一喜車仔麵

营业中

休息中

喺尖沙咀重慶大廈附近嘅慶方商場地庫，搵到一間港式車仔麵小店，真係有驚喜！由彌敦道慶方嘅大門口入去商場，沿住電梯落到底，店面就喺地庫嘅角落，門口有個懷舊車仔麵檔裝飾，木製推車同舊式招牌，彷彿帶我哋穿越回昔日嘅街頭小食時代。店內格局保留咗傳統麵檔嘅簡約風，木桌木椅，牆上貼滿咗舊式菜單，氣氛親切又充滿人情味。今次試咗幾款小食跟車仔麵，香辣單骨雞中翼煎得外脆內嫩，辣味不過火，啖啖肉香。生菜魚肉新鮮滑嫩，配上清甜嘅生菜，簡單又開胃。惹味豬手，肉質軟糯，南乳味滲透入味，食落滿足感十足。自選車仔麵揀咗米粉，加入豬紅、鳳爪、冬菇同水魷魚，湯底濃郁香濃，米粉啖啖爽口，鳳爪滷得軟腍，膠質豐富，咬落有彈性同入味嘅滷香；冬菇吸滿湯汁，味道鮮甜，口感軟滑；水魷魚新鮮彈牙，配上沙嗲汁嘅微辣，層次感十足。多蔥加進去提味，鮮香撲鼻，平衡咗整體嘅油膩感。另一碗滷水豬大腸牛腩車仔麵同樣出色，米粉爽滑，湯底同樣濃郁，豬大腸滷到軟滑入味，帶出獨特嘅蒜香；牛腩肉質嫩滑，滷汁滲透每吋肉纖，配上沙嗲汁同多蔥，香辣同鮮甜完美融合。無論邊款餸，沙嗲汁嘅微辣總係能提升整碗麵嘅風味，令人食得滿足又回味。支裝無糖烏龍茶清新解膩，凍奶茶，則濃

今日dinner突然好想食車仔麵，所以第一時間就諗起位於彌敦道慶方嘅一喜車仔麵，呢到落地庫商場好快就會見到門口有個打卡位，就係以前車仔麵檔嘅模型還得意！鍾意呢間多選擇而且超好味！上湯韭菜餃有6隻，外皮薄，但係餡料好飽滿，咖哩魚蛋夠彈牙，最主要就係咖喱夠香濃！生菜魚肉完全冇腥味，正！菜方面就叫咗一碟韭菜超新鮮，完全冇渣！你得就梗係要叫車仔麵啦，今次叫咗兩碗，第一碗係准山麵配秘製黃金雞湯加汕尾小米粿，其實就係豬肉粉粿，口感QQ，幾特別，外面好少見。汕尾馬鮫豬肉丸同深海粒粒墨魚丸都幾正，真係有好多墨魚，就連個自製韭菜餃都係鄙薄餡靚，好香韭菜味。 厚叉燒個叉燒汁條配得幾好，甜甜地，我要咗全瘦，都唔會太嚡。呢到d支裝豆漿都幾好味，好濃黃豆味，唔會太甜。至於另外嗰本車仔麵，覺得最出色嘅兩個餸就係特級瀨尿牛筋丸 同生炸豬扒。瀨尿牛筋丸真係好彈牙，咬落去真係要小心啲，真係會彈汁㗎炸豬扒亦都炸得酥脆又唔會油膩，超厚一塊好正！

今日星期日lunch time喺尖沙咀試咗一間汕尾風味嘅車仔麵，食品有特色兼且味道都唔錯。第一碗兩餸車仔麵就叫咗自家製韮菜餃同埋汕尾馬鮫豬肉丸，面底就揀油麵，要多蔥，湯底就要返普通嘅清湯。各韭菜餃同埋汕尾馬鮫豬肉丸味道都唔錯，係個size細粒咗少少。第二碗兩餸車仔麵就揀咗冬菇同埋魷魚丸，冬菇好厚身，魷魚丸入面有魷魚粒所以味道都唔錯，面底揀咗米粉，都係清湯。另外就叫咗個小食，叫做汕尾小米粿，其實即係當地人叫嘅燒賣，呢個好好食。飲品叫咗支黑豆漿。

