一樂小鍋 (已結業)

Happy Pot🍜 Makes me feel warm & happy💫..對於沙田這個地方 總有種情意結。雖然從前在這住得不久，但骨子裡 卻埋藏著一份特別既感情。趁住這天有時間 就想到沙田走走看看吧。隨住時代不斷變遷 馬鐵相繼通車，而甚少會搭馬鐵的我 決意搭到來石門，從未搭足過這個地方 感覺配感新鮮。馬鐵站附近沒有大型商場，來到小店用餐 卻多份人情味❤️呢。這次簡簡單單吃碗麵🍜，豬骨湯底堅稱不落味精 每日新鮮熬製。而配料選了：鮑汁花膠`韮菜燕餃`菜肉燕餃`蠔皇花菇`秘製金錢肚。想不到小店 竟然也有花膠呢，大大塊 算是驚喜之作。而花菇🍄 想不到也肉厚大朵 而炆得淋滑呢，算是另一驚喜。雖然小店食物 沒有令你留下好深刻印象，但年輕老闆經營既小店 看著他在店內共享天倫樂，這種畫面倍感溫情 也讓人感覺窩心。一路吃麵 一路看著此情景✨，大概這就是讓人難忘的滋味。..也許時代變遷 但這裡卻人情味未變💕。..

終於考完為期一個月嘅考試，就同左朋友去學校附近嘅石門搵嘢食，咁岩口痕想食車仔麵就入咗呢間鋪頭。可能時間尚算早，未到晚市所以冇乜人係鋪頭，咁都好，唔駛等，即刻有得食。鋪頭裝修得都幾靚，算清潔，環境都好光亮。我就唔係好肚餓所以就淨係叫咗餸，神奇地車仔麵店居然有鮑汁花膠食，另外仲叫咗蘿蔔，大腸，糖心蛋等等。車仔麵店來講質素都算幾高，花膠都大大塊，蘿蔔得夠入味，糖心蛋都一流，絕對係值得一試嘅餐廳。另外仲有叫咗咖喱魷魚，蜜汁雞翼等小食，反而魷魚唔算太特別，但係蜜汁雞翼都整得幾好食。價錢適中，位置方便，旁邊就係馬鐵站，下午茶同朋友幾個黎食都係一個唔錯嘅選擇。

石門越嚟越多餐廳，沙田友嘅我當然要去發掘新嘢食😂其實石門都有好幾間打邊爐，都試過哂，呢間打邊爐唔同嘅地方係佢主打海鮮及粥底，只係$218一位，非常抵食🧐湯底可揀豬骨湯或蕃茄湯，豬骨湯底清清地，最啱之後做粥底🤗喺先揀咗肉蟹、帶子、蟶子皇、海蝦及蠔，貝類仲有蜆☺️海鮮都幾新鮮 ，蟹唔算好大隻，但係勝在質夠鮮甜👍帶子都好大隻蟶子皇及海蝦🦐 都爽口鮮甜😋蜆就普普通通，都不錯😊 我好快食咗啲蠔，最後先知道原來應該留返少少做粥底😐哈！海鮮之外仲可以揀六款配料，揀咗安格斯牛有，牛香夠大塊，都幾好食西班牙梅頭夠林😎 炸魚皮真係新鮮炸起，不過多油咗少少，但真係好脆😍 韭菜個皮係綠色，覺得幾靚，而且入面脹卜卜，好多韭菜，食落好香口😋 仲叫咗魚蛋及油麥菜。飲品叫咗竹蔗茅根，店員話係自家製，飲落去清清甜甜，啱曬打邊爐飲🥃最後就到粥底，店員會加啲南瓜再煮，粥夠棉，幾好食。呢個價錢真係幾抵食！

最近好多時都係石門做野所以多咗係呢邊食晏今日我又過咗嚟呢度lunch有車仔麵仲有燉湯同事就揀咗個蟲草花桂圓竹絲雞湯材料好足，好滿足而我就揀咗呢個猴頭菇燉豬軟骨♥️♥️♥️冇味精都好夠味呢度每款湯都係$58好足料仲可以加麵亦都可以加$15有白飯仲有菜同埋一份小食仲有大碗飯餐仲會送埋飲品都係$38-$43呢度食晏都算幾抵嘢食都好好味呢度嘅服務都幾好㗎同埋最緊要佢上菜好快lunch食返講求速度🤣🤣啱曬我地呢啲返工一族平時少湯水嘅一定要試燉湯

