スーパー丼 (駱克道) (已結業)

又係做野獎勵自己系列，今晚黎銅鑼灣 shopping 順便搵食，見到superdon唔使排隊就直入啦。北海道玉子黑松露和牛丼 $268成塊牛份量都頗多，十件左右，煎得剛好半熟，黑松露不算多可以其中一啖加上有蛋汁既飯就濃味啲，分散左反而俾蔥蓋過左。牛扒蘸上蛋汁加蔥花和飯，味道互相加疊，完美。吞拿魚三色丼 $238魚生新鮮，解凍得宜，大吞拿魚的確肥美，但更欣賞配有漬物，牛旁，蒜，蘿白，酸薑，解膩又可為每一口魚生飯配上不同味道。炸廣島蠔 $68一定要成粒啪先有爆汁效果，鮮甜。特上馬糞海膽 $238整度推介一定要叫，新鮮味甜冇腥味，就咁食又得，配上魚生，牛扒，飯，紫菜等食材又得，簡直係萬能key。順帶一提，廁所好乾淨，職員都友善主動提供碗仔同加茶。而且品質加上種類繁多，呢個價好值!

是夜又OT完，帶著疲憊身軀，要為胃口加油，深宵食堂，又回到我最愛的superdon，這家日式小店已經吃過幾次，依而仍未厭倦，因為他款式太多，每次來到也點不同料理，已經令人陪感新鮮。是晚想吃魚生，多心的我什麼也想吃，來個雜錦魚生飯是最佳選擇。這店的魚生挺新鮮，而且有各款我喜愛的魚生，有三文魚、油甘魚、希靈魚、北寄貝等等，多加$20可有set，麵豉湯和沙律。價錢$130左右令人身心也很満足，努力工作，才可對自己好點？

Superdon, 超級丼，聽個名就好似好勁咁，即管入去試下佢有幾super 。餐廳裝修同擺設簡約，環境舒適，而且所有既丼都係用日本米，好正宗。有好多款丼選擇，個個都咁吸引，唯有揀個最勁既特上北海道海鮮丼，一份餃子，一客三文魚鮫特上海鮮丼刺身好多，全部都係靚野，帶子同海膽好鮮甜，同函館朝巿食既一樣甜。吞拿魚腩同油甘魚好肥美，好好味。海膽份量都算多，但其實有幾多都唔夠。呢個海鮮丼真的非常super好味，而且價錢都唔算貴。其他小食水準正常，當然丼就遠超預期。

呢日係銅鑼灣行完街，友人話附近有間丼飯唔錯，所以就嚟咗Superdon。由於嚟得比較早，所以入面唔係好多食客。餐廳裝修簡潔明亮，畀人一種自在舒服嘅感覺。餐牌上面有好多款丼飯同刺身可以揀，款款望落都好吸引。特上馬糞海膽丼 ($288) - 除咗大量馬糞海膽仲有好多蟹籽。兩者都好新鮮，海膽creamy幼滑略帶少少黏口；蟹籽大粒脆卜卜，兩者攪匀之後一齊食，再配上爽脆嘅漬蘿蔔、蒜頭及牛蒡，啖啖豐富滋味，Yummy 😍香蔥A5和牛卷丼 ($238) - 半生熟嘅和牛卷牛味濃郁，口感嫩滑。和牛卷中間包有新鮮爽脆嘅香蔥碎及少略惹味嘅乾蔥，香蔥嘅份量拿捏得十分好，剛好達到中和和牛油膩嘅感覺又唔會喧賓奪主，整體加埋十分好食，友人大愛。炸廣島蠔 ($68) - 表面香脆鬆化，雖然係炸嘅，但無任何油膩嘅感覺。水準之作！富士山柚子蘇打 ($30) - 賣相漂亮，柚子味香甜，有汽解渴。呢一餐材料新鮮，食物味美，坐得舒服，朋友真係無介紹錯！

