一杯鐵板燒居酒屋

营业中

休息中

位於apm 入面既居酒屋，去開觀塘既朋友都會知apm 呢間居酒屋，人流經常都好旺，可以提早訂位或者早到拎位！串燒系列唔會令人失望，價錢正常，唔太貴亦唔會太平。可惜忘記相機食先📸關西燒二品好扺食，一百蚊都唔使仲可以選擇2種配料，我當日揀左豚肉，另一個屋企人選擇山芋，如果揀芝士我估更好味，因為山芋唔太夾關西燒味道！餐廳食物種類多，入到內面儼如真的去左日本居酒屋咁。呢排無得去日本可以去下呢啲居酒屋可以止下癮🤤🤤🤤放工同朋友chill下🇯🇵🍻

太耐冇去日本🇯🇵，突然想食日本料理，慢慢坐、慢慢傾偈。黃昏6:45去到APM一杯居酒屋門前拎飛，等候人數唔多，大約等咗5分鐘就有位，但係被問坐吧枱介唔介意，我哋都唔介意嘅，原來係安排到近門口嘅壽司吧枱坐，不過唔緊要啦，都入咗嚟啦，環境係有啲嘈。如果坐吧枱，我建議坐鐵板燒吧枱，因為唔近門口，亦都可以睇住廚師整鐵板燒，一路聞住鐵板燒嘅香味，惹味嘅氣味一路刺激食慾會比較好風味！另外想一提嘅就係：櫈下面冇位置放袋，所以帶咗大袋嘅人，只可放地下，因為張枱好細。前菜方面叫咗 海鮮沙律🥗咁啱見到前面嘅廚師準備緊…海鮮沙律原來都好大碟、份量十足，而且入面嘅刺身都幾多幾大方，係成個刺身丼飯嘅份量，全部都係厚切一粒粒，入面有三文魚、吞拿魚、油甘魚、同埋兩隻甜蝦，刺身幾新鮮、好味，沙律菜混合左透明好似冰絲咁嘅東西，唔知咩嚟，但食落好爽脆，撈埋一齊食口感好好，而且配合埋沙律汁都好開胃。雖然$98都幾貴，但好彩食物對得起呢個價錢！海膽吞拿魚壽司🍣好期待呢個壽司，因為一幻想，舌頭已經大概有一陣鮮甜濃郁海膽味出現，吞拿魚應該會好嫩滑，好期待呢款壽司！但我食落去略為失望，海膽唔係鮮甜！比較偏淡！仲以為會食到好濃味鮮甜

食物：種類選擇款式多，感覺係食到啲唔係度度都有、間間日本餐廳一樣嘅嘢，感覺係廚師心機之作。食物質素不錯，賣相都係有心機，頗驚喜。價錢：4人食連飲品，一人四百左右，食得好飽，價錢合理環境：出色的，係商場入面做到濃厚日本居酒屋嘅感覺，無論係燈光、裝修設計、物料運用都做得非常不錯，四人既卡位做到適當嘅Privacy，令朋友聚會氣氛好好。服務：不錯，員工禮貌helpfulOverall: overall係好食同值得的，個別item性價比一般，會再visit

打電話問佢鐵板燒有無二人餐同最貴個餐有咩食，佢態度好惡劣，最後問完同佢講bye bye果之後佢仲cut我線，搞到我本身想去食都決定唔去，無理由比錢佢間餐廳仲要受佢氣，建議大家都唔好去食。

上次坐吧枱望住師傅整一份又一份嘅關西燒之後被驚艷了😮除左普通居酒屋形式嘅坐位，仲有一張吧枱同一張「鐵板燒」形式嘅枱，整體裝修十足十係京都條街行緊咁🎏豚平關西燒$76🥓個豚肉比想睇中嫩口，再加上中間有流心蛋🍳所以整體好濃郁，「滑一滑」嘅口感😋東洋卷$68🍥呢個絕對要襯熱食，真身係pancake包住鰻魚，牛油果，仲有多到滿瀉嘅蟹籽🥞個感覺同平時食卷物好唔同蟹肉牛油果卷$98🥑賣相真係好綠😂蟹肉同牛油果口感同味道都係比較mild，所以最主要嘅口感來自粒青瓜🥒岩一啲想食卷物但又唔鍾意太濃味嘅朋友仔～

好耐冇出街食飯，早啲出嚟食個午餐，大部份餐廳12點開門。嚟到APM搵食，經過呢間日式餐廳，雖然餐廳未開門，門口已有人等候，所以就揀咗呢間。入到餐廳，裝飾好好，好似去左日本咁。好多職員，分別有壽枱吧枱，食鐵板燒既吧枱，亦有普通座位，座位闊落。選擇好多，鐵板燒，刺身，壽司，丼飯，任君選擇。7號餐，三點刺身+6件壽司，再配湯烏冬三文魚切得太厚，其他都正正常常， OK的！午市B餐，燒魚定食魚好多肉，但調味就淡d整體，服務很好，加茶，落單，埋單，好快有人幫手。⭕️座位間有空間感，亦有磨砂板相隔

聖誕節假期嘅最後一日我同表妹兩家人一齊去左元朗摘士多啤梨，餵吓羊咩咩同兔仔，之後去左Yoho mall食dinner，我地揀左食日本野我地點左好幾款食物同點左四杯酒，玩完大半日，再飲返杯酒，爽呀😎一口炸雞-夠哂脆同惹味三文魚茶漬飯-味道好淡好似忘記落鹽咁鹽燒牛舌同豚肉露荀卷-夠Juicy大阪燒-份量夠牛油果蟹肉卷-好味道我地兩家人都食到飽飽😋

