一生懸麵

营业中

休息中

自從有肺炎，搞到邊度都唔洗去，連家鄉都返唔到啦🥺心癮起又想食拉麵，不如黎啲重口味啲嘅，食沾麵啦🤩•👅 特濃豚骨沾麵黎得食沾麵，都係想食佢啲重口味嘅湯底姐🤤呢碗沾麵絕對可以滿足你嘅要求，湯係濃又掛到麵，但唔係死咸，你食到係好濃好濃嘅豬骨湯👏🏼正呀！本身我以為碗麵會太細碗，唔夠食，但食下又飲下水，絕對夠一個女孩子食呀😚順帶一提，個半熟蛋好流心，下次我會另外再叫多一隻😍下次黎我一家會試另一款沾麵嫁🤤

係旺角行完街，夜晚就食咗呢間想食好耐嘅黃店啦😆💛7點左右嚟到要等幾個字🥵·✨辛辣沾麵（凍）$78沾麵有得揀凍麵定熱麵，一於試下凍麵，放心個湯都係熱的🤪所以都係將凍麵浸熱返嚟食😚辛辣就冇咩料到，就係微辣嘅豚骨湯而已，感覺又唔太特別😂有兩舊叉燒，食落都半肥瘦咁，唔錯嘅仲有半隻溏心蛋、荀麵嘅份量冇其他舖頭咁多，算係八成飽吧😌·✨海老拉麵🦐🍜 $83呢碗就吸引好多😍超級多櫻花蝦嘅拉麵，成碗都係😍而浸過櫻花蝦嘅湯底好濃好鮮，淨飲湯都覺得好正 入面仲有兩塊叉燒同溏心蛋😗·🌟以上兩款比較推介海老拉麵👍🏻個湯好正👏🏻份量可以稍為多番啲啲🤏🏻

終於食到人氣拉麵沾麵店，星期六無咩人就諗住Lunch去食，之前次次都好多人排隊放棄左。但係今次都係遲左出發去到都係要排隊。 我同同事分別叫左濃厚豚骨沾麵$78 + 檸檬柚子沾麵 $88 . 豚骨沾麵非常好食，豚骨味超濃，面質又好食  ，叉燒都幾好 入口即溶 ，仲有半件 半熟蛋。檸檬柚子沾麵我就無食到，同事反映都幾好食。 所以一定要食返次一生懸麵 ， 最重要係黃色商家 更加要支持下。希望下次早D去到唔洗排隊啦。

1️⃣ 檸檬酸柚子沾麵 $88 (7/10)有期間限定嘅味道，Pooh緊係要試下🤪黎到麵上面有兩片檸檬，可以加落酸柚子湯底😋 食落有少少酸味，非常開胃🥰 夏天食哩個完全有消暑嘅感覺，仲唔會覺得膩🍜 揀咗凍麵配合柚子沾麵，令成件事更加啱夏天食❤️ 叉燒肥瘦適中，半熟蛋做得啱啱好☺️2️⃣ 海老沾麵 $83 (7/10) 同樣揀咗凍麵，朋友哩個係一生懸麵嘅經典味😆雖然話係清湯底，但香濃嘅蝦味得黎唔會好鹹👍🏻 鮮味十足，上面仲有海量櫻花蝦🦐 相對柚子沾麵，哩個更掛湯🥳 叉燒都燒得好香，入口融化🤤 

每次都見好多人排隊今次終於係試吓！我哋叫咗櫻花蝦沾麵、魚介豚骨沾麵同埋煎餃子櫻花蝦沾麵：上枱嘅時候滿滿嘅櫻花蝦係好有驚喜，無論香味同味道都好重蝦味，但我覺得味道比較單一層次，冇嗰種海鮮嘅味道，所以會有一種食到後面覺得口感好寡魚介豚骨沾麵：本身都偏淡味，想講一個好失望嘅位，加湯加完之後成碗好似水咁係無味煎餃子：其實佢係炸餃子而唔係煎餃子，未試過喺拉麵店食港式「煎餃子」😂，味道方面煎炸當然會有唔同。皮都比較厚，都失望…

一生懸麵嘅旺角店經過過幾十次先第一次試咋，因為次次見到超多人都冇排到，今次係平日偏早嘅lunch hour嚟到排第二即刻要試吓佢咩料啦！💛辛辣沾麵 $78沾麵嘅湯底好濃味，辣度又剛好，唔會咸到喊嗰種。雖然個麵望落好似好細但因為湯底好濃郁而且麵好紮實，其實係會夠飽嘅。湯入面都有少少肉嘅，但都期望叉燒可以再多啲，唔係好夠送麵🥲另外隻蛋做到熟度，不過所長就嫌佢本身好似冇浸夠味，基本上得蛋味。整體嚟講都係好滿意嘅，而且佢麵嘅選擇都算多，不過如果好大條隊我就唔會有耐性排隊食喇🤣煎餃子 $28餃子不過不失啦，係一個冇死嘅小食止吓口痕👍🏻

