一生懸麵

营业中

休息中

🍽一生懸麵 (旺角) 📍旺角通菜街73號地下1.白湯豚骨拉麵🍜佢哋嘅豬骨湯底味道非常濃味厚身，好重油脂嘅香味但又一啲都唔膩。佢哋採用咗半肥瘦既叉燒，入口非常軟腍，叉燒既表面都有燒一燒過，聞落去同食落去都有一陣燶燶哋嘅味道，爆香左叉燒嘅油脂香味，非常吸引。2.魚介豚骨沾麵🍜沾麵嘅湯底濃厚既程度有少少似糊仔，味道偏鹹，裏面有洋蔥粒，好重鰹魚湯嘅味道。佢哋嘅沾麵比較粗身，好有咬口。豚肉同流心蛋都好入味，如果本身鍾意味道重啲既朋，沾係一個唔錯嘅選擇。3. 煎餃子🥟佢哋嘅煎餃子煎得幾香脆，裏面既肉同菜比例岩岩好，沾上少少餃子醋，好開胃。4.唐揚炸雞🍗佢哋嘅唐揚炸雞真係做得好好，外面炸得好金黃香脆，裏面嘅雞肉多汁嫩滑，啖啖肉，真係食到唔停得口。5.飲料🥤當然叫左食日本野必叫嘅波子汽水同埋佢地餐廳極力推薦既Sage 桂花烏龍冷泡茶（排毒去濕）環境：💛💛💛💛🤍4/5衛生：💛💛💛💛💛5/5食物：💛💛💛💛💛5/5價錢：💛💛💛💛💛5/5 （$271/2=💰135.5）P.S.佢哋嘅餐廳細細間，環境乾淨企理，服務員都好快手。雖然每次去都好多人好爆場，但服務員都一一能夠應付，十分厲害。我都幾推薦呢一間拉麵店，真

呢間拉麵店之前已經有聽過，不過一直都冇機會試，因為每次見到要排長隊都放棄咗⋯⋯今次同朋友又喺旺角行街行到快6點，咁啱經過見到居然無人排隊，終於可以一試廬山真面目。(TMI:一入到去出面即刻好多人等位，可見受歡迎程度)<海老拉麵> $88<海老沾麵> $88海老拉麵鋪滿櫻花蝦乾，色彩繽紛，配料有叉燒、筍乾、蔥絲同埋半粒流心蛋，拉麵湯底濃厚，每一啖都可以食到櫻花蝦，湯底加上洋蔥粒更添一絲甜味，幼麵柔軟易入口。沾麵內容物同拉麵大同小異，但相比起拉麵，沾麵麵底可以揀凍或者熱，朋友㨂咗凍嘅麵底，麵體相對較粗身，沾完海老湯底時細細咀嚼，味道鮮香，較有口感。<章魚燒> $29<唐揚炸雞> $35章魚燒共四粒，伴有柴魚片，味道正常。唐揚炸雞為店家推介，size大塊，外脆內軟，點上蛋黃醬及檸檬汁更顯開胃。<蜜桃紅茶> $20<蘋果桂花> $20餐廳可以點香港品牌的有氣茶飲品，我們選擇了蜜桃紅茶和蘋果桂花，兩款甜度適中茶味突出。溫馨提示，由於餐廳排隊人數眾多，所以如繁忙時間入內進食時間為45分鐘，同埋會同人拼檯

去到門口已有一堆人等入座但3分鐘唔使就成功入座手機掃code落單試左一款拉麵一款沾麵拉麵同沾面都可以揀硬身、標準或者林身啲白湯豚骨拉麵湯底香濃麵既份量比想像中多加埋溏心蛋、木耳同紫菜好正呀特濃豚骨沾麵可以揀凍麵/熱麵連身係小麥麵見到一粒粒小麥粒麵條煙靭配上濃味既豚骨湯唔使怕麵條會完全吸收晒湯底依家咁樣反而味道好平衡好正唐揚炸雞外皮炸到香脆煎餃子餃子餡飽滿如果唔想叫嘢飲嘅話，都可以飲餐廳提供嘅凍水因為食拉麵飲凍水，其實都好爽

今日去試咗坊間幾多好評嘅拉麵店，俾我哋發現咗*期間限定*嘅廣島蠔湯沾麵($128)，當然冇錯過啦！上到嚟首先係比三隻非常飽滿嘅廣島蠔吸引😍每隻size都有手指公咁大隻，而且仲有陣陣焦香～味道都相當之唔錯😋另一驚艷我嘅就係個湯底，真係好足料，應該係用左好多好多隻蠔去煮，仲食到有啲蠔粒添，好正！

