一品刀削麵

营业中

休息中

今次食呢個鮮牛肉刀削麵，湯底依然同平時一樣清甜唔油膩，配上老闆巧手不停咁將粉糰用刀削出既麵，簡直係相得益彰。刀削麵非常滑溜，而且一啲都唔厚。鮮牛肉用左五香粉醃製，所以食落特別香。豬頸肉原來同麵分開上，所以豬頸肉上炸蒜唔會比湯浸腍，爽滑既豬頸肉會上香脆炸蒜確實惹味，不過味道方面豬頸肉偏鹹要改善。另外叫左杯豆漿，普普通通冇乜特別。

難得今天入了屯門石排頭路，工作完後看看有什麼美食醫下肚先。😁😁😁眼看整條街都係食肆，真係唔知食乜好，有車仔麵、米線、海鮮酒家、刀削麵、餐廳小廚。🤔🤔🤔晚餐一個人食，都係簡簡單單，就支持下小店「 刀削麵 」🍜🍜🍜手撕雞🐔🐔🐔& 袐制麻辣醬（另外+$2 ）豬扒刀削麵 🐷🐷🐷

係屯門做野，附近得好簡陋嘅茶餐廳，於是就揀左一品刀削麵。店內比較細，多人時要搭枱，但勝在冷氣夠流，唔會覺得焗。我點左炸豬扒刀削麵，所有食物即叫即做，要比耐性等等。炸豬扒熱辣辣，掩得好入味。刀削麵麵條厚度適中，不會過厚成口粉。湯抵好清，夠味，唔會覺得油膩。總括好食又抵食。

話說時隔又一年啦，今年返黎係時候寫下食評 由於之前食左幾次飯都冇影相既緣故，今日餐晏仔終於記得影啦!呢間刀削麪係幾年前街坊廚神介紹過既餐廳，一直都未有機會去食，因為好似一直都好多人T T，今次去唔知係咪因為風氣過左唔駛點等位，我地四個人去到見到好多四人卡位都係得兩個人坐...坐低望一望menu，見到得幾款揀，就叫左個手撕雞刀削麪，老豆同細佬食過好多次，所以佢地都係叫返招牌既豬肚絲同麻辣雞翼，等左冇幾耐就黎到啦!手撕雞刀削麪: 手撕雞係另上，醃得都幾入味，有青瓜絲同雞肉絲，肉都算ok多，有麻油同醬油香味，個人覺得唔錯  至於刀削麪，絕大多數既刀削麪店都係人手製，呢度亦唔意外，我地隔住玻璃見到廚房既師傅一手拎住舊麪團一手用刀削麪，真材實料，屯門黎講係只得呢一家所謂既真．刀削麪! 好鍾意個湯底，好夠味清得黎又夠味俾啲刀削麪吸收哂啲汁，而且不得不提既係刀削麪由於下刀既深淺關係，麪身中間厚而兩邊薄，變咗可以吸到更多既湯汁而且質感夠哂煙韌。另外順帶一提，如果你係比較細食既人，咁我諗你叫一碗刀削麪加一個餸既話一個人應該會食唔哂，皆因麪身夠厚，食落好有飽肚既感覺所以其實可以兩個人SHARE一碗再加

呢間野位哥仔侍應係我見過嘅最差嘅一位，態度極差，一食完即刻趕你走，未有位又要先落單，仲有兩個人想要隻碗仔share都唔比，而且經常講粗口，有小朋友就唔好去喇，今時今日我係食野唔係受氣，係咁先，劣評x100！

星期日holiday mood 又冇心機煮飯,所以出街食, 見好耐未去過食刀削麪一於食刀削麪特色冷刀削麵 $39平日食湯麪食得多, 今次揀唔到食咩餸所以食冷刀削麪,凍凍地嘅刀削麪配蛋黃醬好正,麪質煙韌彈牙,配上青瓜絲增添清爽感估唔到仲有滷水牛展響配菜入面,為佢增加鹹味豬軟骨刀削麵 $36豬軟骨入味軟稔, 連軟骨都輕易咬碎,滷水味入味,湯底依然出色,味道香濃, 滿滿嘅骨嘅脂肪味,同厚厚煙韌嘅刀削麪好襯自家製上海水餃刀削麵 $32一碗端上時有4隻水餃韭菜豬肉水餃, 韭菜味香濃, 食緊時周圍都充滿韭菜味,味道偏鹹, 自己配黑醋比較好, 同鹹味平衡番

