153
101
88
港鐵東涌站 C 出口 繼續閱讀
電話號碼
36028808
開飯介紹
Essence供應自助早、午、晚餐及糅合中西佳餚的自選菜譜。Essence是世界有名的室內設計師Yasumichi Morita的力作,設計以時尚簡約為主,利用亞洲各地的材料,以中式及日式的設計為主調,營造配合酒店格調的典雅氣氛。開放式廚房設於Essence的中心點。 繼續閱讀
營業時間
今日營業
06:00 - 23:00
星期一至日
06:00 - 23:00
付款方式
Visa Master 現金 AE 銀聯 JCB
座位數目
250
其他資料
Wi-Fi
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座 詳細介紹
外賣服務 詳細介紹
加一服務費
食評 (371)
價錢平到一個點,所以絕不能期望有很多美食可以選擇。甜品最吸引的只有Mövenpick雪糕,其他的都只係細細件的切件蛋糕、細細杯的布甸、啫喱等、還有朱古力噴泉配綿花糖等,味道OK吧,不能以好食去形容。生果無論外觀、味道都只係麻麻;沙律區,有各式沙律菜選擇,都係大路款的沙律菜。但車里茄啖而無味、粟米粒有點硬、沙律醬是一枝枝唧唧樽,沒有標示醬名,要落醬只能靠估。主食區有即煮粉麵,算係最正常的食物,配料包括菜、豆卜、貢丸、扎肉。而扒類真係不吃也罷,由於係聖誕節,所以除燒牛肉、羊架之外,還有火雞。但燒牛肉極瘦,無油脂,亦無牛味;羊架只有約2-3成熟,完全係茹毛飲血嘅感覺;火雞…..一個字足以形容 – 鞋!另外,熱盤有蒸魚、炒菜、炒飯,小龍蝦等,正常味道!冷盤有刺身、青口…..通通都係一般自助餐菜式,一般味道,以$200 - $400可以食到自助晚餐,性價比係超值嘅,但味道真係稱唔得上係酒店嘅質素。 繼續閱讀
(以上食評乃用戶個人意見 , 並不代表OpenRice之觀點。)
等級1 2022-01-02
686 瀏覽
海鮮只有不知名螺,虾,有味蜆,暗黑三文魚,有小龍蝦,沒有生蠔,沒有麵包蟹,沒有長腳蟹,失敗。熱食,㗎喱牛腩(只有牛腩無什菜)薄餅尚可,有炒飯好硬,蒸魚好鞋。燒烤部,燒牛肉凍冰冰,豬手,臘鴨好肥膩。沙律,大量煙三文魚,橄欖等配料沒有,只有大量沙律菜,芝士及麵包。甜品尚可,榴槤布甸可以推介,豆腐花,生果只過氣西瓜蜜瓜2种。㗎啡,茶都無得揀,失敗。整體來說沒有太多選擇,很多食客吃不了一小時就埋單走了。但價錢只需要三百幾要求不能太高。 繼續閱讀
(以上食評乃用戶個人意見 , 並不代表OpenRice之觀點。)
等級2 2021-12-28
545 瀏覽
去大嶼山行山,諗住住一晚食個自助晚餐,冇諗過係超伏嘅。先唔講質素,講吓食物嘅種類,一般以為自助晚餐應該有嘅野好多都冇🥴熱食同冷盤都極少種類。d熱食菜式同大X樂嘅碟頭飯好相似。同埋唔知點解好多都係咖喱、巴東菜式咁樣。就連最基本嘅炒菜都冇,得一盆烚嘅椰菜花紅蘿蔔(不過佢寫話係炒雜菜)。冇果汁; 唔好諗住有咖啡機就有latte and Espresso, 咖啡機係出熱水同埋齋啡;茶包有兩種,都可以加檸檬沖杯檸茶嘅。雪糕當然唔係任攞啦,係佢裝俾你嘅。生果只有西瓜、蜜瓜同萍果。質素之低真係超乎我想像。大部份食物你望落去都唔新鮮。未試過食自助餐,連三文魚刺身都唔敢食。個粥係白粥,配料竟然係葱同榨菜嗰d。沙律吧無沙律菜,得幾種豆同埋一種貌似枸杞嘅菜葉。d豬扒、雞好硬。海鮮什錦嘅下蝦都係霉嘅。平時食自助餐唔會1 round 就唔想出去,仲要攞碗烚菜扎肉魚蛋食。呢個經驗真係好難忘🥴🥴要讚嘅就只有員工服務都尚算唔錯 繼續閱讀
(以上食評乃用戶個人意見 , 並不代表OpenRice之觀點。)
等級1 2021-12-21
697 瀏覽
附近居民, 2年未黎過, 疫情前1年1次, 貪佢近近地魚生, 羊扒, 沙律都唔錯。今次真係難食到暈。$300 當然唔求D咩, 但起馬咬得爛入口呀大佬! 芋頭鴨, 麻辣鴨, 麻辣肥牛串, 燒牛, 唔知乜豬扒, 完全un 到咬唔到, 其餘咬到既 通粉, 雜菜, 香腸, 蒸魚, 炒飯, 湯粉麵。無喇! 熱食就係甘多!! 仲有仲有…終於有個咖哩雞咬到喇, 但霉到漿糊甘救命呀。味道簡直無得輸, 全部野無醃過甘, 直接隊落D汁滾熟。魚生帶黑, 凍蝦又腥又霉, 沙律菜以前都羅馬生菜, 依家你比D貌似枸葉既沙律菜, 點食呀? 我寧願西生菜, 甚至唐生菜都好。有興趣既朋友可一試, 包你一世都記得呢間野。 繼續閱讀
(以上食評乃用戶個人意見 , 並不代表OpenRice之觀點。)
等級1 2021-12-14
700 瀏覽
早幾年有食過,都覺得唔錯…但今時今日再去完全唔同水平。首先講下價錢先,係自助餐入面計埋加一$350左右比較之下係幾平嘅。但係唔值呢個價錢,我諗攞去食放題無咁嬲….到食物方面喇1830入坐,咁就開始去搵食,點知我食左第一圈我就放棄,啲海鮮唔鮮,啲蜆仲好多沙,刺身類啲肉除左三文魚其他口感同味道極差,牛扒咬到肌肉攰都咬唔開,唉😮‍💨真心傷心咁人總需要勇敢生存咁唯有食其他熟食填肚喇,都係一般水平填完肚再試下甜品喇。甜品就有豆腐花、蛋糕、葡撻、雪糕,咁甜品就ok嘅,但唔會話有驚喜就正正常常喇。整體嚟講已經無左以前水準,我都未試過自助餐可以1915左右已經有一大堆人搶緊攞甜品。如果仲係呢個質素,我有呢個錢我會選擇其他,真係好失望…有人話咁嘅價錢就一分錢一分貨,但我會話,你有呢個預算…你唔揀呢個自助餐相信一定有好多其他選擇。 繼續閱讀
(以上食評乃用戶個人意見 , 並不代表OpenRice之觀點。)