一木小料理 (已結業)

My Order:Lunch Set ($75) x2常常在午膳時間經過都要排隊等位，趁著是下雨天來吃個小料理。裝潢以木為主調，夠簡潔舒適，跟某大型日本品牌旗下的咖啡店相似。午市每位$75先選三道菜，再選要飯或沙律還包了一杯飲料。餐點都很日式和健康，份量的話男生吃可能不太夠。Lunch Set: 沖繩苦瓜蛋/秋葵木耳山藥紫蘇柚子汁/四日市風汁燒豬排,白飯,凍薄荷橘子茶沖繩苦瓜蛋的苦瓜較生，所以較苦和硬。秋葵木耳山藥紫蘇柚子汁很開胃，酸酸的有山藥和秋葵，一整個健康的味道。豬排是唯一比較下飯的，可能是在汁中浸了太久，味道太咸了，沒辦法單吃。Lunch Set: 鹽麴煮南瓜/燒鯖魚伴青醬/韓式豬腩肉配泡菜,白飯,凍薄荷橘子茶鹽麴煮南瓜很香甜，熟的程度也剛好。燒鯖魚跟飯是很好的配搭，但份量有點少。豬腩肉肥肉的部份佔太多了。

同老婆計劃10月31號最後一日去灣仔睇月亮影相,同埋食下飯, 好地地影完之後見隔離間日本嘢..門口幾好.所以去試下!坐低落單人手唔夠, 落落下單之後個waiter幫佢老細執枱/上菜lol....吉烈牛肉嚟到之後..係非常之生, 之後同老細講...佢話:我哋個吉烈牛肉"係咁樣"......態度你可以想像到.."係咁樣"我同老細講可唔可熟少少呀冇咁樣血淋淋, 佢話再熟啲就食唔到.....另外佢嗰個苦瓜蛋超吸油...."油浸苦瓜蛋"

同朋友慶祝生日飯，所以揀咗依一間望落去幾有格調嘅日本餐廳。裝修的確不俗，扮文青影吓相都幾靚。可能六點幾去到唔算太晏，去到嗰晚唔使等位。入到去都好快有茶水招呼。我和朋友點左幾個餸同每一碗飯。題外話，啲餸名好特別。大部分餸都幾好，而值得推介的是四日市風汁燒豬扒煮得好軟熟。我同朋友都食到唔停口。而明太子玉子燒都有水準，食得出佢足料。另外都推介嘅係茄子。佢煎得好香，但係超級油。其實都幾唔健康，偶爾一次兩次就好了。至於飯方面我朋友叫咗三文魚茶漬飯。我偷食咗幾啖，覺得正正常常啦。但價錢就真係貴左啲喇。總括嚟講呢餐都算好食，但其實真係幾貴同埋唔健康，而且重點係我哋兩個女仔二百元都食唔飽！！😨😨每個餸嘅份量都好少，但價錢並不便宜。如果有男仔黎食咁點算？

一行四人去食呢間甘岩果排利東街擺左個巨型月亮 呢間舖望出去都睇到喎未嗌野食果陣 已經黎左個小食 係芝麻醬凍豆腐 芝麻醬點乜都好食 我地嗌左幾款野 薄荷乳酪配秋葵個醬味道幾得意有朋友用左個醬點埋其他野食自家製薯餅size有啲細味道都無咩特別 明太子玉子燒玉子甜甜地又夠滑同明太子夾埋既味道又幾match柚子汁燴牛筋柚子味有啲淡所以牛筋食落就唔係好夠味明太子茶漬飯貪得意嗌左呢個又係份量好少每人食得1-2啖紙藏雞個人覺得除左係用紙包住隻雞之外就無咩特別最後有枝豆不過都係無咩特別整體其實都係覺得野食份量有d 少 所以食左甘多款野食之後都唔係好飽.. 不過店員服務幾好又有靚景睇傾下偈都幾開心既 !

