一品刀削麵

营业中

休息中

叫左碗豬手刀削麵。刀削麵質地OK呀, 自己削GE自然有厚有薄, 有粗有幼, 幾煙UN, 唔錯。湯底就無咩特別, 似腩汁。豬手有3舊, 用豬腳的位, 所以無咩肉, 同埋太咸了。'豆漿好清淡, 我中意甜D睇牆上文章先知係3父子開的家庭式小店, 中意呢D小店多過連鎖囉

初黎屯門做野，人生路不熟，放飯時間見到有刀削麵又唔駛等位就走咗入去。首先，我承認入黎之後唔記得關門，坐落之後有位侍應哥哥隨即沖過黎"拍"一聲閂咗度門，跟住就怒啤我。睇左一陣餐牌後舉手示意落單，舉咗好耐都無理我，我講咗聲"唔該"，果位哥仔即刻好大聲咁講"小姐，等等啦!"，但係，我想講其實佢只係同緊佢同事吹水...過咗一陣佢終於黑住面過嚟，我叫咗鴨腎刀削麵同豆漿。幾分鐘後佢俾咗碗豬大腸麵俾我...我梗係同佢講我叫嘅係"鴨腎刀削麵"，但係佢同我講"我明明聽到妳講豬大腸㗎，小姐!!!"，我無同佢爭拗，食咗少少當我諗住走之際，我同事打俾我，叫我買外賣俾佢，我都唔敢勞煩呢位仁兄喇，結果行咗去隔離果間買俾同事食算。最後，我想講呢間餐廳係我近年遇到態度最惡劣嘅一間!!!

我們一家都幫襯左呢間餐廳都有一段日子，佢地嘅食物其實還可以，但係絕對唔稱得上好食，最主要幫襯佢嘅原因只係近屋企而已。眼見佢地平時對其他客都係超無禮貌同經常黑面，但係因為對自己無乜影響，所以都有間中幫襯。但係始終都到我地遭殃喇....尋晚我地一行五人去食晚飯，我本人因為塞車所以比家人遲左十分鐘到。我們坐了一個四人卡位，另外一人要分開坐。有位聞說是太子爺的物體即時過黎話做乜要分開坐，浪費佢地座位，呢單野我當佢唔知我地其實仲有人黎佢誤會左(但係其實我覺得其他餐廳都絕對唔會咁對客嘅!)。跟住家人先叫野食，佢地分別叫左兩次野食，因為我遲到十分鐘到嘅關係，所以我打俾老婆叫佢幫我叫定野，所以叫左第三次野食。跟住太子爺即時黑面咁話我地做乜分咁多次叫，係咪玩野?? 幾分鐘後我終於黎到，我老婆同我講番件事，佢聽到之後即時發矛，講晒粗口，講到掁掁有詞，我地有幾唔啱同玩野!!之後我老婆講左句"我地其實都幫襯左你地咁耐，唔駛咁嘅"，跟手佢老豆即時加咀，同佢個仔異口同聲咁話“妳以後唔X好再黎，呢度唔X歡迎你地!!"平時嘅我一定同佢反枱，攪大佢，最起碼佢地自己做唔到生意!!但係因為我父母年紀大，唔想激到佢地爆血管，

本人從來只會看食評沒有寫食評的習慣 但光顧了這一間餐廳便決定寫第一篇的食評,首先服務態度沒有最差只有更差 差到一個點 我兩個人幫襯入到去坐 員工（老闆個仔）當我地透明 我好有禮貌問佢先比menu我地 重點係間鋪得我一枱客 唔緊要喇我當佢真係留意唔到我地 到食物方面我認為10分值5分 而我地食左半個鐘都無 員工企在遠處用不禮貌既眼神望住我地 難聽d講（啤住曬！）大概意思就係叫我地食快d趕我地走咁,其實我明白做飲食業係好辛苦 我都唔期望會笑笑口咁喇 但係我真心認為呢間餐廳係比錢買難受 希望大家有無幫襯過呢間餐廳都好 都唔好再幫襯 我唔想你地食完背脊骨落呀！我食過荃灣間刀削麵 人流多價錢平 我d朋友都經常幫襯 食物同服務質素好過呢間多多聲 我試過一次屯門呢間餐廳真係dislike 以後想食刀削麵都唔會幫襯佢 而且佢附近有好多其他選擇 我零願簡其他。完。