；魚介豚骨沾麵 $78失望之作。個汁稀到水咁，完全掛唔到湯😅，同我兩年前差得遠。 啲麵又痴埋一嚿，隻蛋偏熟，係兩塊火炙叉燒肥瘦均勻不錯吃。(仲未計要喺門口等半粒鐘，熱到融化🥵)

平時碌IG經常都會見到呢間一生懸麵嘅蹤影，今日咁啱嚟到旺角都即刻過嚟試試！嚟到嘅時候都無乜人等位，可以即刻入去食😎餐廳面積唔算大，但都坐得舒服，唔會坐得好逼！呢度有五款沾麵選擇，其中一款係期間限定，今期係檸檬酸柚子沾麵。另有四款拉麵可以選擇。❤️ 魚介豚骨沾麵 $78沾麵分量都唔少！湯底味道香濃鮮甜，有稍微鹹咗少少，質感偏稀。麵條口感彈牙有麥香，都幾掛汁。叉燒有炙燒過，有兩大片，食落好香口，脂肪位入口即融🤤 好過唔少大型連鎖出品嘅叉燒！👍🏻溏心蛋個蛋黃呈黏稠膏狀，煮到啱啱好，略嫌醃得唔夠耐。好食度：⭐️⭐️⭐️✨ (3.5/5)❤️ 濃厚豚骨沾麵 $78豚骨沾麵嘅湯底就唔會過鹹，味道方面我覺得魚介豚骨沾麵味道層次多啲，濃厚豚骨沾麵 味道就略欠特色，味道較單調。好食度：⭐️⭐️⭐️ (3/5)餐廳推薦度：⭐️⭐️⭐️✨ (3.5/5)價錢方面唔太貴，質素比某啲大型連鎖出品仲要高，難怪咁多人推介啦😏

🚩特濃豚骨沾麵 $78首先就係讚下叉燒有三大嚿仲要燒得係好好食😋肥瘦均勻話明係特濃 所以係幾重口味嘅 不過我幾鍾意麵質彈牙👍幾掛到啲湯$78 有半隻蛋 3塊叉燒 正常份量嘅麵仲要係好食簡直無得輸❤️🚩特濃櫻蝦沾麺 （加$10木耳）$93第一啖食覺得超濃櫻花蝦嘅香味幾特別而且加咗木耳多咗一層爽口嘅口感櫻花蝦同特濃豚骨比較嘅話我應該會食返$78特濃豚骨😂🚩辛辣拉麵 （加$10椰菜）$88都係有三嚿叉燒同埋極多椰菜可惜拉麵相對遜色一啲不過個辛辣味都幾好食😋🚩煎餃子 5件 $28正常size 正常味道煎得OK香脆👍有肉汁🚩唐揚炸雞 4件 $32啱啱炸起熱辣辣而且都幾大嚿可以一試😋👍總結時間🥰想食沾麵嘅朋友推介💪🏼💪🏼😊😊

📍旺角 一生懸麵呢間係人氣拉麵黃店💛12:30到要等一枱，排緊隊已經比menu我地睇定要咩，我同友人都鍾意拉麵所以無叫沾麵🍜𓇠 海老拉麵 $83 𓇠湯底加咗勁多櫻花蝦煮🦐舖滿曬成個碗，呈橙紅色，濃而不油。配料方面有半個溏心蛋、筍、京蔥，仲有兩片火炙叉燒。叉燒肥瘦適中，一咬油脂會係口溶化👍🏻𓇠 白湯豚骨拉麵 $68 𓇠配料多咗2片紫菜同木耳絲，豚骨湯用豬骨熬成，呈奶白色，比海老湯淡。麵條偏幼但可以掛湯。麵可自選硬度，我鍾意硬身啲，覺得揀咗硬身都淋咗啲👀PS 枱面個壺係檸檬水，食完拉麵飲好清新🍋 ▪️類別：#yinkifoodie_noodles🔺味道：4/5🔹服務：4/5🔸環境：4/5

19:00 收工去到已經排哂長龍望住張order紙，晴天霹靂🤯 點解會無咗櫻花蝦油拉麵嫁!?!? 明明4月中嘅食評都仲有🥺#魚介豚骨沾麵 🐟#特濃豚骨沾麵 🐖個湯係幾好味，魚介嗰款係可以直接飲特濃就要加魚介湯先飲得 (咁咪即係兩款無分別😂)叉燒肥瘦適中，燒過係幾香另外嗌咗個 #章魚燒 🐙成餐整體無中伏亦無驚喜，無特色🤷🏻‍♂️如果知佢無咗個櫻花蝦油拉麵我應該唔會嚟😂(又要等，位又逼，咁多人等位又唔好意思坐咁耐)

