スーパー丼 (駱克道) (已結業)

其實之前已嚟食過晚餐兩次 的確非常好 每次嚟必點北海道帆立貝同活赤貝，的確同北海道既一樣。但今日中午嚟 朋友點了一個lunch Set (香葱呑拿魚蓉，三文魚子，海膽)呑拿魚蓉外暖內係冰雪咁既凍，口感好似雪糕咁。三文魚子無特別，海膽就係重點！等一啖已經係食到超腥臭😑第一次食到咁既海膽。我點了自選丼（北海道帆立貝，活赤貝，香葱吞拿魚蓉）頭兩款平時都有食開，今日一食就出事，魚蓉同上 葱得兩塊，帆立貝100%不是來自北海道 口感同爭鮮食既無分別，赤貝賣相已經唔係深橙色。非常白。總結係。唔會再嚟。非常失望。咁既價錢唔係咁既水準！

由於我現在已經甚少食豬肉，所以我現在主要食的肉類，都變成了雞肉以及海鮮。海鮮除了蝦肉跟蟹肉，給我媽某程度上禁止食用之外，我現在還少食了一樣食品，就是日本菜裡面的刺身魚生。我現在之所以少食了三文魚跟其他魚生，其中一個原因是我五年前大病入院過後，身體的免疫系統已經大不如前，所以我現在已經儘量少食，來自新鮮海水魚的刺身。我不是不再食刺身，只是不能多食而已。儘管我本身以前經常有食用鹹水魚刺身的習慣，我也是一名日本菜的愛好者，但是現在亦都已經近乎不食鹹水魚。撇除上次在將軍澳坑口「海悅豪園」「麥X勞」食過的「菠蘿三文魚堡」，我現在很久都未食過三文魚了。當然了，對於我這一個身體已經殘廢，餘生再無任何作為可言的人來說，無論有否三文魚跟其他鹹水魚質素如何，我的身體狀況早已不可逆轉，遲早還是等死，壽命太長反而只是活受罪，可以早點走反而是好事。但是我始終只是一個平凡的人，對很多東西都抱有擔心懷疑的態度，所以每次去到一些，有三文魚菜式售賣的餐廳，對於是否要進食與三文魚有關的菜式，我都會感到十分矛盾和疑惑。除非我在日本菜餐廳裡面確實找到了，一些可以代替魚生的菜式，例如「親子丼」，否則我還是要不斷尋找，可以吃有日

以superdon的名氣，以為十二點半午餐時間會好多人，但竟然唔洗排隊。嗌左個火炙魚生丼同每日只限定二十個嘅芝士吉列和牛漢堡丼，前者$138，後者$78。兩個丼都跟一份生律同麵豉湯。個火炙魚生丼有三款魚生，三文魚、呑拿魚同左口魚。三文魚燒得半熟，魚油香都幾重，但呑拿魚燒得過熟，比較散，味道唔突出，左口魚燒得幾香。反而個和牛漢堡丼好有驚喜，牛味好重，炸得啱啱好，好juicy，配埋個汁好正，性價比高，唯芝士只係得一塊漢堡有，另一塊就無。 整體黎講都有7/10，魚生丼略嫌有啲唔夠突出，試過其他丼飯比佢好，反而和牛丼真係好正，值得一試，又唔貴。

$138之前已經食過一次覺得唔錯 ☺️佢地嘅蠔真係整得好食 👅輕輕炸過令表面脆脆地 而入面仲係好多汁 😚仲要每隻都好肥美好飽滿 性價比係幾高的 🤘🏻

銅鑼灣既美食多不勝數而小編最喜歡既係日本菜今次妹妹特登黎銅鑼灣接小編放工小編當然要帶佢去食好西啦七點既餐廳人山人海小編同妹妹都要等左一陣先可以入座晚餐精選丼$188妹妹點左是日晚餐精選丼配料有北海道帆立貝 北寄貝 赤貝三種貝種味道鮮甜 有淡淡既海水味海鮮丼配有牛蒡 黃蘿蔔 酸薑 蒜頭涼菜集齊甜酸苦辣既味道 令人胃口大開晚餐附有沙律同麵豉湯日式鵝肝丼$198餐廳選擇左最肥美既鵝肝加入秘製醬汁將鵝肝煎好鵝肝油同惹味既醬汁湛入壽司飯入面米味甚濃既壽司米同鵝肝好配合小編都忍唔會食多兩淡飯吉列炸蠔$68餐廳既吉列炸蠔選用左廣島蠔廣島蠔味道較鮮甜 帶有海水味而且比一般既蠔大隻小編欣賞餐廳既吉列炸蠔炸粉唔太厚唔會好似食麵粉咁總括而且 雖然餐廳既等候入座時間較耐但小編覺得食到美味既日式丼都值回票價了

