一本食堂

营业中

休息中

環境好闊落，坐得好舒服，冇限時好舒服！所有刺身都好新鮮，即日空運送到（特價）加拿大海膽：味道清甜，比較有質地同埋口感，微微既海水味+紫菜$10厚切三文魚：都唔需要醬油都食到鮮味，而且厚切既口感真系最好，冇腥味（特價）阿根廷赤蝦：要用巨型黎形容，好重蝦味帶子：超大粒帶子，超鮮甜，連醬油都唔洗點（特價）時令生蠔：今次既時令生蠔系法國空運過黎，濃濃既海水味，而且相對飽滿，即叫即開（特價）松葉蟹味增燒：店員好貼心，會幫我地燒埋同埋撈，有蟹肉蟹膏蟹子同埋鵪鶉蛋，燒熱左佢真系勁香勁重蟹味，配埋多士一齊食，真系一流滑蛋吉列豬扒鍋飯：配左金菇同洋蔥煮到淋晒超入味，豬扒大大塊吸收晒d汁，勁好味冷稻庭烏冬：配左蔥，姜蓉，芥末，同埋鵪鶉蛋，然後撈埋個烏冬一齊食，超清新，烏冬又爽口加洲卷：超大份，不過不失價錢好平，食物質素高而已新鮮，環境坐得舒服，性價比極高

雖然話係觀塘，其實牛頭角站仲近！基本上地鐵站一出5-10分鐘就到，都算方便。上到去餐廳地方好闊落，都幾多梳化位，岩晒一班人黎小聚會！環境以日本風情為主，日式燈籠、壁畫、清酒牆、天花板懸掛既油紙傘等。 係晚市推介入面，自選左幾款刺身做屬於我地既拼盤，包括一板加拿大海膽、珍寶赤蝦刺身、時令生蠔、帶子同三文魚。加$10要左份紫菜黎配海膽。所有刺身都好新鮮，最滿足都系海膽，好肥美😋！ 甲羅燒都算成餐飯最吸睛既一幕，職員好貼心咁幫我地燒埋，我地負責食就得😍。暖笠笠既蟹膏，簡單配上烘過既小方包，完美地夾！（必嗌‼️） 另外，大佬怕唔夠飽，仲嗌左果冷烏冬、鍋上既吉列豬扒滑蛋飯，同埋加洲卷。結果我地係低估左餐廳既份量，每份都好大份。我最欣賞係吉列豬扒一D都唔韌👍🏻。最後仲有兩杯海鹽雪糕，超級大滿足。

📍觀塘朋友係附近返工叫我陪佢食lunch，話呢間下午菜價錢好抵食，環境都坐得好舒服，我地叫左：-無頭甜蝦壽司(2件）$10-三文魚壽司（2件）$14-大甜蝦壽司(2件）$14-北寄貝壽司（2件）$14-牡丹蝦壽司(1件）$28壽司🍣比想像中新鮮，性價比極高-加拿大海膽壽司 $20 🌟呢個價錢食到加拿大海膽好抵，入口即溶，新鮮大舊-鮮茄牛肉湯鳥冬 $30 🌟份量勁大碗，湯底夠濃-百香果汁 $10 -赤蝦 $12🌟超巨型大隻，$12好抵！好鮮甜Lunch 好去處 😋👏👏👏一本食堂 (觀塘)觀塘鴻圖道30號3樓

咩都有嘅日式餐廳😂1. 火焰親子卷 $86幾特別 卷麥上面鋪咗一層三文魚籽 都幾大粒 同埋輕輕炙燒過嘅三文魚都幾新鮮 入面有青瓜蟹柳同蛋 再加埋個底秘製嘅醬汁 酸酸甜甜 幾易入口 打卡都幾靚2. 鹿兒島豚肉蜆肉鍋 $72個湯底有好多款可以揀 我就揀咗個青啲嘅豉油湯 幾清甜 同個蜆肉，豚肉都幾夾 豚肉蜆肉份量都OK 足夠兩個人share 仲有豆腐菜菇等等配料 個底仲有粉絲食 爽口彈牙3. 壽司（散叫）叫咗三文魚 甜蝦同蟹籽 三文魚都幾大塊 而且都幾厚 幾鮮甜 甜蝦都幾新鮮 而蟹籽都正常發揮 大大件4. 芝麻雞翼 $40幾香脆 有少少芝麻香 雞肉都ok滑 5. 玄米茶雪糕 （送）呢個係鋪頭送嘅甜品 每日嘅味道都唔同 玄米茶香十分出 少少甘 又有有少少米香 又唔太甜 質感有啲似雪芭 係香港製造 出面冇得零售咁買 黎食記得要食埋個雪糕先走 特別又好味…………………………………🌝日本料理食物種類應有盡有 滿足多個願望🌚位於鴻圖茶餐廳側邊嘅入口上三樓 要搵搵…………………………………