日本菜是香港人既寵兒，我同小女友都唔例外，所以來到這間銅鑼灣吃丼飯專門店。店內裝潢用以白色為主調，用上現代和簡約的風格，令人感到乾淨舒服的感覺。海膽·大吞拿魚腩·三文魚魚籽丼海膽：用上馬糞海膽，一點苦澀味都沒有，足證是何其新鮮。大吞拿魚腩：以厚切為主，入口軟稔，滿足感瞬間上升。三文魚魚籽：粒粒色麗飽滿，配飯吃時在口中不時噴發出濃濃的鮮味。整體而言：用料上乘新鮮，配料十足，完全是CP值甚高之選。自選魚生丼（牡丹蝦，三文魚腩，海膽）三文魚腩，用上厚切，色澤呈鮮嫩粉紅，可見用料是何等上盛。牡丹蝦，蝦身巨大無比，肉質爽口彈牙，比想像中好很多了。海膽，用上同樣的馬糞海膽。燒雞泡魚乾，即叫即燒，用上獨特的燒製方法配上自家秘製醬汁，令其充滿的口感還有獨有的鮮味同香甜的味道，配上隨碟附上的撒上少量七味粉的美乃滋，更是另一種風味。右邊是赤富士山葡萄梳打：帶有陣陣的葡萄清香，有點兒甜，但仍是可以接受的。左邊是富士山柚子梳打：柚子味濃，甜度適中，入口容易較人接受。

· 日本丼飯啊😍 刺身厚切好新鮮😍仲有最鍾意食嘅日本珍珠米 正啊!😋一碗丼都已經好飽 加多份小食 好滿足!!!Menu好清晰show曬一個丼裡面有咩刺身 👍👍環境好清新 ! 入到去好似真係去左日本嘅餐廳咁~·· 🔼海膽大吞拿魚腩三文魚籽丼⭐⭐⭐⭐⭐係香港真係唔敢亂點海膽食,怕唔新鮮睇到menu 有厚切tuna刺身於是豁出去試埋海膽啦😝海膽好新鮮😍無點錯!! 好多三文魚籽啊😍😍好好食!! ··🔼 雜錦海鮮丼 ⭐⭐⭐⭐⭐蝦刺身食落新鮮好厚肉 , 好好味❤ ··🔼炸廣島蠔 ⭐⭐⭐⭐⭐即叫即炸 , 咬落去juicy 好熱辣辣正!!Menu上嘅丼唔滿足?! 仲有自選海鮮丼畀你簡😚簡一個屬於自己嘅丼完美滿足曬個胃😛 ·

香港人有9成都至愛日本野，我梗係都唔會例外，一個星期要食兩次日本野知開心，呢期響銅鑼灣出job，銅鑼灣都好多日本嘢食，呢晚就同朋友去咗呢間Superdon！餐廳係銅鑼灣, ,就係地鐵站對面，超易搵。望入去有bar枱好似係速食，但原來一邊有幾張長枱，白色裝修感覺係乾淨舒服！　打開Menu原來依家唔係淨係食don，仲有刺身、串燒、小食呢，都幾多元份，見到個menu海膽超吸引，唔洗諗order左海膽、大吞拿魚、魚籽don $238。上枱真係感覺super正，海膽有成半板之多，好新鮮，味道甘甜，淨係海膽已經值，仲有肥美大toro同脹卜卜魚籽，此superdon簡直perfect!朋友話想試熟食，叫左豚肉生薑燒，D燒好野味，生薑酸甜好滋味，仲加埋日本生蛋，伴食成個飯好滑！下次想試北海don同串燒呀！再encore superdon!!

好耐冇食日本野，是日又係銅鑼灣附近，於是黎到superdon比多次機會丼飯點解係比多次機會呢？因為之前係旺角果間有啲唔太好既印象所以成三年都冇食過丼飯門口係銅鑼灣廣場一期附近，細細地餐牌都有好多選擇，價錢都合理我自己就叫左碗火焰三色丼，入面有火灸三文魚中拖羅同埋左口魚裙邊，而我不嬲唔好三文魚籽所以走左飯同海鮮既比例岩岩好，唔會有過多既飯呢碗飯比我最大既感動係佢係飯入面都撈左wasabi所以感覺每一啖都唔dry😂仲有配料加持（例如辣蒜頭）所以層次感豐富三色海鮮都燒得岩岩好，尤其係左口魚邊佢燒到入口即溶既感覺very good蟹籽三文魚丼都好豐富，我試左啖三文魚好新鮮，色澤好靚，肥瘦均勻！蟹籽都夠哂多黎撈飯炸軟殼蟹好有驚喜，用左天婦羅既整法，最最最難得係中間部份竟然有蟹黃既出現！！蟹肉好鮮甜，係食過最好食既炸軟殼蟹！埋單每人唔使二百，食到夠哂飽，very good