呢間餐廳環境勁闊落，座位好多，位於重慶大廈隔離既新商場慶方地庫。我地叫左一碗牛腩飯，入面有好多蘿蔔，蘿蔔好入味，牛腩大大塊，食落口感煙韌，份量好多。牛腩飯既飯底都係自己餐廳煲既食落無甘硬。好多反工既人午餐都會黎買嫁。炸物小食呢度既款式真係好多，我地叫左一份炸汕頭魚蛋，三款特色既丸類食落彈牙又好味。炸豬扒份量超大塊又鬆脆嫩滑。一喜車仔麵地址: 九龍尖沙咀彌敦道36-44號重慶大廈地庫慶方S19-21號舖

重慶大廈隔籬呢個地下food court開咗幾年，多數都係見啲遊客會去嗰度食蘭香園茶記，近排行過見到有間幾有特色嘅車仔麵店，Menu仲有唔少創新車仔餸～自選車仔麵一睇個menu實在太多樣餸都太吸引，今次一口氣叫7樣餸😆🤭有韭菜、豬皮、蘿蔔、豬手、魷魚丸、瀨尿牛丸同酸齋。麵底當然唔少得油麵，湯底就揀咗出面少有嘅沙嗲，沙嗲味唔太濃，覺得下次可以試吓叫多汁咁應該嗰啲沙嗲汁會落得多啲再濃啲，但就算湯底唔濃味，豬手豬皮等等已經醃好有味道嘅餸都好入味，加上我最鍾意食嘅韭菜有淡淡韭菜香呢碗車仔麵好滿足🤭😋（成七樣餸好難唔滿足😆）推介車仔麵餸：真係有魷魚嘅魷魚丸出面好少叫有魷魚丸，佢唔同墨魚丸咁，佢用魷魚打成，質地比較再彈口啲有粒粒嘅魷魚肉會爆醬嘅瀨尿牛丸牛丸入面有粒肉餡，包住好多湯汁，真係一咬開啲汁就會唧晒出嚟😋大大嚿南乳豬手南乳豬手整得好入味，炆得夠腍惹味酸齋孫仔麵筋味道啱啱好，都係食車仔麵必叫嘅經典

尖沙咀｜濃郁黃金雞湯 特級瀨尿牛筋丸🍜重慶大廈隔離嘅慶方商場原來好多餐廳！價錢好親民💗車仔麵$12起！小食都係$20起！🔸必叫推介🔸1️⃣超正特級瀨尿牛筋丸，咬開真係爆汁🤤！第一次見，牛丸入面仲有牛肉餡料，唔同口感！後悔無單點小食(6粒) 🥹2️⃣黃金雞湯(+$5)一定要加！奶白色湯底超濃郁🐔飲到雞嘅鮮甜味！一啖麵一啖湯好正！3️⃣炸韭菜餃🥟皮薄！炸到超脆！柔軟韭菜豬肉餡，配泰式辣醬好惹味！★ 自選車仔麵/飯 $71(粗麵$12/ 豬紅$13/ 蘿白$13/ 汕尾小米粿3粒$13/ 特級瀨尿牛筋丸$15/ 秘製黃金雞湯+$5)★ 椒絲腐乳通菜 $20★ 炸韭菜餃（6隻）$30★ 瑞士汁雞中翼（4隻）$30★ 咖喱三寶（魚蛋、魷魚、牛柏葉） $45★ 叉燒燒肉飯 $59

尖沙咀｜濃郁黃金雞湯 特級瀨尿牛筋丸🍜重慶大廈隔離嘅慶方商場原來好多餐廳！價錢好親民💗車仔麵$12起！小食都係$20起！🔸必叫推介🔸1️⃣超正特級瀨尿牛筋丸，咬開真係爆汁🤤！第一次見，牛丸入面仲有牛肉餡料，唔同口感！後悔無單點小食(6粒) 🥹2️⃣黃金雞湯(+$5)一定要加！奶白色湯底超濃郁🐔飲到雞嘅鮮甜味！一啖麵一啖湯好正！3️⃣炸韭菜餃🥟皮薄！炸到超脆！柔軟韭菜豬肉餡，配泰式辣醬好惹味！★ 自選車仔麵/飯 $71(粗麵$12/ 豬紅$13/ 蘿白$13/ 汕尾小米粿3粒$13/ 特級瀨尿牛筋丸$15/ 秘製黃金雞湯+$5)★ 椒絲腐乳通菜 $20★ 炸韭菜餃（6隻）$30★ 瑞士汁雞中翼（4隻）$30★ 咖喱三寶（魚蛋、魷魚、牛柏葉） $45★ 叉燒燒肉飯 $59