記得以前壽司好新鮮，特別必食係十盛壽司。但今日再試，已經發覺味道已經不如之前，壽司冇咁新鮮，飯份量冇咁大件，只有價錢不變。炸豬扒有味，豬扒有梅臭味。燒鱔飯好多骨，應該分開放，搞到全部飯都有細骨。飯好硬好乾身，所以成煲飯只有少量飯可以食到。鱔不是好新鮮，似煮左好耐，又老又乾身。不會再去食，出面任食壽司都好食過呢間，因為呢間價錢都不平。

星期日去食lunchlunch set感覺好抵食！！牛尾好嫩配飯簡直一流！！可惜鐵板燒牛柳感覺一般d肉多筋燒得唔夠juicy，燒過龍不過勝在多芽菜_(:з」∠)_個海膽蟹肉本身以為係刺身原來係壽司睇海膽隻色，其實有d唔新鮮⋯⋯我寧願食刺身海膽。不過價錢都實惠！整體感覺良好。餐廳環境正！

同朋友行開apm覺得有啲餓，就諗住去食鐵板燒。望到門口寫住佢哋係少鹽少糖食店就膽粗粗入去試。點知鐵板燒呀關西燒都可以少鹽少醬！認真驚喜。平時食鐵板燒都偏鹹，但呢度有得少鹽之後，就啱啱好，仲更加帶出肉嘅鮮味添😋😋

同朋友去食飯嗌咗一個黑豚厚燒同埋關西燒關西燒十分之足料嗰啲魷魚好有口感個黑豚厚燒新鮮出爐十分之好食個熟度啱啱好好有口感個鐵板燒仲有配菜同埋醬汁食落去唔會覺得寡可以一試

最近因為轉新工既關係，為自己製造左個小小空窗期比自己休息一下，順便轉換心情好好準備迎接下一個新挑戰。是日去左apm搵朋友食個lunch。今日就去左“一杯”度食個日式定食～今次叫左個燉牛尾set, 仲配左3款刺身&麵豉湯～$118/set. 刺身有三文魚，油甘魚，帶子，一如既往十分新鮮～最super係燉牛尾，真係十岀色，牛尾燉得十分軟嫩，湯汁十分濃郁帶好點點甜，本以為燉牛尾一定好漏，但佢濃得黎又保持到清爽，一d都唔會覺得油膩，十分滿足。同友人雖然只有短短一小時的見面時間，但一起吃上一頓滿足的午餐，互相訴訴苦，已經足夠樂上一整天了！

平時食飯時間行經過一杯舖頭出面已經見好多人，最近聽講佢仲成為咗少鹽少糖食店，所以今日就相約朋友去試下。我地叫咗兩樣野食，分別係關西燒二品同日本黑豚厚燒。個關西燒真係好足料，啖啖都食到魷魚，仲見都拉絲，少咗鹽都一樣咁有鮮味。個黑豚切得啱啱好夠厚，夠juicy，就算少咗鹽，絕對冇影響味道，再加埋出名有益既沖繩香檬調味，成個配搭又健康又好食~

以前都食過不過真係好耐好耐之前，今次終於有機會再食！2個人食叫左一個關西燒，一份壽司卷同1串雞肉同燒豆腐。關西燒叫左自選2餸，豬肉同芝士，有啲拉芝～感覺都唔錯 但豬肉比較肥 但味道好好～職員會問你洗唔洗幫手切開服務唔錯～三文魚卷真係超好食！係可以唔洗點醬油都好好食～三文魚係食得出有調味調又唔腥！好有驚喜😋串燒同燒豆腐就好一般比較推薦上面呢2樣！整體分數：7.72

呢間一杯係我幾年前既飯堂嚟因為佢係king parrot group既旗下餐廳嚟Join member會有得平今日再嚟食物依然不得了！但服務就差咗好多了我地接近9點到，都仲要等位就知餐廳幾受歡迎！都要等咗接近20分鐘門口reception中年男士店員態度極差指示量體溫，掃QR code係用呼渴既語氣問佢仲有幾多張又黑口黑面放位咁既員工出門口做reception係想趕客？入面裝修好有日本風味都好坐既但入面員工依然係黑口黑面無尾音係好忙定係待遇太差？我都不知道，但肯定既係食客感受係差既menu選擇好多，價錢中上合理有平有貴既先嚟既係 海膽蟹肉牛油果卷評分：9.5/10呢個組合好好食呀！加埋一齊夠曬鮮甜！！海膽夠甜唔苦澀，蟹肉淡淡既海水味，再加牛油果既口感真係不得了！貴都值呀又足料！外面紫菜亦都夠哂脆推薦再嚟既係 明太子年糕燒（＄30）同埋雞肉明太子評分：10/10呢個兩個真係好好好好食見唔見到D醬多到滿瀉！！！！！！好香口既明太子味年糕多脆內軟口感好正雞肉夠哂滑！又有雞味仲好食過專係食串燒既餐廳！！！真係誠意推薦大家食另外一道菜就係 關西燒二品評分：10/10係大阪燒簡兩餸我哋簡咗貝柱同雞