花月庭

La Scala
330
127
78
港鐵太子站 B2 出口, 港鐵旺角站 B3 出口, 港鐵旺角東站 D 出口 繼續閱讀
電話號碼
26226154
開飯介紹
佈置富歐陸情調的花月庭,擁有偌大的開放式廚房,匯聚歐陸及亞洲特色美食。 繼續閱讀
獎項殊榮
最優秀開飯自助餐 (2015)
特色
適合大夥人
慶祝紀念日
營業時間
今日營業
06:00 - 23:00
星期一至日
06:00 - 23:00
付款方式
Visa Master 現金 AE
座位數目
380
其他資料
網上訂座
酒精飲品
自帶酒水 詳細介紹
切餅費
泊車 詳細介紹
電話訂座
賞訂座積分
加一服務費
清真認證食品
有關獎賞計劃
食評 (602)
大富翁遊戲 (Monopoly) 深受香港人喜愛,伴隨很多朋友的成長,為我們帶來無盡的歡笑聲。當大富翁成為自助餐主題,開心指數肯定爆燈。旺角帝京酒店的花月庭,便創新呈獻全球首個以大富翁為主題的自助晚餐。無論大人小朋友,都會覺得好玩又好食。來到正門,大富翁的背幕、裝飾就已經令人歡樂。場內還展示了多款限量版大富翁遊戲。而食品中亦加入了各種大富翁元素,例如機會卡丶棋子丶遊戲紙幣,猶如跑進了大富翁的遊戲之中。至於食品的擺放亦很花心思,以香港地名劃分成不同區域。例如,太平山丶尖沙咀丶蘇豪區丶中環丶香港仔及旺角等。每個區域會有代表著該個地方的食品,例如,傳統避風塘小炒就是香港仔的招牌菜。當中很喜歡超惹味的豉椒蟶子仔。如果問,我最喜歡哪一區?我的答案是蘇豪區。來到蘇豪區,當然要吃即開新鮮生蠔。加上啖啖肉松葉蟹腳、龍蝦鉗、太平洋熟海蝦、青口等等。每一款都鮮又爽,大滿足。中環區以歐美烤肉招徠,提供燒羊鞍、燒美國肉眼及德國鹹豬手等肉食。今次試了燒羊鞍,肉質很嫩而且 Juicy,配上芥末或薄荷醬都好吃。酒吧林立的尖沙咀,是把酒談心之地。以一份香煎鴨肝配美酒,就最適合不過。鴨肝味道不算很重,加上香檳葡萄果醋汁,感覺不會很膩。不過我吃到的那片多士就比較硬,影響了口感。至於大富翁裡最貴的地段 —— 太平山,就以「青胡椒牛油忌廉火炙龍蝦」作為高級食材的代表。開邊的半份龍蝦,份量較輕盈而肉質爽口,配上邪惡的牛油忌廉,味道不錯,是回本重點之一。另外,在大富翁主題自助餐供應期間,只要惠顧自助晚餐即可獲得「機會卡」一張,可以抽到梅酒冰鎮鮑魚、和牛荷葉包、鮑汁鮮菇花膠扒或籠仔蒜蓉蒸蝦。彈牙入味的梅酒冰鎮鮑魚固然吸引,蒜蓉蒸蝦口感、味道、香氣俱佳,而對於食肉獸來說,充滿油香的和牛荷葉包也是上上之選。不過,我們最喜歡的是大大片滋補花膠。份量十足,入口彈牙嫩滑。好吃。(圖中是 4 人份量)最後,來一碗迷你海南雞飯和老火湯,晚餐更滿足。不過,好戲在後頭。來到甜品區,每位客人都瘋狂影相打卡。因為這裡的甜品太可愛了,處處都是大富翁的影子。豐富的大富翁造型甜品包括:香橙松露朱古力蛋糕製成大富翁遊戲板模樣的黃梅檸檬白朱古力蛋糕遊戲紙幣造型的熱情果芒果芝士慕絲蛋糕還有朱古力劇院蛋糕、大富翁奶黃包、物業卡蛋糕、酒店蛋糕、棋子甜品等等,十分精美!