一幻拉麵

营业中

休息中

總結1. 記住！記住！記住！用訂座App Book開店時段有半價！初試一幻必定記住！2. 每款蝦拉麵都非常滿意😋不會失望！3. 蝦味飯糰非常特別👍🏻味道似炒糯米飯嘅飯糰Version但冇咁濟！想試呢個早鳥Discount好耐1130就嚟到 間鋪門都未開🤣入到去叫左味噌蝦拉麵和濃蝦湯拉麵半價後加配料亦毫無負擔😃食落係濃蝦湯 惹味得嚟鹹度適中麵嘅軟硬度亦可以選擇 麵條較粗 掛汁度高總體評格高👍🏻半價後係尖沙咀海滂用雲吞麵價錢食到正宗北海道拉麵 簡直無可挑剔

呢間海港城人氣拉麵店，每次經過都好多人排隊，今次放假仲唔比我坐到海景位，海景位約7個左右，我平日約5點半左右來到，剛過下午茶時間，又未到晚市，黃昏時間，見到有海景位，即刻入坐啦！點了1) 人氣原味蝦湯拉麵，口味(鹽味)，幼麵感想: 湯低勁熱，蝦味好濃，飲晒啲湯，正2) 辛辣味曾蝦湯拉麵，粗麵感想: 湯低勁熱，感覺同日本食個啲十分相近，少少辣，义燒唔太肥，加埋啲湯汁，望住個海嘆拉麵，好chill, 要encore 總結: 雖然知佢有五間分店， 論CP值，環境，海港城最高，因為有無敵海景，價錢一樣，相信大家都識揀

一幻拉麵，又係星期日用埋啲海港城coupon。食呢間午餐一要早啲去排隊，去到條隊已經20人，但因為食拉麵的人流比較快，我12pm去到，排了15mins 入到去食，餐廳環境幾大，坐位都舒服。今次order 招牌蝦湯拉麵，辛辣蝦湯拉麵和餃子，基本上比一張點餐紙，自己揀喜愛嘅麵條，湯底，基本上同一蘭相同。首先講招牌蝦湯拉麵，超有蝦味，湯底屬濃郁，麵條屬於中性厚度，麵條冇一蘭嗰啲咁幼身。本身跟半隻流心蛋加兩塊叉燒，另外碗麵有一啲麵酥（紅薑天婦羅）脆卜卜好好食，分量都算足夠。跟著係辛辣蝦湯拉麵，比之前嗰個多咗辣味，當然蝦味就冇咁突出，同樣跟半隻留心蛋加兩塊叉燒。最後試吓嗰餃子就中規中矩，正正常常。兩個麵加餃子一共$233，以尖沙咀食飯來講，性價比高。我用埋海港城coupon簡直超值。總結：食得多一蘭都悶悶地，尤其是近期一蘭質素下降，喜歡蝦的人，相信亦都係一個好嘅選擇。

疫情前去過北海道， 食過一幻拉麵， 從此對呢碗麵念念不忘！ 眼見香港呢間都開咗一陣子， 但身邊嘅朋友都係劣評香港呢間拉麵。 由於真係太耐冇去旅行， 決定唔聽其他人評價， 決定去試一試！一家三口豚骨拉麵、蝦味飯團、餃子、叉燒飯等等。拉麵湯底同北海道嗰個冇得比，呢個味道淡淡， 唔濃郁， 所以俾人劣評都唔係冇原因。 叉燒飯冇特別，唔order都冇損失！餃子凍冰冰，個皮好後，唔建議order! 蝦米飯團係有少少蝦味，但塊紫菜有少少濕濕地！ 整體感覺其實都真係幾差，呢間餐廳打住北海道過江龍嘅名號，但質素同北海道嗰間餐廳絕對冇得比，建議如果真係食過北海道正店嘅朋友去試呢間餐廳之前要諗清楚！

