影片
港鐵東涌站 C 出口
繼續閱讀
電話號碼
36028808
開飯介紹
Essence供應自助早、午、晚餐及糅合中西佳餚的自選菜譜。Essence是世界有名的室內設計師Yasumichi Morita的力作，設計以時尚簡約為主，利用亞洲各地的材料，以中式及日式的設計為主調，營造配合酒店格調的典雅氣氛。開放式廚房設於Essence的中心點。
繼續閱讀
營業時間
今日營業
06:00 - 22:30
星期一至日
06:00 - 22:30
公眾假期
06:00 - 22:30
公眾假期前夕
06:00 - 22:30
以上資料只供參考, 請與餐廳確認詳情
有關獎賞計劃
相關文章
食評 (395)
東涌就一向少入嚟，然而，同呢間餐廳「Essence」都算喺有啲緣，先後因為大型聚會、Staycation而嚟過好幾次。今次再寫又喺因為搞大型聚會，入到嚟食自助午餐，由於小弟有份幫手做車長，事前事後要安排車務、聯絡司機，仲要幫吓手扶老攜幼上上落落，所以，真正用餐時間大概得一個鐘。如果普通食晏當然無問題，食自助餐就肯定唔夠，故此，揀食物要有取捨，快閃當食個飯堂快餐。講環境呢度確喺唔錯，一來地方大，二來樓底超高，加上一面又有好多落地大玻璃窗，令到空間感更強，被安排坐啲梳化位，坐得舒適。因為時間有限，今次就唔可以慢慢影、慢慢食，趁快手影咗每一個食物區先，等大家知大致有啲咩選擇。麵包籃、冷盤、沙律、朱古力噴泉、湯品、中西式熱盤、凍海鮮、刺身、串燒、燒肉眼、點心、甜品、雞蛋仔、爆谷、生果、Movenpick雪糕櫃、果汁及啡茶，基本上都可以講樣樣都有齊，不過，貴價嘢就唔多。沙律、冷盤、凍海鮮照慣例，第一轉就喺食沙律開開胃先，再加少少冷盤嘅凍海鮮、半片麵包，就成為小弟嘅頭盤，你見到啲食材語而言，唔算話好高質，都喺普普通通嘅料，所以，味道還可以，不過就無乜亮點。熱盤、串燒、烤西冷第二菜就算喺我嘅主菜，佔大部分嘅都喺肉：串燒、燒肉眼、咖喱羊肉、豬肉腸配薯蓉，再配啲醉鮑片，搭個生煎包、印度米。估唔到啲肉眼同羊肉幾好食，鮑片亦都有料到，喺食得到有鮑魚味，其他嘅都OK啦。甜品拼盤轉眼剩返唔多時間，作為甜品控梗喺最後衝刺去進擊甜品區，好老實，甜品嘅款式就無太多賣點，不過，都掃番10樣返嚟試吓。有啲慕絲蛋糕、意式奶凍、葡撻、忌廉蛋糕……等等之類，質素中等，過過口癮咁啦。Movenpick雪糕拼雞蛋仔講到真正是日亮點就喺最尾食呢個雞蛋仔伴雪糕，仲要一口氣試咗佢6球，Movenpick即喺Mövenpick，質素始終有保證，配上外脆內軟嘅雞蛋仔，襯埋杯熱咖啡，算喺有個美好嘅結束。總結而言，呢度環境就舒舒服服㗎喇，至於食物，質素叫做OK啦。一來無乜貴價嘢食，二以菜式亦都比較大路，平平穩穩唔會有咩驚喜。
繼續閱讀
