情人节爱意满泻 甜蜜蜜堂食/外卖下午茶推介
2021-02-01

虽然成日都话如果爱对了人,日日都系情人节。但系情人节呢啲日子,「系咁易」同情人食返餐都要嘅,特别系经历过呢一年,相信大家都觉得可以同爱人一齐食餐开开心心、甜甜蜜蜜嘅饭,已经要珍惜。讲真,下个月咩情况大家都唔知,有冇得开返晚巿又唔知,但习惯一早做准备嘅好宝宝都总有嘢可以做嘅,介绍几个下午茶畀大家,有堂食有外卖,总有个啱心水。

堂食

Pink Pink下午茶自助餐  花月庭  


讲起情人节,大家都会谂起一个充满粉红泡泡嘅节日,而呢一个粉红色嘅下午茶就啱晒大家同埋另一半去食啦~ 系久违嘅下午茶自助餐呢,仲要云集各地嘅士多啤梨,例如韩国、日本同法国,炮制成一系列嘅甜品同埋小食,又香甜又多汁。而千层酥一向系佢哋招牌之一,今次仲推出咗直径足足有16寸嘅草莓千层酥,口感酥脆,摆满一粒粒日本士多啤梨,不论男女生都即变心心眼啦~

草莓伊甸园下午茶自助餐
供应日期:即日起至4月4日
供应时间:逢星期六、日及公众假期,下午3时至5时
价钱:HK$275(成人)  HK$195(小童)

芝士下午茶自助餐  Essence


芝士嘅魅力没法挡。呢个芝士下午茶buffet,除咗有中西茶点、即制喇沙、同MÖVENPICK雪糕等嘅基本盘之外,主角当然系一系列以芝士做主题嘅美食啦!例如流住「车打芝士溶浆」嘅芝士喷泉,有多款西式切肉同蔬菜伴上、杂锦芝士盘有近15款世界各地嘅芝士,仲有黑松露芝士意粉、韩式炸鸡配芝士酱等,成餐都劲「芝」味!

「芝到了」下午茶自助餐
供应期: 即日 至2月28日
供应时间:逢周末和公众假期,下午3时至5时
价钱:HK$168起

朱古力迷必食 帝景轩


情人节就梗系甜甜蜜蜜㗎啦,食埋以朱古力做主题嘅下午茶就sweet到漏添啦。联乘Haagen Dazs推出嘅呢个以全新朱古力三重奏系列雪糕为灵感嘅tea,设计出多款包有朱古力、榛子同果仁嘅咸甜点,例如焦糖杏仁黑朱古力挞、红桑子橙酒朱古力蛋糕等,当然唔少得两款朱古力口味雪糕啦。而且餐厅仲有块落地大玻璃,阳光透入餐厅,啱晒情人们一边写意咁享受下午茶,一边饱览汀九桥嘅醉人景色。

尊贵朱古力下午茶
供应日期:即日起至3月7日
供应时间:逢星期一至日,下午3:15至5:15
价钱:HK$328两位用 另加一服务费

「巴黎之约」浪漫下午茶   Green   

 堂食

 外卖套餐

法国、心心、下午茶加埋一齐就系浪漫情人节嘅必胜方程式。呢间酒店嘅下午茶就集合晒呢三大元素,同三大法国着名品牌,包括乳制品牌Elle & Vire、芝士品牌Ile de France同朱古力品牌La Maison du Chocolat合作。一系列嘅甜点以Ile de France芝士制成,而甜品则多以Elle & Vire芝士制作。最吸睛一定系士多啤梨芝士玫瑰挞,层层淡粉红色嘅花瓣系人手一片一片拼上去呢,够晒心思。而心心图案嘅意式云呢拿奶冻亦系另一打卡之选,口感幼滑甜香。另外,呢个SET亦设有外卖套餐,情侣们买返屋企静静地过二人世界亦得。

「巴黎之约」浪漫下午茶
供应日期:即日至3月14日
供应时间:下午3时至5时 或 下午4时至6时
价钱︰两位港币688元* 另收加一服务费

「巴黎之约」浪漫外卖下午茶
预订日期:即日至3月11日
价钱:港币688元连Moët & Chandon迷你香槟(200毫升)乙枝

「赏花嚐花」下午茶 普庆餐厅 

情人节梗系唔少得花啦,带另一半试下呢个以花为主题嘅下午茶自助餐就啱晒啦。呢个下午茶足足用咗四十几款食用花入馔,颜色独特,其中蓝莓蝶豆花奶冻嘅粉蓝色更加令人少女心爆发,用粉红色嘅蝴蝶点缀柔和嘅浅蓝色,睇到都令人心情愉快!而且餐厅楼底十分之高,空间感十足,装修优雅,带埋另一半嚟休闲咁渡过一个甜蜜嘅情人节,一定令爱人冧晒~

「赏花嚐花」下午茶自助餐
供应时间:由2021年2月12日至3月28日(只限周末及公众假期供应)
供应时间:下午3时15至5时15分
价钱:HK$248一位   另加一服务费


外卖

精致优雅外卖下午茶  Three on Canton 

疫情期间乜都有得外卖,下午茶都唔例外。如果想安全啲,唔外出用餐嘅情侣,买set返屋企同另一半一齐叹都得。造型靓靓好啱打卡~圆盒内有三层架,装着11款精致下午茶美点,包括软芝士慕丝忌廉蛋糕、焦糖牛奶朱古力慕丝等甜点同香焗蘑菇酥、迷你芝士植物肉汉堡等咸点。

精致优雅外卖下午茶
供应日期:即日起
供应时间:每日供应(每日最後下单时间为晚上9时)
钱:HK568两位用


文:Hailey
编:Kar


关键字
情人节
下午茶
酒店
草莓
芝士
士多啤梨
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【2021生日优惠】持续更新!9月寿星叹Omakase送寿司蛋糕+清酒
2021-08-31
【随时更新】零食速报 每周新款零食、酒品点评
5天前
【特约分享】Happy Hour饮番杯Schweppes®期间限定特饮!9间必去铜锣湾餐厅(下)
2021-08-31
Chill住叹Tea!9月份下午茶推介
2021-09-06
8月份好评餐厅十强
2021-09-08