Chess House旗下9间餐厅，一直由多位外籍主厨以外国食材入馔，为大家提供高质多国美食!! 自设炭炉即叫即烧多汁牛扒“THE HUNTER”、唯美环境享用黎巴嫩料理“Maison Du Mezze”、一嚐香辣&沙嗲马来西亚菜“makan makan”、地道泰式街头小食“BKK”；同埋宫廷风精致印度菜“CHUTNEY” 等等等。如果你钟意以上菜系，更加推荐你嚟试吓。
因为Chess House 为咗答谢大家多年支持，首次于今个夏天限时推出《Chess House夏日盛宴》，旗下8间餐厅均以高级料理呈献超值午市/晚市套餐，午市大约$100；晚餐亦只系大约$300。当然每间餐厅价钱、份量有啲唔同，但保证都系超值价钱享用矜贵菜式！无论你一直系Chess House 粉丝，抑或首次光临品嚐都好值得嚟享用美食！有时间真系要食匀咁多间～ Don’t miss! Move your chess.
将军澳海傍嘅“THE HUNTER” 自设熟成柜同炭烧炉，炭香juicy牛扒真系必食！室外座位饱览一望无尽海景天际线，仲有秋千打卡位。室内特设开扬大玻璃门，海洋风装潢舒适轻松。
东涌隐世高质黎巴嫩餐厅，好多人钟意呢度嘅炭烧牛扒、肉串，仲有一系列地道料理。餐厅环境设计曾入围国际餐饮设计大赛，广阔空间好啱家庭乐、朋友聚会。
“makan makan ”融合马来西亚香料、泰国风味、越南草本气息嘅新派菜式，重新演绎经典东南亚料理，招牌菜式如椰浆饭、炒粿条、槟城虾面等。玩味环境装潢致敬经典游戏《食鬼》，充满欢乐气氛。
主打曼谷、泰国东北部料理，外籍大厨用多种香料结合甜、酸、辣、咸。招牌菜泰式辣椒膏炒沙白粉丝汤，辣得嚟劲有层次。炸辣味鸡翼系必食之选，够晒大只香脆。舒适泰式木系环境，充满度假风情。
印度宫廷风嘅“CHUTNEY”，透过落地玻璃欣赏外籍大厨用两大个印度窑炉Tandoor 即烤印度烤饼、肉扒同海鲜，即刻出炉热辣辣。一入门口嘅悬垂金色绸绢好唯美，用餐区则系奢华金色半拱形天花，好有空间感。
呢度可以食到被称为最健康嘅地中海饮食—黎巴嫩菜，以丰富谷物、水果、蔬菜、海鲜、香料、橄榄油为主，同样有炭炉烧肉扒，一嚐食材原始味道同地道风味。嚟到好似走入阿拉丁世界咁，坐梳化位又可以揽住彩色咕𠱸。
想感受吓泰国、越南等地嘅饮酒文化，尖东海傍嘅“MAMTOM”酒吧可以沉浸式体验东南亚风情，好似去咗亚洲啤酒花园咁。夜晚于澎湃音乐下享用美酒佳肴，好似置身东南亚热闹啤酒花园。同场有室外座位，春夏微风饮酒食饭几有feel。
香港少见以英国殖民时期嘅印度做主题，当时军队食堂要满足两国军人口腹，所以将印度食材及香料入馔，同时加入英国风味并大幅减低辣度，造就与别不同嘅英式印度菜。如果饭局有人想食印度菜；但又有人唔食辣去呢度就啱晒喇。店内更有由印度博物馆，慷慨提供英属印度军队真实相片，沉浸式享受独特气氛。