沙田石門已成為沙田馬鞍山友的重要地頭。好多餐廳，中式酒樓，港式快餐，日式，西式，韓式，台式，東南亞等都有。尤其是港色懷舊菜重塑。除咗一D大排檔，冰室重新包裝，車仔麵亦有新穎包裝。今日中午同家人食呢間「一樂」就係。麵底除咗一般粗細麵，米粉米線。仲有新興的淮山麵，菠菜麵。配汁都可以揀。B餸選擇亦多。連花膠都有。花多眼亂，又心大心细係一般「餓底」人士選擇困難症常有病徵。好彩餐廳有「一樂八寶」，幫雞亦滷得入味，萝卜甜而冇渣，滷旦係溏心，正。小朋友叫左雞亦餐肉，蘿卜，青菜及魚皮。魚皮脆，午餐肉好厚。另一碗叫左花膠，好大塊，正。以上車仔餸係我推介。

石門站商場開左好多新的餐廳仔呢間開左一段時間，中午食車仔麵，夜晚就粥底邊爐中午車仔麵食過，好企理，食物質素唔錯，最鍾意佢既餃同調過味既食材，好似冬菇，牛舌同羅白都幾好味。最難得烏冬係彈牙爽滑個種，唔係平價貨。中午食完見佢晚市訂位有9折仲免加一就黎試下海鮮類都有好幾款揀，食材好新鮮，由其係個蟹同聖子王，好味!海蝦都爽甜，蠔仔打邊爐就一般般，反而留待最後煮粥就一流。除左海鮮仲可以揀6款邊爐食材，每人每款3件左右，睇落唔算好多，但食落超飽。最尾仲有南瓜，菜鋪，最重點豬油炸碎煮蠔仔粥，正!個豬油炸碎令到個粥好香，睇得出老闆有化心思，而且食材樣樣都唔係求其執出黎，擺得企理乾淨，抵讚食埋個粥，非常滿足。總結，食材唔錯，邊爐竟然唔限時，訂位真真正正九折，無加一後減返個隻，老闆有誠意制作，唯一座位唔算好坐，但值得再去。

石門係沙田小朋友學野既集中地，亦有好多特色小食店。今日係石門有攤位遊戲，玩完就入去京瑞搵食。阿女話想食車仔面，所以就去左一樂小鍋。貪佢餸同面底都好多選擇。落單係自己用雙頭筆寫係餐牌上，可 循環再用，夠環保。👍特色既食物有牛舌， 鹵水豆腐， 花膠，牛爽肉，豬腸片 ，淮山麵 ，菠菜麵等等。我腳傷初癒，剛好補補骨膠原，勁大塊花膠，雖然吾知咩魚，但骨膠原滿瀉。老公叫八寶面，有菜， 蘿蔔，雞翼，魚蛋 ，餃子，豬腸， 鹵水蛋，牛肋腩，相當豐富。

今日與朋友共4人，第一次光顧，食材新鮮，好難得地完全無味精，讓我們食出食材的原味！食店是兩口子打理，老闆年輕有為，與太太一個主外（樓面），一個主內（廚房），努力打併。老闆待客殷勤，與每檯都有交流，最後更親自埋檯為客人煮南瓜蠔仔粥，簡單配料，加上火鍋湯底，效果鮮甜無比，令這晚火煱有個驚喜總結。今次我們是食晚餐，比個貼士大家，試業期間，如預早一天訂枱，全單有9折！食材新鮮，賣清便不再入客。一間好有誠意的小店！非常值得支持！

原本特登想黎試個燉湯點知黎到店員話佢地每日會新鮮煲第二日既湯咁啱尋日清明，所以今日就無燉湯食😭都好既，証明夠新鮮，下次再黎試，今日食住車仔麵先___________________🔹一樂八寶 $48麵底揀左淮山麵，應該健康啲，麵質好似淋少少既公仔麵.叫得八寶就係貪佢有8款野食，乜都可以試下.蘿蔔 : 好大舊好甜魚蛋：係皺皮細細粒嗰種，會腥少少溏心蛋：意外地好食，好溏心豬腸：份量多，夠入味牛腩：唔肥，夠淋餃子：肉質實少少，口感似燒賣，幾好味雞中翼：得1隻，但好夠滷水味時菜：唔係是但人片就算，都有幾條架.湯底話係豬骨湯底，但就算加左腩汁，我都覺得味道略淡.🔹三餸麵 (花膠, 咖喱玻璃魷魚, 蝦餃, 菠菜麵) $52菠菜麵比公仔麵粗啲，口感係淋淋地.花膠大大件，雖然有啲唔夠淋，但都幾高汁玻璃魷魚都脆既，但唔夠玻璃辣汁幾香口，帶咸，好食過腩汁，唔夠可以問店員再拎.🔹飲品 ($6起)叫三個餸或以上就會送，最特別係有熱豆漿飲落有豆味，一啲都唔甜，好健康個人好鍾意

