呀。重要慢慢細細啖食，因為d蛋黃好熱，小心辣嘴！蛋黃好香。香茜潮州粉果皮薄，餡料足。花膠鮮竹卷湯底好清唔油膩，可以飲埋，正👍重要有花膠！😻女士恩物。呢度茶錢只係$4/位。茶嘅質素同茶樓飲到嘅一樣，抵到爛！以為飲茶食點心嘅地方比較舊會冇wifi？你就錯啦，餐廳係有wifi 提供架。咁就可以邊食邊玩手機啦～

想飲茶但又怕酒樓人多，自然會想起點心店，同媽咪去左一盅點心，無咁多人坐得都舒服Ｄ。見點心款式都幾特別。一盅燒賣拼盤，包括六件不同燒賣，有懷舊燒賣皇、爆汁墨魚燒賣(口感彈牙，咬落去時要小心彈汁)、家鄉糯米燒賣(好少見到的點心，入口軟糯)、乾蒸牛肉燒賣、白雪帶子燒賣(大粒帶子，裡卧是原隻蝦仁)、鮮味鮑魚(燒賣上面是鮑魚，幾軟腍)，呢個拼盤的好處便是食勻每款燒賣。秘製牛柏葉，用了秘製醬汁去蒸，幾惹味，牛柏葉既軟腍又爽口。黑金流沙包，金色的點綴看起來好矜貴，流心混合了咸蛋黃和奶黃，香濃幼滑。淮杞螺頭燉竹絲雞，燉出來的湯好清澈，材料好足，非常清甜。另外，茶水亦夠滾，泡出來的茶都香些，同媽媽慢慢嘆茶。

長沙灣平民價點心專門店😋平時食點心都會去酒樓 但通常都淨係做午市而且宜家飲個茶都唔平🌚今次去長沙灣呢間點心專門店就彌補到呢啲缺點💁🏻‍♀️茶芥都只係4蚊位 絕對係性價比之選😋.🎈6拼燒賣組合 ($68)擺到好似五星伴月咁嘅燒賣拼盤可以話係應有盡有🤣呢到係做特色傳統點心 所以連燒賣都有好幾款👉鮑魚燒賣: 擺係中間夠哂吸睛 68蚊都有鮑魚食到🤤👉乾蒸牛肉燒賣: 用牛肉作為餡料 食落就好似牛肉球咁👉臘味糯米燒賣: 入面係糯米飯😱真係第一次食到👉白雪帶子燒賣: 有半粒帶子係面頭🤤👉經典蟹籽👉深海原蝦.🎈黑松露鮮蝦餃 ($37)最得媽媽歡心嘅就係呢個黑松露餃食落啖啖黑松露油香 面頭仲有黑色一點點🤏鮮蝦夠爽口彈牙 加埋一齊口感不錯.🎈春風得意腸 ($35)見佢個名咁得意就叫左嚟試下🤣呢個腸粉層次幾豐富 腸粉入面係脆脆再之後就係蝦滑 面頭仲有蟹籽增加風味.🎈黑松露山珍腐皮卷 ($35)後生女最中意就係食香口野😎加上作為黑松露fans又點少得叫呢個試下一咬落去卜卜脆 果然同我期望嘅一樣😋.🎈拔絲蛋散皇($19)細個最中意食蛋散 相信係唔少人嘅童年回憶同回憶中嘅味道一樣 又脆又香甜❤️.🎈養顏千層糕 ($2

星期日好早起咗身，諗起以前嚟過呢個位置食點心，覺得啲嘢幾好食又抵食。嚟到嘅時候發覺舖頭已經轉咗名，同換過裝修。朝頭早未夠八點已經坐左好多人，老人家為主，先睇睇餐牌。點咗一客$48 全日一人餐四件點心都好好食，餡料十足，調味亦都做得好好。兩個包類我都覺得唔好食，叉燒包啲叉燒甜到不得了，奶皇包都係太甜，兩個包都係熱辣辣，已經係食晒燒賣蝦餃先至食包，都比嗰啲奶黃辣親隻手。點心熱辣辣真係好緊要，特別好食。另外一個係燒賣拼盤，一次過試齊六款燒賣。6款都高水準，尤其是佢啲豬肉燒賣做得好好，墨魚嗰件有少少腥味，但感覺係真材實料唔會粉多肉少。再嚟是黑椒金錢肚，同送嘅鮑魚燒賣（散叫滿$98送）牛肚大大件，好可惜得四件，收$35來講覺得太少，成$9 一件，又唔係好似燒賣蝦餃嗰啲手工野。下面有啲炸過嘅芋頭，好鍾意食芋頭嘅我覺得芋頭不合格，唔粉，放棄了。埋單2人$159總結，食物質素高，新鮮即製，定價較進取，環境就普普通通，下次下午茶時間再嚟，因為下午茶有折。報告完畢～

