一喜車仔麵

营业中

休息中

最近發現原來尖沙咀近重慶大廈嘅商場有間食車仔麵嘅小店，食物種類選擇好多，除咗車仔麵之外，仲有飯餐選擇。餐廳地方闊落，佈置充滿港式風味。餐牌選擇好多元化，有多款招牌車仔麵套餐，亦有自選兩餸或以上嘅車仔麵，甚至揀菜底都可以。湯底亦有唔同程度嘅咖喱辣，又或者唔辣。豪華九寶麵（$59） - 由於樣樣食材都想試吓，所以專登點咗呢個九寶麵，入面材料豐富，包括有牛腩、豬紅、豬皮、牛丸、魷魚丸、紅腸蘿蔔、雞翼同時菜。首先要讚下啲餸，質素相當好，尤其係牛腩、豬皮同蘿蔔都燜得好淋好入味。另外特級瀨尿牛筋丸及魷魚丸都爽口好味。自選車仔麵 （$52） - 自選餸包括有豬皮、豬紅、蘿蔔、咖喱魚蛋、咖喱魷魚。幾款食材都好入味，質素不錯。呢碗特別點咗淮山麵，口味軟滑，好食得來，感覺又健康啲。瑞士汁雞翼 （$28）- 一客有四隻，瑞士汁非常入味，雞翼上菜熱辣辣，鍾意食雞翼嘅朋友值得一試。另外點咗碗淨餸，入面有汕尾馬鮫豬肉丸、秘製菜肉餃、芥末貢丸及咖喱魷魚，配以紫菜及黃金雞湯。汕尾馬鮫豬肉丸同芥末貢丸，特式有風味，自家製菜肉餃味道亦不錯。我哋加$10@點咗兩杯特飲，包括黑芝麻豆漿及石斛竹蔗茅根水。兩款口味都唔會太甜，尤

今晚比較早就肚餓，突然好想食車仔麵，於是就來到尖沙咀heath慶方basement嘅位置。落左扶手梯搵下車仔麵檔打卡位就到啦！呢到menu好多選擇，特別有好多懷舊小食，之前食過覺得好高質，基本上隨便點都一定好味！今日我地叫左佢哋真店之寶嘅秘製黃金雞湯加埋汕尾小米粿，呢一個組合係我哋次次嚟都會叫，因為個雞湯真係勁好飲，完全冇味精，而個汕尾小米粿都好特別，好Q韌，喺出邊完全冇食過，真係好特別。今次我哋試咗幾款之前未食過嘅小食，都覺得好正，個瑞士汁雞中翼整得好入味，好叉燒，亦都係我最鍾意嘅全瘦叉燒。另外一樣我每次嚟都會叫嘅，就係佢哋嘅咖喱魚蛋，係覺得個咖喱汁整得好好食，好有層次感！朋友就自選咗車仔麵，主要都係因為想食佢哋個銀針粉，加埋沙嗲汁夠晒濃郁！墨魚丸亦都相當彈牙！

【尖沙咀•一喜車仔麵】@ππππππππππππππππππππππππππππππ必食厚叉燒，半例份量啱啱好，叉燒肥瘦適中，外皮微焦香口，肉質嫩滑多汁，好味！ 涼拌魚皮爽滑彈牙，調味恰到好處，酸辣開胃，食落好清新。 香辣單骨雞翼，辣度適中，雞肉入味，單骨食起嚟方便又過癮。 尊貴十寶麵（銀針粉），黃金雞湯底濃郁鮮甜，配料豐富，銀針粉滑溜，好滿足！ 自家製石斛竹蔗茅根水，清甜潤喉，飲完感覺好滋潤。 尊貴十寶麵（米粉）配牛腩汁，牛腩汁香濃惹味，米粉吸晒啲汁，正！ 支裝黑芝麻黑豆豆漿，香濃順滑，健康又好飲。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 300✨✨✨✨✨✨✨✨✨✨✨✨✨#尖沙咀美食 #一喜車仔麵 #web3尖沙咀一喜車仔麵 (尖沙咀)尖沙咀彌敦道36-44號重慶大廈heath慶方地庫S19-21號舖

