一喜車仔麵

营业中

休息中

第二次黎食見到多左好多客, 而且MENU都多左好多野食, 而家連燒味飯都有得食, 再加埋小食, 車仔麵等真係花多眼亂。我既自選准山麵, 蘿白好甜冇渣, 對哩度個瀬尿牛筋丸好深印象, 真係好味又爆汁, ENCORE!  咖喱汁底又融合得幾好, 少少辣幾惹味~朋友既叉燒燒肉飯, 估唔到車仔麵店既燒味係咁好味, 叉燒帶蜜汁味又有少少燶邊, 燒肉皮脆卜卜唔會好肥!哩度d小食都出色, 生菜魚肉既魚肉滑又彈牙, 仲有入哂味既瑞土汁雞中翼, 椒鹽孖寶豬扒拼魚片頭就好香口, 整體d野都幾得, 重點係相宜價錢, 叫到成枱野都係2百幾蚊, 值得一試。

今日經過尖沙咀慶方，發現樓下有好多香港特色嘅嘢食，揀咗呢間配料十分之多嘅車仔麵試吓，的確係幾出色😋比起坊間嘅車仔麵，呢度選擇選擇多好多，原來係專做潮汕食材嘅車仔麵店。👍🏻香淋滷水豬手呢份滷水豬手，豬手肉質鬆軟滑嫩，滷水味濃郁，絕對值得一試！咖喱魚蛋咖喱香濃醇厚，魚蛋鮮嫩彈牙，帶有微微嘅辣，令人回味無窮。秘製叉燒叉燒肉質鮮嫩，烤得剛剛好，肉汁豐富。👍🏻汕尾小米粿、瀨尿牛筋丸、魚腐、紫菜配黃金雞湯加左配料：汕尾小米粿口感綿軟細軟，清香入口滑溜，充滿濃郁嘅魚香味。特級瀨尿牛筋丸口感彈牙，咬落入面爆汁，帶有獨特嘅牛肉風味。魚腐質地細緻軟滑，魚香濃郁，吸哂湯，口感唔錯。👍🏻必選係呢個黃金雞湯，湯頭真係好清甜，配上紫菜又夠幼滑，飲完成個人暖哂，好滿足！椒絲腐乳通菜搭配著有酒香嘅腐乳，爽嫩清新。一喜車仔麵 (尖沙咀)📍尖沙咀彌敦道36-44號重慶大廈heath慶方地庫S19-21號舖

⭐️ *沙嗲牛腩麵* (准山麵 牛腩汁 特級瀨尿牛筋丸 咖哩魷魚) ⭐️🍜✨呢碗沙嗲牛腩麵真係超正！牛腩汁香濃入味，牛腩軟腍多汁🥩。特級瀨尿牛筋丸一咬即爆汁💦，真係要小心唔好噴到對面個人😆。咖哩魷魚微辣惹味🐙，配上准山麵🍜，口感彈牙，真係一大享受！⭐️ *北菇豬手拼瑞士汁雞翼麵* (准山麵 牛腩汁) ⭐️🍜✨北菇豬手炆得好入味🍄，豬手軟腍🐷，北菇香氣十足。瑞士汁雞翼甜甜鹹鹹🍗，雞翼嫩滑多汁。准山麵爽口彈牙🍜，配上牛腩汁，真係超級夾！⭐️ *炸韮菜餃* ⭐️🥟✨炸韮菜餃一上枱就聞到陣陣香氣，外皮炸得金黃香脆🌟，內餡韮菜鮮甜多汁，真係食唔停口！⭐️ *椒絲腐乳通菜* (腐乳汁另上) ⭐️🥬✨通菜夠爽口，腐乳汁香濃唔會過鹹，食落去好開胃，絕對係一個健康又美味嘅選擇。⭐️ *熱檸蜜* ⭐️🍯🍋✨熱檸蜜酸甜適中，飲完好舒緩，暖胃又解膩。⭐️ *熱絲襪奶茶* ⭐️🥤✨奶茶香濃滑順，茶味濃郁，絕對係正宗港式奶茶嘅好選擇。