我總覺得在茶樓食蒸飯係比較健康嘅選擇。比炒河、炒飯少油，份量亦比較適合作午餐。一盅點心係長沙灣新式點心店，比舊式茶樓好座，上次堂食完，覺得出品冋價錢都不錯。今次買外賣俾家人試吓，先發現原來佢嘅蒸飯份量比外面酒樓多，腸粉皮做得好，返到屋企仲係軟滑。佢係點心專門店，各出品都唔錯，有傳統蝦餃、燒賣、牛肉球等，又有創新點心，好似XO醬菜苗餃。屋企人食完都話下次要再食。用原籠馬拉糕做飯後甜品，好實在又唔太甜。

上個禮拜經過長沙灣見到呢間點心店，諗起好耐冇食點心🥧就想買啲外賣點心返屋企同屋企人一齊食～紫薯流心煎堆$33煙煙韌韌嘅煎堆仔，入邊有流心奶黃餡，外層有淡淡嘅紫薯味，內層嘅奶黃，幾香甜～黑金流沙包$33平時好鍾意食流沙包，就叫咗呢個流沙包～佢嘅流沙奶黃餡好香甜～椰香黃金糕$23好耐冇食黃金糕，好懷念佢嘅味道～今次終於食到好香好鬆軟嘅黃金糕～有甜甜地嘅感覺，好有懷舊feel～筍尖蝦餃王$33有四隻蝦餃，晶瑩嘅外皮，配埋新鮮彈牙嘅蝦肉係中間，幾正～白雪帶子燒賣$38佢除咗係燒賣，上面仲有帶子～六粒帶子幾有鮮味！燒賣多肉而且好香～

今日放左工之後突然好想食茶樓點心🥧問人介紹下去左呢間店😂餐廳都易搵 係長沙灣地鐵站附近！而家好多餐廳都有中式點心食😇太好了呢間都有幾多選擇😆我地叫左牛肉球 同牛肉腸😆腸粉皮薄又多餡好好味😋！另外好鍾意呢到既黑松露餃子😆好香呀！食落好濃黑松露味😚都係個皮唔會太厚🤩讚！另外叫左個蒸飯同糯米雞！好食喎！食點心既飯最重要既熱辣辣上碟😘呢到做到呀！上碟時好熱好香好吸引😆飯又夠入味大碟！2個人食夠曬😆總結呢到都係幾方便抵食！有機會再黎！

店長話所有點心即叫即蒸，所以需要耐心等候！超親民小店！同其他點心店與別不同的是，竟然有燒賣拼盤！一盅燒賣拼盤 $68 乾蒸牛肉, 臘味糯米, 經典蟹籽, 鮮味鮑魚, 白雪帶子, 深海原蝦鮮味鮑魚：鮑魚超彈牙！白雪帶子：燒賣上面放半粒帶子～臘味糯米：原來係成隻都係糯米！總括而言一試無妨既燒賣拼盤！鮑汁鴨腳扎 $35好少見得到茶樓有鴨腳杞！估唔到呢度竟然有！大大隻鴨腳炆得香香的，鴨腳杞包著嫩滑雞肉同大大舊長方形芋頭韭黃鮮蝦腸 $33 鮮蝦大大隻，腸粉皮超級煙韌，好處係豉油另上，無直接例落腸粉上面，如果有人唔鐘意食豉油都無問題啦！淮杞螺頭燉竹絲雞 $38超鐘意呢個湯啊！落重料架喎！味道夠香螺味夠濃，竹絲雞夠哂養生魚翅灌湯餃 $35 大大隻湯餃配上高湯，食落好似大大隻餃子咁樣啦～

