スーパー丼 (駱克道) (已結業)

最愛日本野嘅我，又搵到一間可以當飯堂嘅餐廳。今次向大家推介嘅係一間食丼飯嘅專門店。今年好似開咗好多間類似嘅餐廳，不過呢間確實有驚喜，除咗刺身飯之外，仲有熟食嘅飯，例如煎牛扒，炸雞，豬扒，天婦羅等等。早兩日先食完刺身飯，今次試吓呢度嘅熟食先。下次先試下呢度嘅刺身睇吓佢新唔新鮮。我叫左個黑松露和牛飯，我朋友就叫咗個燒雞飯，牛扒簡單咁用鹽同黑椒煎香，都係果句，牛有牛味。而我朋友就話個雞扒剪得幾香，不過都係用一般嘅焼雞汁。唯一略嫌個冷氣有少少凍下次再嚟試吓啲刺身先

Lunch hour 一個唔知食咩好，行行下見到間新開食刺身丼嘅日式料理，睇下個menu又唔算貴，決定一試。入到去，店員話原來仲可以自己揀自己鍾意嘅刺身，大部分仲要係飛機貨！師傅再幫你去組合一碗飯。我order 左自己至愛「大toro, 北海道海膽同北海道新鮮帶子」。睇個賣相真係唔錯，價錢與味道都成正比。值得一提嘅係個環境，裝飾得有cafe 同日式餐廳fusion 感覺。我坐左Bar 枱，仲可以睇埋師傅現場表演。

今日同朋友行完SOGO攰攰地喺附近搵嘢食......點知見到一間新開嘅丼飯餐廳，行過已經俾佢個落地大玻璃吸引住裝修得靚，行簡約無印風！望吓個menu價錢同同區嘅丼飯差唔多價錢，就入去試吓新野！餐廳雖然唔係好大，大約有30個位左右，但係坐得都算舒服! 店員主動介紹主打嘅北海道馬糞海膽丼，話真係半板全北海道馬糞海膽加三文魚子，唔會好似出面有啲鋪頭咁回混埋加拿大同埋韓國嘅海膽一齊仲有另一主打就係火炙A5和牛丼！今次先試海膽丼，另外再叫左個炸廣島蠔同燒銀杏串！唔駛等好耐就已經有得食唔係講笑 個海膽真係好好味好甜一啲腥味都冇又乾身冇出水 一睇就知好新鮮！！銀杏串燒得啱啱好唔會太硬又唔會太淋 用少少鹽調味就夠炸廣島蠔都算大隻炸粉又唔會太厚，蠔好厚身，炸完都食得出蠔嘅甜味整體來講樣樣食物都好有水準！真材實料！值得推介

見係第一個食評，寫詳寫少少先～今日收工同老公去左銅鑼灣行街，去到駱克道本黎諗住去駱克駅搵野食，見到隔離地舖開左間新餐廳主打刺身同丼飯就決定試下啦，餐廳環境幾舒服，裝修幾型格夠晒光猛，唔駛摸黑食野入到去岩岩有人走，即刻有得坐，見侍應都好著重衛生，執完檯拎住支清潔劑抹檯，唔係求其拎住塊抹左一年都唔洗嘅檯布抹兩野就算，即刻大加分 個MENU幾有心思，用圖黎表示每個丼有D咩同份量，之前日本見過，香港都係第一次見侍應好有禮貌咁介紹番佢地主打嘅刺身丼，先知原來全部刺身都係下午日本直送嘅新鮮飛機貨，即刻叫左個海膽拖羅三文魚籽丼拖羅入口即溶，又肥美又多油，無諗過唔係去食OMAKASE 都有咁高質嘅厚切拖羅哈哈再試海膽，睇個色已經覺得正，一入口又甘又甜，一啲臭味都無，三文魚籽都好新鮮，成個COMBINATION簡直就係大滿足老公鐘意食蠔，就叫左個醬燒廣島蠔丼，佢都話啲蠔又大隻又肥，加埋啲醬汁好入味唔夠喉再加多串燒牛舌，一串4件都幾厚身，唔會燒得太乾，加幾滴檸檬汁中和下啖啖肉但無咁油膩應該新開張想收集下客人意見，食飽埋單時有個應該係老細嘅人過黎同我地傾左兩句， 讚下佢啲刺身真係好正，佢就解釋因為佢地全部刺

同事介紹新開連鎖日本魚生飯（好似係）話魚生好新鮮，海膽好鮮甜，叫我黎食，咁我咪黎試吓囉，又真係好食!sofar食過唔少魚生飯，同埋一年去日本朝聖2次(至小)，可以話係日本神級fans，一坐低有茶飲，落order北海道海膽三文魚子拖羅丼$268勁多海膽，侍應話加＄20送前菜送湯，真係好鮮甜同埋好新鮮。飽！