位於沙田石門京瑞廣場一期一樓139號舖的一樂小鍋，午市主打車仔麵和燉湯，晚市則主打火鍋和海鮮。店内的座位不算太多，如果晚上吃火鍋，建議先致電查詢。如果想點車仔麵，只要在膠餐牌上，寫下想要的東西。有較為特別的菠菜麵或紅茶頭麵提供，還可配一些辣汁。點了一客一樂八寶車仔麵，配料有蘿蔔、魚蛋、時菜、溏心蛋、豬腸、牛筋腩、餃子、雞中翼，配料豐富。個人頗喜歡吃溏心蛋，味道鹹香，頗濃醬油味。牛筋腩煮得夠軟，骨膠原充足。今次點了非油炸的准山麵，配五香腩汁。麵條能嘗到微微的准山味，質感不會太硬。車仔麵湯底主打完全不加味精，選用自家熬製豬滑清湯，感覺上較為清淡，可以吃到各款配料的味道。用膳後也不會覺得口渴。雪梨雪耳蓮子百合湯來到了，這款燉湯十分大碗，份量十足。燉湯可以升級為套餐，抑或加配白飯。燉湯也是不加味精，味道頗清潤天然。這款湯的材料還有南北杏、海底椰等，天氣涼的日子飲，特別暖身。個人覺得紅棗的份量可以更多，令燉湯再甜少許，便更美味了。

火鍋是中國源遠流長的獨創美食，甚至可以追溯至遠古石器時代，而香港人的打邊爐文化也是不遑多讓，除了無分四季，也深明取材新鮮，不時不食之道，尤其近年大行其道的海鮮粥底火鍋，率先享受新鮮美味的海產及肉類食材，再將那湯底華加入米粥烹煮進食，完全沒有浪費一點一滴薈萃其中的鮮味，那種中國人極至的食飲文化智慧，再次表露無遺。　　　　　　　早前我和朋友曾光顧一間專營海鮮粥底火鍋的連鎖店，火鍋食材蠻新鮮，價錢也算合理，只是地方實在有點狹窄侷促，尤其當客滿時候鍋爐齊開，除即被一片熱騰騰的火鍋蒸氣所籠罩，有時簡直令人透不過氣，有見及此，朋友近日特意介紹一間位於石門京瑞廣場內的海鮮粥底火鍋店，此間家庭式經營的小店，午市以售賣車仔麵為主，晚上搖身一變成為海鮮粥底火鍋店，雖然面積也不算大，但枱櫈佈置距離還算濶落，客人坐得舒服，全然沒有擠迫侷促感。食材方面，我們三個人選擇一set類似海鮮火鍋套餐，當中包括任選六款海鮮，內有生劏膏蟹每人半隻、帶子、鮮蠔仔、鮑魚、花甲、以及牛肉、豚肉、魚腐，以及自家製韭菜餃等。先評膏蟹，看上眼是斤兩十足，而且肉厚膏多又鮮甜，其他海鮮也是鮮味十足，可以吃得出其新鮮程度，其他火鍋配料味道也

星期天同朋友行行石門瑞京，掃下呢個商場的美食，見到一期一樓角落位置再開一間新餐廳，又有火鍋，又有車仔麵，最吸引我係個燉湯，可再加飯或麵，一於試一試。有三款湯可以選擇，我叫左個蟲草花桂圓燉竹絲雞湯，湯好清甜，無味精，除此之外，仲有紅棗同龍眼，平時甚少食湯料的我忍唔住食左粒紅棗！而且唔係細細盅，飲完都飽左一大半！員工姐姐招呼幾好，上湯千叮萬囑小心開個盅會熱親，原來加左張吸油的紙，燉得奈出油一定多。餐廳環境乾淨同坐位闊落，我地仲有窗口梳化位坐，靜靜地傾下計又過左‘一樂’下午