除了大富翁主題甜品,還有帝京酒店招牌的鬼馬蛋糕、各式甜點、爆谷機、雞蛋仔、Mövenpick 雪糕等等。甜品部簡直就是個寶庫。提一提大家,在8月至10月期間,讚好及追蹤 Royal Plaza Hotel Facebook 專頁或 Instagram 帳戶並參加遊戲,有機會贏取多款不同版本的大富翁遊戲,以及於山頂開幕的全球首間大富翁夢想世界主題館的入場門票。二人以上憑匯豐信用卡惠顧,更可獲 7 折或 65 折優惠。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-12
13069 瀏覽
食酒店既buffet成日都好難選擇~我既原則就係有即開新鮮生蠔,長腳蟹,甜品種類多😝花月庭絕對可以滿足我咁多個願望啊!晚市buffet係由1830-2230,一家人慢慢食,一邊傾一邊食~好幸福!首先即開生蠔有澳洲同美國兩種,澳洲既比較細隻,美國比較大隻厚肉,但澳洲較重鮮味,兩款都好新鮮!每次只限拎兩隻啊🤭而冷盤方面就有長腳蟹,小龍蝦,蝦🦐三文魚,油甘魚刺身等等,長腳蟹好鮮甜,而且啖啖肉~refill速度亦好快!之後熱食方面,有即燒日本串燒,即烤芝士龍蝦,鴨肝多士,燒味,豉椒炒海鮮等等鴨肝多士好juicy 油脂感重,好正啊😭😭😭烤龍蝦都係啖啖肉,肉質彈牙👍🏻🥰另外仲有豬手,德國腸,焗餐包,喇沙湯麵,即切肉眼扒,羊架,沙律等等~真係你想食乜都有咁👍🏻👻甜品中西式包羅萬有,仲有8款口味既movenpick例如楊枝甘露,豆腐花,涼粉,葡撻,即造雞蛋仔,麵包布丁,芝士蛋糕,朱古力撻等等⋯⋯HSBC信用卡更有7折優惠~埋單只需 ~ $500/head,好滿足啊!🥰 繼續閱讀
(以上食評乃用戶個人意見 , 並不代表OpenRice之觀點。)
踏入5月,謝謝友人們熱情安排的慶生活動,覺得生日開心的是可以有機會跟他們見見面,聊聊天~ 其中一天便是來了位於旺角東站帝京酒店的人氣自助餐— 花月庭慶祝。事有湊巧,自助餐當時正是以最喜歡的紫色花花作主題,確是分外心心眼。食物方面也有不少是加入紫色元素的,大家又數得出以下有多少是有紫色元素的呢? 刺身 每到自助餐,刺身基本分屬是我的必吃,花月庭的三文魚和油甘魚刺身也是我的心水之選喔~ 籠仔海上鮮 這個豐富的海鮮盒是每位客人也享用一客的,內面的海鮮皆是以原汁原味的清蒸烹調的— 有龍蝦鉗、鮑魚、花膠、帶子和香菇。當中最喜歡鮑魚,確是很有嚼勁呢。 