影片
更多
2021-05-29
40 浏览
大件夾抵食點心-長沙灣一帶有好多街坊食肆 唔sell賣相sell抵食薄利多銷 自然受街坊歡迎 以呢間點心專門店為例款式多價錢合理 而家堂食做緊八折優惠 抵上加抵-🥢#一盅燒賣拼盤 $68一共六款蒸燒賣 牛豬海鮮樣樣一啲有矜貴鮑魚燒賣 啖啖肉經典豬肉燒賣爽口彈牙海蝦燒賣 懷舊臘味糯米粿 帶子燒賣同乾蒸牛肉 一個拼盤試勻多種點心 一個人食晒冇難度-🥟#魚翅灌湯餃 $35珍寶魚翅餃好巨型 佔隻上湯碗大半嘅空間豬肉餡好多不過有啲實 上湯夠熱但係飲完有啲口渴-🥘🥣#飽肚靚湯全日套餐 $68追加白灼生菜 $8套餐包蒸飯加燉湯 鹹魚肉餅鋪滿成個蒸籠 抵食夾大件飯粒用荷葉包住再蒸熟 清甜有飯香淮山杞子螺頭燉竹絲雞湯雖然細細盅湯水唔算特別多 勝在足料炮製呢個價錢有飯有湯有蔬菜落肚 好實惠📍一盅點心長沙灣青山道152號地舖
-
長沙灣一帶有好多街坊食肆 唔sell賣相sell抵食
薄利多銷 自然受街坊歡迎 以呢間點心專門店為例
款式多價錢合理 而家堂食做緊八折優惠 抵上加抵
-
🥢#一盅燒賣拼盤 $68
一共六款蒸燒賣 牛豬海鮮樣樣一啲
有矜貴鮑魚燒賣 啖啖肉經典豬肉燒賣
爽口彈牙海蝦燒賣 懷舊臘味糯米粿 帶子燒賣
同乾蒸牛肉 一個拼盤試勻多種點心 一個人食晒冇難度
-
🥟#魚翅灌湯餃 $35
珍寶魚翅餃好巨型 佔隻上湯碗大半嘅空間
豬肉餡好多不過有啲實 上湯夠熱但係飲完有啲口渴
-
🥘🥣#飽肚靚湯全日套餐 $68
追加白灼生菜 $8
套餐包蒸飯加燉湯 鹹魚肉餅鋪滿成個蒸籠 抵食夾大件
飯粒用荷葉包住再蒸熟 清甜有飯香
淮山杞子螺頭燉竹絲雞湯雖然細細盅
湯水唔算特別多 勝在足料炮製
呢個價錢有飯有湯有蔬菜落肚 好實惠
📍一盅點心
長沙灣青山道152號地舖
张贴
