一樂小鍋 (已結業)

一班好友聚會，最愛就是食火窩，大家一邊食一邊吹水就最爽，今次就聽住石門附近既朋友推薦來試一試新開既火鍋店「一樂小鍋」！位置就好方便，石門站隔離一出既商場裡面，在商場下面剛好又收到傳單，大大隻字寫住堅持不落味精！那就一於試試啦！湯底就選佢地既聲稱不落味精既精心熬製湯底，很清甜！完全唔似出面又重味精又濃味既火鍋湯底，我地今晚主打海鮮，食材方面真係要比讚！選擇好多又夠新鮮！仲要全部洗得好乾淨！除左海鮮，我地當然再追加一些丸、水餃、豬牛之類！水餃餡料勁多又好味，原來聽侍應講係老闆每日親手包。牛及豬肉都真心好食！如無記錯，豬仲要係西班牙豬肉，勁有肉味！食到尾聲，老闆仲即席用湯底煮埋個靚粥比我地食！將全晚食材既精華濃縮曬係碗粥裡面！真係勁好食！好鮮味！完全唔係用味精可相比！以呢個價錢有咁好既食物享受！下次食火鍋一定會再去！

一堆男人，除了打邊爐吹吹水，我都諗唔到有咩好做。今日來到石門，我們在水牌度看看有打邊爐的餐廳，就隨意選了這一家。我上了一下網，發現他們店的食物都頗為新鮮，決定試下。這裡是計人頭的海鮮火鍋餐，共有6款不同海，當中有蟹、有鮑魚，味味我都想叫。之後，跟自選6款火鍋配料，有牛，豬，墨魚滑，即炸嚮鈴……蟹很肥美，是爆糕的，鮑魚鮮甜，蝦是串好竹簽的，上台時還會動。海鮮很好吃。之後食了牛、豬肉片，菜。十分正!!!當我們食到9成飽之際，原本店員說還有一個海鮮粥。一位店員，很有心機的把鍋內的貝殼，剩下的食物撈起，再加入粥膽，南瓜，豬油渣，菜寶。海鮮粥的鮮味，非筆墨可形容。

夏天打邊爐，冬天更要打邊爐天氣不冷不熱，唔知食咩好，就打邊爐囉，樣樣有D。粥底火鍋食得多了，但在沙田區食，又不限時食，我們就找到呢間在石門京瑞廣場一樂小鍋。這裡是按人頭食的海解火鍋餐，每位$218，有6款海鮮、6款配料、最後食個海鮮粥。我們叫了個豬骨湯底，個湯底一過來時，我們已經聞到好香的豬骨香味。立即在未下海鮮時，試一口湯。可是，一點咸味都無，心諗係唔係廚房忘了落鹽呀。我舉手叫了店員來。店員很快就來了，然後說他們店的湯底都不含鹽和味精，要鹽的話可自行落鹽，店裡可提供。但他們提醒，由於海鮮帶咸味，故不建議在湯中再加鹽了。我們聽了下，又覺得有道理，不加鹽了。一直打邊爐，食海鮮，食配料，最後食海鮮粥。果然到最後個海鮮粥一點都不咸，很鮮甜。下次會再來~

今天帶小朋友過來石門玩，經過門口，聽說是堅持不落味精，NoMSG嘅，咁帶小朋友入去試下。我哋叫咗波菜麵，加埋蘿蔔，酸齋（呢個係我食車仔麵必叫嘅餸，唔係間間車仔麵都有），仲有店員推介嘅牛爽同花膠。小朋友那碗我叫咗菜肉餃子同雞中翼。碗麵上來時見到覺得幾大碗，飲啖湯先，都幾鮮甜，酸齋酸酸甜甜，某程度上偏甜少少，但係囗感同埋個汁都唔錯，蘿蔔而家係時令，應該系用高湯煮過，都幾入味。最令我有驚喜嘅系牛爽同花膠，花膠成只手掌咁大塊（老細真捨得落本錢）牛爽咬落去好juicy ，唔知以為食緊和牛咁。聽店員講D餃子係現場手製嘅，都係招牌產品。小朋友食得好開心，自己都食塞一碗，唔駛我鼓住她，呢樣嘢作為媽媽見到都開心。不過就係可能係午市時間，比較多人，所以出嘢慢d.不過試業期間人手唔夠都可以理解嘅⋯⋯

