一幻拉麵

营业中

休息中

行開尖沙咀想睇住個靚海景🏝食嘢？但又想食平啲？一幻係唔錯嘅選擇😂不過望唔望到海景就要睇彩數啦～我去咗兩次都坐唔到海景位😭一人尊享套餐($99)(另收加一)招牌蝦湯拉麵(適量豚骨+醬油)+溏心蛋+零系可樂我叫咗招牌蝦🦐湯拉麵，可以根據自己嘅口味揀味噌、鹽味或醬油，我鍾意濃味啲，所以揀咗醬油，加埋適量豚骨嘅湯會稠少少，但唔會蓋過本身嘅蝦味，味道更豐富😋幼麵唔會好淋，都掛到湯👍🏻溏心蛋🥚蛋味夠香，有淡淡醬油味，跟套餐有多一隻溏心蛋😍好滿足～唯一失望嘅係兩塊叉燒，食落有陣雪味，偏嚡口😢上次食好似無呢個問題，希望下次再食會好啲環境﹕7.5/10抵食﹕7/10味道﹕7/10

一幻初初開的時候排到開哂巷的畫面我都仲記得，終於同朋友行開見冇咩人排隊去試左啦。一幻大家都知道係食蝦拉麵為主，作為一個沾麵朋友，都要入鄉隨俗，叫個蝦拉麵黎試下架啦。招牌蝦湯拉麵麵底的份量適中，不多不少，而面頭就有糖心蛋，叉燒咁。叫得招牌，當然有佢嘅過人之處，湯底的蝦味好濃郁，因為先前未曾試食任何的蝦湯底，所以感覺都幾鮮幾好味。唯一覺得係略咸左少少。餃子餃子就正正常常，都無咩太特別，不過不失。主要係因為餃子配上酸的餃子汁，好開胃，所以一般都會叫黎食下

我對蝦湯食品好情有獨鐘，所以去北海道時已經食過一幻拉麵，無得返郷下，梗係掛住日本美食一幻拉麵我食過好多次，不過我最鐘意都係尖沙咀呢間，因為可以對住無敵維港海景，以食拉麵既價錢就有如此既享受，CP價係超高呀!當然，除左個境之外，食物質素都一流啦! 其實我去過佢第一間灣仔分店，當時我覺得味道不及北海道。所以都無諗住再食，不過尖沙咀個VIEW太正，又再一次幫襯啦!我就叫左招牌蝦湯拉麵，係人氣拉麵，有叉燒、溏心蛋知道用左好多蝦頭整湯，味道同我去日本食果時好接近呀!不過食到一半就會覺得太濃郁，要飲水如果去開海運，又唔想得咁貴，但又想有海景，一幻係唔錯既選擇

星期三開學日（9.01）自然人就少咗，坐位鬆鬆舒舒服服，仲可以選擇坐位，比起假期人山人海，更愛放工後慢步商場又有日落美景盡收眼簾😍言歸正傳一見餐牌選擇真係唔多，相信日本人要做好一件事還一件就係最好，大概只有期間限定就是比多一個選擇！我們都只係選擇咗粗幼麵條及加义燒，追加一份餃子！味道：有濃厚蝦湯底再加上有炸脆脆的櫻花蝦，香氣撲鼻、回家後也沒有口喝！只是湯面上有點肥粒粒！义燒：軟熟琳琳的、一圈肥肉、一圈瘦肉、滑滑溜溜，好快已經食完一碗！日式餃子🥟：平平穩穩、沒有特別！整體上都會再次幫襯😀

