一品刀削麵

营业中

休息中

從學生時代開始光顧這家刀削麵，平常也不時來吃一碗，自從媽子發現刀削麵的湯是用牛骨熬煮之後，就沒再吃過刀削麵了。今天居然一起進來吃，原來想到可以走湯，問題便解決了。小店坐位不多，一邊是四人卡坐，一邊是2人細枱， 平常飯餐時間經常坐滿，這天來得比較早，可以坐在卡位用餐。我點了一碗麻辣豬扒刀削麵$39，由於麻辣醬是另上的，所以即使大家都愛麻辣，其中一款叫麻辣就足夠，可以省下$3的。豬扒軟腍味道不錯，刀削麵煙韌有嚼勁，欣賞麵食中有青菜，增添健康元素，不錯吃。 媽子點了白菜雲吞刀削麵 (走湯)，一樣配有幾片唐生菜，白菜雲吞有麻油香，最喜愛餡料菜比肉多，好吃！後來又追加了一客細麻辣鴨腎，看著淋在上面的麻辣醬，喔 ~ 早知道會叫這個小食，麵食就毋需加麻辣啦......可省$3 呀...(笑)鴨腎烹煮時間掌握得剛好，腍中帶爽脆，咸度適中，麻辣味就是來自秘製麻辣醬，伴有新鮮蒜蓉既香又麻且辣，惹味又過癮！

第一次來的時候覺得店員(感覺像是老闆)的態度有點不好，就是在跟他點菜時有點顯得不耐煩，而且來錯了食物，但他會不太禮貌地反駁說我們就是要了這個⋯因此有一大段時間沒有再來光顧。但漸漸地還是開始回來光顧，最大原因是賣刀削麵的店很少，而且附近都不多餐廳選擇。再加上慢慢知道他們的下單模式了，就是要「快速、大聲、準確」！下午12時左右是會滿座，客人源源不絕。我以前會點花雕醉雞刀削麵($42，花雕醉雞會另上。但覺得碎骨很多，不太方便去食用)，現在大多數會點豬耳刀削麵($38。雖然湯會把豬耳肉浸到很軟很軟的，但軟骨還是很爽脆)。雖然他們的湯底沒有得選擇，但可加$3要他們的秘製麻辣(建議逐少逐少加到麵裡，個人只需5分1的份量就已很夠辣)。他們的麵的穩定性要注意一下，麵有時會煮得太軟，有時又很有韌度。突然想起，曾經嚐過特式凍撈刀削麵，那個就很彈牙煙韌，可能以後都會點這個了吧。

叫左個醉雞刀削麵。味道一般。坐又唔舒服。 條友又冇禮貌。好趕客。 話好食個d真係可能未食過出面d好嘢。 今日因爲咁浪費左錢。so sad 間野遲早收擋。 唔會再有下一次。 ,

屯門工廠區附近，有一間細細既鋪頭，呢間我已經食過好多次，一掛住既話無論要搭輕鐵先去到我都會堅持去食麻辣豬大腸 $26麻辣係自家做既 係出面未食過如果平時想要要架$3先有架 咁你就知幾矜貴豬頸肉刀削麵$40呢個好脆 豬頸肉有汁既唔好好乾身手撕雞刀削麵$42每次我都一定食呢個 又會好掛佢味道好濃唔似其他地方得鹹味又幾大份最緊要係同麵分開先！ 最近刀削麵唔會好粗又唔會好薄容易咬口湯底又好飲呼 今日又想去食！同鋪頭都細 中午要同中學生爭一爭！

D態度好似前世欠左佢十億成間鋪d人都好無禮貌不知所謂你諗多一陣唔落單就會被人眼超超野食係ok啦咁，都係果d味，貴就唔算不過成個屯門真係大把野食寧願食d難食過佢既餐廳食完都唔安樂真係失心瘋先會再幫襯極後悔

呢間小店都真係幾細，都幾多人食。坐位都幾迫，拿拿林食完走人啦。店員感覺唔係太友善，講野係大聲少少，但又有講多謝架喎。話明叫刀削麵店，真係全部都係刀削麵，但都可以轉米線既，選擇都算唔少架啦。叫左個豬軟骨刀削麵，$40。又幾好食喎，湯底味濃，不過食完有d口渴。豬軟骨夠淋，夠入味。至於個主角刀削麵，本人覺得淋左d, 差左多口感，夠晒老人家食😂份量我覺得就少左d， 食完唔係好夠飽。溫馨提示：記得個麵黎左要快d食，唔係就真係淋晒唔好食啦。

