一杯鐵板燒居酒屋

营业中

休息中

聖誕節假期嘅最後一日我同表妹兩家人一齊去左元朗摘士多啤梨，餵吓羊咩咩同兔仔，之後去左Yoho mall食dinner，我地揀左食日本野我地點左好幾款食物同點左四杯酒，玩完大半日，再飲返杯酒，爽呀😎一口炸雞-夠哂脆同惹味三文魚茶漬飯-味道好淡好似忘記落鹽咁鹽燒牛舌同豚肉露荀卷-夠Juicy大阪燒-份量夠牛油果蟹肉卷-好味道我地兩家人都食到飽飽😋

記得以前壽司好新鮮，特別必食係十盛壽司。但今日再試，已經發覺味道已經不如之前，壽司冇咁新鮮，飯份量冇咁大件，只有價錢不變。炸豬扒有味，豬扒有梅臭味。燒鱔飯好多骨，應該分開放，搞到全部飯都有細骨。飯好硬好乾身，所以成煲飯只有少量飯可以食到。鱔不是好新鮮，似煮左好耐，又老又乾身。不會再去食，出面任食壽司都好食過呢間，因為呢間價錢都不平。

星期日去食lunchlunch set感覺好抵食！！牛尾好嫩配飯簡直一流！！可惜鐵板燒牛柳感覺一般d肉多筋燒得唔夠juicy，燒過龍不過勝在多芽菜_(:з」∠)_個海膽蟹肉本身以為係刺身原來係壽司睇海膽隻色，其實有d唔新鮮⋯⋯我寧願食刺身海膽。不過價錢都實惠！整體感覺良好。餐廳環境正！

同朋友行開apm覺得有啲餓，就諗住去食鐵板燒。望到門口寫住佢哋係少鹽少糖食店就膽粗粗入去試。點知鐵板燒呀關西燒都可以少鹽少醬！認真驚喜。平時食鐵板燒都偏鹹，但呢度有得少鹽之後，就啱啱好，仲更加帶出肉嘅鮮味添😋😋

同朋友去食飯嗌咗一個黑豚厚燒同埋關西燒關西燒十分之足料嗰啲魷魚好有口感個黑豚厚燒新鮮出爐十分之好食個熟度啱啱好好有口感個鐵板燒仲有配菜同埋醬汁食落去唔會覺得寡可以一試

最近因為轉新工既關係，為自己製造左個小小空窗期比自己休息一下，順便轉換心情好好準備迎接下一個新挑戰。是日去左apm搵朋友食個lunch。今日就去左“一杯”度食個日式定食～今次叫左個燉牛尾set, 仲配左3款刺身&麵豉湯～$118/set. 刺身有三文魚，油甘魚，帶子，一如既往十分新鮮～最super係燉牛尾，真係十岀色，牛尾燉得十分軟嫩，湯汁十分濃郁帶好點點甜，本以為燉牛尾一定好漏，但佢濃得黎又保持到清爽，一d都唔會覺得油膩，十分滿足。同友人雖然只有短短一小時的見面時間，但一起吃上一頓滿足的午餐，互相訴訴苦，已經足夠樂上一整天了！

平時食飯時間行經過一杯舖頭出面已經見好多人，最近聽講佢仲成為咗少鹽少糖食店，所以今日就相約朋友去試下。我地叫咗兩樣野食，分別係關西燒二品同日本黑豚厚燒。個關西燒真係好足料，啖啖都食到魷魚，仲見都拉絲，少咗鹽都一樣咁有鮮味。個黑豚切得啱啱好夠厚，夠juicy，就算少咗鹽，絕對冇影響味道，再加埋出名有益既沖繩香檬調味，成個配搭又健康又好食~

以前都食過不過真係好耐好耐之前，今次終於有機會再食！2個人食叫左一個關西燒，一份壽司卷同1串雞肉同燒豆腐。關西燒叫左自選2餸，豬肉同芝士，有啲拉芝～感覺都唔錯 但豬肉比較肥 但味道好好～職員會問你洗唔洗幫手切開服務唔錯～三文魚卷真係超好食！係可以唔洗點醬油都好好食～三文魚係食得出有調味調又唔腥！好有驚喜😋串燒同燒豆腐就好一般比較推薦上面呢2樣！整體分數：7.72

呢間一杯係我幾年前既飯堂嚟因為佢係king parrot group既旗下餐廳嚟Join member會有得平今日再嚟食物依然不得了！但服務就差咗好多了我地接近9點到，都仲要等位就知餐廳幾受歡迎！都要等咗接近20分鐘門口reception中年男士店員態度極差指示量體溫，掃QR code係用呼渴既語氣問佢仲有幾多張又黑口黑面放位咁既員工出門口做reception係想趕客？入面裝修好有日本風味都好坐既但入面員工依然係黑口黑面無尾音係好忙定係待遇太差？我都不知道，但肯定既係食客感受係差既menu選擇好多，價錢中上合理有平有貴既先嚟既係 海膽蟹肉牛油果卷評分：9.5/10呢個組合好好食呀！加埋一齊夠曬鮮甜！！海膽夠甜唔苦澀，蟹肉淡淡既海水味，再加牛油果既口感真係不得了！貴都值呀又足料！外面紫菜亦都夠哂脆推薦再嚟既係 明太子年糕燒（＄30）同埋雞肉明太子評分：10/10呢個兩個真係好好好好食見唔見到D醬多到滿瀉！！！！！！好香口既明太子味年糕多脆內軟口感好正雞肉夠哂滑！又有雞味仲好食過專係食串燒既餐廳！！！真係誠意推薦大家食另外一道菜就係 關西燒二品評分：10/10係大阪燒簡兩餸我哋簡咗貝柱同雞