因為有海港城coupon，所以就和母親大人食中午飯，母親大人想食拉麵，就嚟咗這一間一幻拉麵，由於我們大約中午12時就到達拉麵店，所以唔使排隊就可以入座。拉麵店裝修簡潔，樓底高，空間感十足。座位有海景位，卡位，counter。招牌蝦湯拉麵招牌菜果然係招牌菜，一上枱就聞到很香的蝦湯味。湯麵配菜有兩件叉燒，及半隻流心蛋和紅薑天婦羅。叉燒比較薄身，紅姜天婦羅口感脆卜卜，好食。但麵條就食到有少少鹼水味要扣分。至於個湯就真係好濃郁，但食到最後會覺得有少少若。蕃茄蝦湯拉麵都係有很濃郁的蝦湯味，但都係食到最後一樣會覺得有少少若。雞髀菇冇咩特別味道淡淡的。餃子外皮煎得很香脆，食落又吾油膩，咬落去有少少肉汁。

我覺得服務同禮貌上有D差啦\,BOOK左枱..去到同我講BOOK左枱都沒用嫁~都係要排,咁我BOOK枱係做咩既先?仲要入面張枱...入到去同佢講有7折既,之後佢黑口黑面,SET Menu又唔比我,OK,如果唔可以同7折一齊用,咁我都可以睇下掛? 可能我想食個D呢? 服務態度勁差...咁講下個麵啦,叫左特濃蝦湯.如果想要蝦既味既.就叫返原味個D好啦,因為我個FD叫左濃厚豚骨湯.陣味冇咁香.個碗湯勁重蝦味啦,D湯幾好飲既,D麵就麻麻既,好重鹼水味,後尾食到個口好乾...係超乾....碗麵好鹹,鹹到好乾./個叉燒真心覺得唔係日本個隻~好似香港既叉燒.我覺得碗麵麻麻地~乾到要係咁飲水...個FD話10分只比5分...好彩有折....係海港城來講.包埋野飲.(野飲冇折) 都係95.6蚊~ 係海港城來講算便既有折既話.但如果海港城便便地食一餐既話,可以接受到既~味道比4分 "服務就....0分價錢就7分啦

一幻拉麵越開越多分店，人氣真係好勁，今次再去，都係咁好食🤗招牌蝦湯拉麵 $88揀湯底再揀口味，湯底就點了適量豚骨，怕太鹹，口味今次唔要鹽味，試下味噌，必加麵酥即紅薑天婦羅！拉麵即叫即煮，蝦豚骨湯底非常濃厚，蝦味好岀🥰🥰有兩片嫩滑叉燒，溏心蛋流心甘香，麵質選了幼身的，彈牙，很掛湯，正！餃子 $35餃子皮脆餡juicy, 必食！木耳 $15爽口，都唔錯。用平台訂位還有全單七折，而且星期日都有呢個優惠，超值！

近排海港城每個週末都十分熱鬧，位於海運大廈地下的餐廳，基本上小妹未見過週末唔洗排隊，所以想試下呢間拉麵有咩「龍撩」😂加上望住呢個海景食飯，即刻心情到豁然開朗😆🍄招牌蝦湯拉麵（$88）- 濃厚豚骨- 醬油- 幼麵- 溏心蛋（+$10）湯底濃郁，蝦味亦都非常突出，同醬油混合之後，香氣再一度提升！雖然我選擇幼麵，但係佢並唔係一蘭果種幼麵，而係比較粗身既麵條，而且好香蛋味👍🏻所以掛湯能力毋庸置疑😌作為肥妹仔既我，都唔算細食，但係食完個面都飽左八成，好滿足。🍄煎餃子（$35）與坊間拉麵店類同，都係皮薄多餡，不錯的選擇😊

