スーパー丼 (駱克道) (已結業)

以superdon的名氣，以為十二點半午餐時間會好多人，但竟然唔洗排隊。嗌左個火炙魚生丼同每日只限定二十個嘅芝士吉列和牛漢堡丼，前者$138，後者$78。兩個丼都跟一份生律同麵豉湯。個火炙魚生丼有三款魚生，三文魚、呑拿魚同左口魚。三文魚燒得半熟，魚油香都幾重，但呑拿魚燒得過熟，比較散，味道唔突出，左口魚燒得幾香。反而個和牛漢堡丼好有驚喜，牛味好重，炸得啱啱好，好juicy，配埋個汁好正，性價比高，唯芝士只係得一塊漢堡有，另一塊就無。 整體黎講都有7/10，魚生丼略嫌有啲唔夠突出，試過其他丼飯比佢好，反而和牛丼真係好正，值得一試，又唔貴。