すき焼 森 (荷李活道) (已結業)

一直都好想食壽喜燒，但係係香港好似無咩特別出名既咁..直到搵到呢間sukiyaki我就即刻book左！！環境好舒服、而店內既師傅仲會全程係客人面前煮壽喜燒一個set入面每人會有肉眼、西冷同兩款肩胛位，仲要係A4和牛🤤🤤好吸引。個人認為呢到既牛肉同味道都比之前係日本食既更好，壽喜燒汁多左陣濃濃既焦糖味，配埋蛋汁食牛肉又滑又嫩。另外仲會有前菜、蒸蛋、野菜、一份炒飯同甜品。都真係幾飽下😂😂甜品係櫻花奶凍同蘋果啫喱，兩樣都整得好出色❣️❣️本身食到好飽既我都食哂左份甜品。鍾意食壽喜燒既你一定要試呢間呀

之前喺台北食過一次壽喜燒，念念不忘，決定搵下香港有冇正宗關西壽喜燒！於是揀咗呢間嚟同朋友慶祝生日我地係Lunch食，不過唔係食lunch set，而係揀Sukiyaki set ($580一位），再追加一份牛舌（$100）落單嗰陣侍應會問我地有冇咩唔食得，例如係蝦之類前菜，清新開胃近江牛（有西冷同牛肩）師傅係知識型每次俾嘢食我地都會講解係咩嚟，點解要咁食法～例如係食牛，要由淡味食到濃味，所以佢燒牛肉嘅次序係西冷->牛肩->牛舌蔬菜（有豆腐，冬菇，洋蔥，麵筋，蒟蒻麵，同埋一堆菜）上面嘅主菜好快就送到，不過我地食埋茶碗蒸先，蛋好滑又勁多蝦仔師傅首先燒咗西冷先，叫我地第一舊唔沾蛋汁試下啲牛味先好食！而沾咗蛋汁，牛味雖然會淡咗但口感又好滑睇你想點食啦～呢個時候仲會俾碗細白飯我地配牛肉食，師傅同我地講唔夠可以添飯，而且最尾仲會有一碗牛肉蛋飯，提醒我地盡量留肚食食完一塊牛又會燒下啲蔬菜俾我地食，梅花間竹咁食肉同菜見我地唔食肥膏，會幫我地飛走好細心食哂上面嘅牛同菜之後，師傅見我地都飽飽地，所以煮呢個牛肉蛋飯之前問我地洗唔洗少啲飯，我地緊係話好啦不過少咗飯我都覺得好多除咗飯之外仲會配一

Sukiyaki Set $680pp - 可選牛肉/豚肉早前喺TST日X食過一次幾disappointing嘅sukiyaki後, 呢次黎Soho嘅Sukiyaki Mori總算比較滿意👌🏻前茶有兩款 首先有seasonal嘅熒光魷魚食落夠鮮味 而第二款嘅蒸蛋都好滑 係個唔錯嘅開始牛分幾個部位奉上 由較油脂豐腴嘅部位開始 慢慢就進化到肉味較濃嘅牛肩 份量適中 重點係師傅會喺我地枱旁由頭開咗準備壽喜燒 個汁好好味 絕對唔會太咸 好中意👍🏻我地亦加左碟豬肩黎試下 但都係比較prefer牛肉壽喜燒全程都有師傳喺我地張枱前親自準備所有食物 最後以牛肉粒蛋炒飯作結 非常滿足啊☺️すき焼 森 地址：中環蘇豪荷李活道66號LG層

🥘Sukiyaki Set $680 // 👅追加牛舌 $100.Best sukiyaki in town啊最好食，沒有之一🤤質素高得黎定價合理👍🏻分量又足，白飯仲係無限refill架🍚食到飽到碌係到好滿足！😍.講下佢嘅牛肉先～每人有三大片🥩用上A4近江和牛，而部位分別係肉眼、牛肩肉同西冷🐮全部油花都好靚仔！牛味濃郁又軟嫩～蘸蛋漿食冇得頂👍🏻.👅牛舌係薄切，非常爽口彈牙，肉味濃郁得黎一啲都唔羶👍🏻👍🏻都幾出色啊好彩有追加咋😆.呢到嘅壽喜燒醬汁味道都幾啱我口味～有D地方偏甜或偏濃，而呢到我覺得啱啱好👌🏻好味得黎唔會蓋過其他食材本身嘅味道👍🏻除左牛肉之外，豆腐、蒟蒻、冬菇、大葱、洋蔥都好食😆.到最後仲有和牛碎滑蛋飯～sukiyaki sauce同蛋香融入一齊再加上少少和牛粒，送飯一流🍚.

