4月份好评餐厅十强
2019-05-07

对香港人嚟讲,打卡已经成为生活日常。唔净止返工要打卡,行街、旅行,就连食饭都要打卡。而4月份嘅十强名单,就有好多间打卡热店喇!

第10位 The 747 Galley by Cafe Proud Wings(*新上榜)

 图:LornaLi4372kitkatgggggg

如果就咁话你听,呢间系间位於大角咀嘅西餐厅,可能你会觉得好普通。但如果话你听,呢间系737客机主题餐厅,装修整到成个离境大堂同机舱咁,食嘅都系飞机餐(经济舱、商务舱、头等舱晚餐),是咪即刻吸引劲多先?当然佢哋嘅嘢食都有返咁上下质素,烧美国牛小扒肉色粉嫩,多汁富油香。

第9位  立鮨(*新上榜)

 图:chongjackyKathyPun

立食寿司喺日本好 common,但香港就比较少有喇。呢间位於旺角嘅立食寿司店可以话系少数,人气不受「冇櫈坐」嘅影响,长期排队。识食一定食入口即溶脂肪又肥美嘅大呑拿鱼鲛寿司,同爽口嘅火灸左口鱼边寿司。但讲到要满足,就非食海胆特盛不可喇,鲜甜海胆连埋香浓赤醋饭,好啱打卡。

第8位  滚火锅(*新上榜)

 图:iflovefood88yamyann

唔知几时开始,打边炉已经唔再受季节嘅限制,成为全年活动。4月回南天嘅日子,仍然能打入十强,就知道呢间火锅店有啲料到。开喺深水埗嘅平民地方,但装修一啲都唔曳,大理石风格,兼有卡位坐,舒舒服服打边炉。汤底选择有芫茜皮蛋、沙嗲、麻辣等,仲有饮得嘅炖虫草鎯猪骨汤、浓汤花胶鸡汤。不可缺少嘅手切本地肥牛,肉味香又腍身,系每日去街巿新鲜采购㗎。

第7位  缘屋 札幌元袓虾汤拉面

 图:小东

上个月第10位嘅上环虾汤拉面店,今个月晋升3级。虾汤赤味噌拉面长期受客人欢迎,汤底咸中带甜,平衡有致,面条挂汤力高,口感弹牙,质素甚高。另外有几款香港限定嘅和风虾料理小食,例如日本直送樱花虾炸鸡,外脆内嫩,鸡肉多汁。

第6位  粒粒果甜品

 图:Donaldchit雷囡妈妈

能够喺众多甜品舖中突围而出,喺十强中占一席位,呢间旺角甜品店自然有佢过人之处,就系够晒新意。款款甜品嘅卖相都好鬼精致,仲有粒粒透明嘅水果星球,打卡呃like冇难度。龙珠星球内嘅系红火龙果肉、提子等,球体状用蒟蒻做成,弹牙又带果香。另外芋圆仙草、窝夫、糖不甩等甜品同样都系呃like-able。

第5位  鸡翼山

 图:Eatwithhu天天食好野

连续第3个月上榜嘅小食店,气势如虹。仲有冇鸡翼控未去过试?玫瑰、、泰式冬荫公、咸柠七、避风塘、山葵蟹籽、黑松露、三重芝士、咸蛋黄等味试匀晒未?泰式冬阴公酸酸辣辣、玫瑰味淡但蜜糖甜香,款款各有特色,望住就算只系得9款选择嘅menu都会选择困难症发作。佢哋最近喺铜锣湾又开咗分店,港岛朋友都可以去打卡啦。

第4位  一起食堂

 图:海之盐estherltt

喺年头上过榜嘅中环台式便当餐厅,重新入围。话明台湾嘢,梗系唔少得红烧牛肉面,汤底浓香仲有微辣,好入味;葱油土鸡肉饭亦相当香口,但记住要留肚喺度食埋甜品,系大家最爱嘅芋圆仙草冻呀,一碗有晒紫薯圆、芋头圆同地瓜圆,烟烟韧韧,芋圆入面仲真系有粒粒芋头添,完全冇欺场。

第3位  Victorian Rose Tea Room(*新上榜)

 图:hkfoodeliciouschowkayi

讲到打卡圣地,呢间新开冇耐嘅茶室必然上榜。一入门口已经好似去咗个高贵华丽嘅英国宫廷咁,主打正宗英式下午茶,由装修到食物,每个位都绝对系个打卡位嚟。女生们约去食tea嘅话记得要着靓啲。手工制嘅伯爵茶戚风蛋糕系呢度嘅招牌甜品,以澳洲乳酪制作,茶味浓香,口感轻盈软熟。

第2位  ULURU(*新上榜)

 图:Jennyivorybobochan111503

第2位嘅fusion菜餐厅,装修黑白手绘画为设计,食物色彩就非常丰富,形成强烈对比,又系一间打卡chill点。要特别介绍下佢哋嘅甜品,因为真系太靓仔!以食用花啫烟制作嘅花见,下层系柠檬芝士饼,连埋crumble同玫瑰酱一齐食,小清新~ 而粉色拉糖嘅粉蝶花之丘,冇想像中咁甜,但brownie朱古力味就好浓郁。

第1位  刕舙馫面馆

 图:eateatcinl.tsui

上月第7位嘅红磡小店,一跃成为榜首。呢间以刀削面为招牌嘅面馆,刀削面都系人手制作,有嚼劲又滑身,而且仲好有挂汤力,所以如果嗜辣嘅朋友,叫个麻辣汤底,就啖啖都会食到心心眼喇。麻辣牛筋腩、麻辣安格斯牛肋条等都系推介之选,肉味香,辣味够。


文:Kar


关键字
十强
排行榜
旺角
红磡
尖沙咀
打卡
甜品
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
情人节爱意满泻 甜蜜蜜堂食/外卖下午茶推介
2021-02-01
【随时更新】零食速报 每周新款零食、酒品点评
1天前
日本吉列牛排店京都胜牛进驻铜锣湾 黄金六十秒炸法 推介京都胜牛三味套餐
2021-02-18
楚捻记新line!荃湾新开饺子店 必试黑松露什菌饺+香煎潮汕韭菜粿
2021-02-10
1月份好评餐厅十强
2021-02-09