自從搬左出去住之後，真系無乜湯水滋潤～有時收工咁晏又無時間煲湯～做野又做到好攰～夜晚淨系想飲啖湯～石門呢間一樂除左火鍋之外、原來仲有車仔麵同燉湯飲～佢一盅湯都系$58～我揀左個蟲草花桂圓燉竹絲雞湯～聽個名已經覺得好滋潤。我叫左個外賣湯諗住返屋企飲～點知佢外賣湯系連燉盅加保溫袋！老闆真系好貼心，個湯除左真材實料之外，佢連外賣袋同保溫袋都落足本！個湯拎到返屋企都仲系熱辣辣，仲有煙出至於個湯嘅味道都無令我失望，湯料十分充足，除左有蟲草花，桂圓之外，仲有竹絲雞，紅棗等等～岩哂女仔飲，可以補一補，用竹絲雞又唔會燥熱～真系正丫！啖湯好夠味飲完覺得成身都暖哂！佢仲有好多湯渣，d蟲草花都比我食哂諗完一樂d燉湯～我唔會再買鴻x堂d急凍湯

最近天氣有啲熱, 心郁郁又想食海鮮火鍋有粥底火鍋食 ~ 好耐無黎沙田 睇遠少少就黎左石門呢度 食物海鮮質素幾新鮮 👍環境小店企理乾淨 服務態度卻有改善空間 整體都🆗的!點好食物後火鍋前配好醬料 , 倒豉油要注意不要太傾斜會容易倒瀉醬油已配備蒜蓉~ 醬油好好味 ~ 上菜速度方面都好快👍得閒都會清理枱上的食餘👍👍不過倒清理食物餘時對住我地食緊嘅嘢呢度就真係減左啲分·· 有個女店員就幾值得讚👍食蟹時幫我地拆埋蟹仲話俾我地知點樣食呢個粥底火鍋👍打邊爐烚下烚下就多話曬第一次食粥底海鮮火鍋真係要留肚食最後嘅粥呀!!!!因為··打邊爐嘅中途已經食到有啲飽😆講番食物·· 海鮮算新鮮👍 蟹好蟹膏同蟹肉😋其他海鮮都新鮮大啖肉呢!安格斯牛肉~ 還可以👍自家製手工餃~ 不過不失👍貢丸響鈴不油膩👍清脆幾好食👍最後嘅精髓❤食曬打邊爐嘅食物後店員會加入冬菜, 菜脯粒,南瓜粒,米煲12分鐘左右完成後加入自己加左啲蟹膏肉落去變左蟹粥😍個粥真心幾好食👍

石門近年發展迅速，馬鐵通車，新屋苑、商廈連商場落成，連帶人流增多，食店需求大增。家姐是在沙田區居住和工作的，見證了石門近年的發展。平時，她每星期都會到石門區的工廈上瑜珈班的，今天，我也跟她去學做瑜珈，挺好玩的!之後，她帶我去吃晚餐。店子小小，但老闆和老闆娘好nice，推介我們吃手工火鍋海鮮套餐，每位$218，免加一，超抵食，包食飽。還說，中午時段，他們有車仔麵和燉湯供應。這個套餐分4個steps，揀湯底、揀海鮮、揀配料和煮海鮮粥。我們揀了招牌豬骨清湯做湯底。海鮮交俾老闆去配搭，他說今天的鮑魚和肉蟹都好靚。配料就揀了牛肉、蜂巢豆腐、菜肉餃、粟米、菜、花膠仔。除了以上的食物，還附有一個豐盛的海鮮刺身作為頭盤，有鮮蝦、帶子、蟹柳、三文魚和玉子，樣樣都新鮮好食。我們叫了一樽老闆自製的竹蔗茅根水，一路食一路飲，順便清下熱氣。之後，火鍋食材來了，非常豐富喔! 老闆娘給予我們自己調的火鍋豉油，裡面有好多芫茜、蔥花和辣椒粒，味道不錯。肉蟹好大隻，好多膏，甘香味美。鮑魚大隻得來，好腍。菜肉餃是老闆娘包的，裡面有好多餡，調味恰到好處，非常可口。老闆說花膠仔是用了兩天時間去發的，所以好腍。蜂巢豆腐就好像海綿