今日黎到依間一生懸麵，依間餐廳十分出名，每次黎到都要排隊，咁今次叫左個豬骨濃湯沾麵，麵既份量都好多，而個豬骨濃湯十分香濃，沾上麵條一齊食，個味道就會岩岩好，唔會太咸，而個叉燒係一大片，食起上黎既口感亦十分好。

聽過呢間嘢完全係因為當年佢出雪糕拉麵，呢啲gimmick 嘢真係唔會專登去試，尤其仲要話限量。幾個月前曾經經過，見到好多人排隊，已經覺得好奇，冇雪糕拉麵都有竟然人排隊喎！結果有個星期五咁啱響附近就自己一個黎排咗25分鐘。叫咗個海老沾麵同綠茶可樂。首先估你唔到綠茶可樂原來好飲，兩隻味都好平均（雖然個人覺得綠茶味多啲會再正啲）唔會好甜。配個沾麵正，消滯去油感。仲只係十蚊支！海老沾麵都幾大份，男仔應該會飽。湯真係好多櫻花蝦，香又唔會好油，最緊要個汁唔會太咸！個半肥瘦肉燒到好香，唔鞋口。蛋係流心嘅但唔係好香蛋味。啲荀合格但淋咗啲。總結就係遲啲又要黎排過食...

｛一生懸麵｝旺角超人氣拉麵店.第三次回訪呢間位於菜街（近先達）嘅拉麵店🍜假日晚上6點鐘 排咗10-20分鐘就入得今次係衝住限定 #牡蠣沾麵！試試佢「蠔」唔「蠔」食🦪(*ﾟ▽ﾟ)ﾉ.✎  期間限定 牡蠣沾麵 HK$128     #推介.ᐟ .ᐟ大癲！一上碟時 已經聞到濃郁蠔味～碗沾麵汁十分濃稠(♡˙︶˙♡)飲左啖湯 彷彿用咗100隻蠔去打出嚟咁香濃！面上有3隻蠔 1片叉燒 半隻糖心蛋蠔夠鮮甜 叉燒入面半溶 加分呢(♡ơ ₃ơ)麵條本身好彈牙 掛汁效果一流麵上mix咗啲小顆粒 豐富咗口感(´•̥̥̥ ᎔ •̥̥̥`) 不過可能啲湯濃得濟 食唔到最後✽好味指數：★★★★☆/5.✎  海老沾麵 HK$85 沾面汁上滿滿嘅櫻花蝦～ 配以清湯底 聞起來香 就咁飲亦不會太咸面上3片香燒叉燒 十分惹味(*´˘`*)♡ 及蛋半隻麵條爽彈掛汁 朋友都大讚出色！✽好味指數：★★★★☆/5.⚐ 一生懸麵 地址：旺角通菜街73號地下人均消費：HK$100 (2ppl)回訪指數：🤤🤤🤤🤤🤤/5環境舒適：🪑🪑🪑/5

旺角人氣拉麵店✨🪄🦥餐廳有拉麵和沾麵的選擇，各有四款。沾麵包括有：特濃豚骨、辛辣、魚介豚骨及海老沾麵。拉麵包括有：白湯豚骨、海老拉麵、辛辣及野菜山拉麵。當然沾麵是店舖賣點！《海老沾麵》$85價錢合理，麵底可選冷或熱，也可選麵的軟硬度，蔥、荀也可自由選擇。海老湯是另上，讓客人自行進行沾麵來吃。那海老湯非常吸引，橙紅色的小海老蝦仔舖滿了整碗湯，香濃，惹味！《海老拉麵》$85拉麵和沾麵的麵是不一樣，拉麵的是較幼身，同樣地，整碗拉麵是舖滿了橙橙紅紅的小海老仔，鮮味十足！此外，餐廳設有幾款小食，水準也不錯！《雞軟骨棒》$28雞軟骨上唧滿了沙律醬，很開胃美味！《章魚燒》$28那章魚燒內的章魚也大大粒！大大的滿足感！總結：人氣海老必選！