生日月食咗一間回味嘅日式餐廳【一本食堂】餐廳位於九龍塘同牛頭角之間，喺嗰邊翻工嘅朋友仔有口福啦🌸🌸🌸餐廳入邊有美麗嘅日式場會，仲有一棵櫻花樹可以打卡。環境開闊舒服。 頭盤：法國🇫🇷新鮮即開生蠔唔需要點賬，加啲檸檬汁就夠鮮甜多汁嘅生蠔😋 前菜：三文魚碎蟹子沙律🥗三文魚嘅分量好多，配上脆口蟹子真係好開胃，補充一日蔬菜分量 串燒：🍢碳燒雞肉串 & 汁燒帆立貝你嘅串燒種類都好多，適合放工去飲翻杯🍻 主食：黑松露醬大蝦炒飯🍛黑松露嘅比例啱好，唔會太鹹。配合大蝦，鹹香美味，食唔停口。 主食：野菌雜菜豆腐鍋🍲可以選擇多款唔同嘅湯底，豬骨，醬油等。麵底都可以揀烏冬或者粉絲等，適合鐘意清淡又愛健康嘅減肥人士。 主食：香芒🥭芥末脆脆卷(8件)賣相造型都一流，每件卷物上有唔同醬料，芒果醬或者芥末醬。見入口，酸酸甜甜，帶微辛。今晚最喜歡嘅食物😍😍 小食：烤雞泡魚乾🐡係一款送酒小食，亦都係我最鐘意嘅小食啊！比起魷魚幹更香口😋😋飲品：🍇巨豐乳酸蘇打🍓荔枝乳酸蘇打 甜品：飯後仲送兩杯冇得賣只有送嘅雪糕🍦餐廳話，每日都味道都唔一樣，今次我地食到嘅係芒果味。 總體嚟講，餐廳野食份量足，環境舒服，適合三五知己坐喺度，慢慢

今日行完觀塘海濱經過見到樓下易拉架，見到推廣有珍寶赤蝦刺身，好似好吸引😝我地就黎左依度試下，環境感覺舒適，乾淨衛生。佢地既綠茶好特別，茶葉係杯底一加熱水就飲得。茶味都好濃。今次我地叫左珍寶赤蝦刺身，好味又好抵食，夠大隻味道又鮮甜，仲抵過係donki自己買來食好多。同埋叫左幾款串燒試下，分別係燒鮮冬菇，燒翠肉瓜，燒和牛粒串，同燒雞翼。燒冬菇同燒翠肉瓜都燒得岩岩好，仲有汁水係入面，亦唔會醃得過重。雞翼既調味都好好味，又夠香，值得一試。再點左黑松露大蝦炒飯，係用珍珠米黎炒，粒粒分明，食落好有咬口，而且黑松露味真係好香，但又唔會過濃，配埋爽口既蝦肉，十分好味，分量亦都好夠。另外店員都好服務，座位又舒服，餐廳日系裝修可以短暫幻想下去左日本，超懷念👍👍👍

最近同朋友去觀塘食飯，意外發現左呢間佈置精緻+食物抵食嘅餐廳，性價比好高☺️見到櫻花樹🌸同日本傘，就幻想下去左日本一趟！滑蛋吉列豬扒鍋飯只需$68，滑蛋香滑，估唔到飯底下面有金菇，吸曬d汁，加上脆香豬扒好match另外，炒軟殼蟹都幾惹味、香中帶辣，雖然係和式菜但帶幾分避風塘風味😆軟殼蟹都幾多肉，好滿足朋友就點了壽司來食，款款都超長刺身，好吸引呢！估唔到係觀塘搵到間咁性價比高嘅餐廳，好適合同friend去傾下計，食下唔同款式日本菜