昨天同朋友去大興，知道附近有間刀削麵， 見到距離關門的時間還有45分鐘,所以便入去 嘗試！但是進去後，便巳被很不禮貌地指定要坐在最後一行的卡位！雖然門口附近很多空的卡位也不可以坐，伙记(像太子爺的東西) 一直講電話不理我們，到點單時還瞪著我們，真是極受氣! 他的態度非常之差, 從來未食過一間會是這樣對待客人的食肆，它是第一位，就算食物怎樣好呀都嚇怕了！何況它的食物也是一般，環境亦不好，很細！所以以後永不再去！ 奉勸如果愛受氣的，可以到這間食肆試試吧，包你有極滿意的收穫！

刀削麵🍜睇到其他食家既食評，見到大部份都話味道可以，只係服務差。還掂外賣，就抱住試下無妨既心態食一次。豬軟骨刀削麵 $38 (外賣+$1)豬軟骨有兩舊，麵都幾大碗。女仔食就未必食得曬。味道方面湯底幾香 唔錯，帶有少少甜味。但麵質就😐😐😐💁🏻💁🏻刀削麵既麵質應該係比一般麵條硬，口感有彈性。但係依一間既麵比較薄身，而挾起亦都有散開既情況。如下圖👇🏻反轉舊豬骨都見到👇🏻有麵碎痴住🤦🏻‍♀️可能你會話外賣，浸淋左。但我只是5分鐘路程及相機食先📸。至於，豬軟骨就唔錯既，入味又淋👍🏻唔會痴牙🤤總括，豬軟骨好食，但店舖主要係賣刀削麵，所以再食既機會好微😂

姑且勿論這間店舖打著只賣食物不賣服務, 但這位自以為太子爺的連尊重別人也不懂, 又怎會懂得服務是什麼呢, 可悲！當然亦替他父親的手藝將會在不久後失傳而更可悲！如果要求只是加多少少菜遭受到拒絕, 但拒絕的態度也不要好像我在乞求你施捨一樣的說"沒有, 要的就加錢買一份" 當願意付錢多買一份時, 我只為求味道及環保的原因而提議你這位太子爺不用另外包裝而放在麵內, 竟然得到你說 "如果這樣就不賣了"可能大家覺得佷多事都係觀點與角度, 我亦只不過想分享一下吧了！

經媒體報導後，特登入屯門試呢間小店，座位不多，雖然落雨天，但食完後12點就開始有人排隊了。大大碗既刀削麵熱到冒曬煙，餸係分碟上既，湯底清爽得黎有濃濃既牛骨味，仲一d都唔油麵質厚薄長短不一，可見絕對係人手即削出黎既，厚d既麵好煙靭，但有d削得薄既麵被熱湯淋過後就太腍了手撕雞同平時食開既好唔同，夾雜好多青瓜絲，似拍青瓜般既冷盤，份量較少。豬頸肉上有勁多炸蒜粒，香口惹味味道偏咸，送麵食就岩岩好。小食麻辣大腸好腍，黑色一粒粒既秘製醬好特別，仲有蒜蓉一齊食，岩曬鐘意食辣既我整體味道不錯，麵量勁多又飽肚，抵食！

今天空氣質素差得讓人透不過氣，但是為了好吃的，我還是選擇外出吃午餐。我已經有數個月沒吃過一品刀削麵，不知水準是否依舊?光顧了數次，也未曾嚐過這裡的手撕雞，所以今次試試手撕雞拼豬扒刀削麵。手撕雞一上桌，份量少得驚人，比我預期的落差很大，它的味道偏向手拍青瓜 口味，蒜蓉味厚重，不太吃到雞肉的味道，而且手撕雞不夠滑溜，下次不會再點這。幸而刀削麵能夠保持一貫水平，刀削麵條雖然是人手刀削，粗細長短差不多，口感帶有咬勁，軟硬適中。湯頭本身滿清澈的，喝起來清爽開胃，一股溫順的香氣更加容易入口。豬扒相當不錯，可是份量同樣很少，故吃得不過癮，有點到即止的感覺。豬扒以豉油醃漬，入味得很，同時薄薄的豬扒肉質嫩滑，沒有討厭的膩味，果然這裡的豬扒是最好吃的。最後當然要喝杯豆漿吧，這次比上次的豆味重一些，改善了之前的淡而無味。