午膳時間在灣仔揾餐廳食飯不容易，因為實在有太多OL一齊出動去揾好吃的，我們一班人都早點出發。經過廈門街發現一間日式小店剛剛新開張，裝修簡約，餐牌上的餸菜看上去也很健康，決定一試。午餐定價$75，可選三款餸，配沙律或珍珠米飯，再加一杯飲品。我選了茄子田樂燒、秋葵配薄荷乳酪和蕃茄濃汁雜菌配粟米，配熱八寶茶。茄子燒得不會太乾，還有甜甜的醬油味。秋葵配乳酪的組合特別，像個小沙律，酸甜清新。蕃茄濃汁雜菌配粟米不過不失。值得一讚的是店家的餐具很精美，令人賞心悅目，唯餸菜份量真是偏小了。

平日午飯時間路過灣仔厦門街，見呢間餐廳出現人龍，橫掂唔知食乜就諗住試吓，由於我一個人食，排了一陣便有位，有時一個人食飯都有好處😆午餐可從多款餸中任選3款，再配一個飯及一杯飲品。我選了三文魚、秋葵及南瓜。份量剛好，味道清新，感覺健康，香港很少這類型日式餐廳，值得推薦！

自去完沖繩後便愛上了苦瓜炒蛋，咁啱知道呢間新開日式料理有呢道菜，於是去開書展前過黎試試！間餐廳雖然地方唔大，但裝修好清新幾舒服！我地兩個人叫咗明太子玉子燒、汁燒豬扒、沖繩苦瓜炒蛋、「醋煮」三文魚（忘記了exact name) 、三文魚茶漬飯。個苦瓜炒蛋有啲滑蛋feel (本人喜歡煎蛋多啲），不過個苦瓜有久違了嘅沖繩味道。個醋煮三文魚幾有驚喜，凍食得嚟唔鯹，個汁同三文魚酸酸地，好入味，夏天食好開胃！下次黎想試下咖喱（因為見隔離枱食好香）

中式三餸飯就食得多，日式三餸飯就真係第一次食。今日叫左茄子田樂燒、秋葵配薄荷乳酪、韓式豬腩肉配泡菜。我同意有個食評話分量係小，普通男仔未必夠食，我有點運動量既人就絕對唔夠食。所以最後我加多左個飯（唔駛錢）就夠飽喇。咁講返啲食物先。基本上各樣都幾好味。個茄子唔油，個味都幾好。個秋葵配乳酪又幾過引，甜甜地酸酸地又幾清新。韓式豬腩肉呢個味唔係就咁拎啲泡菜撈埋就算數。我覺得佢有啲日式既煮法，用左麵醬去煮左個汁，所以唔會咁悶。

夜晚黎到呢間新開既家庭式餐廳，以為會健康（日本家庭worr)但其實滿不健康的。食物是五花肉和薯餅吃完挺肥膩的。餐廳裝修挺別緻的，看得出有花心思，可是份量真的很少，而且很不划算。這樣兩個小菜要～150，不知道是灣仔租太貴還是怎麼了。一個人吃真的不能來，可能叫多些人一起可以多叫幾個菜可能比較好。薯餅挺好吃的，五花肉也不錯，侍應的態度也很好，就是沒辦法可以不看價錢點東西吃🙈如果價錢或是份量可以調節一下就好了。

今天原本想食曰式咖哩，誰知走錯路，錯有錯著，被我發現了一間日式小店，主打家庭料理，雖然不是日藉人士但水準算不錯。午餐一律$75，可選三款餸，日本珍珠米飯或沙律，再加一杯熱/凍飲料。冲繩苦瓜蛋，鹽麴煮南瓜，秋葵木耳山藥紫蘇柚子汁，三款是我選的，沒有肉類非常健康。沖繩苦瓜蛋炒得好嫩滑，苦瓜食落爽口。南瓜好腍好滋味。秋葵木耳山藥紫蘇柚子汁都ok 呀！雖然沒有什麼花巧，但勝在夠清啖。至於珍珠米飯，點都食唔出係日本米嚟囉！整體水準不錯，有家的感覺。

