一幻拉麵

营业中

休息中

今日6點去食，雖然知佢多人但都不用趕客吧叫左2個蝦湯麵佢單點可以用優惠卷 但套餐就唔可以咁我2大2小 就單點左2麵2飯單點 咁就可以用埋卷一聽到會用卷就比面色我睇 又唔覆單上啲野又難食 啲湯凍的 啲面又糊晒另外叫左個飯 個飯凍的 啲餸又凍的我知我2大2小 佔左你啲抬（佢全場得5張4人枱），根本唔歡迎有小朋友的家庭客人，但我點都係客啊，都比錢消費，唔駛你好好招待，但也不用係咁比要色人趕人走！！！！真的不可一不再！！！

2021年6月1號 下午3點25分已經係6月份啦，咁啱因為落過雨，天氣冇前幾日咁熱，反正諗住出去買野，今日就去試下尖沙咀既一幻拉麵。因為我到達既時候啱啱就係茶餐，所以就叫左個茶餐既招牌蝦湯拉麵，揀左鹽味幼麵，小食要竹筍飲品要無糖可樂。拉麵既配菜有粉紅粒狀品，叉燒一塊，有青蔥粒，半只糖心蛋。❓❓粉紅色粒狀第一眼睇落去我仲以為係蝦膏，但其實係紅薑絲味道嘅天婦羅碎，吸左蝦湯後有蝦湯既清甜，之後有紅薑絲既淡淡酸味，後勁帶返小小辣味，雖然畀湯浸淋咗，但味道幾特別。🍥🍥叉燒只有一塊，手掌大細而且係薄切，肥瘦適中，咬落不會硬，有豬肉味。🥚🥚糖心蛋偏熟，但有醬油既鹹香，唔會太鹹，還算可以。竹筍爽口，有帶清甜味，後勁少少鹹味，冇怪味唔硬。🥣🥣湯底有濃郁蝦味，夠鮮甜！🍜🍜麵身係中細麵，口感彈牙爽口。缺點方面，湯底比較多油，我叫既係鹽味湯底，但睇落去好似濃郁既豚骨湯咁；麵既話鹼水味都比較重；糖心蛋偏熟，我覺得哩幾方面可以改善下會比較好。😗😗😗尖沙咀既一幻係海港城入面，因為唔係經常去海港城，都揾左一陣先揾到。門面裝修都係以淺色木材為主，同大多商場店既裝修差唔多。店內到窗邊係一個長方形，大多數枱都係以吧檯為主

本來都係諗住凍凍地食碗麵，仲要冇人排隊，見到有個二人set二百幾蚊都幾好。點知原來今日有下午茶餐$68（唔係唔叫呀！）下午茶餐包一個麵，一個小食同埋飲品。雖然麵嘅份量係少啲但係加個小食嘅蝦味飯糰（飯團size都幾大，有掌心咁大）都好夠飽。兩個人一人叫咗一個set，小食加咗$10餃子（三隻）和$15無糖綠茶。連埋服務費$177。地方乾淨，坐得舒適，食得飽肚，呢個價錢「正」。蝦味湯拉麵（湯味濃郁，麵條有咬口）

日本拉麵食得多，咁濃厚嘅蝦湯都係第一次，唔好講笑，碗拉麵一擺低，已經聞到一陣陣好香嘅蝦膏味道😋今日食午飯，侍應仲安排咗個海景位俾我哋，望住維港景去食呢碗拉麵，真係冇得頂！今日叫咗個招牌蝦湯拉麵，揀咗右面，碗麵本身係會跟半隻糖心蛋同埋蔥，同埋兩塊叉燒，女仔來講呢碗拉麵係都幾大碗嘅，但係同事叫咗小麵就會少咗一半，又唔係好夠😂 整體來講係好滿意的，因為拉麵最緊要係個湯底，而呢度嘅湯底係又夠熱又夠濃厚，食完好滿足

因為有海港城嘅餐飲券關係我嚟咗呢間一幻拉麵食個晚飯, 味道來講中規中矩冇咩特別, 湯底係濃郁嘅, 而拉麵亦都彈牙, 但味道上缺乏自家嘅特色😶😶, 有如日本五百Yen嘅拉麵, 但值得一讚嘅係服務員態度很好亦都細心去分析食物券點樣用先至最好👍🏾👍🏾