因為有人鐘意食車仔麵，見哩間一喜 兩間分店食評都咁好，應該可以一試喎。 所以今晚去尖沙咀就黎咗。黎到係大約 八點啫，個場非場靜，枱好多，然後得四、五枱客，完全唔係啲食評寫嘅好多人排隊嘅情況。坐低，掃QR code落單，每人叫左一個兩餸車仔麵。本身想一碗兩餸，一碗四餸，但手快就噤左兩碗 就由佢啦。 （好彩）一碗 豬紅 雞翼尖 銀針粉 咖哩汁。確實，銀針粉唔係好多地方可以叫，有哩個選擇係加分。 另一碗 蘿蔔 生炸豬扒 米線 黃金雞湯。 再加小食 厚切叉燒（例牌）。（$39） 一黎到個叉燒，我哋都呆咗。 哩五件嘢係好多好評嘅叉燒嗎？ 下面張相係食左一舊半，但我忍唔住想影低，上黎寫寫。佢係唔熱嘅，肉質唔新鮮，好似急凍左好耐個啲醃製肉咁。好乾嘅質地。好伏。所以對兩碗麵無咩期望了。到麵來了。 一碗係無揀要蔥，所以乜都無，賣相都好一般。食落無咩特別，唔係特別好食，亦唔係特別大份。 至於好多人讚嘅黃金雞湯（+$5） 少少怪，好重奶？ 還是牛油味？ 但個人黎講覺得同車仔麵唔算太夾，所以還好。火生炸豬扒，有哩個選擇係開心，但黎到睇落有啲乾，食落又唔算太差。蘿蔔好食。 哩餐飯入面，最好食嘅就係蘿蔔。 總括黎

🇭🇰尖沙咀地道港式餐廳🇭🇰-今日行尖沙咀比一間港式餐廳吸引左食晚餐🍜餐廳嘅佈置好有香港特色👍🏼而且食物仲好有地道風味-🍜自選車仔麵餐廳嘅車仔麵由湯底配料到面底都可以自由選擇😋而且選擇仲好多👍🏼我就揀咗彈牙嘅烏冬配餐廳秘製嘅黃金雞湯🐥湯底有濃郁嘅雞香味🤤配料好多都想食所以揀咗好多😋有冬菇🍄‍🟫紫菜🥬魷魚丸🦑炸蝦卷🦐魷魚🦑雲耳🍜滿滿一碗地道風味嘅車仔麵-🐮會瀨尿的上湯瀨尿牛丸餐廳特別貼咗告示瀨尿牛丸會瀨尿🐮以為係講笑😂點知咬落去真係會爆漿💥而且牛丸彈牙味香-🐷招牌叉燒飯叉燒肥瘦適中😋仲有惹味嘅燶邊位👍🏼-🥕蘿蔔特別推薦👍🏼蘿蔔非常清甜-🥬菜心、韭菜菜類新鮮爽脆😋配埋蠔油味道再提升-📍 一喜車仔麵尖沙咀彌敦道36-44號重慶大廈heath慶方地庫S19-21號舖-

同朋友嚟咗重慶大廈下面慶坊嘅一喜車仔麵，呢間車仔麵除咗多餸揀之外，仲有唔少飯餐同小食，重大部分嘢係自家製添。⭐自選車仔麵自己點左個自選車仔麵，揀咗紫菜、豬大腸、特級瀨尿牛筋丸，跟油麵，湯底加配牛腩汁同麻辣汁。大腸滷得入味，加上清潔乾淨冇異味，瀨尿牛丸真係會爆漿，要小心食。湯底鮮味加埋牛腩汁勁香，鍾意食辣嘅話要點埋個麻辣汁，麻麻辣辣好惹味。⭐豪華九寶麵朋友要咗個豪華麵，揀咗淮山麵配咖哩汁，鍾意食辣嘅佢梗係要買個麻辣汁添啦，仲叫咗多蔥真係好多蔥呀。超豐富好滿足，有選擇困難症嘅話，叫呢款豪華麵一次過齊曬啲餸就啱曬啦。⭐上湯鴛鴦餃叫咗個上湯鴛鴦餃，係自家製嘅韭菜餃同菜肉餃，湯底鮮味，兩款餃個皮都好滑，餡料飽滿，正！⭐韭菜豬紅朋友點嘅韭菜豬紅，豬紅嫩滑冇腥味，醬汁好正，韭菜脆嫩，成碗都好好食🤤⭐椒絲腐乳生菜本來叫咗個腐乳通菜，但通菜賣曬得返生菜，估唔到生菜配腐乳醬都ok喎，哈哈，腐乳醬真係好好食㗎。⭐爆餡春卷 & ⭐爆餡咖哩角有點少得叫炸嘢呢，叫咗炸春卷同炸咖哩角，呢度個size比出邊街大好多，春卷同咖哩角都爆餡，外皮炸得香脆，正。⭐自家製石斛竹蔗茅根水 & ⭐支裝無糖烏龍茶飲品叫咗個竹蔗茅根同

