64
26
33
電話號碼
37162898
開飯介紹
提供不同時段的自助餐,自助晚餐更供應各式凍海鮮、避風塘炒海鮮及薄切牛柳等。 繼續閱讀
特色
慶祝紀念日
營業時間
今日營業
07:00-23:00
星期一至日
07:00-23:00
付款方式
Visa Master AE 現金 JCB Diners
座位數目
92
其他資料
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座
加一服務費
招牌菜
四式芝士薄餅 印尼炒飯 帝景精選薄餅 意式燴牛膝 紅燒八味乳鴿
食評 (130)
下趟試中式的 焦點食評
等級4 2017-07-02
3511 瀏覽
雖然汀九「橋底」的帝景酒店距我家算不上很遠,但總覺得地點好隔涉,所以咁多年來,本人從未到訪過。 因為無知,所以一直以為這只有自助餐供應,從不了解還有半私房菜呢家嘢,仲要係中西式都有,我又有啲興趣喎!是晚就先試西式的。 荃灣地鐵站在免費酒店穿梭巴士,其實也很快,而且十分鐘一班車,班次夠頻密,比想像中方便。 一隻長碟,盛載著三款我喜愛的食物,似Kinder出奇蛋一樣。吞拿魚他他,混入了牛油果茸,以及黑醋,令層次更加豐富,而且醒胃,相信很多朋友會喜歡。牡丹蝦刺身,也來得新鮮。 不過,最中意仍是法國生蠔。雖說炎炎夏日不是法國蠔最當造的時間,但這仍算鮮美,頂頭的黑魚子,有助提升味道。 再來一客蕃茄湯,很濃郁的,也開胃。伴碟的巴馬火腿煎得像煙肉般香脆,我反而覺得有點兒浪費。 鰽魚是煎得皮香肉嫩,旁邊的黑醋收畫龍點睛之效。墊底的蕃茄沙沙也是開胃的東西,看來師傅已為今個夏季做好準備。 接著來的海鹽牛骨筒牛滕意大利飯,焦點反落在米飯之上,味道濃郁,最重要是有咬口,不錯。牛滕乖乖當配角吧! 一隻長碟盛起將是夜甜品「曬冷」,當中有很特別的蓮子慕絲蛋糕,不諱言我是第一次品嚐,效果比想像中好。檸檬撻則是三款之中我最喜歡的。反而,朱古力蛋糕就顯得較為平庸。 為趕搭穿梭巴士,是夜要放棄咖啡了~ 繼續閱讀
(以上食評乃用戶個人意見 , 並不代表OpenRice之觀點。)
遠離繁囂 嘆美食 焦點食評
等級4 2017-05-23
3007 瀏覽
餐廳位置真夠遍僻🙈 好在大家集合一齊,有朋友揸車 車我地上去帝景酒店。朋友生日話想去呢度食😋松子仁南瓜湯 $48南瓜味相當濃郁,岩晒我口味💕歐陸芝士拼盤配蕃茄酸辣醬、葡萄及餅乾$68 咁抵既!!😂 有三款芝士,我地叫左白酒送芝士👍🏼 好識嘆呀🙈輕煎吞拿魚沙律配黑橄欖、法邊豆、蕃茄、薯仔及黑醋汁 $98好大碟,吞拿魚同薯仔好吸引!向來中意食沙律既小妹表示開心💓 好味又健康💪🏼 意大利火腿薄餅 配蕃茄、水牛芝士、蘑菇及火箭菜$98 好香!好多芝士,火腿適量吾會太咸👍🏼英式炸魚柳配他他沙律醬 $148 好大塊炸魚柳!炸粉夠薄,吾油膩,炸得好好!魚柳吾似係雪魚,幾有誠意👍🏼 個薯蓉好食😋意式燴羊膝配薯蓉 $168 好少餐廳會推出羊膝既菜式,見幾特別就叫左喇。有d似豬手,夠入味,吾錯呀☺️香濃朱古力慕絲配甜酒忌廉 $48好多cream 甜酒味吾夠突出🤔 朱古力慕絲蛋糕就ok的,士多啤梨好大粒,新鮮又甜❤️整體而言,食物質素吾錯,價錢合理,服務態度良好😁 繼續閱讀