清新簡约，驚喜！ 剛開户口，正好讚一下這小店。服務好，食物新穎又好味！不得不讚前菜，甜蛋+蟹子，很特別！侍應亦介绍午餐，有幾多選擇，又有沙律，要揾機會試下！只係等位有D耐，下次只早D到！

店內、外裝修吸引，給予日本小店感覺。餐牌設計獨特，以木板作外套，餐具也很和式食品方面不是太多選擇，但都很精美。味道還是一般，不過不失。最欣賞都是日本feel, 員工也有禮貌及動作慢慢的，似足日本不似香港人急著完成

上月中有一天行經廈門街，發現這家新開的日式家庭料理店（應該開業兩個月了），當時是平日，門外有一條候座的人龍。日式家庭風的小砵料理，香港始終不多，畢竟不是千篇一律的居酒屋呀鮨店呀，那時只是望了一眼便有深刻印象，記著要找天造訪。見到用心營造清新日系的木桌和精緻的食物，決定週六一訪，不過不像得平日般有lunch set，花費相對較多。不打緊，就是因為剛從日本回來，和風的簡單美味還在舌尖徘徊著，多付一點都想細味那份惦念。跟周遭的某些餐廳一樣都是在星期日休息，要欣賞漂亮雅緻的木桌，就得日間前來，而週六的午間該是最不繁忙的日間了（總比星期一至五好吧）。十二時多前來，當時店還未有客人，但不消半小時，店坐得九成滿；到一時左右離座，更有人在門外等候了。跟友人說了很多遍，我真的很愛這個色系的木桌，是因藍和啡拼湊出具新鮮感的和諧。店內的牆壁沒什麼特別的裝置，就是由色彩諧和但會喚醒眼球的桌椅譜出寫意的和風。不是一味的純白拼灰便叫「簡約」，這是一種「有顏色」的簡約風。沒有平日的lunch set，只好單點，就像酒樓叫小菜白飯的模式，在想吃的眾多菜式中挑了幾個少見的。用的器皿多數跟lunch set 三小砵的一樣

今日見得閒咪過灣仔揾女朋友食飯囉，女朋友話要試新開嘅日本嘢。一去到已經排晒長龍，唔通真係咁好食？入面都幾細，唔知有無門錯，好似只係坐到22個客人。等等等，足足等咗20分鍾終於有位。Lunch set 可以揀三個餸，一嚟真係嚇咗一跳，份量咁細嘅？咖喱牛肉只得兩件，咖喱唔道味道都ok ，但牛肉真係好韌，咬到牙痛。辛味蕃茄流心蛋幾得意，唔算太辣，但係蕃茄好酸。秋葵木耳山藥紫蘇柚子汁幾特别，木耳都幾爽口，成碟嘢好似好有營養。75蚊就係食咗咁多嘢，好唔值，連我女朋友都話唔飽，真係無下次。

灣仔新開的餐廳，我又怎可能不試呢？這種環境和裝修很有輕鬆慢活的感覺 ，但午市時段實在太多人了，感覺上好像很趕似的。餐廳走的是家庭日式料理路線，午市能選擇三個主吃，然後配白飯和飲料。聽起來有點像香港的碟頭飯。我選了，，。賣相可愛，但份量卻很小，男生來應該不夠飽了。日式咖喱牛肉只有兩舊，但應該煮得太久了，咬下很硬。四日市風汁燒豬扒不錯，肥瘦分明，煮得夠稔。我最喜歡是三文南蠻漬，三文魚是冷的，吃起來酸酸的，很開胃。但為什麼裡面有半塊魚的？十分奇怪😂餐飲的八寶茶味道也很特别，我喜歡