今日去左銅鑼灣同男朋友行街~~因為要去SOGO 感謝祭~~買完野我地都突然想食丼飯，咁就搵到Superdon呢間丼飯專門店喇! 店內裝潢用以白色為主調，走簡約路線，成間鋪感覺好乾淨舒服~ 先叫左野飲~~ 右邊是赤富士山葡萄梳打：好似食緊巨峍提子糖咁，我覺得太甜…左邊就係富士山柚子梳打：柚子味濃，甜度適中，我比較鐘意支。各$30 之後我地叫左一人一個丼: 我既係 自選3 款魚生丼（牡丹蝦 $78，三文魚腩$48，海膽$160）三文魚腩: 厚切肥美，啖啖飽滿~~牡丹蝦: 蝦肉質爽口彈牙，用料新鮮海膽，用上馬糞海膽，每件都好鮮甜至於男朋友既 海膽·大吞拿魚腩·三文魚魚籽丼($238) 海膽：用上馬糞海膽，一點苦澀味都沒有，足證是何其新鮮。大吞拿魚腩：以厚切為主，入口軟稔，滿足感瞬間上升。三文魚魚籽：粒粒色麗飽滿，配飯吃時在口中不時噴發出濃濃的鮮味。我地再叫左燒雞泡魚乾 $68上台之時熱辣辣，用上獨特的燒製方法配上自家秘製醬汁，配上隨碟附上的撒上少量七味粉的美乃滋，好味道。整體而言：用料上乘新鮮，配料十足，完全是CP值甚高之選。

尼間Superdon，我經過好幾次都比佢門面吸引住，今日終於R到好朋友👭同我來試試喇門面簡約，非常日本🇯🇵風情畫，我十分欣賞，門口係L型bar枱，估計係for食刺身或omakase 之類掛應該係，除非唔係行入去就係一排坐位，非常簡潔明亮，簡簡單單嘅擺設吊燈好文青feel，感覺不錯👍🏻👍🏻👍🏻雖然當時只係六時多，但已有八九成入坐率，相當旺場好多款丼選擇啊！仲有埋圖，好吸引啫仲列明材料，非常清晰另外仲有多款小食同日式飲品或酒類選擇，真係花多眼亂，令人選擇困難前菜，沙律🥗菜好爽甜，爽味噌湯熱辣辣，味道不錯，食丼飯前暖暖胃相富適合飲品我地選擇左櫻花🌸梳打同富士山🗻梳打，樽身非常吸引，好夠氣而已不會太甜北海道帆立貝·北寄貝·赤貝丼，賣相非常吸引，一睇就知新鮮，顏色對比強烈，令人垂涎刺身新鮮甜美，絶無雪味，而且件件肥美，分量十足，貝類刺身愛好者萬必錯過啊P.S.: 全店用上日本米飯，粒粒飽滿有口感吞拿魚三色丼，件件厚切，絶不欺場，朋友仔話超級鮮甜，正到一個點，值回票價炸廣島蠔，外皮又薄又酥脆，蠔肉好重蠔味仲好juicy，三大隻好抵食，推介什錦天婦羅，食得出用左高質炸粉同油，又薄又脆，炸蝦🍤兩大隻好

經過駱克道見到呢間「Superdon」，幾得意喎，食字食得好正😬所以有時個名改得好，已經成功左一半👍🏻入門當眼位標明係用日本米，呢點係食日本丼飯非常重要的一環，而入口處有部分是吧枱位，啱哂feel喎，裏面又另外有卡座，任君選擇🤗馬上叫左支赤富士山葡萄梳打，原支送上，只是30元，甜甜地好好味，抵喎😬吞拿魚三色丼，加20元有湯和沙律，咁著數當然不會放過，味噌湯咸淡適中，提升胃口，沙律新鮮開胃前菜，正👍🏻吞拿魚三色丼，赤身、大吞拿魚腩加上香蔥吞拿魚腩蓉，賣相靚，食材新鮮，睇見都流口水，色香味全滿分💯小食叫咗雜錦天婦羅和炸廣島蠔，唔係講笑好有水準，一間小店都做得咁好，有啲唔敢相信，㸃天婦羅的豉油碟大大隻，好容易將食物放入去，呢啲細節位都留意到，真的不錯👍🏻廣島蠔，金黃嘅外層炸得剛剛好，真正的外脆內軟，入囗香滑不膩，好正呀🥰雖然係小店，但服務很好，效率高，客人絡繹不絕，見佢好多時都要等位，位置又方便🤗