係圖書館溫書溫到肚餓⋯就落去食lunch～ 朋友介紹呢間好食😝😝舖頭細細地⋯若莫容納到二三十人～見牆上面貼住好多成間舖頭坐滿學生既相～睇黎呢度係附近學生經常黎食lunch既飯堂～質素應該有番咁上下價錢應該都合理～一人一個麵～佢有得轉蘭州拉麵or米線之類⋯但舖名都叫刀削麵⋯梗係唔轉😝😝我叫左個招牌豬軟骨刀削麵～有兩大舊豬軟骨～炆得好軟稔入味～係軟骨比例多左少少～但都好好食👍🏻👍🏻麵條好滑😍😍 粗幼同長短唔會差太遠～煮得啱啱好仲係彈牙👍🏻👍🏻 仲大方都送左幾條菜～都唔只兩三條😂😂 比起平時食麵多😂😂😂 朋友嗌花雕醉雞刀削麵～麵就清湯底另上～ 我唔好酒味所以冇食～ 就咁睇雞有翼呀脾肉咁～ 朋友話如果加埋花雕落湯底就正！碗麵望落都幾大碗！食極都仲有既😂😂😂超飽肚！適逢某大牌子雪條做緊買一送一⋯本身想食完麵去隔離七仔買雪條食⋯但太飽了！下次再食😝😝

個人喜好麵條，又試下呢間刀削麵先～叫左豬扒刀削麵，入口第一啖湯幾順喉，唔係好重味精，刀削麵麵質同元朗某間好相似，都係煙煙韌韌，少少淋淋地，而豬扒鬆軟，有酒香，好入味，辣椒油炒得幾香，又唔係好辣，加幾滴啱啱好～份量又夠，好多學生都泥食，不過服務態度就一般。

今日2016年5月22日，時間19:00！叫左個秘製豬頸肉刀削麪，豬頸肉得5-6塊完全唔夠餸，最後食到成嘴油連張餐紙抺下嘴都冇!服務非常差,講野大大聲,非常冇禮貌,唔會再幫襯!

天氣凍凍地，懶得煮飯，於是出街食東坡肉刀削麪 $34覺得佢嘅刀削麵同平日買番屋企煮嘅唔同，因為新鮮以刀削出嘅麪條，每條麪條都煙韌有彈性而唔會一夾就散，加上濃郁骨湯底為麪條添上鹹味，食到真係一碗接一碗，東坡肉肉質軟稔，滷水汁入味，鹹中帶甜，皮同脂肪入口即化，脂肪同肉同時放入口中咀嚼時有肉嘅鹹味亦有滷水甜味，仲有脂肪黏黏的，味道豐富滷水雞翼刀削麪加底加豬大腸 $52呢都嘅滷水汁始終都係first choice,豬大腸爽口，每咬一下都擠出滷水汁出黎，十分過癮，滷味掌握得好到雞翼內肉都有豉油甜鹹味，卻保留雞肉肉質嫩滑，唯雞翼大細偏小

食過好幾次，因為會掛住個味道，會突然想食。但地方比較細，午飯時多人就要等下啦。好值得一食，我比較常食豬扒刀割麵，加2蚊蒜蓉撈落個湯，立即提升個湯既鮮味，但食完個口會有味架啦。豬扒味道口感都是我喜歡的，又不是油炸，價錢$32,非常合理。之前都有食過麻辣撈麵之類，個醬好正，但我唔係好食得辣，所以食過兩次。個醉雞真係好酒味，我麻麻地陣酒味，食過一次就無食。手撕雞的份量會少，細食既朋友可以考慮。整體食物都不錯，四個人去食就最好，因為張台巧合坐四個，可以試多啲唔同既餸。