店舖客人稀少，落單態度呼呼喝喝，食物一般，雖然刀削麵是現削，除了這一點，湯底比杯麵湯仲鹹，$42一碗所謂雞絲刀削麵，雞絲連青瓜絲一碗仔都無，啲雞絲肉碎到隔夜餸一樣，真係把鬼，成個屯門無食店，去元朗食飯，都唔會再幫襯，新年留留，中晒伏，真係想講粗口

叫左個肥牛刀削麵, 算平, 大大碗麵, 薄切肥牛都多, 牛肉有D 似吉野家GE quality。味道ok ge。小食叫左手撕雞,叫左佢走辣, 好濃ge 蒜味, 可惜咸左d, 同埋份量好少, 幾十蚊得一小碟, 仲要青瓜多過雞....

今日咁岩要去德雅工業中心搵朋友，咁岩我到大興後先通知我20分鐘後先到，反正都未食早餐就去行下睇下有咩好食。行下睇下，見到這間比較細小的店，其實自己也未試過食刀削麵，就入去試。可能我入去果陣未到午飯時間，店裡面除左我，就得2個男店員同1個女店員。我有點選擇困難症，想了一會最後點了韮菜水餃刀削麵。刀削麵岩岩拎出來時，麵身睇落有點半透，食落都幾彈牙，感覺麵身適合再浸下湯都無問題，覺得味道似水餃皮味。湯就一般般，可能是有落味精，之後會口渴。韮菜水餃用料新鮮，睇得出同食得出的新鮮!食落有肉汁，好好食!埋單走前見到原來女店員在包水餃~ 有機會會再去食，都想試下冷刀削麵

真心希望大家唔好去食！真係貼錢買難受，野食質素一般般，但食野比人鬧到喊都係第一次！叫野食諗一陣都受脾氣！真係好慘！食野食到覺得自己好似乞兒⼂喊！喊喊！我聽盡好多人話態度差都冇理照去食，但點知自己中招！真係吃力不討好啊！

在附近工作，吃了三次左右第一次食豬軟骨刀削麵諗住是但食飽就算果時已經覺得ok好食，會回頭刀削麵同荃灣比較，偏薄同軟身但我反而幾like荃灣果d麵質太實淨，食半碗已經好滯但我本身唔算勁鍾意食刀削麵所以第二次轉食蘭州拉麵，覺得超好食幼身拉麵爽口唔會太淋配左醉雞、雲吞(定水餃)佢d餸係水準之上第三次食滷水雞翼雲吞拉麵今次再認真d品嘗味道佢d餸好好食，整得好有heart滷水味好出，好入味白菜雲吞夠多菜，好食，10蚊得兩粒有d貴，而且唔夠喉我記得韮菜水餃都好食拉麵維持水準湯底飲左幾啖，雖然都知實有味精但又唔覺好口渴至於服務我又覺得無乜野每次都係坐低、落單、上菜、食完就埋單走人真係無咩機會feel到有咩服務好定唔好睇佢鋪仔細細，都唔好expect有咩服務了

估吾到自己第一次寫食評吾系因爲好食而寫，系因爲呢間小店態度差同無品德而寫😂😂😂估計呢間舖系一家人經營，爸爸系做廚房的、媽媽系送野食俾客同收客食完既用具、兩個兒子（一個不可一世的臭嘴臉帶眼鏡的=太子仔1，多數系佢負責幫客落單，另一個就無帶眼鏡的=太子仔2😂😂😂首先想講食過幾次，態度一向都差但吾知系咁無品德，經過昨晚的用膳知道原來個仔咁既態度對客系父母教的😞，原來成家人都系無品德既人😡🤬第一次入去食吾知就會問，吾該可吾可以俾杯熱水太子仔1就話無，無水免費提供要就自己買，我地得汽水同豆漿（當然態度系差的）我心諗我黎食碗麵者，吾洗當我仇人咁對待下😅食緊碗麵系見到你地放低筷子個阿姐就好快問你要吾要，心諗我碗麵系仲有麵同餸系度，洗吾洗咁急收走呀（吾洗咁黎趕客走呀，個時無物客人系度！）之後都有食過幾次原因系，住系附近無物特別好既野食，刀削麵附近得呢間（不過佢地d食物系好咸的重口味，食完無幾耐會不停想飲水的）今次系一肚氣，首先入去太子仔1逼你要叫兩碗麵叫小食都吾得，吾俾你諗下先😡😡🤬（我地系兩個大人，一個小朋友）仲講左話之前客人因爲分開落單而令到佢地做錯野俾客話（心諗你咁q態度，邊個會得罪你呀），跟住