【濃濃蝦湯底🦐🦐🦐拉麵】拉麵定沾麵各有market，小編中意拉麵湯底可以濕下口+飲湯(我知好鹹🐧)，又中意沾麵既汁始夠濃。今次試左一幻既classic - 招牌蝦湯拉麵，結合埋沾麵濃濃湯底既特性，好食woOverall👍- 呢間拉麵店湯底夠濃，湯頭清甜香蝦味，中意食濃濃豬骨湯底既你，好值得轉戰蝦湯底試試！- 推薦一幻classic招牌蝦湯拉麵👌，睇openrice咁多正評就知佢咩料la🍜🍜🍜- total 5間分店： 尖沙咀海運大廈、灣仔大王東街附近、中環蘭桂坊附近、屯門市廣場同荃灣荃新天地(特登搵㗎，比個like 支持下啦😆)______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作✏7分 - 正正常常，同平時食到嘅差唔多 ✏6分 - 有d失望，expect佢會好食d✏5分 - 伏野，零分重作招牌蝦湯拉麵 (💝8.5/10)- 兩片薄切豚肉+半隻蛋+加上青聰、蝦油和蝦味麵酥，再加埋炒香既蝦粉，濃郁的蝦香，湯底質感稠密- 湯底：原味- 口味：醬油$88餃子 (💝5.5/

第一次食一幻🦐拉麵係日頭，為左睇埋個夜景，再來encore, 今次有期間限定，辛辣味噌蝦湯拉麵，必點啦！👍由於有海港城coupon關係，每$100減$50正價單點, 今次食好啲，點了1） 叉燒飯😋🥩感想： 叉燒切粒上，加埋蝦湯一齊食，雙重享受2）煎餃子🥟🥟感想：餃子煎到一邊香脆，一邊軟，加埋餃子汁，好味3）白桃梳打, 芒果梳打🥤感想： 梳打少少甜，有果香味，讚4）辛辣味㬝蝦湯麵🦐，幼麵🍜感想： 龍龍蝦湯，加上少少辛辣，鐘意呢個味，提升左蝦既鮮味5）原味蝦湯拉麵🦐，粗麵🍜感想： 水準依舊，大愛加埋個海景，真係心情都唔同啲

自己一唔知食乜好 時間尚早仲係7:00有位仲有得安排俾你對住個維港景色 平平哋對住個維港食碗拉麵 又唔會急住要你走 座低自己寫紙要啲乜嘢 ♥︎ 番茄蝦湯拉麵 $88呢度嘅招牌 製作認真非常濃郁嘅蝦味湯底 果然冇失望 小蕃茄味 我選擇咗呢度推薦嘅幼麵 麵條掛湯 🍝 流心蛋總共有一隻蛋嘅份量 半件x2 但呢個湯底好味 食完野之後都想飲埋個湯底♥︎ 筍絲 $15 另外加咗碟筍絲 粗粗切條 加入拉麵有湯絆住食更加好味♥︎ 日本梳打蘋果氣酒飲 $25飲完非常滿足

餐廳:一幻拉麵地點:尖沙咀廣東道3-27號海港城海運大廈地下OT G59號舖食物:原味拉麵(鹽，幼麵）Cp 值:$88+10% 正常拉麵價位味道: 麵，幼麵口感食落硬度足夠，唔會太軟，但係啲鹼水味重到阿媽都唔認得，我見到個師傅dun啲面，都唔係dun嘅， 純粹輕放兩下，個人覺得係因為咁所以有鹼水味溏心蛋有溏心湯頭係重蝦味，不過敗筆係鹼水味叉燒正常有啲炸碎喺上面我諗係天婦羅碎，食落口感OK夠飽：唔知係夠飽定俾啲鹼水影響咗心情唔想食翻啅： 鹼水味太重唔會再嚟

📍一幻拉麵嚟自北海道 佢嘅招牌湯底蝦湯相當出名蝦湯味道濃郁 超重蝦味 湯頭夠鮮甜相對重口味 湯底愈食會愈鹹拉麵表面鋪上蝦味天婦羅麵酥 加分! 增加咗拉麵嘅口感味道更加豐富拉麵掛湯 推薦選擇粗麵 湯底仲可以選擇原味或豚骨味 餐廳質素穩定 值得再訪!

