一品刀削麵 (已結業)

間野離西鐵站有啲遠唔熟屯門嘅有啲難搵星期日嗰日去唔洗點等有4 5張卡位 幾張2人枱裝修不俗 環境唔錯 幾乾淨提提你！無紙巾無水供應侍應哥哥態度唔多友善😅叫左3個麵⬇️豬手 豬軟骨 五香牛肉同埋3款小食⬇️花雕豬肉 滷大腸 鴨腎啲麵條！其實唔錯 幾有口感 長度啱啱好唔太長唔太短湯底！唔太重味精味 飲一啖都唔太口乾豬軟骨！唔太咸 咬落都頗為鬆軟 幾大舊下 可惜一碟得2舊 唔多夠喉豬手 豬味太淡 食唔出係滷嘅 豬手上面嘅毛未燒乾淨牛肉！原來係牛𦟌 不過不失啦 味道唔錯但切得太薄 又係分量少左啲滷大腸同鴨腎 唔太特別 普普通通花雕豬肉！就較為遜色 得花雕味 就好似飲燒酒咁 唔太受得酒嘅就唔推介你嗌價錢唔太貴4個人食 每人都係$48👴

五香牛肉刀削麵 $32 (好食指數 :6.5/10) 呢間刀削麵位於屯門，曾經係電視節目街坊廚神介紹過。 叫左碗五香牛肉刀削麵，其實即係牛刀削麵。刀削麵係師傅即場削出黎煮，麵質煙un有彈性。不過講到湯底同牛，就只屬普通，襯托唔到刀削麵，令整碗麵失色不少。

睇電視推介這裡的刀削麵，一向係元朗食開刀削麵特登慕名而來嚐一嚐。我們叫了兩碗刀削麵1.  鮮牛肉刀削麵 $282.  手絲雞刀削麵 $32刀削麵不夠彈牙，湯底普通，手絲雞跟青瓜絲一隻碟上，份量很少。我們只可以說這裡的刀削麵沒什麼特別，及不上我們一向在元朗吃的好味。有點失望

之前睇街坊廚神介紹了好幾間屯門嘅食店, 老公對呢間最有興趣, 今日終於有時間嚟試下喇一望餐牌, 又真係幾抵喎, 麵嘅價錢平均都係廿幾三十蚊. 叫咗:-一碗豬軟骨刀削麵 $30.00, 一碗炸豬扒刀削麵 $26.00. 五分鐘左右, 熱辣辣嘅刀削麵送到, 試啖湯先, 又唔錯喎. 味道適中. 麵質爽口煙韌, 豬軟骨又林又入味. 炸豬扒就唔似坊間嘅用粉炸, 但我反而like佢嘅炸法, 如果用粉炸嘅一放湯一定勁難食.(好過荃灣某橋底果檔N倍, 果檔啲湯勁濃又勁咸, 食到尾啲麵吸晒啲湯, 仲難食. 令到我一試難忘, 有段時間提起刀削麵都怕怕)一碟醉豬脷 (小) $18.00 都幾夠酒味, 爽爽地, 正!一杯豆漿 $5.00 唔太甜, ok埋單$79.00

公司啱啱搬左去大興呢頭﹐平時行過見到呢個一品刀削麵，今日終於食左啦我叫左個麻辣手撕雞冷刀削麵，真係好正!本身個麵已有少許辣，再加埋D麻辣，真係這個冬天不太冷。而且麵好好咬口，唔會"林"。同事就叫左個雲吞刀削麵，我都試左，個湯底好夠味，愛味濃者，建議加少許醋，更入味香口，而且熱食個麵都一樣咁正，我地仲叫左個冷盤青瓜，點醋食!!夏天食，涼涼地應該好開胃。但今日真係好冷呀~~~~~~~~~~~~總括都有80分!!!