天氣熱辣辣又唔太想食飯，食吓香港特有嘅車仔麵都係一個好選擇😊車仔麵湯底通常都係麻辣/沙嗲汁/清湯，秘製黃金雞湯真係好少見，雞湯仲可以完全掛喺米線上面🤤每啖都充滿濃郁雞湯味😋米線煮得啱啱好，夠晒彈牙👍🏻陳皮魚蛋好香陳皮味😋豬大腸夠入味；牛柏葉爽口；瀨尿牛丸真係會瀨尿㗎🤣咖哩三寶(水魷、魚蛋，牛柏葉) $45好有咖哩味，但不太辣厚叉燒 (半例)$39上枱熱辣辣，味道不過不失爆餡叻喱角 $20 (必食)夠大件，即叫即炸，裡面係叻喱薯蓉，好香生炸潮汕三寶(馬鮫豬肉丸、深海墨魚丸、尤魚丸) $39炸得啱啱好，唔會太乾椒絲腐乳通菜 $20新鮮，一啲都唔老值得再encore

想係尖沙咀食返啲貼地嘢又唔想太貴無論係一個人定幾個人，晏晝定夜晚都可以去試吓呢間價格親民友善多款選擇又keep到質素嘅車仔麵！一段時間冇去又多咗啲飯類嘅選擇依家仲有埋燒味雙拼～感覺應有盡有而我最鍾意嘅依然係金雞湯銀針粉🤤買少見少嘅銀針粉真係不能錯過鍾意食辣嘅話加埋辣菜甫或者麻辣汁但記得就住加～留意返真係幾辣吓雞湯本身其實都好夠味～我幾乎成碗飲晒餸我推薦豬皮、蘿蔔、冬菇😍再加支黑芝麻黑豆豆漿真係一流～除咗飯類之外仲有唔同嘅小食選擇我自己就比較鍾意咖喱三寶～有魚蛋、水魷魚、牛柏葉味道係香港以前有嘅車仔檔嘅醬汁好惹味又有啲辣可以撈飯或者車仔麵瑞士汁雞中翼好入味唔會太甜～生炸潮汕三寶係豬肉丸、墨魚丸，魷魚丸加埋碟椒絲腐乳通菜真係望到已經開心香港越嚟越少呢啲有特色又唔貴嘅餐廳仲要係尖沙咀中間道嘅黃金地段～如果係附近唔知食咩好都推介你去試吓對我嚟講就真係好啱心水😆✨

香港美食多，除了燒賣、魚蛋夠代表性之外，車仔麵絕對也是其中之一！最近放工跟朋友去到重慶大廈附近，沒想到地庫竟然藏了不少食肆，其中一間門口擺滿車仔麵配料的店舖特別吸引，當然要去試試看啦～店鋪空間闊落，店員超熱情，不只主動遞上餐牌，還會推薦心水菜式，服務一流！最讚的是，這家店有「純餸」選擇，對於晚上不想吃澱粉的我來說，簡直是福音。酸齋、滷水蛋、魚皮、通菜、蝦條，再加上親手包的韭菜餃和汕尾馬餃豬肉丸，每樣都好有水準！這裡的味道不會太鹹，湯底也沒有太多味精，在這個講求速食文化的地方，能夠堅持原汁原味，真心難得。另外，一字骨雞翼超有驚喜，炸得超脆，口感一流，配車仔麵簡直是黃金組合！一定要嘗試它的菜普，很餸飯這次意外發現，讓我更加欣賞香港街頭美食的多樣性，每一碗麵背後，都是對地道風味的用心堅持。😋

