一幻拉麵 (已結業)

上年試過佢哋嘅櫻花蝦拉麵點知原來已經冇咗🤦🏾‍♀️今次就試吓佢哋嘅招牌蝦湯拉麵($88)🍤.湯底方面我揀咗適量豚骨口味方面就揀咗鹽味麵條就揀咗幼麵另外亦都有好多配料可以加例如叉燒、溏心蛋、多蔥等等.蝦味都幾濃郁 不過冇櫻花蝦嗰款咁濃叉燒半肥瘦唔錯整體來講冇乜大驚喜 不過不失上菜都算快 lunchtime食都唔使太趕👍🏻.除咗拉麵之外 佢哋仲有冷麵同拌麵另外都有叉燒飯、蝦味飯團可以揀細細份做下午茶都幾好👍🏻

最近好耐冇食拉麵，而且一向都少有蝦湯拉麵，所以就揀呢間拉麵店食dinner。．呢間拉麵店主要以蝦湯為拉麵湯底，所以我哋都點咗兩款蝦湯拉麵。.拉麵價錢雖然唔貴，而且都幾大碗，但係味道只屬一般，湯底唔算油，不過即使整體蝦味唔係特別濃，湯底都可以過鹹，食完會好口渴，所以唔建議揀「濃厚」湯底。而麵質同叉燒都係正常水準，糖心蛋就整得幾好。整體來講，拉麵唔係話唔好食，但係就太濃味。.招牌蝦湯拉麵 $88.辛辣味噌蝦湯拉麵 $88基本上冇辣味，如果想試蝦湯，可能點招牌蝦湯拉麵更好

一幻拉麵周不時都會排晒長龍，除咗係因為佢好好食之外，另一個原因應該係因為越食越平！本身上個月幫襯左一次之後，送咗兩張$50現金券，好似消費$100就可以用一張。我覺得成件事係好吸引嘅，所以一直袋住左張券，到就嚟到期，就特登嚟食。點知佢竟然推出左個$148 二人餐包左兩碗可以自己自由配搭嘅拉麵，兩份餃子（總共有六隻），再加兩個飲品面對如此吸引嘅組合，同埋依個相宜嘅價錢，實在令人無法抗拒，就係咁，由於係特價嘢，張$50券用唔到囉🙄🙄🙄🙄🙄其實都幾唔鍾意啲餐廳，一邊出現金卷，一邊又出一啲其他優惠，根本都冇心俾你用張現金卷嘅😫😫講返個餐拉麵係好食嘅，不過我覺得味道偏鹹最鍾意面頭嘅紅姜天婦羅粒粒👍🏼有少少脆脆地，但又會比湯浸林左，配埋啲面一齊食口感豐富😁😁我覺得個餐最令人震撼嘅，係飲品方面，竟然可以揀波子汽水！好味！波子汽水啲汽係勁過可樂，飲每一啖都覺得好gur 😄😄

見佢咁多好評，所以我用某網站半價去試，點知失望而回。叫咗招牌蝦湯拉麵同餃子，揀咗粗麵，拉麵無幾耐就到，一食完全唔覺有咩特別。粗麵又唔彈牙，口感無特別，唔難食，但亦唔出色；湯就得個咸，無蝦味，同埋好油！我食幾啖就要飲水同抹咀，食一碗麵抹咗起碼6、7次咀！服務都唔見得有幾出色，我叫咗餃子，佢漏咗單，我提佢，個員工一d歉意都無，嗰時間鋪得3枱客，一d都唔忙！香港好多拉麵好食過佢，服務又差，絕對無下次，講完！

嚟自北海道嘅一幻拉麵每次經過都聞到好香嘅蝦味終於食到啦🥰.我揀咗signature 嘅純蝦湯鹽味拉麵蝦味真係特濃頭一兩啖會覺得湯底唔夠濃郁但係一路食蝦味就會一直喺口腔入面累積越嚟越濃烈成個口都係蝦嘅感覺🦐🦐🦐🦐🦐🦐🦐🦐🦐好似將一個海洋喺口入面融匯❤️