WALK-IN大概排左45分鐘到🤔🤔但係食到果刻都覺得都幾值得😋當時坐左係窗邊位，對住海景食拉麵都幾有feel😂咁當然比起真係食個景既餐廳當然會唔同啦，但個人黎講呢個位性價比黎講都幾好👍🏻無論係野食定係景黎講都唔錯野食就叫左個2人餐，感覺好似抵d同埋方便d 🤣唔洗再諗咁多，不過個人覺得要填紙果度有d困難😹😹😹最後都需要店員幫手先揀到想要既野😹😹不過就店員嘅感覺來講我哋應該唔係第一個搵佢幫手嘅客人😂辛味拉麵-第一啖食落去真係好辣，但係之後食食吓就會接受到，本身個拉麵就會包左叉燒同埋唐心蛋🤣另外都加咗蒜，紅色一粒粒嗰啲就係！脆脆地幾好食😹唐心蛋-即是個拉麵包左半隻唐心蛋，不過因為二人餐入邊有得揀，所以都照要咗，唐心蛋好味😋餃子-個人認為就比較普通，就係平時食到嗰啲餃子一樣，冇咩特別，不過只係覺得餃子同拉麵比較配搭，所以就揀咗呢個😹波子汽水-唔係好肯定係最後係咪加錢嘅，因為太耐冇飲過並且有童年回憶，所以就叫咗😹😹檸檬味同埋桃味，檸檬味就平時嗰啲嘅檸檬汽水一樣，桃味會好飲啲🤣二人餐黎講，每人都係百零蚊，係可以接受嘅價錢👍🏻👍🏻呢間餐廳係會再想食多次

名不虛傳，過左都一段時間，下午weekend 都係要排隊，好釆間店都大位多，都好快安排了坐位。第一次食，唔使唸太多，就試佢最signature ge 湯麵同伴麵。叫左招牌蝦湯拉麵同特龍蝦汁叉燒拌麵，伴來真係好適合粗麵😋，同其他日本拉麵店一樣一般麵條嘅蔥油可以選擇配料方面亦可以自己選擇多少。湯方面都會覺得好濃郁，飲落咗非常之鮮味。呢間最特別嘅配料就紅薑天婦羅(第一次嘗)因為係天婦羅所以係脆卜卜，過一會兒就被湯浸淋左所以建議盡快食。已拌麵方面看來嘅時候好似冇乜料到原來濃湯在底要自己攪拌，下面有超濃縮嘅蝦湯。攪拌完之後發現份量都適合全部嘅醬汁掛喺麵條上面非常之入味。不過的確係比較濃味重口味食完都會想飲多少少水。但就好有滿足感。😋

#kopo尖沙咀#kopo💸💸💸😋極濃蝦湯拉麵🦐招牌蝦湯拉麵 $88 + 溏心蛋 $10 🔖 4.2/5分- 今次選擇了醬油口味湯底🙆🏻‍♀️- 湯底好濃郁 蝦味突出🦐 但唔會覺得太鹹- 麵量跟其他拉麵店相比下算比較多- 麵質彈牙🥳 溏心蛋出色🥚 叉燒不過不失- 整體水平不錯 可以再幫襯🐨 餐廳乾淨 送埋個海景😁 岩哂dating（🐨🐻‍❄️第一次dating食呢間🤣）📍 一幻拉麵 (尖沙咀)尖沙咀廣東道3-27號海港城海運大廈地下OT G59號舖#kopo荃灣線#kopo西鐵線 #kopo拉麵#kopoharbourcity#kopo日式#kopo114#hkfoodie#foodiecouple#hkfoodblogger#hkfood#foodiegram

🍴尖沙咀風景一流拉麵店自8月1日政府推出消費券，各大商場都強勢推出各項優惠，消費滿一定金額後，可兌換商場購物或餐飲優惠劵。筆者在購物後換到了美食折扣券，客人只需在指定餐廳內消費滿$100便可抵銷$50 ，筆者挑選了商場的拉麵店午餐。步進餐廳，被安排入內在餐廳的最盡一方，餐廳職員會善意詢問坐靠窗位置有沒有問題，筆者最喜歡就是望著美景用餐了，更何況是維港景色呢！📍招牌蝦湯拉麵 $88客人可按個人喜好，挑選湯底/口味/麵條粗幼度及配料喜好。而每碗拉麵原本已有叉燒及半顆溏心蛋。筆者挑選了原味蝦湯拉麵，店員端上拉麵時，已聞到一股濃濃的蝦湯香氣。單看外觀都看得出真材實料，鹽味拉麵其實並不是單單手鹹味。鹽味拉麵被稱之為最古老的拉麵，以鹽作為調味搭配湯底，由於鹽的風味相較於其他調味料並不夠突出，一碗好吃的鹽味拉麵的高湯以及配料就顯得相當重要，也更能看出拉麵師傅的手藝。店中得蝦湯濃郁鮮甜，呷一啖熱辣辣的蝦湯不覺一絲油膩感，但會有少許偏咸，愛淡口的人士注意。而醬漬的溏心蛋，咸中帶甜，做得十分出色。麵條彈牙爽口，份量充足，掛湯度高。🔸小總結：餐廳佈置寬敞舒適，靠窗位置可飽覽維港景色，室內座位亦透光度高。食物