大興邨尋味小店 邊少得一品刀削麪性價比高 真係師傅親手用刀削~店內座位較少 但能夠保持質素刀削麪款式多 更有冷刀削麪選擇小食種類都好豐富 有手拍青瓜開胃小食 又有滷味惹味招牌豬軟骨刀削麪 $34招牌不愧為招牌軟骨刀林身 一d都唔韌脂肪分配平衡 好容易就咬得開滷水味燜得入味 滷水汁種豉油味香醇刀削麪係湯入面滑溜彈牙 湯底濃厚 刀削麪配上湯底味道增味 手撕雞冷刀削麪 (加底) $39+15加底加到拱起到碗面 雖然睇相好似唔多但對比翻 比豬軟骨刀削麪 連湯份量更多冷刀削麪比湯刀削麪更彈牙 再加上青瓜絲爽口青瓜絲配冷麪真係冇得頂 如果自己再加手拍青瓜可能仲正類似泰式辣醬甜辣酸酸地 惹味非常手撕雞幼身唔算鞋 乾身少少既手撕雞先食到d汁架麻~~~

醉雞都OK la，不過上菜時冇汁(即係酒)，所以味道唔算太濃。手撕雞無記錯係大size，份量少左d囉!! d瓜重多過d雞~但明明係叫手撕雞，倉餐牌冇話過會有瓜嫁囉!涼伴青瓜男友食麻辣，叫黎解辣用。爽口青瓜，砲酸酸地既汁，唔錯!韮菜餃刀削麵刀削麵大大條，個湯夠味，唔錯!韮菜餃有四粒，而且又大件，味道OK!

坊間刀削面很多，傳統手勢，爽口彈牙，入味至極，三大特點集於一身的街頭小店卻是少之有少。屯門這一間小店吸引了不少人前來品嘗佳餚，甚麼連明星都慕名而來。店內設計簡約，仿和風設計，微黃的燈光和木制餐桌給客人溫暖的感覺。刀削面一碗價錢不貴，對比外面其他名店更能稱得上為價廉物美。我每一次來，一定會點招牌豬軟骨刀削面，豬軟骨份量足夠，肉質鬆軟。雖說是豬軟骨，但肉量保證絕對不會少，而且用濃汁炆燉，入味至極，令人不禁多嘗幾口。刀削面亦是另一賣點，面量足夠令你飽餐一頓。面質亦不錯，通透彈牙，配上濃湯，絕對令你不能止口，不怕遠的朋友們絕對可以前去一試，保證超值！

此店子就在我公司附近，雖然開了有好幾年，不過我一直都未去試，因逢午飯時間都有一大班人在等位，我自己就不太鐘意等位，更何況是在上班的放飯時間﹖今天好早就食早餐，到下午完了興趣班就饑腸轆轆，決定要吃一餐豐富飽肚的。經過一品門口見到入面沒什麼食客，那擇日不如撞日，立即衝入去了﹗店子非常狹窄，我順手坐門口旁邊的位，但當有人出入時，外內的對流風就猛吹埋身，感覺不好。聽到隔離枱的對話先知道假日沒有下午茶餐，那就散點吧。見店內只有一名穿水靴的男生在專注在他的手機屏幕之上，然後我叫一聲"唔該"，他眼角啤啤我，然後才動起身子過來幫忙落單...我對涼拌青瓜$20好有興趣，我先問一問此味會否好辣﹖(因這裡大部份小食都是"麻辣"為主)，他板起面說"你食得唔食得生蒜呀﹖"，他說得麼"明白﹑清楚"，我就照要一碟好了。份量有不少，青瓜是拍出來的，青瓜新鮮，清脆多汁，部份醋汁都有醃於青瓜肉內，生蒜蓉下得好多好多，我自己好鐘意食生蒜所以吃得好過癮。本來諗住要碗上湯刀削麵$26，不過好似好怪，唯一素食的齋春卷刀削麵$30就是我的選擇了。等了幾分鐘麵到了，啊，超大碗呢﹗湯底都幾好味(牛骨湯?)，可惜刀削麵的質感就好"削"，