我本身係觀塘返工，每日都經過鴻圖樓，見到3樓有間日本野。由外面已經見到入面樓面好大，裝修充滿日本風味，比佢吸引左，決定今日放工後去食。食日本野點少得新鮮刺身，我地叫左三文魚、帶子同劍魚。每塊都好厚切😱😱😱，帶子超甜，食得出食材好新鮮👍🏻唔單止味道好食，師傅將刺身排列得好靚，賣相好吸引！壽司方面，我叫左超長鰻魚壽司😍鰻魚超彈牙，配上厚厚既鰻魚汁真係好好食🥰另外，我仲叫左一碟肥牛蟹籽炒飯。值得一提既係炒飯唔會好油。肥牛好入味，而且份量好多，建議兩個人share就岩岩好❣️最後試左一款小食：吉列炸蝦。一碟有4條，即叫即整，上菜時仲熱辣辣架，咬落去好鬆脆，好正！

鍾意日式料理的我，今日就去到鴻圖道30號嘅「一本食堂」。 餐廳食物選擇，除有鮮魚刺身、壽司、卷物、串燒、鍋物、天婦羅……等多款日式料理外，仲有滿滿香濃蟹膏的甲羅燒，時令推介就有，鱈魚白子、水母刺身、金目鯛刺身、活鰻魚串燒等。 珍寶赤蝦刺身珍寶size的赤蝦，真有如手掌大小，價錢都只係$9隻，赤蝦非常新鮮，蝦頭蝦身緊緊連接，蝦頭內蝦膏，入口滿滿蝦膏清香，蝦肉肉質彈牙，入口鮮甜，真是必食之選。 香蒜牛油炒雜菇雜菇跟香蒜係絕好配搭，再加牛油炒，入口清爽，美味。 火熖壽司拼盤吞拿魚、帶子、三文魚、劍魚腩、佐口魚裙邊、芝士甜蝦等6件壽吞拿魚、帶子、芝士甜蝦，火炙後，口感仍然彈口，魚鮮鮮味更突出三文魚、劍魚腩、佐魚裙邊，肉質軟滑軟腍

*此餐廳收取加一服務費。火焰壽司拼艦（單點$118），包括有三文魚壽司、鮮帶子壽司、吞拿魚壽司、佐口裙邊壽司、劍魚腩壽司、芝士甜蝦壽司，每款壽司食落都好新鮮。燒鰻魚定食（單點$86），燒鰻魚飯，表面鋪滿紫菜、芝麻，鰻魚肉質厚嫩，充滿蒲燒醬汁味道，配菜有椰菜、小棠菜；味噌湯，內有豆腐、昆布；蟹籽沙律，表面鋪有美乃滋，內有蟹籽、蟹棒、青瓜。日本磯煮鮑魚刺身（單點$45），肉質彈牙，味道正宗，帶有醬油、昆布味道。炭燒雞肉串燒（單點$23），雞肉嫩滑，帶有炭燒味道。鹽燒豚肉串燒（單點$20），油脂味濃。汁燒茄子串燒（單點$14），比較油膩，味道甜鹹。汁燒翠肉瓜串燒（單點$14），食落好Juicy，味道清甜。鹽燒雞軟骨串燒（單點$14），口感爽脆，食落好香口。馬刀貝手卷（單點$15），肉質爽口。熟蝦手卷（單點$13），肉質薄身，味道鮮甜。健力士黑啤啤酒（單點$28），泡沫厚身，麥香味重。麒麟啤酒（單點$22），飲落好清爽。2杯沖繩海鹽雪糕（贈送$0），味道甜中帶鹹，食落好清新。2杯綠茶（跟餐$0），茶味淡香。