煙肉雞卷 以煙肉將雞肉重重包圍,雞肉的肉質比想像中還要鬆化,煙肉是添了幾分惹味,雞肉上加了紫色的蔬菜,是有附合主題呢~嘻 海南雞飯 感謝食友的推薦,原來花月庭的海南雞飯是分屬必吃呢,即使是雞胸肉也不失望~香煎鴨肝伴藍莓黑醋汁 相信鴨肝也是不少人的心水之選,這兒的出品也是有質素的,藍莓黑醋汁有效可減輕鴨肝的膩感呢~ 蝶豆花飲品 飲品方面是自助的,特別嘉賓是浪漫紫色的蝶豆花特飲,甜甜的也特別~ Movenpick雪糕 每次來吃自助餐,Movenpick也是我的必吃,這次吃的是楓糖合桃和巧克力口味,友人們也有推薦到青檸雪芭呢~ 櫻桃乳酪慕絲蛋糕 謝謝友人們作結尾送上生日蛋糕,還有滿滿的祝福,很感動喔~紫色的蛋糕,加上很有藝術感的蛋糕裝飾,好美喔~有外表之餘也有內涵,慕絲香甜,蛋糕鬆軟,好吃~ 每次也滿足得棒著肚子走的,看來明天又是運動的日子了~花月庭 網址: https://s.openrice.com/QrbS00GS000 地址: 旺角太子道西193號帝京酒店2樓 電話: 26226154 繼續閱讀
(以上食評乃用戶個人意見 , 並不代表OpenRice之觀點。)
等級3 2019-11-09
0 瀏覽
見到做大富翁主題好吸引,加上DBS信用卡7折後,5百左右食4個鐘,見又有生蠔鴨肝龍蝦等等貴價回本主打,就決定請朋友食生日飯試試佢一去到個場,坐位好多,但拎野食位就好細好窄,所謂大富翁主題打卡影相位亦唔多,即時有中伏感覺😩d kol,食評,飲食雜誌宣傳全部都講到好吸引,去到完全兩回事我地一夠鐘入去坐底,出面就已經排哂長龍,見到條人龍已經唔想食我唔明佢放咁多坐位,個場都坐唔爆,但buffet位置咁窄咁細,排哂隊,點解唔擴展野食位,擺少幾張枱?而加唔爆場d野食已經要樣樣排5-15分鐘,如果爆場根本佢地d野食都出唔切,放多幾張枱仲想賺到盡?生蠔,刺身,鴨肝,龍蝦,燒烤(羊架,西冷,豬手輪流)以上5樣野係分別有5條隊,見到呢5條人龍已經唔想排但講真,除左呢5條隊以外嘅野食真係無咩吸引,見到都唔想拎係唯獨甜品比較多款同望落吸引d又唔洗排(1晚會2次火焰雪山又係要排隊)先講冷盤(無影相)海鮮有長腳蟹,青口,bb青口,龍蝦鉗見到d樣好一般,每樣試左,除左蟹腳好少少之外都無咩特別好食,全部係平價貨,仲要比人搶得好勁有3款壽司卷物,最吸引個燒三文魚壽司一出就比人拎哂,其他卷餡少飯多,見到都無興趣沙律吧普通自製果d,唔講最特別係有綠色呢櫃沙律杯,無人拎,因為可以一開始就已經出哂水生蠔:比想像中好,都新鮮,不過好細隻,兩個師傅密密開,每次只限拎兩隻,排十個8個左右啦魚生:都ok嘅,每次最多每款兩三件,都係排十個8個人啦熟食最尾一行有中西湯,三星蔥烤餅(好難食,凍哂乾哂),蒸魚(唔滑又無魚味),烤餅配咖哩(一般),仲有d放到凍哂乾哂嘅包點熟食,見到都唔想食第二行有燒尾飯同麵檔,本身想試老水雜,但比人夾到淨低d碎,好耐都無refill,同埋係呢堆野食前面有一條永遠超過二十人嘅人龍(排芝士龍蝦),所以檔住哂好難逼到入去拎野食全晚最好食係海南雞飯西式熟食有大阪燒(一般),蒸明太子魚卷(幾好),串燒(新鮮熱辣 ,不過都係一般貨式)燒肉位:有燒茄子,瓜,腸 ,等等任夾黑松露薯蓉(好食)每次只有一款肉,完左再轉第二樣,輪流出,但一出其實排隊未排到已經無哂,排到你已經轉左第二款羊架:好食,羊味濃西冷:馬馬地,乾身,無咩肉味豬手:不過不失鴨肝多士:排好耐,因為佢每次煎好少,所以要等好耐,好細件,唔夠香,每次只限拎一件,我唔明點解佢唔一次過煎多d 