作為一個車仔麵愛好者，得閒就要發掘下好食既車仔麵！今晚朋友帶左我黎呢度，佢話之前食過一定要推介俾我😙👅咖喱三寶咖喱都幾香辣，牛柏葉爽口，魚蛋彈牙👅酸齋，蘿蔔，菜心，炸蝦條淮山麵配黃金雞湯呢個甜酸齋同我喺出面食車仔麵既唔一樣，似係店舖自家製😮酸齋係我近幾年食車仔麵必點既餸黎，酸酸甜甜吸晒啲汁好開胃😋蘿蔔清甜夠淋👍炸蝦條彈牙有蝦味淮山麵爽口唔會太腍雞湯超級濃郁帶啲奶香味，完全唔油膩，有誠意👍👅酸齋，豬皮，鳳爪，魷魚丸銀針粉配沙嗲汁試咗一啖朋友嘅沙嗲湯底，都幾香幾惹味，個人黎講中意沙嗲多過咖喱😄👅例牌叉燒呢排間唔中就有燒味癮🙈見到有例牌叉燒唔會太大份忍唔住叫咗😂賣相都唔錯，有啲焦香，叉燒偏瘦但鬆軟唔痴牙👍 連朋友都讚好食👅淨餸豬手，魚腐，芥末貢丸朋友鍾意食豬手但係我一般😅但係佢呢度嘅豬手唔會太肥，有軟骨又有少少肉，好入味，連我平時唔太食豬手既人都覺得唔錯😮📌尖沙咀彌敦道36-44號慶方地庫S19-21號舖

與剛回港的友人吃飯，想吃點地道美食，於是來到尖沙咀isquare對面的慶方吃飯咖喱四寶（魚蛋/牛柏葉/牛腩/魷魚） $59咖喱醬汁香濃惹味有層次豐富，魷魚爽滑，牛腩軟嫩入味，出色的街頭小吃瑞士汁雞中翼 $28/4隻雞翼肉質鮮嫩，瑞士汁是帶點甜味的滷水汁，味道正宗特級瀨尿牛筋丸 $36/6粒牛筋丸彈牙有嚼勁，每粒都爆汁，小心吃湯汁不要濺到別人身上必食厚切叉燒半例 $39可選例牌或半例，半例即是半份例牌，我點了瘦叉燒，醬汁香濃，肉質鬆軟好吃菜芯 $18菜芯新鮮爽脆，蠔油調味恰到好處米粉/冬菇/生炸豬扒 $39 +沙嗲汁 $3沙嗲汁帶花生香氣，香濃惹味，必點靈魂醬汁米粉用新竹米粉，口感特別爽滑彈牙豬扒熱辣辣炸起，厚度適中，香口鬆軟米粉/羅白/胡椒豬肚丸/豬腩肉 $51 +$3沙嗲汁羅白鮮甜無渣，份量很足有5~6件，豬腩肉不會太肥，很香自家製石斛竹蔗茅根汁 $10/黑芝麻黑豆豆漿 $10兩款飲品都很香濃，價錢不貴總括來說，每樣食品都很出色，很代表香港的正宗街頭小食