自從鄰居帶我食完第一次，就忘記唔到呢間刀削面。所以睇戲前帶個朋友去試下，閒日可能好夜所以無咩人。我今次試花鵰醉雞刀削面，$38，加6蚊有杯凍豆槳。朋友就試我上次食既豬軟骨刀削面。醉雞有5舊，啖啖肉，完全岩我口味，因為遠處都聞到佢既酒香味，食落好濃既酒味好似鎖左係舊雞裡面！最吸引一定係刀削面，之前啲媒體有報導過，係老闆親自手工削，食落去真係好明顯感受到佢既手工，厚薄有致。而我朋友既刀削面因為豬軟骨既汁令個湯底更好飲！超推薦屯門人去試！

入面個店員，姐係老細個仔，佢係一個帶眼鏡同埋收帶金鏈果位，態度極度差，連客人想自己揀位置都鬧，考慮食乜嘢耐左少少又鬧，明明未叫佢過黎自己行埋黎等既，今日去過比漏幾蚊好似差佢幾萬蚊咁，仲稱呼人地「靚仔」(指我地呢d學生）態度差到冇人有，真心建議唔好去食，味道冇話特別好，建議大家唔好貪新鮮過去食。講真態度十分比負一千分，從來未見過有一間食肆可以態度咁差，又唔係特別好食，簡直係當我地呢d客人如糞土，好似我地係去佢度乞食咁，粗口橫飛，一d教養都冇

去食野！嗌罐野飲都比老細個仔鬧，呢間野無服務可言，好似d客殺佢全家咁，希望打手有良心，唔好再呃d客入去，經過都成日見到佢地同客嘈，調位轉野食問多兩句即用粗口問候你！佢講明只賣食物不賣服務！但我覺得幾乎已失去人格...真係唔知點解佢地可以繼續做落去，食物品質重要，但我認為服務態度更重要！唔需要你做到一百分，但起碼唔好係負分。希望老闆同個仔將心比己，如果人哋咁對待佢佢會點？原本好喜歡吃刀削麵嘅我對呢間野都徹底失望啦，而家都會特登出去荃灣食。但我覺得好滿足！

兩父子態度好差，對客人呼呼喝喝。有次，有好多空位，客人坐對住門口好大風，想調個位都吾比，仲要串客人話調嘜野，之後叫個客咪食，趕個客走，之後叫佢個仔吾好再比e個人黎食。簡直吾休做

一入到去，個服務生哥仔已經黑起塊面，好似我地係去乞食咁，叫佢又唔應。最後終於叫到佢落單，不過口氣超衰超串，好似你殺咗佢父母咁。我點了豬頸肉刀削麵加豆漿，味道都可以，四十幾蚊，不過要咁受氣，不如去同區其他店，價錢和味道差不多，不過起碼唔會背脊骨落。

朋友入內先攞位，以為我和另一朋友一齊到，所以報稱3位，結果我來到只有一位時，嗰位店員大佬就過嚟話我地："兩位就唔好話三位，佢啲枱有其他三四位坐。（但當時係15:00舖內有大量吉位）" 我見佢咁"大佬"我只好道歉話："唔好意思，下次唔會"，當然唔會有下次！我朋友聽我講過之後，唔信會有咁惡劣，單獨去幫襯，結果入內冷氣唔夠，用menu當扇潑咗幾吓，店員大佬又過嚟話佢："喂！唔好潑好唔好！？" 當然又係冇下次囉！食評：嘢食唔錯！但我受唔到呢啲氣！