芝士龍蝦:主打入面最難食,唔新鮮,仲要keep住排15分鐘以上先拎到一隻甜品:款式多,但無樣特別好食,最回本最好食係Movenpick雪糕朋友仔排左個火焰雪山番黎,蛋白做得好差,仲要入面內餡放三色雪糕,好懷舊,但一d都唔好食題外話:話說我朋友幾經辛苦排左20分鐘排到隻芝士龍蝦番黎,佢未食,個侍應呀姐竟然收碟收埋盲的嗎?成隻龍蝦未食過,問都唔問下就收左當時我地幾個人傾緊計無留意,到佢拎左行開左兩步我地先發現佢收左,仲要佢地全晚不停走埋黎收野,每次都唔問,好多時碟上野食都未食完,服務超級差仲要我行開左果時,個經理黎問我地比錢係咪用DBS信用卡優惠,我d朋友同佢講比錢果個行開左,個經理重複講左4次,我d朋友答左佢n多次,我想問間餐廳係咪專請智障?第一次食buffet排隊排到唔想食,食完排到都唔知自己食左d咩,以後唔會再黎,野食大多數係平價貨,食物質素差,出餐慢,服務差,食完一個嬲字 繼續閱讀
(以上食評乃用戶個人意見 , 並不代表OpenRice之觀點。)
位於旺角帝京酒店花月庭,可說是造訪過最多的Buffet之一,就連結婚周年都曾經跟家人齊齊慶祝,無他,食物種類夠大,好啱不同年齡的家庭組合,而且不時改動主題,帶來了新鮮感。由於今次主題是大富翁,當中有大量菜色同「大富翁美食」有關,而有部份特別菜色,都專登先同大家分享。大富翁奶黃包 印上大富翁的外貌,蒸得熱辣辣,餡料香甜。楓葉夏威夷果仁花生醬慕絲蛋糕 一間間屋原來係慕絲蛋糕,真係好得意。紅桑子朱古力軟心撻 全是一個個大富翁棋子的造型,真係好萌,完全唔捨得食。黃梅檸檬白朱古力蛋糕 造型似整套大富翁,仲要有埋食得既骰仔、棋子同機會牌。朱古力劇院蛋糕(古董跑車) 其實架古董跑車比蛋糕更吸睛,帝京酒店的糕點師傅果然有一手。竹炭芝麻曲奇 做到好似大富翁既鬍鬚,其實可以化妝舞會用。500蚊紙蛋糕 真係好似銀紙,不過係食得既。大富翁造型蛋糕 真係好可愛呀!完全唔想將佢拆到甩皮甩骨。另外,仲有藍莓芝士蛋糕及菠蘿紙杯蛋糕。香蔥三文魚多士 多士印上 monopoly字樣,三文魚肉質幼嫩,又有蔥香,但可能放得太耐,多士受潮後未夠香脆。青胡椒牛油忌廉火炙龍蝦 個人覺得比凍食更可口,因為多了忌廉的甜美,火炙後青胡椒的辛香,亦令龍蝦肉味道提升。鮑汁扣花膠 每位客人可抽機會卡,今次係鮑汁扣花膠,花膠扣得軟稔入味,膠質感重夠滋補,好啱女士。生蠔 澳洲及美國生蠔 生蠔由以往一款,upgrade至有兩款,個人始終喜歡蠔味較重的澳洲生蠔。海鮮 大堂一角,有新西蘭青口、雪花蟹爪、龍蝦鉗、海蜆、海蝦及加拿大翡翠螺,質素一向有保證,真係食極唔厭。刺身提供三文魚、吞拿魚、魷魚、八爪魚、油甘魚及鯛魚,絲毫沒有討厭的雪味,解凍處理得好好,令肉質保持柔軟度。壽司個人比較喜歡雲丹醬火炙海老壽司,又香甜又爽陣。