喺尖沙咀食飯，好難搵到車有車仔麵，今次小編就同朋友去咗位於尖沙咀食咗一餐好豐富嘅車仔麵呀😛生炸潮汕三寶- 馬鮫豬肉丸：外皮酥脆，內裡鮮嫩多汁，兼具豬肉的香氣和馬鮫魚的鮮味，口感層次分明- 深海墨魚丸：墨魚鮮味濃郁，丸子彈牙，搭配特製醬汁更添風味，適合墨魚愛好者- 尤魚丸：魚肉細膩，彈性十足，令人一口接一口汕尾小米粿- 豬肉粉粿：米皮薄滑，內餡豐富，豬肉的香味與米的清香相得益彰，令人懷念潮州傳統小吃。炸韭菜餃- 韭菜餃外皮金黃酥脆，內餡鮮香四溢，韭菜的香氣與餃子皮的口感形成完美平衡下午茶車仔麵套餐：一定要叫瀨尿牛筋丸，口感彈牙，仲要係爆汁添，牛筋的嚼勁與鮮嫩的肉質相結合，人回味無窮，仲有得選擇淮山麵，搭配牛腩汁，湯底濃郁，十分滿足，下午茶車仔麵再配送椒絲腐乳通菜紫菜4寶淨餸黃金雞湯：湯底濃郁，當中擺盤就瀨尿牛丸，汕尾小米粿，墨魚丸，魷丸，另外再擺咗啲紫菜浸埋一齊,正！必食厚叉燒- 叉燒肉質厚實，蜜汁醬香濃郁，外焦內嫩，回味無窮，絕對是肉食者的最愛。自家製銀花雞骨草＆自家製石斛竹蔗茅根水- 飲品清甜可口，具有清熱解毒的功效，口感爽滑，是飯後理想選擇

呢間餐廳係位於尖沙咀慶方商場樓下既車仔麵鋪，佢既老闆好nice嫁，餐廳既食物款式選擇好多，呢度除左車仔麵咖哩都好出名嫁，我地叫左一碟叉燒例牌，呢碟叉燒食落好香脆仲要係餐廳比較出名既食物之一，見到門口鋪頭位置寫左蜜汁厚切叉燒飯就知佢有幾勁啦呢度連飯都係自己煮既食落d米同出面好唔同，無甘硬又軟熟甘。葱油豬扒飯，秘制醬汁葱油好香口，豬扒惹味。豬皮小食好有骨膠原，味道軟綿綿口感好好味。沙嗲牛腩係呢度既特色牛腩份量好多，牛腩份量多又好食

嘩，呢度啲車仔麵餸有成差唔多50種可以揀！出邊有嘅呢度有，出面冇嘅呢度都有！比較特別嘅有：真係會瀨尿嘅瀨尿牛丸、潮汕馬餃豬肉丸、有魷魚粒嘅魷魚丸，仲有好多好多…就連麵都差唔多10款可以揀，我就揀咗好特別，出面冇嘅銀針粉。非常煙韌彈牙，唔會一pat 野，記住一定要試佢哋嘅招牌黃金雞湯，好飲到我成碗飲晒，直頭想問佢有冇淨湯賣🫣🤭見佢哋出咗新嘢，有個「冇得輸飯」，鍾意食頹飯嘅朋友仔真係冇得輸，另外仲有厚叉燒，不過覺得就可以肥返啲啲🤏🏻佢哋自家製石斛竹蔗茅根飲品都相當唔錯，飲得出非常足料，唔會淡茂茂。整體嚟講係一間好有heart，非常用心嘅車仔麵。地理位置喺尖沙咀市中心，但係價錢非常貼地親民，絕對值得推介👍👍

今日同老公行經過尖沙咀，喺iSquare附近地庫有個細商場叫慶方地庫一搭扶手電梯落去行幾步就見到了，係果度發掘咗有間新開嘅車仔麵，食個下午茶先。我叫左淨餸秘制黃金雞湯，加汕尾小米粿，蘿蔔，咖喱魷魚，咖喱魚蛋配凍檸茶🩷🩷🩷🩷🩷先講吓佢個雞湯勁鮮甜雞味濃郁，配搭汕尾小米粿外皮勁煙靭豬肉味勁香濃多汁。蘿蔔無渣清甜吸收晒雞湯嘅味道。咖喱魷魚同咖喱魚蛋咖喱味濃郁，帶點香辣彈牙爽口。凍檸茶係茶餐廳濃味凍檸茶我最愛。老公叫左車仔麵系列，午餐肉，牛腩配油面加咖喱汁同凍華田。🩷🩷🩷🩷🩷咖喱汁香辣濃郁，配上鬆軟入味嘅牛腩，加上大小適中嘅午餐肉，車仔麵必叫真係絕配。同埋佢個柯華田都好好飲，夠濃郁。我哋叫咗幾款小食，有香辣雞翼🩷🩷🩷🩷🩷，厚叉燒 🩷🩷🩷🩷🩷，特級瀨尿牛丸🩷🩷🩷🩷🩷咖喱角🩷🩷🩷🩷🩷生炸潮汕三寶有(馬駮豬肉丸，深海墨魚丸同魷魚丸)🩷🩷🩷🩷🩷香辣雞翼一上枱熱辣辣咬落去多汁，而且啲辣味滲晒喺個雞肉裏面，真係好惹味。厚叉燒好夠厚切，加上蜜汁甜豉油，同埋肉質唔會嚡口。特級瀨尿牛丸超彈牙爽口，同埋裏面咬落去爆汁，牛味超濃郁。咖喱角超爆多料，平時食開咖喱個比較細舊，呢個係巨大化。生炸潮汕三寶個豬肉丸，咬落多汁