曾經係門口睇佢地既menu時 聞到好香濃既蝦湯味道 再望入去佢既環境 發現窗口既bar枱位 可以獨享無敵大海景 所以今日就特登過黎海港城食又好好彩 當日雖然都幾多食客 但係咁啱唔駛等就可以入座 仲要係我地想坐既窗口位叫左兩拉麵 一小食 分別係蝦湯拉麵- 循例試左啖湯 的確好香蝦膏味道 但湯頭未夠濃  拉麵可要求軟硬度 今次煮得剛剛好 其他配料不過不失 但唯一要提既就係溏心蛋 作為日式拉麵度 溏心蛋都絕對屬於靈魂之一 但呢度隻蛋過熟 食唔到日本蛋蛋黃既濃郁 可惜了特濃蝦汁叉燒拌麵- 叉燒切粒 實際左不太方便 因為當食客夾起麵時 很難同時夾起粒狀既叉燒 可以考慮切粗絲 有口感之餘又夾得到 建議上枱時拌勻先享用 因為啲蝦汁係晒底 而且偏咸 最好一開始拌勻先食日式餃子- 煎得香脆 又保留到肉汁 味道正常似豬肉餡黎既

行行下尖沙咀，忽然拉麵引起…靠OpenRice 搵到你見排隊人多數用coupon,我就冇喇，唔知係咪咁所以唔使等位見到有個套餐$238兩個拉麵兩個小食兩杯野飲抵喎！蝦味湯底勁濃勁入味，拉麵有趙口，叉燒就一般喇⋯⋯如果為咗個麵，一定會再黎😋

基本上每次黎都係食拉麵，今次忽然之間想試新野😅特濃蝦汁叉燒拌麵比較DRY，叉燒有少少難，湯拉麵好食好多。餃子皮幾薄，平時自己買返屋企煎既quality。蝦味飯團好大舊，唔算好多蝦係入面，食落有淡淡既蝦味，好飽肚！

叉燒非常多肥豬肉，肉質有啲老，和有雪味，之前食過可以，但今次相當失望，我還加了三塊义燒，total五塊义燒都是肥豬肉，非常不值，食拉麵除了拉麵嘅QQ度我很看重外，叉燒亦是非常重要，若食拉麵中叉燒不好吃的話，整碗拉麵的靈魂都沒了，是因為這店用了coupon令味道質素下降這會有點可惜吧，之前吃過覺得還可以所以才再來吃，但這次吃了後我一定不會再來，幸好只排隊10分鐘便能進入，若要排一個鐘我一定不會考慮這間

TGIF🥳週五晚同friend 子HF~唔想食太heavy,所以揀咗 「一幻」 。尖沙咀店嘅賣點就係個無敵大海景。好彩我哋早，唔使排隊就可以就座，仲要係海景位… …嘅隔離🤗 （張海景相都好有「幻」嘅效果🤪)原來我哋兩個都未食過「一幻」, 認真大鄉里🤭點咗鎮店之寶嘅蝦湯拉麵。friend 子揀鹽味，而我就揀左味噌味。 試一啖湯，味蕾為之一振！係濃郁嘅鮮蝦味啊！味噌味同鹽味比較，鹽味湯嘅蝦鮮味就更加特出。唔怪之得呢家拉麵咁多人排隊，湯底認真正👍🏻麵條方面，我哋都揀咗店家推介嘅幼麵，質地不過不失啦～如果有下次，反而想試吓佢嘅粗麵。叉燒有啲薄，可能湯底太出色，叉燒反而變得可有可無。我同friend子傻傻地咁分別點咗糖心蛋做配菜，兩個人加埋食咗3隻全蛋！下過！佢嘅糖心蛋都好正，起碼我食咗1.5隻蛋後，仍然覺得佢好好食！流心蛋黃充滿住濃厚嘅醬油味，咸香得宜，有啲料到😋