今日留港消費，特意入到東涌食自助午餐，大约12:00去到己有不少客人排隊入座，自助餐價錢7折後$266（原價$380）食物選擇唔太多及質素普通，餐廳環境尚算寬躺，食物質素如下:沙律及前菜:有幾款蔬菜，煙吞拿魚，意式火腿，撈通粉，海藻八爪魚，整體中規中距熱盤:酸菜魚，炒海鲜，炸猪手，蘑菇意粉，西式炒飯，麻麻地…串燒及燒烤:燒羊架夠粉嫩肉味幾好，串燒雞和牛肉都惹味，仲有雞槌，烤香腸，粟米等，整體唔錯刺身:三文魚，鯛魚，鮑片，普普通通甜品及飲品:有十幾款蛋糕，多款movenpick口味雪糕任食，仲有奶茶，咖啡，鮮奶，菊花茶，檸檬水，熱泡茶任飲，唔錯整體食物質素普普通通，但唔使$300食到咁多嘢算係咁，食到咁飽行下outlet同海濱
繼續閱讀
今個weekend同屋企人入咗東涌outlet行咗成日🚶♀️，行到攰嘅時候咁啱見到Novotel 推出左新嘅Buffet主題 - 熱帶海鮮天堂🍍，而且用電子支付仲有特價添🈹必食推介：♥︎ 三文魚刺身♥︎ 蒜蓉粉絲蒸蝦♥︎ 現燒羊架🍖♥︎ 即製雞蛋仔🍝♥︎ Movipick雪糕🍦︎三文魚🍣刺身好肥美。蒜蓉粉絲蒸蝦🦐鮮甜爽口。另外有現烤羊架、串燒、大頭蝦、菠蘿提供。全部都熱辣辣，好香BBQ味🔥。甜品方面，新鮮整既雞蛋仔仔脆卜卜好好食🤤。另外有足足5️⃣款口味既Movipick雪糕🍦比你選擇，真係值回票價💰。除此之外仲有好多東南亞特色嘅甜品，例如榴槤葡撻、炸香蕉、斑蘭蛋糕可以選擇。
繼續閱讀
呢次去咗東涌諾富特東薈城酒店食自助晚餐，總體體驗係有好有唔好。首先講下環境，露天燒烤區設計得幾有特色，周圍有好多綠化植物，仲可以睇到夜景，氣氛真係一流，係一個放鬆嘅好地方。講到食物質素，老實講有啲失望。燒烤嘅食物選擇唔算多，味道一般。雞翼燒得有啲過火，啲肉質乾柴，唔係太入味。而且選擇唔多。整體嚟講，味道只係一般，冇乜驚喜。不過，呢度嘅服務真係要大大讚一讚。員工態度非常好，無論係燒烤區嘅師傅定係其他staff，都好有禮貌同細心。普遍都好快手清理餐桌。如果你重視服務態度同環境，東涌諾富特東薈城酒店係唔錯嘅選擇。但如果你對食物質素有較高要求，可能會有啲失望。
繼續閱讀
落機後，伴侶帶我來到位於東涌的諾富特東薈城酒店Essence食自助晚餐，星期日的收費是成人$336/位，另收加一。Essence樓底高，枱與枱之間不會密麻麻的，環境舒適。食物選擇一般，而且食物質素平平，並沒一款菜式可予人深刻印象。有基本款式的刺身，三文魚、吞拿魚及八爪魚，刺身厚切，質素尚可，不算好鮮甜。清蒸龍蝦🦞龍蝦是一批批輪流蒸好，食客排隊領取，不會擺到放涼，龍蝦亦是這次自助餐中最受歡迎的餐點。龍蝦蒸得恰好，肉質不會過熟，質感爽口。有些龍蝦亦很多膏！是最值得吃的海鮮～～雖然餐廳沒供應生蠔，但有燒蠔，蒜頭豆豉燒蠔，味道不匹配，寧願是芝士焗蠔之類。以為燒雞翼夠穩陣，可是雞翼燒得不夠金黃均勻之餘，連味道亦豪不惹味。熟食方面，實在選不到很好吃的，都屬普普通通。甜品反而有些不錯，朱古力蛋糕、葡撻，以及蝴蝶酥都好吃！朱古力蛋糕香濃而不會過於甜膩，蝴蝶酥香甜酥化，葡撻的焦糖面微甜，富蛋香，酥皮鬆脆。最令人滿意的是供應MÖVENPICK雪糕，有5～6款口味，職員舀的雪糕球都夠份量！收費三百多元的自助餐，價錢相宜，食物質素與價錢都算成正比。若特意走來光顧，就不太值得。
繼續閱讀
您可能會有興趣的...