📍🇭🇰HONG KONG- Sukiyaki Mori又係時候要介紹我最鍾意食嘅壽喜燒😍呢間真係好推介😍呢度係用關西嘅煮法，先將牛肉🥩煎到七成熟，然後先灑上砂糖甜豉油醬汁🧂調味。比平時食開嘅壽喜燒更濃味🤣680$套餐每人有前菜，四片唔同部位嘅A4近江和牛🥩，牛肉滑蛋飯，仲有甜品🍮。睇落好似好少，但最後飽到捧住個肚走😂。🥩油脂分佈均勻，有肉味，我最鍾意食肩夾部位😋點埋蛋汁一齊食，入口即溶🤤。另外仲有其他新鮮蔬菜🥬配菜，🧅洋蔥，蒟蒻，豆腐等等吸晒啲牛肉汁，好好食！記得中途唔好添咁多飯🍚(仼加的)，因為最後一定要留肚食滑蛋牛肉飯👍🏻👍🏻人間極品🥰。所有嘢都冇得彈，我相信好快又會再去。

近排好想食壽喜燒，誤打誤撞比我搵到呢間餐廳，就一於試下啦！是日因事遲左10分鐘到，店長係有啲心急想我地快啲落單，之後就明點解要咁做！😚 一坐低有熱毛巾提供，之後就上前菜。 味道簡單但幾好食。再黎係櫻花蝦茶碗蒸，喺出面唔常見，蝦味非常濃郁，份量都好夠主角出場！ 廚師拎左碟牛同蔬菜盤黎，仲會介紹下係咩部位tim! 同時每人有一細碗飯，可以無限refill，廚師提醒我地要留肚，最後仲有碗滑蛋牛肉飯食！廚師會就住客人進食速度去煮，唔會比啲食物凍冰冰，呢樣野非常好👍🏻！個人鐘意呢種關西風壽喜燒，喺香港始終比較少見🙈。食完個飯仲會有麵豉湯同甜品。麵豉湯有啲薄荷葉，飲完會好涼😋甜品都好食！ 呢餐係貴啲，但係好好味又好飽，值得再黎！

Sukiyaki🧡🧡🧡餐廳有2個價錢俾客人揀1️⃣個Omakase menu $1480 (有前菜🍴 蒸蛋🥚Sukiyaki 🐮 幾款熟食🐮🦪🐟飯🍚甜品🍨）2️⃣ Sukiyaki 或 Shubushabu $680 （有前菜🍴蒸蛋🥚Sukiyaki 🐮飯🍚甜品🍨）唔食牛🐮嘅朋友仲有豚肉🐷可以揀夜晚嘅關係第2個choice對我黎講係唔夠飽🙈🙈🙈所以我揀咗第一個😛-喺日本食過Sukiyaki通常都偏甜，但係依到個甜度係岩岩好！ 🐮係來自日本嘅宮崎牛，入口即溶 又嫩滑又有牛味！配菜冬菇蒟蒻豆腐年糕🥬樣樣都好新鮮☺️另外個滑蛋牛肉飯，蛋香又滑！雖然睇落好細碗，但成個set份量都岩岩好，食埋呢碗飯就好飽🤰🏻係香港食到好味同正宗嘅壽喜燒真係數一數二！依間餐廳每道菜都好平均，除咗食物質素好，服務都好好！每一道菜師傅都會好詳細咁介紹，同埋坐左係bar枱可以望住師傅為你準備食材。PS: 🐮Sashimi x Uni 兩樣都好新鮮 同埋最尾果張前菜->粟米🌽超鮮甜！爽口！🤩🤩🤩

食物ok 牛係幾好食服務態度好普通 個個懶懶閒 唔想做咁但食到中途 未夠10點 (營業時間至11點) 已經係到洗野 做清潔🧹 成地都係水同清潔劑未有冇諗過食客既感受? 😨一路望住清潔 成地係泡 ,一路食嘢 如果係咁趕住收工 就麻煩唔好接客😤成七百幾蚊一個人 就算食物ok但係bar table望住佢哋係咁執嘢,洗地完成唔尊重 一d都唔worth 真係破壞晒

最近好多中環的上班一族喜歡這間食日本Sukiyaki 的料理,所以便打電話去訂下枱食個簡單的午餐試一試。雖然廚師煮的特別午餐已經滿了，我們便訂了Sukiyaki mini午餐及Shabushabu mini午餐. 還有叫了一客和牛sashimi, sashimi好好味。一點腥味亦沒有，好新鮮。Sukiyaki mini lunch set 同 Shabushabu mini lunch set 的牛肉都很滑，好新鮮。雖然全店滿座，waiters 同waitresses 都好注重招呼我們，忙得來都好招呼，直得一讚。$280 beef set還有咖啡或雪糕甜品送。好好味，一定再試！