前排在openrice見到呢間係觀塘佈置幾特別嘅居酒屋🏮有櫻花🌸樹佈置，於是約了朋友去下。估唔到原來係好抵食的，而且款式都幾多，有壽司、刺身、甚至係料理、冷面都有，幾百蚊就可以食到好滿足😆🍣特長燒鰻魚壽司真係意想不到的咁長，幾乎有成隻碟咁長😆鰻魚燒得好香，而且照燒汁好入味，大大啖鰻魚肉好抵食。🍣雜錦壽司A擺碟精緻，壽司刺身同樣好長，有三文魚、立魚、蟹子、黃金魷魚、加州卷成14件壽司好豐富！加州卷粒粒飽滿，而且飯同配料比例好均勻。🍜盛岡冷麵麵質煙靭透明，配搭酸酸甜甜嘅鰹魚湯底，配搭幾特別，好味得來幾開胃，啱曬夏天食！下次去開附近可以再來食個抵食日本餐！

今日嚟到觀塘食日本嘢，叫咗個松葉蟹味噌甲羅燒，蟹膏上面再加上少許蟹肉，味道濃郁，滋味非常，再配埋麵包就更加好食！叫咗個三文魚親子丼，三文魚子份量都幾多阿根廷赤蝦，$9隻大大隻好鮮甜，幾抵食。時令生蠔都係$13隻，好食過酒店自助餐生蠔，蠔肉夠飽滿❤️❤️三文魚腩(4片），魚腩位夠肥美👍🏻，而且魚肉厚身口感唔錯炸軟殼蟹反卷(6件）沾滿好多蟹子，份量足夠串燒叫咗活鰻魚串，鰻魚夠厚肉，鰻魚汁都做得唔錯、鹽燒雞軟骨串，正常發揮，落多啲辣粉會更加好食🤣

今次發現觀塘呢間日本餐廳幾高質！入面環境好大好舒服，唔使同人迫🤪🤪因為太肚餓啦所以一次過叫咗好多嘢食，呢度有炸物、串燒、鍋物同埋壽司！諗住叫一個主食，見到佢個鵝肝炒飯幾特別於是試吓～估唔到鵝肝炒飯又幾入味，除咗鵝肝之外仲落咗一啲肥牛同埋瓜粒去炒，所以飯粒都好香😍😍😍😍仲有鰻魚壽司，係巨型嘅鰻魚，味道都唔錯，都好抵食🤭🤭跟住仲叫咗一啲串燒，牛脷、雞軟骨、鹽燒雞翼～好好味，好想叫多啲唔同款！食完咁多嘢之後仲食左雪糕😂👏🏻👏🏻👏🏻非常滿足嘅一日！

去咗觀塘行下，見到樓上鋪有一間日本餐廳就試下～食物種類都幾多有串燒、揚物、鍋物同埋壽司等等～～～兩個人叫咗一個鵝肝炒飯、天婦羅軟殼蟹～•因為怕太飽肚所以就冇乜叫太多壽司，淨係叫咗一個特長鰻魚壽司同埋一客炙燒三文魚壽司鰻魚壽司果然冇失望，上枱果下真係好大條成功吸引我注意力🤣🤣🤣❤️❤️❤️❤️••串燒方面就有雞軟骨、鹽燒雞翼、牛舌～幾鍾意食呢度嘅串燒，好好味，款式又多👍🏻👍🏻👍🏻👍🏻👍🏻下次搵多啲人就可以食多啲唔同嘅款🤣••仲叫咗一份芝士年糕小食😆😆😆好好味😋

上網見到朋友食左份好吸引嘅「甲羅燒」，等我又去試下先～～.。甲羅燒：無錯，為左佢，我黎食呢一餐🤣🤣好香濃嘅蟹膏味😋😋，趁熱搽上脆卜卜嘅多士上面，真係勁好味 + 勁抵食👏🏻👏🏻👏🏻下次可以再encore.。$68 刺身：包括有吞拿魚＋立魚+大甜蝦+海膽+北極翡翠螺，呢個價錢食都咁多款式嘅刺身，仲要夠凍夠新鮮，性價比超高！海膽、翡翠螺都好出色，好鮮甜👍🏻👍🏻👍🏻.。蟹籽沙律：無諗過會係咁大碗嘅蟹籽沙律😅，仲要勁多蟹籽，3-4人食都夠晒！.。火焰壽司拼盤：魚生都算厚切，質感特別豐富～～仲有我至愛嘅左口魚邊～一口魚油味，好滿足🥰.。照燒雞扒拉麵：份量十足，飽肚之選～～雞皮係煎香脆口嘅～～唔錯！