🇯🇵望住海解單思病🇯🇵推介指數❤️❤️❤️❤️🤍終於意外地去食日本過江龍一幻，lunch時間排隊嘅時間比預中短，香港人lunch時間1個鐘，行來行去仲要排隊… 好趕呀⏳一人套餐HKD99都幾抵，任選指定拉麵一碗、小食一款同飲品一款，仲可以半價追加小食。🍜「香港限定」辛辣味噌蝦湯拉麵✨蝦湯飲落蝦味濃厚，濃稠度剛好。麵條點選咗粗麵，食落彈牙。配料有半隻溏心蛋同兩片叉燒，同樣有質素！🥚溏心蛋1隻✨小食可選擇木耳、味筍或溏心蛋，作為蛋控秒決啦，而且仲係一隻。溏心靚仔又軟滑～🧊可樂✨飲品係罐裝可樂，有紅罐同黑罐選擇，要飲就飲肥樂😌總結：-食物❤️❤️❤️❣️🤍環境❤️❤️❤️❤️❤️(望住大太陽睇海景，心情都靚爆心)服務❤️❤️❤️❤️🤍.··🏠 一幻拉麵 (尖沙咀)📍尖沙咀廣東道3-27號海港城海運大廈地下OT G59號舖

行行下海港城突然想食杯面拉麵唸起一幻未試過。自己本身又好鍾意蝦湯底嘅拉麵咁就岩曬La.8:00pm可惜太多人.等左半個鐘到先入得.所以冇得揀海景位坐.下次黎一定要對住個海食先正.第一次食一幻拉麵緊試下招牌蝦湯拉麵啦。我哋叫左一個套餐$99再散叫一碗Wow第一啖果然香濃。喜歡Lee個湯底好食 👍🏻👍🏻不過個麵就硬左D.我叫正常都係煮得太硬.如果冧返DD應該會好食好多加左2 份餃子不過餃子真係麻麻地wo.下次淨係食碗拉麵就得啦。再加左個涼拌木耳嘩Lee真係好有驚喜wo.佢係酸酸甜甜個種黎同其他拉麵店加的木耳唔同.好好食.推介Lee個😋😋下次真係要加2個至得😋😋唔錯的一碗拉麵

今日黎到海港城，由於友人想食拉麵，於是就走咗黎幫襯一幻，黎到條人龍都唔短吓，等咗大半個鐘終於都入到去。入到去叫咗兩份限定一人套餐（$99），拉面叫咗招牌原味蝦湯，有份小食同可樂。個蝦湯有蝦味，如果個湯底有啲櫻花蝦補吓鈣就更加好，友人果個既幼麵鹼水味太強，懷疑係趕時間整，啲面未去得切鹼水味，好彩職員都肯友善咁換個碗，而且建議粗麵會冇咁重鹼水味。拉麵嘅份量都多，食完都好飽。不過食完回程嗰陣時就真係好口乾。

收早去行下，又去海港城睇下日落。睇完日落又係搵食時間～有少少掛住呢間拉麵店，行到過去見到有個新口味，就食佢！北の極番茄蝦湯拉麵$78濃濃蝦湯加上番茄，就是多左少許甜甜的味道！拉麵我比較喜歡食幼麵，原因單純地係因為幼麵能夠沾上更加既湯😍仲有食一幻拉麵，紅薑天婦羅係必定要加架！叉燒正常，唔算太特別！番茄食落幾爽，有番茄味！叉燒飯$45飯上面嘅叉燒比較瘦一啲，一絲絲咁，味道唔算十分突出，試一次就夠啦！整體評分：⭐️⭐️⭐️⭐️PS. 下次都係食返最愛嘅辛辣味噌蝦湯拉麵😗

呢排好喜歡食拉麵，今日又來到海運食拉麵，如果可以坐到窗台位就好啦！有維多利亞港陪食麵特別好滋味。細閱一輪餐牌最後決定限定一人套餐 $99🥢豬骨豚骨拉麵湯底用上豬骨熬製故特別香濃有肉味，麵條煙韌帶富彈性，味筍好正好入味又爽口。👍🍺加 $20 札幌啤酒🥢特濃蝦汁叉燒拌麵 $88湯底勁香蝦汁鮮味好出。🥢叉燒（3片） $30口感軟腍有嚼勁，肉味香濃脂肪比例剛好不會太肥。🤤🥢餃子（5 隻）$35煎得香脆醮醋汁提升味道有助解膩。對日本拉麵來說超抵食。👏👏