晚餐想食拉麵~ 於是同男朋友詢問日本朋友，問咗佢哋覺得喺香港邊度有好食嘅拉麵介紹一幻拉麵就係其中一間！行到店舖門口已經聞到好香嘅蝦味男朋友叫咗個招牌蝦湯拉麵而我就叫咗個餃子嘅套餐呢個套餐非常之抵食$128就有一碗拉麵，一份餃子同埋指定飲品依家飲品仲有買一送一 非常優惠另外我哋叫左個香味蝦飯團先講個拉麵份量非常足，有兩片叉燒同埋半隻糖心蛋，而且蝦湯非常濃郁，好食餃子就普普通通，冇乜特別蝦味飯團 有蝦嘅鹹香味道 都好食整體嚟講 鍾意蝦湯嘅朋友 必試!服務方面侍應非常貼心 見男朋友着白色恤衫 主動提供餐用圍巾 仲主動介紹餃子套餐 更加優惠 值得一讚

餐廳評分 (最高為5️⃣)味道 ：😻😻😻😻環境 ：😻😻😻😻Cp值：😻😻😻服務 ：😻😻😻價錢：😻😻😻近年興起大量過江龍來開分店，拉麵店都有不小，最多人知道既一定係一蘭拉麵。今次食喱間一幻拉麵都係來自日本北海道既過江龍，主打以豐富嘅鮮蝦🦐湯味為賣點。中意食拉麵嘅我，一定要試吓有幾出色。一入到店內，已經聞到濃濃既蝦味，店內環境簡單樸素。由於小編10分喜愛食辣，見到佢餐牌上有香港限定，辣味蝦湯拉麵，好奇心驅使下就要左個黎試下。黎到，見到個拉麵都幾靚仔。湯頭顏色都係深啡色，一飲落去好有濃濃既蝦味，而因為我要既係辣味，所以蝦鮮味之後，又有一種辣辣地既感覺幾新奇，同埋好刺激食慾。而拉麵我要既係粗麵，麵條粗幼度適中，不會話太粗難入口，又不會太幼冇咬口。麵質都算係彈牙有咬口，而且拉麵最重要是能夠掛湯頭，每都口拉麵都食到麵質，再加上湯既蝦鮮味，一幻拉麵都做得到，可見麵質上係花左d功夫。而叉燒係兩片，肥瘦適中，都合格的。如果可以大塊小小，就更好。感覺兩小片有d唔夠喉。總結，一幻拉麵湯底係濃濃蝦湯風味，做得十分出色。

提起日本拉麵，一幻必定係其中之選。剛好經過灣仔就好想食返一幻拉麵啦，必點既當然係佢地既招牌蝦湯拉麵。蝦湯拉麵$88我地選擇左原味蝦湯底，食到最原汁原味。蝦湯底味道果然真係又香又濃，一口拉麵一口蝦湯，真係好好味👍🏻口味方面我地選擇左推介既鹽味，唔會蓋過原本蝦湯原味既香濃，口感好配。麵條就選擇粗麵，夠彈牙。整體黎講，拉麵湯好濃郁鮮味，好滿足☺️如果喜歡蝦或者海鮮拉麵既朋友一定會好喜歡。餃子五隻$55每逢食拉麵都會配小食餃子，呢款餃子味道不過不失啦👍🏻

6月23號晚未夠十點入到去， 成間舖得兩個客， 一坐低職員話last order叫我落單無問題， 我都唔想阻人收工， 但點餐過程中嗰位女職員不斷cher我， 不斷提last order…… 其實成個點餐過程都唔過兩分鐘， 俾人諗下都得掛🙄好啦之後畀錢， 張單上面餃子盛惠35蚊我叫左拉麵， 餃子同飯糰， 食物質素唔差嘅， 但當我睇到poster上面大大隻字寫到明拉麵加18蚊任食餃子， 食完之後就走去問收銀櫃檯附近女職員， 佢竟然話因為last order冇得加送餃子所以收正價， 我同佢理論話你last order我唔加點冇問題， 但價錢冇理由收double $35蚊掛…… 即係話任食多過五隻收18蚊， 你唔任食畀五隻你收35蚊，make sense嗎？？之後嗰個女職員好晦氣咁講，畀返差價你"囉"我想講，我冇屈你嘅， 最後收番佢差價17蚊都背脊骨落😡希望管理層， 甚至乎日本總公司可以正視職員培訓， 同服務態度嘅問題

有些東西不許沉醉。北海道的一幻叫人沉醉，濃濃的蝦湯，跟叉燒及麵條相融合，入境北海道時吃一遍，出境時再吃一遍，回港後間中就閃過那些畫面，不就是沉醉了嗎？一幻初來港報到時當然把很多忠粉都吸過去了，但不是那味兒。今次因為5月分的優惠，再去一次，而且大膽地點了撈麵=.= 喲呵！究竟是甚麼味道！➡️ 特濃蝦汁叉燒拌麵 $88，蝦汁本來就跟北海道的不一樣，不要緊，預咗，而這蝦拌麵就像中華肉碎撈麵似的，粒狀叉燒，整碗油油的，味道層次欠奉，實在很難跟北海道的一幻扯上關係。➡️ 招牌蝦湯拉麵 $88，還是招牌較好吃，雖然都不是北海道的味道。➡️其實不是那麼差的（拌麵真的不要再點），只是我們都沉醉於某個畫面某些味道，要是沒有北海道的比較，她還是值70分的。