今日經過一生懸麵，之前因為經常要排隊，所以冇行入去試,今日經過門口，見到唔多人排隊，就入去試一吓🥰海老沾麵 - 超多櫻花蝦👍蝦湯味道非常濃郁,湯入面有厚切的豬肉粒；麵既份量很足，揀咗較硬的，但不會太硬，有咬口！叉燒好香口，入口即溶！ 辛辣拉麵 - 湯底非常濃味，辣度剛剛好，夠香和巧惹味！配料有叉燒,糖心蛋和超多荀😋 小食唐揚炸雞，炸粉漿剛剛好,夠香脆，雞肉多汁嫰滑👍 還有章魚燒，有5粒，幾好味😋

原本老公話要同我呢位‘’前妻‘’去位於旺角通菜街嘅一生懸麵拎collar 嘅應緩物品😑，點知派晒啦，反正都嚟到啦，就照試下啦，見到門口咁多人排隊，應該都唔錯。 呢間餐廳最出名係食沾麵🍜，我都好耐無食過沾麵啦。佢有4款沾麵：特濃豚骨沾麵、辛辣沾麵、魚介豚骨沾麵、海老沾麵同埋1款期間限定牡蠣沾麵。 最後我揀咗個特濃豚骨沾麵，可以喺餐紙揀番想食嘅麵硬度。大家亦都可以按照自己喜好揀唔要葱，唔要筍。個湯好濃郁豚骨香味，但又唔會太鹹，湯入面仲有角煮豚肉，更有口感。麵上仲有兩塊叉燒🐖，真係要介紹下呢塊叉燒，肥瘦適中，燒香咗嘅叉燒入口即溶，非常好味！減心蛋亦夠流心😋 老公就揀咗海老沾麵，好多櫻花蝦🦐，個湯好鮮甜，啲麵放落去每一啖都沾滿櫻花蝦。 雞軟骨棒雞肉及雞軟骨嘅比例恰到好處，香脆嘅外皮加上雞軟骨香氣和咬口，非常美味！  唐揚炸雞炸得金黃香脆，食落有燙口感，咬落去亦好juicy。

上星期日終於去了 bookmark 好耐的一生懸麵啦 !!!1:30PM 去到不太多人好好彩 ... 等了大約 15 分鐘就可以入座 ~~等位的時候諗好食咩，坐一陣就有得食喇 !!!落單時可以揀麵的軟硬度，走蔥或走荀，大食的也可以加配麵底 ...儍媽點了客 ... (熱) 清湯底。魚介豚骨沾麵 (HK$79)粗身麵條掛湯能力較高，麵條以全麥製成，入口有淡淡的麥香麵條揀了標準硬度，夠彈牙又不會過軟兩大件帶點肥肉的厚切日式叉燒煮至軟腍，入口即化，表面火炙過食落去多陣焦香味+HK$10 加配了份黑木耳份量好足，與沾麵一起食口感更豐富儍爸的 ... 海老拉麵 (HK$85) 配料有糖心蛋、筍、日式叉燒愛肉食的儍爸 +HK$15 加配了份日式叉燒幼身麵條配上濃而不膩的豬骨湯，滋味好吃加上滿滿的櫻花蝦，味道更鮮甜香濃 ~~加配了兩款小食 ... 煎餃子 (+HK$28) + 雞軟骨棒 (+HK$28)儍爸揀了支好特別的 ... 綠茶可樂 (+HK$20)儍媽就揀了支排毒袪濕的無糖冷泡茶 ... 桂花烏龍冷泡茶 (+HK$18) ** 以上分享是以我的口味、體質和情況作出分享及感受，一試 / 合用與

依家有QR code 落單，沾麵可以揀冷/熱 麵質都有得揀軟/硬/標準海老沾麵 $85滿滿嘅櫻花蝦湯汁，沾麵個陣櫻花蝦夾住麵條，口感大滿足，啖啖香濃蝦味。麵的硬度選擇左硬，喜歡有咬口感覺，這款麵嘅硬度符合所想，食咁多次仍然保持水準。魚介豚骨沾麵 $79粗蕎麥麵條煙靭彈牙，沾麵湯底都有叉燒粒，湯汁濃稠，掛汁力極高。雞軟骨棒 $28本來以為係雞軟骨串，原來係嫩滑雞肉，包住入面嘅雞軟骨，食落卜卜脆，外軟內脆，口感獨特。配上醬汁，非常惹味。章魚燒 $28味道正常，粒粒章魚餡，size 比較細，不過同價錢成正比，純粹耐冇食想食可以一試。綠茶可樂 $20第一次飲，其實同正常可樂差唔多，綠茶味偏淡，試一次可以。