To celebrate family reunion, we came to this place for the long-awaited sukiyaki. The dining experience was divine: the service was attentive and the sukiyaki, which come with different parts of the A4 Shiga beef were out of this world. It started with Ribeye, sirlon and ended with clod. Our chef tonight said the taste would get stronger and stronger which was very accurate. He also reminded us not to dip in egg for the ribeye as it might affect the texture. But I dipped it in anyway coz i love

已經嚟咗呢間餐廳食Sukiyaki三次初頭都仲算好高質好可惜質素每況愈下到近期呢一次簡直係不能接受食材其實質素好高，有好靚嘅和牛，前菜亦都好精緻，最可惜就係師傅唔能夠好好發揮水準浪費左咁好嘅食材第一輪煮嘅牛肉，直頭係overcooked, 同埋一塊好完整嘅牛肉俾佢整到碎晒，仲要黐住個爐邊，煮完之後佢就用筷子刮刮刮返黐住爐邊啲牛肉，真係睇到個心離一離之後我唯有同師傅講叫佢唔好煮得咁熟，如果再係overcook, 真係會嘥曬咁靚嘅和牛師傅們比我嘅感覺好散漫，成日都自己傾計，作為一間高級日本餐廳應該唔會有呢個情況出現，希望佢哋會檢討下自己嘅態度

男朋友生日加上除夕，想帶佢食得好一點。點知，不是好一點，係好很多。第一次到訪此餐廳，從餐廳外面及內部裝修感受到好濃厚嘅日本氣息。一坐低店員就比餐牌我哋，餐牌基本上係只有一個餐，可以揀牛肉或者豬肉既Sukiyaki或者shabushabu。由於我哋兩個都係Sukiyaki嘅超級愛好者，所以就跟着師傅嘅建議叫咗個牛，係近江牛黎既。師傅知道我哋第一次黎，都好用心介紹究竟第一次食啲咩好。連前菜師傅都同我地逐一講解係乜野，同埋食既先後次序。跟住師傅開始煮牛肉及蔬菜仲跟個細飯俾我哋送牛肉。食Sukiyaki 必有既生雞蛋我好怕食生嘅有浸腥味，但係呢度嘅雞蛋完全冇腥味而且好滑。跟住有個麵豉湯我稍為啲唔喜歡，因為佢有好重薑味，我飲唔到。但係最後嘅甜品係士多啤梨牛奶布甸同蕨餅都十分之滿意，士多啤梨好香甜牛奶布甸好滑，兩者加埋一齊食好滿足。埋單都係七百幾蚊一個人，價錢來講相當相宜，我哋兩個都飽住走。總結而言，師傅嘅用心同埋態度煮嘢食嘅認真同執着，其實令到成個用餐體驗都加咗好多分所以呢個價錢食到正宗好味又服務態度好嘅餐廳真係好值得介紹俾大家。

SUKIYAKI MORI❤️❤️行過路過呢間野都好多次 出面嘅裝修好日式 簡單 想walk in 每次都係full 既 今次臨時臨急前一日先Book位 竟然得！不過都係九點先有位( ´▽｀)到咗之後等左一陣佢哋就安排左卡座比我地 因為係第一次去所以就問職員有冇推介 因為佢有omakase,sukiyaki, shabu shabu. Omakase 係要去book位嘅時候講定要先可以的 如果你哋要去嘅話都要注意下 不過我哋本來就唔係打算試吓佢哋sukiyaki 所以就冇所謂職員話呢度嘅Sukiyaki 係根據日本最古老嘅做法做既 味道甜甜地 同埋會有職員幫我地整 shabu shabu 就係跟返日式清湯 我哋行過見到有人食緊 真係好清 好似豉油水咁😂 本來想一人試一種 但係佢哋話唔可以咁樣 太麻煩😂 好啦入正題值得一試！真係值得一試！❤️❤️❤️ 如果冇食過呢啲咁傳統嘅做法 我覺得係可以試吓既 呢度嘅服務好 職員燒嘢食嘅時候都會好細心 又會陪我地傾計 解答我哋嘅問題 就咁望住佢燒啲牛 見到佢加咗好多糖同埋豉油 擺落口嘅時候都好嫩口同埋牛味好重

I always wanted to find a nice sukiyaki place in Hong Kong. This was my first time to have a proper sukiyaki in Hong Kong.This one was a bit different then the one I had in Japan. They said it’s 關西style so it would have a bit difference.The beef was so nice and the food was very fresh.Chef was very experience and talkative! I will definitely come back again.

同朋友2人訂左六百幾蚊個個sukiyaki set, CP值極高，和牛入口即即溶，全程師傅會一路幫你煮同講解。開頭仲以為會唔夠食，點知食完個和牛已經飽到唔係好食得落飯😂一定會再去！