(以上食評乃用戶個人意見 , 並不代表OpenRice之觀點。)
等級4 2017-05-21
2269 瀏覽
好消息好消息!有冇人總係啲特別節日要慶祝諗到頭都爆都都唔知食咩 🤦🏿‍♂️🤦🏿‍♀️ 又要 high class 又要地方靚又要好味又要抵,天下間邊到會有一次過滿足哂 4 個願望既地方呢 🤷🏿‍♂️🤷🏿‍♀️帝景酒店正式推出高汁半放題!星期五六日以 $288 就可以一次過滿足哂所有願望,一啲都唔失禮呀!但重點係 🤘🏿 星期一至四仲有 7 折優惠 🤘🏿 計返上黎都係 $200 一位 🤤🤤🤤 超級抵!先係汀九橋下浪漫進餐已經加哂分,然後呢個套餐一個人包 6 隻生蠔,一個湯,一個主菜,再加出面無限任食!湯有 1. 意大利雜菜湯、2. 野菌忌廉湯、3. 松子仁忌廉湯、4. 松子仁南瓜湯、5. 辣肉腸煙肉白豆湯、6. 蟹肉粟米忌廉湯,推介好濃菇味既野菌忌廉湯同超級足料豐富既辣肉腸煙肉白豆湯!而主菜方面有,1. 西班牙辣肉腸燒鱈魚柳、2. 意式燴羊膝、3. 德國燒豬手配酸椰菜、4. 英式炸魚柳薯條配他他沙律醬、5. 烤三文魚扒,除左呢啲之外,可以加錢升級轉牛扒羊扒,而小寶就叫左意式燴羊膝,羊肉好嫩而且一啲羶味都冇,個意式芡汁同個羊都好夾,好正 🤤相信大家最關心係任食果 part 😳 出面有各式沙律,煙三文魚,各式蝦蟹海鮮,飲品區,大量甜品蛋糕,雀巢哈根達斯雪糕任食,呢個價錢真係抵食 CP 真係好高 😋——————————————————————#帝景酒店半自助晚餐 $288 ($200)- 6:30pm - 9:30pm- 星期一至四有 7 折約 $200 一位- 想享用 7 折優惠要去 OpenRice 列印優惠卷——————————————————————#帝景軒荃灣汀九青山公路 353 號帝景酒店37162898 繼續閱讀
(以上食評乃用戶個人意見 , 並不代表OpenRice之觀點。)
等級4 2017-05-20
2675 瀏覽
我本身住係深井,每日出入都會經過帝景酒店,但一真未有機會入去住過或食野,前排睇到廣告,意間酒店推出半自助Buffet 價錢仲要$288起,有七折,仲送半打生蠔,就決定約埋家人黎食晚餐。地方晤算大,入到去環境都好舒服,大大個落地玻璃,光線充足。唯一海景被樹阻擋住,但晤緊要最主要係食物。首先,講左半自助餐,自助任取部分。前菜,煙三文魚、沙津火腿等......海鮮部分都好豐富,有阿拉斯加長腳蟹腳、青口、翡翠螺、蝦整晚不停Refill ,晤需要同人爭同人搶。生果甜點款式選擇好多,連平時自助餐少有的朱古力不能錯過的重點Haagen Dazs 雪糕都係任食!有四種口味雲尼拿、士多啤梨、曲奇、朱古力但好可惜,我太掛住食忘記左影相。我足足食左四杯,太開心啦^_^記得仲有咖啡機,無限添飲的^_^主菜有九款選擇,肉類魚類,任君選擇。生蠔係送既,每兩個人就送半打,我地四個人就送左一打。尺寸都晤細隻,夠鮮味海水味重,算Creamy,都不錯。值得一提,酒店餐廳一早已安排較剪用具,方便拆殼,仲有濕紙巾,感覺細心貼心 ,換碟時間都好快,服務周到。烤紐西蘭羊扒,肉味濃郁,但沒有羶味。烤安格斯肉眼扒,肉嫩多汁之選!超巨大塊,肥瘦均勻,格紋燒得好靚。烤三文魚扒,非常厚身,這樣煮的時候,才可以保持水分,入口肉質嫩滑鮮甜。烤安格斯牛柳我地叫得偏生,廚師煮得非常到位,好有技巧。鮮嫩多汁,肉味濃香口。整體來說價錢二百幾蚊,非常低,^_^酒店環境舒適,服務周到,想不到主菜食物水準都好高。海鮮成晚不停refill,完全不用爭不搶,可以舒舒服服享受晚餐,真的是一個好好的選擇。仲有甜點好好味,份量剛好細細份,可以試多幾款不同,滿足貪食的我^_^ 繼續閱讀
