一品刀削麵 (已結業)

食過好幾次，因為會掛住個味道，會突然想食。但地方比較細，午飯時多人就要等下啦。好值得一食，我比較常食豬扒刀割麵，加2蚊蒜蓉撈落個湯，立即提升個湯既鮮味，但食完個口會有味架啦。豬扒味道口感都是我喜歡的，又不是油炸，價錢$32,非常合理。之前都有食過麻辣撈麵之類，個醬好正，但我唔係好食得辣，所以食過兩次。個醉雞真係好酒味，我麻麻地陣酒味，食過一次就無食。手撕雞的份量會少，細食既朋友可以考慮。整體食物都不錯，四個人去食就最好，因為張台巧合坐四個，可以試多啲唔同既餸。