一樂小鍋 (已結業)

石門站商場開左好多新的餐廳仔呢間開左一段時間，中午食車仔麵，夜晚就粥底邊爐中午車仔麵食過，好企理，食物質素唔錯，最鍾意佢既餃同調過味既食材，好似冬菇，牛舌同羅白都幾好味。最難得烏冬係彈牙爽滑個種，唔係平價貨。中午食完見佢晚市訂位有9折仲免加一就黎試下海鮮類都有好幾款揀，食材好新鮮，由其係個蟹同聖子王，好味!海蝦都爽甜，蠔仔打邊爐就一般般，反而留待最後煮粥就一流。除左海鮮仲可以揀6款邊爐食材，每人每款3件左右，睇落唔算好多，但食落超飽。最尾仲有南瓜，菜鋪，最重點豬油炸碎煮蠔仔粥，正!個豬油炸碎令到個粥好香，睇得出老闆有化心思，而且食材樣樣都唔係求其執出黎，擺得企理乾淨，抵讚食埋個粥，非常滿足。總結，食材唔錯，邊爐竟然唔限時，訂位真真正正九折，無加一後減返個隻，老闆有誠意制作，唯一座位唔算好坐，但值得再去。