前排5月份生日有免費拉麵所以試下​環璄幾寬躺，不過d凳坐得唔係幾舒服仲有得叉電tim 都叉得幾快碗麵正正常常​，足料既不過塊肉可以厚啲​個人覺得湯底唔算濃，好過其他拉麵店食緊都要狂飲水​

作為日本麵控嘅我遇到呢間由日本嚟嘅過江龍梗係唔可以錯過啦！今次我就食咗灣仔呢間一幻拉麵。我嗌咗佢最招牌、最出名嘅蝦湯拉麵。一飲過湯果然冇令我失望，聽店員嘅講解佢係熬咗好多個鐘而成嘅蝦湯，飲落非常之濃郁，而且個味好重，啱晒鍾意食重口味嘅我。個叉燒都係不得不讚嘅，因為佢肥瘦度適中。而且嗰度糖心蛋整得好靚，入口即溶。我同朋友仲要嗌左餃子share～呢間拉麵店真心好食，大家喺附近返工放lunch不妨試吓。

一直想試尼間拉麵，咁岩發現一幻拉面有生日免費午餐!生日正日只收取加一服務費，值得試下。雖然未能飛出香港，但都感受下氣氛先﹗先試炸醬麵，炸醬麵定左係幼麵。叫左少麵，炸醬麵偏甜，無唸倒炸醬麵有三隻大蝦，炸醬好似變左配角，炸醬有小粒叉燒，海量青瓜係亮點？青瓜絲多到碗飯咁多，女仔叫少麵又有青瓜食都幾健康。第二碗叫左蝦湯，叉燒真係有驚喜！無唸過叉燒可以咁好食!脂肪令叉燒食落入口即溶，而且食兩塊唔覺肥。醬油味拉麵同蝦湯既夾。叫左紅薑天婦羅，店員分開比，口感同味道都幾特別，配拉麵食減少個湯既油膩感。為左試粗幼麵配唔同湯/醬既分別，我偷偷地將幼麵加入湯麵，將粗麵加入炸醬，粗麵配炸醬麵還好，幼麵配蝦湯真係怪怪地，唔知比老闆見倒會唔會鬧我第三碗忍唔住都係要湯麵，叫左蝦湯配濃厚豚骨湯，拉麵是味噌味，但整體食唔出豬骨湯味，食落比較油。總結叉燒同紅薑天婦羅係值得一試，而衛生環境就有待改善。

第一次中午去見門口排左8-10人因時間關係食唔到令我對厘碗拉麵更期待今次1點前去到竟然唔駛排隊我們都點了招牌蝦湯拉麵一碗加適量豚骨(鹽味)幼麵$88一碗加適量豚骨(味噌)粗麵$88兩個口味不同但完全吃不出分別蝦湯非常濃郁所以喝了很多對我來講，一碗好吃的拉麵湯頭是最重要（個人偏向重口味）可惜的是食完未走已經好口渴要不斷飲水我和朋友整個下晝都好口渴麵質粗幼可因應個人喜好選擇個人較喜歡博多幼面湯汁濃稠掛麵叉燒蛋標準水平餃子$35皮薄餡料多，好食必點如無意外，不會再光顧

呢次用餐係1月中嘅事了不過依排先得閒打返食評😚友人介紹用其他apps嚟book位可以有40% off 不過要食17:30，但為咗40%我可以！🤪—————————————————————咁就帶咗一個招牌蝦湯拉麵揀咗適量豚骨同鹽味🤤另外值得一讚嘅係店內員工服務態度超級好勁nice姨姨會向我哋介紹麵酥叫我地試下話係佢地招牌，仲驚我哋會唔太喜歡所以就另上俾我哋試下🥺湯底真係濃嘅濃蝦味配上姨姨介紹嘅麵酥，又幾好食脆脆地又有啲薑味，但又唔好超薑味鍾意食蝦湯底嘅人一定好滿足不過個人麻麻地蝦湯xd整體來講都唔錯🤤 仲要啲員工好多都好好態度仲要有40% off🤪都幾抵食