我好中意食刀削麵所以通常我都會食呢兩間1) 一品刀削麵 屯門 2)山西正宗刀削麵 荃灣 以下係我兩者比較既心得麵質： 一品削得過薄，所以每條麵都短而小，所以口感對比起山西就差左。而山西就削得恰到好處，每條都好長又厚身，所以非常有口感，食落去大大條，好滿足由此可以睇到一品刀削麵師父刀功比不上山西刀削麵師父。一個正宗刀削麵師父係可以削到長而薄的。滷水雞翼： 其實兩間既雞翼都好入味，只係一品會將雞翼同麵擺埋一齊，而山西另上仲要淋上辣醬同蒜蓉，自然再入味三分。價錢&份量：一品較少，山西較多。但一品一碗麵$36($2辣醬），山西套餐價$50 包飲品。 總合計起上黎，一品較為平。辣醬：一品要加$2先有一碗仔秘制辣醬，辣醬係另上。入面既蒜蓉時多時少，睇果位太子爺心情。 山西辣醬係同雞翼一齊上，辣醬多，蒜蓉多。 以辣度黎講，山西更勝一籌。湯底： 食完一品麵勁口干，由此可見，湯底放左吾少味精。 但食完山西後係吾會咁，所以明顯山西湯底總結而言，論麵食各方面，一品的確比吾上山西。但勝在對我黎講夠近，山西就遠左些少。所以當我想食刀削麵時，一品就可以頂左個口癮先PS. 一品太子爺既態度的確好有問題，黑口黑面吾再

店舖雖小，還可以容納20多人，如果住附近通常會來叫外賣，所以晚上還有位置堂食。豬扒刀削麵加四川擔擔麵醬，先講刀削麵麵質非常好呀，一條條彈牙得來又吃到手工制的感覺，湯底就偏鹹，反而遮蓋了麵條的味道，令人口渴。豬扒都醃得太耐，質地粗糙，不推薦，擔擔麵醬就中規中矩，不是我喜歡花生味重的那一款。醉雞走味不夠重而且肉質不夠結實，如果配刀削麵就不建議，因為湯底太咸，絕對會掩蓋醉雞味道。白菜雲吞不錯，肉味從，中間吃到的白菜又爽口，這個配刀削麵一流。很多人叫了秘製麻辣醬，蒜蓉重漫畫像味很濃，值得一試。刀削麵很出色，價錢其實都很便宜，不過餸和湯底就一般般。

話說呢一碗麵，我成日都特登走去食！👍🏻我識講咁多嘅刀削麵，我覺得佢呢一間仲好食過出邊嘅山西刀削麵我欣賞佢個湯底，味道夠味👅同其他刀削麵店一樣，都係加$3有麻辣醬！食辣嘅你一定好啱😍我就唔單止架呢個麻辣醬，我仲會再加辣椒油，成碗麵真係好香好好食，當然你一定要係食得辣嘅先至好似我咁樣😂😂 豬頸肉係真係幾好食，炸得好香口之餘，個面總會有乾蒜！我食過其他嘅刀削麵店，豬頸肉都可能係用半煎炸嘅方法，之後切到一片片，我總係覺得個口感爭小小！麵條呢下真係親自用刀削嘅刀削麵，所以每一條麵厚薄都會唔一樣，好有口感！🍜🍲 今次呢一間係一間位於屯門嘅小店，係一個家庭式經營嘅麵店！入邊嘅員工都係一家人👦🏻👦🏻👨🏻👩🏻平時落單嘅哥哥仔可能比較有少少心急，所以我建議你哋入到鋪頭嘅時候睇清楚選擇食咩之後先至好落單👍🏻以$30幾嘅價錢可以有水準地食飽肚，我覺得係抵讚嘅