話觀塘係一個美食天堂並不是太誇張！呢間居酒屋由2018年已經都會嚟幫襯！第一次幫襯個時處於人生嘅低潮，食完之後有開心過既下！今日再返嚟食，正值人生嘅交叉點！兩個唔同情況下，其實個味道都係無邊度，環境都冇改變到，唯一就係大家都戴住口罩！服務都一直都好好嘅！第一次嚟食，那時係冬天，天色昏暗，一入到去，好似去日本咁！個日心情唔好，我個時好想新年去日本，但知道個年唔可行，咁就搵呢間餐廳食住先啦，一入到去好似去咗日本既居酒屋咁，勁有東洋風味！之後叫咗個刺身定食，個時坐咗喺吧枱上，雖然無sake ，但有杯熱飲，可以取暖！刺身定食有甜蝦、吞拿魚、油甘魚、三文魚、帶子、少量海膽同埋紫菜包住左吞拿魚碎！仲有個飯，當日嘅前菜係豆腐！包埋個麵豉湯！甜蝦就非常鮮甜，直頭可以食埋個蝦頭，蝦頭完全唔苦，直頭係高質素！吞拿魚喺出邊食係有魚腥味！但係呢度食，完全唔覺有，直頭係完美！油甘魚同三文魚，俾我預期其中還要好，我以為冇乜魚味，食落去，咁甜，勁鮮！直頭可以比100分！帶子雖然就唔係太大件，但我好滿意，真係非常之鮮甜！海膽雖然嗰時唔係季節但比個驚喜我，完全唔苦，且都頗為新鮮！good ！麵豉湯就比較濃，而且唔會太鹹

1/10 晚，九點前到，企企喺門口個侍應扮盲扮睇唔到有客，完全唔想招呼我哋入去。0 service。到真係入咗去，叫我哋去吧枱坐。然之後嗌完嘢，啲嘢食，就喺我哋面前清洗鐵板燒枱，嗰啲污水一路留到去我哋枱面,我哋要求轉枱. 再坐多20分鐘佢行埋你問我哋有冇last order我哋先知道原來我哋之前點嘅嘢係冇落過單!!! 足足等咗30分鐘!! 全香港嘅餐廳10:00收門, 9:30 焗住，去到第二間亦都嗌唔到嘢食。好過分！你好離譜！你其實佢哋啲Staff咁唔想返工不如執咗佢囉！希望你哋餐廳嘅老闆會睇到

明明吖兩餸要蟹肉小貝柱，冇左小貝柱🤪價錢照樣係兩餸錢 TT係軟身既大板橈，味道吾錯，有d蟹鮮味。環境似居酒屋🏮既，有幾個位 可以睇住廚師即整魚生盤、鐵板烤物，同大板燒。

觀塘APM呢間餐廳，晚晚都排晒長龍。今日難得準時收工，即刻飛奔過嚟。7點左右攞飛，7點半就有位啦～收工緊係要乾返一～杯～！好幸運地被安排坐喺鐵板前面，可以一睹師傅們嘅手勢。荔枝柚子梳打燒酌｜$48特大啤酒｜$98食物方面，首推：御好燒豚平關西燒｜$76因為可以睇住師傅烹調，睇得出佢既用心製作，每一個步驟都好講究。煮完即刻熱辣辣上枱，豚肉勁香，入邊隻蛋重流心㗎～～～～！另外，亦都可以自選toppings，揀自己鍾意嘅口味嘅關西燒。玉子鰻魚石頭飯｜$138個飯上台雖然其貌不揚，但經攪拌之後食落發現有好多鰻魚。加埋玉子嘅蛋汁、洋蔥同菇，味道都唔錯。鐵板燒鹿兒島和牛伴日本蠔｜$220和牛係得薄薄一片，蠔有三粒，仲有好多菇😂和牛比我想像中少，蠔就好正，脹卜卜，好好味。今晚人均消費$350左右，真係唔算平。不過要係觀塘區食到呢個質素嘅居酒屋，位置又咁就腳，諗落都合理嘅。會再翻兜關西燒。餐廳設加一服務費。#bigeatmango

叫了一個鐵板套餐，所有嘢嚟晒食曬但前菜沙律麵豉湯冇黎，叫一個名叫angel的服務員檢查一下還有什麼未到，態度超差，見我哋食完，就話已經上曬，我問係咪應該有個麵豉湯或其他嘢未黎，佢態度居然差到，總黑面扔菜單，完全呆左，心諗我得罪佢乜，食飯冇啦啦受佢氣，唉，以後都唔黎，食物好好但服務甘差，經理送上二杯飲品賠罪，但對我來講食物好味服務唔好真係好可惜！

APM長期排長龍的日本居酒屋"一杯", 今晚食早飯終於不用排隊可以食到, 不過我食完後感到有點失望, 可能自己對它期望過高, 加上價格比較貴, 性價比低的一餐 ☹️海膽蟹肉牛油果卷$198一上枱要立即食, 因為放耐咗紫菜已經淋晒. 卷物內有齊海膽, 蟹肉&牛油果材料, 最驚喜是卷物內有牛蒡, 進食時有一點爽口的口感, 整體味道不錯😋👍鐵板香煎豆腐$72簡單形容這碟是蠔油煎豆腐, 加日本香菇🍄日本黑豚厚燒$200用厚字來形容這塊黑豚豬都非常恰當, 不過肉質有點鞋口, 不夠juicy明太子年糕串燒$30吃不到明太子的味道, 覺得似一件沙律醬燒年糕. 年糕煙煙靭靭, 不過真係要一上枱就要即食燒日本長蔥$28日本長蔥質素永無得輸, 燒得剛剛好, 不會太乾燒雞軟骨串$28正常一串雞軟骨, 材料都是在市面上買到的燒雞中翼$32鹽燒雞翼質素正常