門面簡單乾淨馳名燒賣組合，值得一試！點心算多選擇，我哋叫咗幾樣外賣返屋企慢慢嘆！先講講每樣點心拎到返屋企都仲係熱辣辣！車程都要半粒鐘，證明堂食會仲新鮮出爐更加好味！重點想讚個湯，雞湯鮮甜，足料都煲出晒味！正！雞飯雞有雞味，加上配料足，好夠香口！蛋散估佢唔到仲係香鬆勁脆！流心紫薯波，香脆可口，流心過流心奶黃包最後介紹番重點嘅燒賣拼盤，每粒都好特別，唔同食開嘅燒賣，果然係心機之作！整體外賣質素好高，食物仲係好keep到溫度！

比佢門口個招牌 - 「一盅燒賣拼盤」吸引咗入去食一盅兩件，再坐低睇餐牌原來有套餐揀，裡面有最愛嘅燒賣、燉湯、蒸飯、仲有杏仁茶贈送😍咁仲唔係揀套餐🤩🌟皇牌點心二人套餐 $128🌟有齊晒想食既點心🤩有筍尖蝦餃皇、懷舊燒賣皇、乾蒸牛肉燒賣、帶子燒賣、糯米燒賣、XO醬菜苗餃、黑金流沙包、爆餡叉燒包；全部都係平時會點既點心，燒賣仲可以試到幾款，正🤩最鐘意始終都係平時食開既懷舊燒賣同蝦餃皇🤤大大粒好滿足🌟飽肚靚湯套餐 $68🌟🌟章魚肉餅飯🌟一打開比想像中大籠，飯既份量三個人食都夠🙈章魚味好香濃，食完唔會有過鹹要狂飲水既感覺，加埋豉油撈混啲蒸飯，一齊食，口感味道一流👍🏻🤤🌟淮杞螺頭燉竹絲雞🌟飲完第一啖湯味濃郁，係燉湯零味精既味道🤤裡面材料豐富👍🏻飲湯之餘仲可以食埋啲湯渣，感覺更養身滋補，岩曬平時少湯水既我呀😍

做街坊生意，門面普普通通，唔太多人堂食，但反而都有好多外賣 茶錢一位四蚊，算平， 點咗水仙，唔錯一盅燒賣拼盤($68)可以一次過試曬佢全部的燒賣款式， 有乾蒸牛肉、糯米燒賣、經典蟹籽、鮑魚燒賣、原隻海蝦燒賣和帶子燒賣， 乾蒸牛肉燒賣比較少見， 糯米燒賣做得不錯， 皮薄而有很多 飽滿的糯米， 經典蟹籽燒賣有驚喜， 咬開是蟹籽流心， 外層像是墨魚丸的燒賣。黑松露鮮蝦餃($37)， 初頭以為是黑松露混入餡料中， 原來是黑松露蝦餃皮， 黑松露幾香， 蝦肉都夠爽口魚翅灌湯餃($35)不過不失， 湯中真的有魚翅香茜馬蹄牛肉腸 ($28) 普通， 腸粉皮比較厚，口感煙韌黑金流沙包($33) 脹卜卜， 個樣好靚仔， 搣開真流心， 奶皇都幾香養顏千層糕($23)煙韌有薑味

一盅點心晚餐突然好想食點心（呀伯mode），好在附近有間點心專門店！即叫即蒸，巧新鮮！茶錢盛惠$4位～比起酒樓平好多！有好多創意點心！堂食仲有八折添！爆汁墨魚燒賣$33成舊都係墨魚滑！咬落去仲會爆出龍蝦汁！第一次食咁特別嘅燒賣！黑松露山珍腐皮卷$35黑松露菇菇腐皮卷，係新派嘅點心，炸得好香脆，黑松露不嬲同野菌好夾，加埋香脆腐皮，中西合璧得幾好！黑金流沙包$33流沙包一定要趁熱食，流沙奶黃必曬出黎！魚翅灌湯餃$33食食一定食灌湯餃，唔係度度地方有！個上湯好好味😋香西馬蹄牛肉腸$28牛腸就不過不失啦，都算幾滑！鹹魚馬蹄蒸肉餅飯$40大大個肉餅飯都係$40，抵食！#一盅點心#堂食八折#點心控#中西合璧#新派點心#fusion 菜#黑金流沙包#點心控#夜麻麻食點心#長沙灣美食