❤️咖哩王麵（豬紅，豬皮，蘿白） 油麵 揀調味醬料揀左咖喱汁（辣） 豬紅，豬皮，蘿白分開上❤️葱油/椒鹽豬扒飯 葱油 豬扒好大塊，蓋過整個飯😱！豬扒半肥瘦，有少少肥膏唔會乾爭爭，送飯一流！😋❤️生炸潮汕三寶（馬鮫豬肉丸，深海墨魚丸，尤魚丸） 馬鮫豬肉丸有陣陣鹹香。❤️12粒咖哩魚蛋粒粒圓潤彈牙😋。❤️必食厚叉燒（半例） 叉燒真係好厚～半肥瘦，落左d甜汁甜甜地好滋味～😋❤️紫菜4寶淨餸（黃金雞湯） 湯底鮮甜美味～😋紫菜大大片，浸左湯吸收晒湯底的精華，美味👍🏻❤️爆餡春卷2條春卷香脆，點一點旁邊的甜酸醬更滋味😋。❤️上湯鴛鴦餃（3韭菜，4菜肉）餃子皮薄餡靚，餡料足，不錯👍🏻。和朋友分自嗌左一支自家製石斛竹蔗茅根水和一支自家製銀花雞骨草。自家製無糖👍🏻。

小妹感覺應該有好多人鍾意食車仔麵，小妹都唔例外😚可能揀自己想食既食物，又可以擇好多種餸菜，真心正🥰今日介紹既「一喜車仔麵（尖沙咀）」位於尖沙咀慶方地庫，非常方便😁呢間車仔麵主要菜式有自選車仔麵、炸韭菜餃、鴛鴦餃等….地方環境舒適，好多坐位💕叉燒🐖每嚿色澤均勻，非常入味💕蠔油菜心🥬份量合適，食得出新鮮味道👅柱候牛腩飯🐂🍚無論牛腩或配菜既蘿蔔同樣出色，蘿蔔超香甜，牛腩濃香及好重牛肉味，絕配一流💕生菜魚肉🥬🐟非常足料，好多魚肉，非常彈牙🤩湯底清清地加咗生菜非常清甜香，真係食唔停🤪炸韭菜餃🥟炸咖喱角🫔一上枱已經香氣撲鼻，內裡餡料好多，味道不錯👍🏻兩餸自選車仔麵（玻璃魷魚🦑酸齋）小妹擇咗呢度出名湯底，就係「黃金雞湯」，呢款雞湯係每天熬製出嚟，非常濃厚，味道很好👍🏻 玻璃魷魚🦑彈牙爽口，好有咬口🤭酸齋🫓味道酸酸好入味，但留意係凍既👀銀針粉掛滿黃金雞湯醬汁，非常好味😋獨立淨餸$48 (另加秘製黃金雞湯$5)魚腐、蘿蔔、汕尾小米粿、午餐肉蘿蔔🥕味道清甜，汕尾小米粿🥟 外型好似細粒版餃子，外皮煙韌彈牙，餡料以五花腩及大地魚打成，正😄 魚腐🥠色澤金黃，每嚿都非常軟熟🤩午餐肉有兩塊，同樣炸至金黃色🫢鴛鴦餃子