前排一生懸麵推出雪糕拉麵，好多人都話好食，嗰時想試，但要排長籠就冇試到。今次我哋六點經過門口，見到唔多人排隊，目測等兩張枱就有位，就嚟試吓～ 等咗唔夠5分鐘就有位👍🏻呢度有沾麵、拉麵同小食選擇～ 沾麵有五款口味，包括期間限定嘅牡蠣沾麵、特濃豚骨沾麵、辛辣沾麵、魚介豚骨沾麵同海老沾麵，麵仲可以揀熱/凍同軟硬程度。而拉麵則有四款口味，分別有白湯豚骨拉麵、海老拉麵、辛辣拉麵同野菜山拉麵，拉麵都可以選擇軟硬程度。海老沾麵 $85蝦湯非常濃郁，有好多櫻花蝦乾，湯入面有厚切豬肉粒。麵既份量男仔食絕對足夠，女仔會食唔晒😆 👧🏻揀咗標準麵質，食落有咬口！配料有叉燒、筍同糖心蛋，師傅輕輕燒過叉燒表面，好香口，食落入口即溶！白湯豚骨拉麵 $69白湯豚骨拉麵湯底非常濃味厚身。溏心蛋做到流心效果。叉燒半肥瘦，但又唔算肥膩，仲好有油脂香，入口非常軟腍。唐揚雞 $32用咗無骨炸雞，炸到外脆內嫩，有肉汁！啖啖肉沾沙律醬食，減去油膩感。雞軟骨棒 $28免治雞肉同雞軟骨整成既雞軟骨棒，雞肉嫩滑唔鞋口，食到雞軟骨既爽脆感，加埋沙律醬，好食！📍 一生懸麵 (旺角)旺角通菜街73號地下

《人氣匠心沾麵❤️》———————————————-#一生懸麵 🍜-呢間位於旺角鬧市當中嘅人氣小店，成日都大排長龍，我哋早排都專登去朝聖一下💥-🐽 特濃豚骨沾麵小店主打沾麵，選用粗麵麵條，掛汁力強😙 一放入去就沾上濃稠嘅湯汁，唔會死鹹，沾麵汁內仲洋葱絲同肉粒，口感豐富😎-🍤 海老拉麵成碗拉麵湯底都佈滿櫻花蝦，湯底鮮味突出，好香蝦味🦐 麵質食落帶有微微麥香，咬落好有口感！叉燒表面燒過，所以食落好香，而且肥瘦均勻，溏心蛋亦整得好好，好滿足😚-我哋仲嗌咗兩款小食，餃子煎得好香，口感爽脆🥟而唐揚炸雞炸到金黃香脆，雞肉嫩滑多汁，幾唔錯～-Sage 白桃烏龍有氣茶好特別，好少飲到有氣嘅果茶，桃香味濃郁，好fresh🍑 而綠茶可樂嘅瓶身充滿日式風格，汽水中略微淡淡嘅茶味🍵-⭐️價錢參考：特濃豚骨沾麵：$79海老拉麵：$85煎餃子：$28唐揚炸雞：$32Sage 白桃烏龍有氣茶：$20綠茶可樂：$20🍌抵deal 指數：/10💰人均消費：$180

每次都見大排長龍食唔到🍜今次見唔係太多人，等咗一陣好快就有位。哩度堂食改用QR落單既方便又快捷，比之前每人填一張落單夠哂環保👍小食點咗雞軟骨棒🐔煎餃子🥟一落單已經好快送上，即叫即整熱辣辣，食完剛剛好來拉麵😋🍜我點咗辛辣拉麵🌶麵底喜歡比較柔，叉燒都有2大片，肥瘦適中，配菜有好多筍同埋超級多椰菜，雖然辛辣但個湯底唔算太辣，我覺得味道辣辣地又唔錯，唔會辣到噴火🔥🍜朋友點咗海老拉麵🦐滿滿海老，個温泉蛋色澤好靚🥚麵底係幼麵，叉燒都係2片，個湯好鮮味濃郁，朋友食到尾飲哂d湯😂店員雖然好忙，但都親切有禮貌，價錢又唔算好貴，食物同價錢成正比，如果想食又唔想排太耐隊，建議平日2：30後，我地食完3：30左右走，已經冇乜人排隊😛