另外牛油果軟殼蟹卷、芝士鰻魚壽司、帆立貝松露壽司及火炙三文魚壽司。即拉腸粉 共有鮮龍蝦汁腸粉、沙茶牛肉腸粉及墨西哥辣肉醬腸粉三款,但並非布拉腸,而是近年大熱的肇興皺紋腸粉,實在忍不住三款都試了,真係各有千秋。Carving Station 燒美國肉眼 當然要選中間位置,因為會較生,而且有嚼口,建議灑點鹽食,味道更鮮,加埋香煎鴨肝,真邪惡。仲有好受歡迎既串燒一口牛,加埋柚子味噌蒟蒻串、枝豆香味燒豚及腩肉酒粕燒柚子手羽燒,全都是充滿了和風。天婦羅 有赤鯛天婦羅、蝦天婦羅、廣島蠔、磯邊揚天婦羅及櫻蝦野菜天婦羅,炸得幾好,脆漿夠薄,但略嫌油份未夠瀝清。熱葷 若是喜歡熱葷的朋友,想必無須考慮,因為實在太多選擇了。巴馬火腿西子雞卷口感獨特;明太子芝士魚卷配柚子忌廉汁嫩滑芳香;芝士海膽焗蟹肉意粉口感豐腴,略嫌未夠 al dente;香煎鴨肝伴多士香檳葡萄果醋汁油香十足。 仲有青胡椒清湯牛腩及麻辣脆皮牛面頰兩款牛肉菜色。海鮮類有豉油王魷筒仔、豉椒蟶子、避風塘豉椒花甲與及艇家蒜鹽蒸沙巴龍躉,真係好吸引,以為食緊海鮮餐。單尾類有瑤柱蛋白蝦仁炒飯同雞粥,清清地既上湯野菌浸菜苗,夠滿足了吧?另外,什類有咖哩雜菜、馬沙文咖哩雞肉、德國咸豬手及紐倫堡香腸。湯 西湯意大利雜菜湯,菜蔬煮至糜爛,甜味都跑到湯裡去,好啱心水。而中湯是花生眉豆煲雞腳,又係好夠火喉,好有家庭湯水feel。燒味 泰式海南雞飯 絕對要試,因為同集團幾間酒店自助餐都有海南雞飯提供,但不論雞肉到飯底,都是同樣出色,比起專門店絲毫不落下風。北京片皮鴨 原隻烤好即割,連包皮都是熱辣辣,加點京蔥及海鮮醬,夠風味。中式前菜 有酸辣鳳爪、鹵水拼盤、雲耳黑醋沙律同埋口水手撕雞。酸辣鳳爪平時都食到,反而口水手撕雖然幾辣下,但好惹味。Cold Cut及前菜 有鮮蝦柚子沙律、煙鴨胸(三維與)燒牛肉、慢煮雞胸配香辣蕃茄乾油醋汁及雜錦凍肉。芝士有香草芝士布里芝士、艾曼托芝士及伊蘭芝士。甜品甜品一向是花月庭強項,款式多、質素好,尤其是造型蛋糕,更是維肖維妙。蠔牛奶布甸、鮑魚朱古力啫喱與及燒鵝髀飯(熱情果牛油朱古力香蕉慕絲蛋糕),都是像真度高,令人捨不得落刀。雪糕 選用名牌Movenpick雪糕,有雲呢拿夢幻、楓糖合桃、士多啤梨、瑞士朱古力、意大利芝士蛋糕、薄荷朱古力、意大利奶凍及檸檬青檸雪葩,雪糕迷好啱。另外,仲有乳酪雪糕機,想食幾多軟雪糕都得。旁邊的甜品凍櫃,有綠茶牛奶布甸伴紅豆、芒果布甸、黑森林蛋糕、木糠布甸、北海道3.6牛奶布甸、紅棗糕、桂花糕及綠豆糕。當中首推3.6牛奶布甸,香甜軟滑,其次綠茶牛奶布甸伴紅豆都是值得一試。至於其他甜品有葡撻、北角雞蛋仔、牛油麵包布甸同楊枝甘露伴白玉,真係中西式都有。今次既Buffet真係睇得又玩得,而且融入「大富翁」概念的菜色十分多,絕非取巧,有名無實,相信一邊食一邊勾起不少童年回憶。 繼續閱讀
(以上食評乃用戶個人意見 , 並不代表OpenRice之觀點。)