裝潢充滿懷舊特色，讓人感受到昔日的香港風情，特別適合拍照打卡📸。店外有一架1:1模擬型車仔麵車，配料模型都好逼真1️⃣ **咖喱三寶** 🍛 - 包括魚蛋、魷魚同牛柏葉，咖喱醬香濃，味道有層次2️⃣ **自選淨餸** 🍖 - 可選擇： - **汕尾馬鮫豬肉丸**：彈牙又入味 - **胡椒豬肚丸**：帶有胡椒香氣 - **特級瀨尿牛筋丸**：滑口有嚼勁 - **豬腩肉**：肥瘦適中，口感豐富 - 湯底選擇秘製黃金雞湯，湯味濃郁，非常適合搭配各種配料3️⃣ **自選車仔麵** 🍜 - 選擇油麵，口感滑順，可以選擇麵食口感配上： - **陳皮魚旦**：帶有陳皮香氣 - **炸魷魚丸**：外脆內滑 - **豬大腸**：軟滑不油膩 - 可以選擇清湯或沙嗲汁，建議試試沙嗲汁。最後，加上一杯凍檸樂，解渴又清新🥤。整體而言，尖沙咀一喜車仔面環境非常吸引，可與朋友聚餐或懷舊之旅#尖沙咀 #一喜車仔面 #懷舊美食 #咖喱三寶 #自選淨餸 #車仔麵 #香港美食 #美食推薦 #童年回憶 #凍檸樂

鍾意食車仔麵嘅都知道，尖沙咀慶方商場地牢有間好出色的車仔麵，絕對食得出香港嘅味道。自選車仔麵車仔麵可以自己揀麵，至少兩餸起。這次我選擇了豬紅、蘿白、豬大腸油麵，再加上牛腩汁，D餸好掛汁，真係好正！另外再追加少少餸，魚腐十分Q彈出色，菜肉餃內餡鮮美，魷魚夠爽口。酸齋口感有嚼勁，甜甜酸酸好開胃。潮汕四寶與黃金湯 四寶之一嘅瀨尿牛筋丸鮮嫩多汁，馬鮫豬肉丸滑順彈牙，魷魚丸口感爽彈，而小米粿則是用蕃薯粉包裹五花腩和大地魚，煙韌可口。香辣單骨雞中翼香辣味十分濃郁，雞翼外皮酥脆，肉質鮮嫩，每一口都帶著恰到好處的香辣感。椒鹽孖寶（豬扒拼片頭）豬扒和片頭搭配上椒鹽的香氣，令人非常開胃。爆餡春卷春卷外脆內嫩，餡料豐富而不油膩。炸韭菜餃餃子外形金黃，韭菜好香，外皮脆卜卜。瑞士汁雞中翼雞翼入味，瑞士汁。必食厚叉燒叉燒配甜中帶鹹的醬汁，口感極佳。

呢間門口擺左架像真度極高既車仔就去試下😎 呢度車仔麵既配料選擇好多, 有啲仲要幾特別, 另外仲有啲地道既飯麵類, 如果唔想諗可以直接揀佢配好左車仔麵款式🤓 ✨生菜配牛腩汁($18)✨涼拌爽滑魚皮 ($39)✨上湯鴛鴦餃（$35)✨自選車仔麵 ✨葱油孖寶飯（雞扒+豬扒）($68)✨黑芝麻黑豆豆漿 ($16)車仔麵既配料價錢平均$10-$15, 我地試左好多個餸, 揀左秘製黃金雞湯($5)同埋辣咖哩汁, 兩個加埋一齊勁夾, 仲有好多唔同既麵底可以揀, 今次揀左特別啲既銀針粉, 不過好似麵係米線會掛湯啲🤩 呢度既食物性價比都幾高, 車仔麵配料黎講都幾多選擇, 黎開尖沙嘴可以一試🤗

之前聽朋友說尖沙咀慶坊商場有很多食店，各種餐廳應有盡有。見到有間車仔麵似乎不錯，而且人很多，就進去試試。自選車仔麵，每款餸價錢各有不同。小編選擇了油麵，搭配了豬紅、蘿蔔和豬大腸的組合。蘿蔔清脆爽口，帶有淡淡的甜味，能夠平衡豬大腸的油脂感。豬大腸則鮮嫩多汁，經過燉煮後，吸收了湯底的香氣，味道濃郁而不膩。朋友點了牛腩、生炸豬扒和滷水牛𦟌。牛腩軟嫩入味，炸豬扒有點淋，滷水牛𦟌的味道濃郁。湯汁選了沙嗲汁，很不錯。厚叉燒(半例）叉燒肉質鮮嫩，色澤紅亮，醬汁均勻地包覆在肉上，增添了濃郁的甜味和微微的煙燻香氣。不過半例的份量有點少。椒絲腐乳通菜 $18腐乳的咸香與通菜的清新簡直係好配搭。支裝黑芝麻黑豆豆漿 $10