平時話去重慶大廈，淨係諗起食咖喱🤪今次去隔離Health慶坊個地庫商場，原來都有幾多野睇，仲有好多間食肆。。。。今日買咗對鞋，見到對面有間寫住厚切义燒飯既舖頭，門面都幾光鮮乾淨，就入去試下🤩點之佢主打係車仔面😂😂佢既選擇好多，不同湯底，撈底，面底，配餸，任你配搭，飯類都有好多款，試過比預期出色，店員仲好好人好細心介紹，佢太多款式一次過試唔晒，下次會再encore😋今次就試咗下面幾款：-1. 豪華9寶車仔面 💰$59 懶人之選🤩唔洗諗乜餸，只係諗配咩面同汁，幫你配搭好既9款餸包括：牛腩，瀨尿牛筋丸，魷魚丸，雞翼，紅腸，豬紅，豬皮，蘿蔔，時菜。。。。值得一提既係佢既瀨尿牛筋丸，裡面真係爆汁，爽彈，超好食👍🏻仲有佢既魷魚丸，平常墨魚丸就聽得多，魷魚丸第一次食，魷魚味好香口。油面既面質好好，呢個係車仔面靈魂PS: 佢地既辣菜脯超好食🤩🤩我落咗差唔多半樽😆2. 無得輸飯💰$79呢個飯如其名，真係無得輸👍🏻👍🏻除咗飯仲可改配麵，超多餸有午餐肉，芝士腸，蔥油豬扒，蔥油雞扒，全部都好食，感覺有炸過但一d 都唔油，仲好香口，碗飯超大碗，蔥油餸飯好正😋3.必食厚义燒（半例） 💰$39比例牌再細一半既半例，

之前喺土瓜灣已經成日幫襯，見到尖沙咀開咗，一於就試吓！一喜車仔麵嘅招牌10寶配河粉真係超級豐富，咩都有，魚蛋、牛丸、墨魚丸、紅腸、豬皮、雞翼尖、魷魚、蘿蔔、豬紅、牛腩，食到真係好滿足！講到牛丸，佢哋嘅「爆漿瀨尿牛丸」真係一絕，咬落去好彈牙，裡面嘅湯汁一啖爆出嚟，真係令人開心！同埋加咗豬皮，脆脆嘅口感同牛丸一齊食，真係好搭，咬落去有層次感，超級過癮！我特別鍾意佢哋嗰個豆豉辣椒醬，炒得好香又唔會辣到你受唔到，食嘢嘅時候加一啲，味道立刻升級！河粉煮得剛剛好，唔會腍到斷晒，真係好好食。講到瑞士汁雞翼，簡直係絕配！肉嫩得嚟又好入味，咬落去軟綿綿，完全無抵抗力，食完一啖又一啖，真係唔夠！仲可以試埋佢既小食，好多選擇，今次試香辣單骨雞翼同涼拌魚皮，夏天食落去好清爽開胃。驚熱氣仲可以叫埋自家製石斛竹蔗茅根水，配埋雞翼，match!

之前喺土瓜灣食過覺得幾驚艷，所以再試下佢地尖沙咀既分店，一樣咁好食😋 尤其有特別既潮汕小食幾特別同用心🤩 老闆一樣會好nice咁同唔同客傾計💬，用心咁介紹特色野同閒話家常～ 裝修方面更加有特色，有一架印住餐廳名既湖水綠色傳統車仔麵車仔🛒，放左幾多仿製既常見車仔麵🍜餸，包括豬手🐷、魚蛋🟡、牛腩🐮等等幾有feel🤩 亦印左幾多唔同招牌野食既相～(5 😍 係滿分，🤩係半分）尊貴十寶麵🍜 - $69(好味指數：😍😍😍😍🤩)個麵🍜真係超豪華🤩 真係有10樣料，包括有：牛腩🐮：煮到入晒味，肉質軟腍多汁，帶有少少膠質，柱侯汁入面既香料同南乳都夠，所以幾惹味～瀨尿牛筋丸🐮🟤：佢地會慢慢將肉漿手打到起膠，而唔係靠粉👍🏻 食得出特別爽口彈牙，一咬口仲feel到啲汁噴出黎tim,亦有香濃醇厚既牛味🐮😍瑞士汁雞翼🐥🪽：脹卜卜咁，而瑞士汁係一種以豉油、薑、蔥同冰糖🧊等香料調配既甜味滷水，甘甜惹味，有油香之餘裡面肉質嫩滑～翼尖 🪽：啱晒中意啃骨🦴既人😂 ，唔會「 骨巉巉 」，輕輕一啜就可以將皮肉分離，口感滑溜～有魷魚既魷魚丸🦑🍡：係平時少見既魷魚丸🦑，清新爽滑，鮮甜彈牙，感受到濃郁既魷魚味🦑，仲有唔少魷魚粒🦑，粉