✨招牌蝦湯拉麵$88蝦湯勁濃郁巧正🤤但唔中意食海鮮既人會覺腥✨甜辣小蝦沙律$38個種甜甜辣辣好惹味愈食會愈餓🤣✨餃子$35呢個唔駛講嘢日本野既餃子全部都皮簿餡靚*留意返此店只有蝦湯做湯底唔食海鮮既人要慎重考慮

-🚩一幻拉麵 (尖沙咀)尖沙咀廣東道3-27號海港城海運大廈地下OT G59號舖—————————————————————🔸餐廳推薦度：❤️❤️❤️♥️❤️❇️每人平均消費：$110（dinner)⭐️打卡指數：✨✨✨前排諗住搵教主影相，點知影唔到，但比我有機會食到人氣拉麵😎排隊大概半個鐘左右，終於到我入去食喇，唔知係咪時間關係，店員係排隊時候比定menu我地睇定，款式唔多，所以我就揀左招牌蝦湯拉麵，再加小食木耳♥️🔴招牌蝦湯拉麵 $88一碗普通拉麵已經包半隻溫泉蛋同一份叉燒，我個人認為唔使加配料都已經好足夠。首先俾佢嘅紅薑天婦羅吸引咗，有啲衝動想叫店員比一碟我🥲至於湯底方面，本身都好怕蝦湯會好腥，但同我想像中差好遠，好濃蝦味但冇腥味👍🏼不過麵底好快索晒啲湯，食呢碗拉麵要好專心咁食先得🥰⭐️⭐️ ⭐ ⭐ ⭐️（5/5）🔴小食木耳 $15有少少麻辣味道，撈埋拉麵食唔錯，整體來講好味😋⭐️⭐️⭐️⭐️⭐️（5/5）🔴餃子 $35呢款餃子係普通日式豚肉餃子，餡料豐富，但味道唔算太出色，普普通通，不過呢個價錢合理。⭐️⭐️⭐️⭐️（4/5）

家庭日帶兩個小樹熊去了一轉太空館諗住順便去埋海港城吃過晚飯才回家有朋友提議可以試下呢間本身同樹熊爸爸都鍾意食日式拉麵 就決定去試一試我地叫左三個「$99一人尊享套餐」，可以自選一款拉麵，一款指定小食同汽水。❶ 辛辣味噌蝦湯拉麵、木耳、可樂❷ 蕃茄蝦湯拉麵、溏心蛋、可樂❸ 濃厚豚骨味噌幼麵、溏心蛋、西瓜梳打﹙+$10﹚❹ 餃子﹙+$35﹚❺ 叉燒﹙+$35﹚➢ 如果惠顧「$99一人尊享套餐」，可以半價追加以上小食我幾鍾意個湯底，蝦味幾重，唔算油膩而樹熊爸爸就認為辛辣個碗辣味唔夠叉燒肥瘦適中餃子皮薄餡靚，好有肉汁，小朋友好鍾意溏心蛋同木耳味道唔錯 樹熊媽媽既至愛整體環境都坐得好舒服 落單上菜都好快餐廳員工亦好細心，主動會提供小朋友餐具同水杯