那些年，喺各路「大碌喼神」降落前嘅黃金時代， 銅鑼灣近SOGO一帶曾經有小日本之稱。縱然而家銅鑼灣已經係另一回事，今日竟然撞入一間令人幾驚喜嘅日本餐廳 - スーパー丼 Super don。見佢專食丼，感覺又乾乾淨淨，去吧！平時喺香港少食海鮮丼，因為去過太多嗰啲乜乜水産，打正旗號賣魚生飯，但食到嘅都係啲唔多新鮮，又或者係貴到爆但啲魚碎上到搵笨嘅飯。今日坐低見到隔離枱嗰碗海鮮丼個樣都幾精神，仲要加$20轉套餐，就有埋麵豉湯同埋蟹肉沙律，梗係試吓啦。先嚟嘅北海道海鮮丼無令人失望，裡面有大拖羅、油甘魚、帆立貝、蟹棒、海膽同埋三文魚籽，豐富嘅畫面先「色」奪人。食落更加發現所有刺身鮮甜美味，厚厚的，好足料，最重要係連wasabi 都好好味喎。呢個魚生飯真係無叫錯，未有機會去日本，止住渴先。同行有唔想食生冷嘢，但又想食海鮮嘅朋友，所以亦都叫咗一個醬燒廣島蠔丼。呢個熱丼都等咗一陣先上菜，但嚟到見到個燒蠔脹卜卜，等吓都抵啦。個蠔咬落好鮮甜，加埋個醬汁，拌埋啲煙煙韌韌嘅日本米，真係飯都扒多兩啖！

辛苦完一天，對待自己好一點，去了吃魚生丼，還要選擇北海道馬糞海膽，三文魚籽和大拖羅的魚生丼！可惜是海膽竟然有兩塊是有沙的，另外配菜除了薑和蘿蔔，我其實不吃的，還有的牛蒡是極度好味，但有一款很像蒜頭，吃下去沒有蒜味的東西不知道是什麼！味道很不錯的，不過我們都沒問店員，有機會再發掘它是什麼吧！整體魚生都是很不錯的，大拖羅入口會溶，脂肪尚算平均，三文魚籽不會腥，很喜歡這個口感。我們本來想叫清酒的，但店內的清酒賣完，所以要了一杯生啤！

近年，坊間開左好多日系小品餐館，同日式拉麵店好類似，主打某一種類既食品，貴精不貴多，將食品質盡量提高。今晚呢間Super丼，就係呢類型既餐廳。故名思義，丼，日本丼，簡單啲黎講，日式大碗飯，飯上面舖滿食物。餐廳另一個特式係以日本米作為食材。前菜有湯同沙律：今晚點左兩款丼，一個係吞拿魚三色丼。吞拿魚三色丼，以呑拿魚作為主菜，一味三食，分別係吞拿魚既拖羅、赤身同葱吞拿魚蓉，配以黃瓜、牛旁、香蒜製成既漬物作為配菜，齋睇賣相已經相當吸引，食落去亦都非常好食。首先吞拿魚刺身好新鮮，拖羅油份甘香，赤身魚味濃郁，而葱吞拿魚亦處理得好好，唔腥，肉質好新鮮，配合埋碎葱，唔錯唔錯。之後我要介紹另一款飯丼，日式醬燒鵝肝丼，呢款飯丼可以話係餐廳既signature 菜式之一。飯上面舖左三塊又大又厚既鵝肝。鵝肝外層煎封肉汁，火侯控制好好，保持鵝肝既精華，鎖住肉汁，一口咬落去即時爆油，而油香甘甜，再加上肉質幼滑，完全係高層次享受。除左叫左兩款丼，我地仲叫左雞泡魚干，都好香口下架。

好感動今次終於嚟到スーパー丼話說我每次經過銅鑼灣都被佢吸引住望多兩眼今次試完之後都無令我失望！同朋友去食一人一個丼我食生佢食熟，兩款都造得相當出色我個碗有海膽、大呑拿魚腩同埋三文魚籽材料都幾新鮮，呑拿魚有小小入口融化既感覺，好似對上一次有呢種感覺已經係日本食野個陣海膽個味道都好好，食完之後停留左係個口好耐，完全唔捨得食其他野攪到個口無左海膽味！不得不提就係三文魚籽，因為三文魚籽令到整體味道都豐富左，再加小小wasabi，真係有種幸福既感覺！碗入面仲有醃製左既蒜頭，小小咸又小小酸，仲有小小辣，唔太識去形容，都幾特別，同韓燒個d醬料都幾似我都偷食左我朋友個碗，佢個炸雞都好好味，真係鎖住左肉汁，唔會炸到好乾隨餐附送味噌湯同沙津，都好好味！另外我地仲叫左炸軟殼蟹，我其實第一次見到成隻上既軟殼蟹，平時多數都係手卷/壽司入面，成隻放上碟個賣相相當之霸氣！味道就同平時大家食開手卷入面個d差不多，都ok！