🍜辛辣拉麵 ⭐️⭐️⭐️⭐️⭐️好西梨係一個鍾意食辣嘅人🌶梗係要試一試佢哋個辛辣拉麵 一上嚟已經俾佢嘅賣相吸引 好足料 有2舊叉燒🥓同1隻半熟蛋🍳麵質特登揀咗標準 一食第一啖已經覺得好正🤩因為呢個辛辣湯底同平時食開嗰啲有啲唔同 亦都比較少見嘅味道 所以真係會食唔停口 鍾意食辣嘅朋友一定唔可以錯過🥳同埋麵質啱啱好 所以毫無懸念俾咗5分滿分⭐️👍🏻🍜白湯豚骨拉麵 ⭐️⭐️⭐️⭐️⭐️如果你唔食得辣嘅話 可以試吓呢個白汁豚骨拉麵 湯底岩岩好 唔會太淡或太鹹👍🏻唔知大家有冇試過食完成個拉麵係會覺得好口渴🤭但係佢真係冇呢種感覺 唔會覺得膩 所以都高度推薦呢個拉麵😍🐙章魚燒 ⭐️⭐️⭐️⭐️佢哋嘅章魚燒都好正 同好西梨喺日本食嘅有得揮 不過唯一要講既就係細粒咗少少🤏如果再大粒啲就真係Perfect池😆💭整體 ⭐️⭐️⭐️⭐️⭐️整體嚟講好西梨都係highly recommend大家去食 價錢均真 食物好高質 不過真係要早少少去排隊🤫

Lunch 想食拉麵所以專誠嚟支持一生懸麵，試試佢嘅白湯豚骨拉麵。好欣賞佢個白湯豚骨湯底好濃好白，但唔會過鹹或過油，令人有飲多幾啖嘅衝勁。超鐘意食硬麵所以拉麵硬度揀左較硬，但可能用左幼身拉麵所以唔係好覺。日式叉燒、半熟蛋同黑木耳都好食，好難得$68食到一碗咁高質嘅拉麵！同同事share唐揚炸雞，一客只售$32仲要每人都分到兩大塊，炸漿好脆，加檸檬就更清新~埋單都係$84一位，性價比超高，一定會再嚟！

見到好多人推介呢間黃店👏🏻話櫻花蝦沾麵好足料👍又成日排長龍所以我都去湊下熱鬧😆-大家睇下幾多🦐🤩雖然我鍾意食蝦，但又好似麻麻地蝦米🤣好重蝦米味，鍾意既朋友仔一定要試下-豚肉好厚身，肥厚均勻，好好味🤤-小丸子🍡都好味，雞軟骨串就一般般😜-整體食物都比較鹹，如果食得清淡既朋友可能揀拉麵會比較好🤔大家如果重口味又鍾意食拉麵🍜沾麵既要去懲罰下佢地！

#Fat99eat旺角💛呢間拉麵真係每次行過都總會見到人龍佢最西利之處係咩時間都可以有人排隊😹Fat9想試好多次架啦 終於的起心肝去試喇😀但當Fat9試完之後真係得罪都要講一句..點解會有咁多人排隊 排咁耐去食😢..定係Fat9唔識欣賞佢既味道所以先唔明🥲﹊﹊﹊﹊﹊﹊﹊﹊﹊﹊﹊﹊☞ 柚子沾麵 88$柚子檸檬以Fat9既理解係應該酸酸地 食落口個味係清新既😀但佢呢個柚子味唔知點解係苦 食第一啖以為係錯覺 但食多幾啖佢都係苦味😲佢個隻苦係有陣木魚味 係咪因為落得太多木魚😥?同埋佢個叉燒個肥瘦比例係幾好 但..佢稍微有啲薄身 如果厚番啲會好啲😳..同埋Fat9揀佢麵既硬度係較硬 但佢比我既麵都係偏淋架😹..﹊﹊﹊﹊﹊﹊﹊﹊﹊﹊﹊﹊✎ 辛辣沾麵 78$Fat9其實平時食野都算好重口味個啲人 偏鹹Fat9都可以食到個啲黎😼但我想講呢個沾麵汁係鹹到我食左啖之後係眼都突埋要即刻飲啖水先🙀哇唔掂 真係勁鹹..而且佢話係辛辣 唔好話我好食得辣 但真係唔係好食到有辣味..更加唔好話係有辛辣味🤥呢個令到Fat9比較失望..成個麵得鹹味可以 仲要係要冼賢個隻鹹🤢..﹊﹊﹊﹊﹊﹊﹊﹊﹊﹊﹊﹊↬味道: ☻ ☻/5