吃午餐，去鬆一鬆，我們公司同事一行4人來到1樓的車仔麵檔。環境很寬敞舒適，店舖內開了音樂，感覺幾現化輕鬆。我叫了碗車仔麵，4個餸，牛利、蘿蔔、糖心蛋和牛肚。蘿蔔很好，冇渣，清甜。牛利是剛熟，好香口，有少少微紅，我中意咁有少少生。糖心蛋靚，香滑。牛肚我就喜歡最軟多少少，不過可能其他人喜歡咁，有點兒爽，有口感。整體來說，很好味，食呢間車仔麵有重高級的感覺。我見旁邊台仲叫花膠，用花膠餸車仔麵，有種用周星馳用鮑魚餸公仔麵既感覺，好luxury ar 。唔得，明天來試呢個。

今天收工想吃車仔麵，石門有兩個選擇，一間三個正評三個負評，另一間只有兩個正評，沒有負評。心想選沒負評的應該比較穩陣，最終發現這個推論是錯的😥下午4點幾，店內一個顧客也沒有（心想：非繁忙時間也不出奇）。店內環境整齊潔淨，算是不錯。點了四餸米粉：豬大腸切成長條狀，有點硬和鞋口，味道還可以；青菜的味道也正常；蘿蔔太腍而沒有甜味，應是泡得太久了；蠔皇冬菇是最可怕的，賣相很好，可是咬下去質感極奇怪（鬆泡泡的一點冬菇應有的膠質也沒有），最弊是帶酸味，從未吃過這樣難吃的冬菇🤢麵的湯底標榜用不加味精的豬骨湯底，我覺得味道似係亷價日本麵店用那種現成的豬骨湯，而且湯不夠熱，只是微溫。其實麵的份量很大，店員的服務態度也不錯，但東西實在太難吃，只能給它一個負評，才能反映真像。

今日同男朋友去左食。新店嚟。覺得食物唔錯，海鮮，尤其是隻蟹幾好味。 我見人地有成條魚咁上，但我遲左一步今日魚賣完，sad!! 份量方面就我啱啱好，男仔可能會唔太夠，要追加。 建議整個vegetable任食嘅套餐。不過d食物質素唔錯。食完店員會幫你撈走d渣加飯落去整個泡飯，又幾好味。間鋪好似有湯飲，今日冇試。。。覺得佢呢間鋪頭好有心做，店員都好認真幫你，態度加分！小店嚟嘅所以支持下！大懶冇影相。。。話說打電話去有九折架好似。。今日walk in冇折下次會再去，希望到時正式營業！

呢間店新開，咁岩我們班寫字樓人Lunch hour, 就試下新店啦，因為周圍日日食，都幾厭下了，行多兩步上1樓試下。這店主打車仔面，燉湯，及海鮮火鍋。車仔麵由兩餸起。其實樣樣都吸引，寫寫下，就劃了好N個餸了，因為樣樣吸引。店員在我們入坐時，就你拎了4枝豆漿給我們，說是今天新店試業，故有得送。每日都送不同野食。豆漿好飲，夠香濃，但不會很甜。車食面到了，餸好多呀。其中一個餸，我選了花膠，都是加$12。花膠正呀，夠大塊，口感不錯。另外，原來湯底都是主打，店主說是不含味精，日日用豬骨煮成。難怪，我食落又唔覺口乾。天氣凍，我們多叫了盅燉湯，暖暖身。湯夠足料，冇味精。假日會帶埋班小朋友來，因為好少店咁講湯底不含味精，而我食過又確實是。要食好野，多行兩步上樓上，都是值得的。