琴晚同FD食飯~~諗左好耐都唔知食咩...屯門食黎食去都係個D~~有個FD又想食麵，突然驚人發現有呢間刀削麵，五個FD一致贊成！打電話去問清楚地址，個男生服務員態度一流，問埋佢既同事，教埋我點渣車去。(雖然本身我住屯門@@")門口有位泊車~~食一陣應該都OK~~落車佢要執埋個位就OK~~望下餐牌先~~~哇...廿幾蚊都有碗...咁平既入到去...位唔多....4張卡位...3張2人枱...五個人...4個人叫左手斯雞(兩個+左肥牛)...我叫左花雕醉雞+菜肉雲吞...小食叫左炸水餃同埋花雕醉豬脷一黎上哂餸比你食住先~~醉雞一黎...真係好勁~~聞都聞到...手斯雞佢用青瓜絲伴埋一齊...第一次咁食但都真係唔差~~~醉豬脷~~又真係好落足料~~~好醉~~食左兩舊都唔係太掂(本身唔太飲酒)中意醉咩醉咩既朋友真係要一試~~~個刀削上埋枱就開餐囉~~~份量...唔太少...我都夠飽...個醉雞真係要浸一浸先好食....浸左都仲好醉=.=''最讚係個菜肉雲吞....好大粒....好飽滿既雲吞....全部菜同肉....一定要試一食就知係自己包...落足料...食左好滿足!!!!個炸水餃....一般

以前如果要食刀削麵，就要出到去荃灣，現在係屯門都可以食到了。今日試下去呢度食下午茶，要左一個菜肉雲吞刀削麵。等左5分鐘到，大大碗的麵就送到了，菜肉雲吞用白菜做的，好多菜，又大隻，味道好豐富。至於刀削麵，好滑，好彈牙，刀削麵仲吸收哂湯的味道，正。希望下一次可以再試下拉麵‥‥‥

今天才發現這裏有一家刀削麵，星期六中午也不太多人不用等。以前在元朗吃過一家刀削麵，像筷子一樣粗，經驗不好，所以點了個豬軟骨拉麵，拉麵尚算爽滑彈牙，透過廚房的玻璃窗，我看見師了師傅拉麵的技巧，聽到師傅「達」麵團的聲音，功夫很到家。湯底可能因加了豬軟骨的汁，偏咸。豬軟骨的水準還不錯，整體滿意。看見鄰座的人的削麵不算很粗，下次會試。值得一提的是，這種做特色食品，小本經營的食店在屯門已買少見少，為了支持多元的經營環境和飲食文化，我會再光顧。

本來又諗住去食麻辣雞米線, 點知今日無食水無開, 行行下醒起有間刀削麵舖未試過, 嚮門面望下野食價錢都岩既咪入去坐下, 同男友嗌左炸豬扒刀削麵, 水餃刀削麵+麻辣, 再黎一杯豆漿.水餃刀削麵+麻辣: 水餃係韮菜豬肉餃, 幾香口, 個刀削麵因為每條都有D厚有D薄, 所以口感都唔多同, 有D煙韌有D淋D囉. 不過最特別都係額外+既麻辣, 以為落埋落碗湯度, 原來拎個小碟另上, 個樣似...高貴既魚子醬, 哈哈, 原來麻辣呢個顏色既咩? 不過將佢加落個湯度真係幾OK, 而且一碟兩個人都夠哂用呢.炸豬扒刀削麵: 麵底就一樣啦, 至於個豬扒, 我又唔覺得似炸出黎, 不過都夠哂淋同埋都幾滑既.

今日早食晚餐，見到樓下新開左一間刀削麵，見到有位，所以入左去試下，又幾好食wo，叫左豬軟骨刀削麵同五香牛肉刀削麵。兩樣都幾好味，不過我覺得豬軟骨好味d。麵好有咬口，湯都好濃好好味，要左一個係麻辣，係一碟辣醬加蒜容，好香好夠辣。叫左一杯豆漿，唔係好甜而且冇渣，正!!