天婦羅井其實可以有幾多野，你收我185一個特上井，有兩件炸鰻魚係可以腥爆，兩件南瓜係苦既，得飯係一個優點，因為有汁咁解。呢間嘢堅係超勁難食！十萬個伏！絕無下次！

Superdon係行小清新日式料理餐廳路線 餐廳既外觀係白色同木色 簡單得黎又清新同朋友試左2款魚生飯 scallop Hokki-gai arkshell 同 foiegras 每款既分量都好多 而且擺得好整齊好有美感Scallop Hokki-gai arkshell 既刺身都好新鮮 好fresh 較light!Foiegras 個個都好juicy 好厚身 有成3大舊添另外仲叫左個小食 雞泡魚乾 呢度既雞泡魚乾都幾juicy 唔會乾到咬唔好 可以點埋蛋黃醬就super prefect

銅鑼灣買完東西經過駱克道，見到這家新開魚生丼專門店Superdon, 便入內一嘗。店子採純白色設計、簡約整潔、光線充足，座位尚算舒適。和風炸雞套餐（HKD98）雞件表層炸到金黃酥脆，雞肉十分嫩滑，好有雞味。伴上新鮮沙律一齊食，減少油膩感。套餐配的麵豉湯有腐皮、海帶，腐皮好好食，麵豉湯則較為濃味、略鹹。鹽燒和牛粒（KHD88)一串有4粒和牛，燒得剛剛好，唔會太乾太鹹，牛味重肉質軟稔, 蘸點檸檬汁更美味。

地點方便，正對銅鑼灣港鐵站C出口對面，裝潢走日式風格，以白為主調。門面是通透玻璃，小店內只有幾張枱，簡約又舒適。今日點了一份燒雞泡魚乾作餐前小食，主食選了鵝肝丼飯套餐。燒雞泡魚亁（HKD68）質感有靱度、甘香鮮甜，作為餐前小食最合適，用來佐酒定必更佳。鵝肝丼飯套餐（HKD198）鵝肝大大件，份量滿分，肥美極致。表面脆香，內裏甘香油潤，鵝肝油份被珍珠米吸走，食落無咁油膩。茄子燒得剛剛好，露筍無渣又夠嫩，中和殘餘油膩感。味噌湯有海帶、腐皮及蔥花，味道剛剛好，不太鹹。和風沙律整體價格算合適，地點又是方便之選，朋友小聚不錯之選。

之前聽講呢間鋪頭好出名，今次同朋友嚟朝聖，果然冇失望而回叫咗個三文魚親子丼，配埋沙律同湯成個set好靚，用嚟打卡都好夠，最開心嘅係佢顏色好繽紛，又紅又綠，令人好想食呀首先講下個沙律，上面有少少蟹肉，增加鮮味下面睇落係普通嘅沙律菜同蕃茄仔，但估唔到佢用嘅醬汁好特別，並唔係平時食開嘅胡麻醬/黑醋，而係帶少少酸甜嘅柚子醬汁酸酸哋好開胃，食完更想食個飯呢個三文魚同三文魚籽丼真係不得了四塊厚厚嘅三文魚肉平躺係三文魚籽汪洋之中，三文魚籽好似唔使錢咁擠滿哂成個碗呢個份量嘅料叫我配多碗飯仲得飯同材料比例各半，之間有層海苔粉，見得到幾用心講埋佢嘅伴菜，除咗平日成日見嘅醃蘿蔔同酸薑之外，竟然有係日本食過嘅漬醃牛蒡同蒜頭牛蒡係粗條嘅，用醬油醃，食落冇渣，偏鹹要配飯蒜頭粒細細哋，醃完整顆係橙色嘅，都帶鹹伴菜味道已經好夠，所以建議食呢個丼都係唔使額外加醬油嘅用匙羹盛住滿滿嘅魚籽，再一口咬落去，真係人生一大樂事總括黎講呢間真係幾推介，男仔嚟都會食得好飽

叫咗個滑蛋吉列豬扒丼擺盤好靚，有蟹肉沙律，味噌湯同茶丼飯上面有幾片醃蘿蔔，上面仲有少少紫菜絲同蔥絲，所以豐富咗個顏色，望落好靚滑蛋一啲都唔老，好嫩滑，似溫泉蛋吉列豬扒厚身，炸得好脆，連埋洋蔥雞蛋一齊食好夾而且睇落個丼飯雖然好細碗，但入面嘅飯裝得好結實，好足料味噌湯好濃，有豆卜同埋海帶，如果有埋豆腐就仲正除咗個set之外另外叫多咗個小食，炸雞比想像中好食唔係用唐揚嘅方法炸，反而好似天婦羅咁，外面有乾蔥，連埋薄薄嘅粉醬，炸出嚟好香，雞肉都好嫩滑配上蛋黃醬/柚子味嘅醬汁一齊食都好夾