很久沒有吃車仔麵了。在尖沙咀搜尋網上資料，找到慶方地庫有車仔麵店，而且有幾多好評，於是進去一試。餐牌上的食物應有盡有，有麵有飯，任君選擇。很多款的食物都想試，不知不覺，叫了一碗5餸車仔麵、一個椒鹽豬扒麵、兩款小食、一個菜，真是大滿足😋五餸車仔麵（$80）+竹庶水（$10）豬皮、豬大腸、咖哩魚旦、鳯爪、紫菜、河粉，秘製黃金雞湯底。每款食物都很入味，每款都很喜歡，難分高下。竹庶水很清甜解渴，不會太甜。椒鹽豬扒麵+胡椒豬肚丸（$80）+茉莉花茶（$10）這個椒鹽豬扒十分美味，厚切大塊的豬扒十分軟身，而且醃製入味，十分香口。而且這裏還可以選准山麵，加上黄金雞湯底，配合得很好。第一次吃胡椒豬肚丸，感覺有點似豬肉丸，不錯。上湯鴛鴦餃（$35）這個餃子皮薄饀靚，無論是韮菜還是菜肉餃也十分美味。特級瀨尿牛筋丸（$36）6粒的牛筋丸彈牙可口。椒絲腐乳通菜（$18）這通菜分量適中，充滿椒絲腐乳的香味。

早排係尖沙咀附近諗唔到食咩咁啱俾見到呢到開左間超大間既車仔麵平時我都好鐘意食車仔麵 話試下先本身抱住佢呢個地段同裝修都似係做遊客生意多門口有個打卡位係模型車仔麵檔做得都幾真架除左車仔麵外 見佢仲做埋飯本身對佢既味道都唔會抱太大期望味道又出奇地唔錯wo湯底夠晒濃郁蘿白好清甜 但再淋身d就更好啦牛腩好淋 又入味👍🏻不過豬腩肉就鞋身D我最開心係佢居然有而家已經唔多地方有既 #銀針粉真係兒時回憶黎架另外叫左個小食同油菜佢個炸韮菜餃先不得了即叫即炸 熱辣辣 而且皮薄多餡呢間一定會再食見老闆同D客人都打成一篇好有做"街坊生意"既人情味但呢到係尖沙咀, 真係好難得🙌🏻

10餸車仔麵一上枱，啲餸多到鋪滿成碗麵，連啲麵都睇唔到，賣相好吸引😍😍。每次食車仔麵都鍾意走湯，淨係要牛腩汁，覺得撈車仔麵好過浸湯嘅車仔麵，有無人都係咁🙋🏼‍♀️？黑芝麻豆漿唔算太甜，好重黑芝麻味🤤🤤。上湯鴛鴦餃啲餡料好多🤩🤩，餃子皮唔太厚，啖啖都食到啲餡料。厚叉燒都唔錯，好有咬口👍🏻。牛筋丸好大粒，一食落口，啲汁就流曬出黎😻😻，牛筋丸好彈牙，依個真係必試。🍽10餸車仔麵: HK $138🍽️黑芝麻豆漿：HK $16🍽️椒鹽腐乳通菜：HK $18🍽️上湯鴛鴦餃：HK $35🍽️特級瀨尿牛筋丸：HK $36🍽️必食厚叉燒：HK $39