➲ 尖沙咀 一喜車仔麵藏身重慶大廈地庫的懷舊風車仔麵店，以「料多過麵」的豪邁風格殺出重圍，特製爆量十寶麵！街頭裝潢配復古霓虹燈牌，秘製黃金雞湯，車仔麵控必收。➳ 尊貴十寶麵牛腩汁秘製黃金雞湯河粉一碗集結牛腩、瀨尿牛筋丸、瑞士汁雞翼、魷魚丸、豬紅、豬皮、蘿蔔、紅腸同埋時菜，10款招牌餸，滿碗澎湃，差啲滿瀉。牛腩汁湯底濃郁，牛腩係骨肉分離級軟嫩。瑞士雞翼滷得入味，甜鹹平衡。超級建議選擇搭配河粉吸收精華。 隱藏食法：加$5升級「秘製黃金雞湯」，濃郁雞香又有忌廉滑順感，濃郁層次感翻倍！ ➳ 自選車仔麵/飯秘製黃金雞湯，奶金色湯頭鮮甜帶膠質，麵底簡米粉，透明超索湯，加埋紫菜吸飽湯汁，爆發鮮味，必定要加紫菜！！推薦搭配：特級瀨尿牛筋丸，牛肉香濃郁，筋位彈牙。有魷魚的魷魚丸，丸內真藏魷魚粒，彈牙度直逼手打魚蛋！同深海粒粒墨魚丸一樣，粒粒都有海鮮塊，真材實料。➳ 滷水蛋滷水慢浸，蛋黃金黃半溏心，伴有蔥油滷水汁，濃味滲透。➳ 生炸雞扒外皮炸脆，肉汁鎖於炸皮下，肉嫩滑鹹香。➳ 厚叉燒 (半例)肥瘦黃金比例，肉質鬆軟，蜜汁焦香。➳ 炸魚皮即炸上桌，魚皮薄脆如薯片，蘸湯3秒半溶狀態最佳，膠質加脆度雙重暴擊。➳

📌 重慶大廈旁驚喜發現！30蚊起車仔麵＋潮州風味世外桃源 尖沙咀向來是美食戰場，但動輒過百元的消費總讓人卻步～最近在重慶大廈地庫慶坊商場發現新開的「一喜車仔麵」，不僅價格親民（車仔麵30蚊起跳💰），更主打潮州特色小食，堪稱鬧市中的隱世食堂！ --- 🍜 必試車仔麵配料＋招牌食評 1. 豬寶寶車仔麵 🐷 豬腩肉：肥瘦均勻，滷汁入味，咬下油脂香氣四溢！ 🍖 豬腸：處理得乾淨無臊，軟嫩帶嚼勁，滷得鹹香到位～ 🩸 豬紅：滑嫩如豆腐，搭配微辣湯底更提鮮！ 2. 🍚 厚切叉燒車仔飯 叉燒厚切誠意十足🔥，蜜汁焦香而不膩，肉質鬆軟帶炭燒香，配上半熟蛋拌飯，瞬間清盤！ --- 🌟 潮州特色驚喜登場 🥟 海豐小米粿：外皮晶瑩剔透，內餡豬肉鮮甜，蘸辣椒油一絕！ 🍢 生炸潮汕三寶： 🐖 馬鮑豬肉丸：彈牙多汁，肉香濃郁～ 🦑 深海墨魚丸：真材實料，咬得到墨魚粒！ 🐟 尤魚丸：鮮味爆棚，口感Q彈～ 🥟 汕尾秘製菜肉餃：韭菜豬肉餡飽滿，皮薄煎得香脆，15蚊抵食！ 😍淨食魚皮餃：只係30蚊！雲吞麵舖質素！而家行行地出面都要40蚊--- 🍹 飲品小食同樣高質 🍗 瑞士汁雞中翼：甜鹹交織的瑞士汁完美滲入雞