星期六同去完日本留學既朋友仔係銅鑼灣行完街後，佢帶我尼到SOGO後面既駱克道呢間海鮮丼到食，佢話食過真係唔錯，所以今次帶我尼。店面雖然唔大，有條長長既窄走廊，不過坐落冇唔舒服既感覺，可能一尼當時未到食飯時間，客人唔多既關係啦。Menu 同店面一樣,採用日式簡約設計，好有無印feel。由於Lunch 食得太飽未落晒隔，我地決定叫一個刺身丼再加三文魚腩刺身同薯餅兩份share 食。特上北海道海鮮丼，有齊海膽、大拖羅、油甘魚、三文魚籽同帶子。另外仲有個前菜係牛舌、紅白蘿蔔煮成既，味道幾好。海鮮丼既海鮮全部都好新鮮，大拖羅厚切，夠晒肥美，好想加單tim。左上角既三文魚腩刺身係另叫既，同樣係厚切，界成十字後點wasabi 醬油就更加入味另外叫左既小食---炸南瓜薯餅，即叫即炸熱辣辣既，炸皮香脆得尼唔會有多餘既油膩感，仲貼心切開兩半比我地兩個tim。好可惜原來冇影到相。飲品我地揀左日本既soda , 分別係柚子味同提子味。味道都OK, 玻璃樽Label 好靚好有復古feel，可以一試。值得一提店員服務態度幾好，有主動幫我地加水，抵讚。加埋一總數400幾，價錢合理，質素超班。

說來也真的巧合，今天晚上要到銅鑼灣區, 想找個地方吃晚餐, 途中看到一間日式餐廳, 有供應刺身丼, 正合我意, 那試試又何妨。坐下來, 先來枝靜岡綠茶梳打, 飲落甜甜地, 綠茶味濃。再來鹽味牛舌和鹽燒雞翼, 牛舌燒得邊位呈焦香才拿上檯，賣相吸引且香味十足,質地爽口而富有嚼勁，且散發濃郁的肉香。 雞翼燒得雞皮脆身還帶點焦香, 雞肉口感很嫩滑，燒香後撒上鹽去調味, 吃起來就更加惹味。店員送上雜錦海鮮丼, 單看賣相已經是先聲奪人, 多款刺身堆得滿滿的, 包括有三文魚、油甘魚、甜蝦、八爪魚、希靈魚及北寄貝。三文魚肥美,甜蝦夠大隻，吃起來鮮味也啖啖肉;油甘魚鮮味十足; 其他刺身也是有水準的。這裡的食物質素也不錯, 環境企理乾淨。

正苦惱食咩之際，見到呢度大排長龍，就走嚟八下點解咁多人排隊，原來做緊買一送一優惠，梗係唔執輸排埋一份啦😆買一送一係要同款，同埋只做四款丼買一送一。排咗半個鐘到就可以入座，都算快，安排坐係吧枱位，可以睇到師傅整丼。決定食呢個丼，可以試多啲唔同魚生另外加多個炸軟殼蟹海膽鮮甜，無腥味，入口即溶，份量多啲就好啦😭吞拿魚腩🍣油脂豐富，入口魚油滲出，不過有啲筋，未到入口即溶，買一送一嘅價錢都算不錯了三文魚子好咸，我仲落咗壽司豉油，仲咸，唔落豉油，撈飯食啱啱好。份量適中，女仔都可以成碗食晒，男仔可能未必夠食。新鮮即磨山葵，夠辣，仲食到一粒粒山葵碎軟殼蟹夠酥脆，略嫌太細，無咩肉如果可以揀兩款唔同口味，一次過試晒兩款就好啦，除咗海鮮丼，仲有和牛丼可以試。買一送一真係好抵食但係如果冇呢個優惠就唔會考慮了。

丼。～是對於蓋澆飯類之日本料理的通稱，通常是以較大尺寸的碗在米飯上盛裝包括魚肉、肉類、蔬菜或者其他慢煮料理而成。丼物在日本是一種相當普及的大眾料理。在古代日本平民很少能吃肉，他們用「井」字代表飯盒，而飯盒中的唯一下飯菜是梅子，就成了「井」字中的一點。去日本就肯定食翻幾餐，懷念日本嘅丼可以在銅鑼灣得到慰藉。今日嚟嘅呢間日本料理餐廳專門食丼。但就唔會只得粒梅。幾咁吸引。我食呢個北海道海鮮丼，有一大堆海膽，三文魚子，幾片魚生。真係好吸引。仲有個雞，好嫩滑。呢個好好飲，d氣比普通汽水勁幾倍。推薦。