尖沙咀慶方地庫有條美食街，行入小小會發現有一架好有特色既車仔麵檔係門口，餐廳係主打食車仔麵，亦有唔同款式既飯和小食。北菇豬手拼瑞士汁雞翼飯🐷🐔 $86 (加兩餸)瑞士汁雞翼夠晒鮮味，豬手唔會太肥，炆得夠淋，肉質鮮嫩，配麵配飯一樣咁好食！佢仲可以加唔同既配料，我就加左炸貢丸片和秘製菜肉餃。豪華9寶麵🍜 $59超級豐富既大碗麵，有牛腩，瀨尿牛筋丸，瑞士汁雞翼，豬紅，豬皮，紅腸等等。佢本身有幾個湯底選擇，我就叫左牛腩湯。佢仲提供左秘製辣菜脯，撈麵食非常惹味！汕尾小米粿8粒(豬肉粿)🐖 $30外皮十分煙韌，內面有豬肉和蝦米，口感特別。香辣單骨雞中翼🐓 $28即叫即整，有7隻單骨雞翼，唔係太辣，夠晒惹味！

在尖沙咀ISquare一出地鐵，就傾盆大雨，快快趣過條馬路到對面慶方商場，一落地庫即是Food Court，食肆多，座位多，洗手間又多，好方便。.一喜車仔麵就在地庫中間位置，四面都是通道，有不少擺設和海報，面積又大，十分搶眼。.除了有例牌車仔餸外，還多了幾款潮汕特色小食，其它地方真是食唔到呢。🏅潮汕四寶配黃金湯（$49）潮汕四寶是瀨尿牛筋丸、汕尾馬鮫豬肉丸、有魷魚的魷魚丸和汕尾小米粿，都是店家以自家食譜訂製。牛筋丸爆汁爽鮮；豬肉丸是用馬駮魚加豬肉打成，爽滑彈牙；魷魚丸爽彈；小米粿是用蕃薯粉做的外皮包住五花腩及大地魚內餡，口感煙韌似魚皮餃。黃金湯底，金黃濃郁，清甜暖胃。🏅炸韭菜餃（$30）皮薄餡靚，外表酥脆。🏅必食厚叉燒半例（$39）雖未至必食，但肉味濃郁，且帶焦香，肉質肥美卻不膩口，不錯。主食點了🏅沙嗲牛腩（$55）配白飯（$12）🏅自選車仔麵，選了咖哩魚蛋、冬菇、蘿白（各$12）和秘製菜肉餃（$15）咖哩魚蛋香辣大粒，爽口彈牙；蘿蔔清甜，菜肉餃薄皮，全都不錯。

Heath慶方內有間主打車仔麵嘅小店，門面好吸睛，大大個車仔麵檔模型適合打卡。店內裝潢行簡約風，乾淨俐落，QR code落單，客人頗多但上菜速度夠快，啱曬過嚟食個快lunch！抵食之選有豪華九寶麵，包含牛腩、瀨尿牛筋丸、瑞士汁雞翼、魷魚丸、豬紅、豬皮、蘿蔔、紅腸同時菜。油麵軟硬程度適中，腩汁味偏清，配料最推牛筋丸，認真會爆汁而且咬落爽彈。私心推介汕尾小米粿，入面係豬肉餡料，外皮煙韌QQ哋，口感好正好得意。黃金湯係靈魂，超快清曬，爭住嚟飲。上湯韭菜餃都唔錯，六大粒，皮薄餡多，值得一試。另外有豬扒拼貢丸片，前者厚切，後者入味。小食方面有生菜魚肉，味道清淡，淡淡魚香氣、瑞士汁雞中翼有四隻，肉質滑嫩，鹹甜味道適合配飯。邪惡啲嘅會推香辣單骨雞中翼，唔辣，炸至酥脆可口、白玉春蘿蔔、椒絲腐乳通菜同腩汁菜芯可以幫助解膩，新鮮無渣，感覺健康。