♾繼續🇯🇵🍜♾#海景配拉麵#尖沙咀➡️《一幻拉麵》🦐🍜💡加分位：有一行窗邊位望維港海景，chill住嘆！🎇🌌*主打甜蝦湯拉麵既一間店*🔷#招牌蝦湯拉麵 🍜💰$88(湯底用北海道產的甜蝦熬成，再蝦油、豬油、蒜蓉薑蓉以熱鑊爆）💬湯底頭幾啖飲落都幾驚喜，嗒得出好濃郁既蝦鮮味同蝦膏香，食到一半就開始膩，可能因為揀咗濃厚版太濃同比較稠身，而幼麵同叉燒都係正正常常。🔶#特濃蝦汁叉燒拌麵 🍝💰 $88（以蝦頭、蝦湯、蔬菜等熬煮成特濃蝦汁，再加入蝦油、蒜蓉、蝦味醬油煮成特製拌汁）💬粗麵彈牙好多，汁係惹味既咸鮮甜加上蝦油香！叉燒就係切成小件都係冇乜特別，個人更喜歡拌麵！ 👁‍🗨係尖沙咀想慢慢嘆個拉麵都係個好選擇，Btw唔知點解成日都見呢間野做優惠😂

一幻拉麵店係來自北海道札幌，7月在荃灣開第5間分店了。我想試好耐，今日決定去這間海港城分店，有無敵維港海景，可以望住海景食嘢，感覺真好。食下午茶套餐，包括麵，小食，飲品。$68,加一，合共$75.揀了招牌蝦湯拉麵，原味，味噌，粗麵，有麵酥(紅薑天婦羅)，原味蝦湯，我覺得已經好濃厚，不是太膩，有蝦味。粗麵是我鍾意的正常粗幼拉麵，軟硬適中。麵酥，好快淋，要快啲食。蝦味飯糰: 好大一個飯糰，飯有調味，入面是小蝦仁，味道新鮮，好味。

由總店長林直樹先生創過江龍拉麵店推介, 款式都好多元化,湯底味道好香,三種蝦湯底選擇,純蝦湯,豚骨蝦湯,濃厚豚骨蝦湯.更重要係價格便宜, 最近做緊推廣提供左100內拉麵套餐.餃子做緊半價,品種豐富.憑著香稠濃郁甜蝦拉麵, 用上北海道蝦頭熬湯,新鮮製作絕不隔夜.來自北海道札幌品牌,鮮甜蝦湯用大量甜蝦蝦頭熬製,新鮮,真材,實料,拉麵爽口彈牙十分濃,令人飲唔停嘅湯.叉燒肥肉分明.麵條粗身有咬勁.雞蛋流心蛋入味, 有蛋香.日式煎餃,蔬菜肉餡為主,用佐料醋醬油,個底煎得脆.包著滿滿肉,菜比例好好.

見有coupon所以就試試😝全部都係🦐. 令我好掛住新宿既蝦湯拉麵. 拿 但唔會甘比較既！🙊可以望住個海景食真係唔錯. 不過怕熱人士日頭坐窗呢邊就會有點熱.我選了招牌蝦湯 配 濃厚豚骨. 原本以為我選嘅口味會有點複雜 兩頭唔到岸甘 點知出嚟又唔會. 但個蝦味就唔會太出. 朋友選了招牌原味. 我比較喜歡佢呢個😆不過我地都一致認同好似咸左少少麵質煮得剛好 配埋粗麵 好掛湯 好有咬口！叉燒唔會太肥. 加$30 多 3pcs食拉麵點可以冇煎餃佢本身個水完全唔凍. 只好加$叫凍飲

另外一間海港城我成日會去食既店🤣幾乎每次都係叫招牌蝦湯拉麵湯底濃郁，拉麵硬度適中，蛋夠溏心！叉燒就一般。麵酥好酥脆，一定要快D食，如果唔係好快就會浸淋哂。半價左抵食

今天去海港城行商場，行到有啲攰就去左商場搵野食，見到有一幻拉麵，我地就排隊試下。都排左一陣先入到，餐廳地方都大，環境都唔錯，唔會好迫。我地叫左特濃蝦汁叉燒拌麵，辛辣味噌蝦湯拉麵，木耳小食，同煎餃。拉麵黎到，先試下個湯，真係好濃郁既蝦味，好鮮甜，拉麵亦都好爽口，雖然辛辣湯其實都唔算好辣，整體係好好味。特濃蝦汁叉燒拌麵都好味既，但係都係配埋湯好食啲，有湯可以昇華成個拉麵，木耳小食感覺係中規中矩，煎餃子係唔錯既，只係應該係太多客感覺係煎好左一堆預備定。