味道確實不錯，又有免費飲品62$ 最欣賞係佢哋用心製作，啲牛腩汁佢會攞錫紙包包住。唔會整林啲麵條。咁味道樣樣都不錯，但可以有改善空間。已向老闆娘反映，他說未來會改善。 麵條的份量太少了吧，一定不會飽， 一拍完食物照就立刻撩吓個面底，夾左少少就見底。 希望未來會多啲小小，味道確實不錯。

之前都有去開土瓜灣嗰間一喜😉最近先知原來尖沙咀都有分店😏地方更闊落，款式更多元化😝蔥油孖寶飯(豬扒+雞扒)😚$68豬扒肉嫩多汁，又夠厚身🐷雞扒外脆內軟，又夠Juicy🐔表面鋪滿蔥油，食落好香😋亦唔會過份油膩，撈飯真係一流😙絕對係簡單嘅美味😘沙嗲牛腩麵🐮$63估唔到份量都幾多😆個麵同牛腩係分開上☺️麵就叫咗幼麵配沙嗲汁😌沙嗲汁夠香夠濃😉加上牛腩夠軟夠腍😀而且好入味，真係好好食🤤特級瀨尿牛筋丸(6粒)😏$36粒粒都好彈牙，而且仲會爆汁添😉上湯鴛鴦餃🥟$35入面有秘製菜肉餃同手工韭菜餃😙菜肉餃肉香四溢😙加上蔬菜嘅清甜增添咗層次感😌韭菜餃充滿香氣，味道鮮美😝整體餃子都餡料豐富，又夠飽滿😛瑞士汁雞翼(4隻)🐔$28雞翼口感滑嫩多汁😋輕鬆一咬就做到骨肉分離嘅效果😌瑞士汁亦唔會太鹹，甜甜哋好開胃😁香辣單骨雞中翼🍗$28新鮮炸起，炸至金黃色，香脆可口😊椒鹽魚片頭🐟$26即叫即炸，魚味濃郁，爽口彈牙😙酸齋😝$12酸齋軟滑，吸盡酸甜汁嘅精華，零舍開胃😏秘製黃金雞湯🤩另+$5呢個真係有驚喜😘雞湯鮮香，味道香濃又夠鮮甜😋一口暖心，令人回味無窮😎紫菜😙$12紫菜清淡鮮美，柔軟爽口😊芥末貢丸😋$12自家製嘅芥末貢丸

【尖沙咀•一喜車仔麵】@ππππππππππππππππππππππππππππππ首先，菜芯清新爽口，搭配牛腩汁的濃郁風味，讓人食指大動。生菜魚肉清淡可口，完美平衡了其他重口味的菜品。豪華九寶麵的配料豐富，麵條彈牙，讓人一試成主顧。米粉的滑嫩也很出色，特別適合喜歡細膩口感的人。厚叉燒肉質鮮嫩，甜而不膩，口感非常滿足。支裝黑芝麻黑豆豆漿則是一個非常好的搭配，香濃且健康，為整頓餐點增添了不少分數。特級瀨尿牛筋丸的口感彈牙，嚐起來十分過癮。自選的車仔麵和河粉各有特色，搭配魚腐和魚旦，讓人感受到海鮮的鮮美。最後，清湯清爽可口，而秘製黃金雞湯則令人暖心，濃郁的香氣讓人留戀。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 289✨✨✨✨✨✨✨✨✨✨✨✨✨#尖沙咀美食 #一喜車仔麵 #web3尖沙咀一喜車仔麵彌敦道36-44號重慶大廈heath慶方地庫S19-21號舖