(以上食評乃用戶個人意見 , 並不代表OpenRice之觀點。)
踏入五月,忽然多了一些零星的假期,很想到酒店去,感受一下渡假的氣氛。於是,便與友人來到《帝景酒店》,無他的,『近』就是最佳的理由,加上這兒的餐廳食物質素蠻不錯,去年,BeautySearch 與蝦子前來吃過這兒的自助餐,一直都想再來享用。 荃灣雖然不是旅遊熱點,但勝在交通方便,所以,區內已有數間酒店,《帝景酒店》位處汀九,環境優美,亦較清靜。 港鐵站附近設有 shuttle bus往來,非常方便。BeautySearch 當日也是乘坐酒店的小巴前來,不消 10分鐘便到達,十分快捷。 今次,我們到訪的是位於《帝景酒店》2樓的帝景軒。亦是 BeautySearch 早前享用 Buffet 的餐廳。 餐廳環境蠻不錯,有落地玻璃可跳望海景,而且樓底相當高,予人更大的空間感。 雖然早前品嚐的自助餐,整體食物質素蠻不錯,不過,今次沒有大胃皇蝦子餅相陪,於是,我們決定不吃自助餐,轉為 a la carte 點選自己喜歡的菜餚。 進餐前,先來一客「凱撒沙律」HK$88,甫上桌,真的比想像中的還要大,一個人享用,恐怕已飽足了,幸好我們是 share 的! 沙律菜十分新鮮、爽脆,烤過的麵包粒更為脆口,還搭配了香濃的芝士,沙律醬,清新美味!難怪凱撒沙律經常成為最歡迎的簡單沙律之一。 餐湯方面, BeautySearch 點選了「松子仁南瓜湯」HK$48,色澤鮮豔,湯身不稠也不稀,雖然加入了松子仁成份,但由於松子仁磨得幼細,入口時依然細滑,而且,還添加了松子仁的淡淡香味。 友人點選的「特級安格斯牛肉漢堡」HK$88,層層疊,疊得相當高,用上特級安格斯牛肉製作漢堡扒,相當鮮有,我也忍不住切了一小件來品嚐,漢堡扒不但厚身,而且充滿鮮味肉汁,肉質嫩滑,牛肉味濃郁,夾著新鮮蔬菜及蕃茄,相當滋味。 BeautySearch 點選的,是「烤紐西蘭羊扒」HK$240,又一驚人份量,竟然有 3大支羊架之多,份量與數量均超出想像。 由於蝦子餅不在場,這次,我可以點選自己最愛的六成熟。看見肉質透出粉嫩紅潤的色澤,未吃已覺相當吸引。食落,羊架確實香嫩多汁,而且沒有過濃的羶味,滋味無比! 之前嚐過這兒的自助餐,BeautySearch 極力推薦當中的甜品,款式多,又精緻,最重要當然是幾乎每一款都合我心意,所以,雖然當日並非吃自助餐,但也忍不住在點餐後影了數張甜品相,自己唔食,也要相機先食! 雖然未有機會品嚐自助餐中的豐富甜品,不過,BeautySearch 也點選了一款我最愛的「法式焦糖燉蛋」HK$48 來填補一下心靈。 面層的焦糖相當脆口,不過,甜品師傅當晚似乎重手了一點,焦糖層厚了一點點,幸好燉蛋部分依然保持水準,豐彈性,口感相當嫩滑感,甜度調配得恰到好處,絕對值得一試。 繼續閱讀
(以上食評乃用戶個人意見 , 並不代表OpenRice之觀點。)