女生约会佳选!4至5月花果主题下午茶推介
2019-04-15

春天繁花盛放、果香飘逸,想好好享受呢个充满生机嘅季节,同朋友食翻个浪漫下午茶就最啱啦!以下5间餐厅都推出唔同主题嘅下午茶,由日式茶、伯爵茶、鲜果到鲜花都有,带畀大家最滋味嘅春日享受。

日式下午茶 The Farmhouse
以起源於伦敦嘅「文茶」优质日本茶叶为基础设计嘅日式下午茶,有十款精致日式甜点,例如抹茶松露朱古力、抹茶红豆卷蛋、焙茶慕丝蛋糕同樱花水信玄饼等,全部都带有日本茶叶独特嘅清新甘甜。


下午茶仲包括八款日式手工咸点,例如有矜贵嘅迷你海胆蟹籽丼、鲜甜味浓嘅辣面豉酱烤北海道螃蟹、惹味多汁嘅烧鳗鱼配法式甜多士等,热爱日本料理嘅你一定会锺意。


文茶「邂逅抹茶」日式下午茶
日期︰即日起至5月31日 (逢星期六、日及公众假期)
时间︰下午3时至5时半
价钱︰每位 $388(两位用)(另收加一服务费)


花漾时光  The Lounge
呢个tea set以芬芳鲜花为灵感,提供一系列加上鲜花作点缀嘅精致甜品,包括荔枝玫瑰慕丝蛋糕、 茉莉花茶朱古力挞、菊花慕丝桂花啫喱、樱花水信玄饼、多款花果茶等。各款甜品同花茶嘅花香都非常突出,令人感觉放松写意。



咸点就有鹅肝慕丝伴牛油面包配无花果酱、蓝纹芝士配意大利风乾火腿、西芹及脆果仁、烟燻三文鱼伴法式酸忌廉及三文鱼籽等,款款用料高贵。周末限定仲会有波士顿龙虾酥盒、和牛汉堡包同阿拉斯加蟹肉卷。


食客同时可以参加押花绘画工作坊,一边细味下午茶,一边享受艺文时光。


花漾下午茶
日期:即日起至6月30日
时间:下午2时30分至5时30分
价钱:星期五每位$218,两位用$416;星期六、日及公众假期每位$298,两位用$538 (另收加一服务费)


繁花香气 Sky Lounge
同法国护肤及香氛品牌娇兰合作打造嘅香槟下午茶,每款咸甜点都揉合咗娇兰Mon Guerlain Bloom of Rose EDT 繁花淡香氛嘅全新香调,包括口感松脆嘅椰香薰衣草棒、幼滑扎实嘅红桑子云呢拿球、玫瑰意式奶冻、娇兰蜜蜂马卡龙同柠檬柚子挞。


而咸点就有鹅肝配无花果酱、鸭肉法包、蓝花蟹三文治、烟三文鱼千层酥等,配搭美味高贵,好适合锺意享受嘅女生们。


每位食客仲会获得娇兰护肤品套装一份(价值HKD722),畀你以最佳面貌迎接春日。


法国娇兰【BLOOM OF ROSE】香槟下午茶
日期:即日起至5月31日
时间:星期一至五下午3时至6时;星期六、日及公众假期下午2时至6时
价钱:每位HKD338 (另收加一服务费)


微热山丘联乘 GREEN
热爱凤梨酥嘅你一定有听过呢款台湾必买手信:微热山丘凤梨酥。而家唔单止有得食凤梨酥,仲有用台湾土凤梨整嘅各式甜品!呢个Tea Set同微热山丘合作,推出凤梨主题下午茶,选用天然食材、无人工添加。
甜点柑橘凤梨法式小圆饼卖相可爱,流心凤梨芒果椰子杯流心效果诱人,热情果凤梨果冻够清新。茶点亦有以凤梨入馔,好似凤梨蜜糖火腿串等。饮品更加有多款清爽嘅鸡尾酒,甚至凤梨啤酒选择!


微热山丘凤梨主题下午茶
日期:5月1日至6月30日
时间:星期一至五下午3时半至5时半;星期六下午3时至5时;星期日及公众假期下午5时至7时
价钱:每位$288;两位$546 (另收加一服务费)


伯爵茶香 CLUB ALBERGUE 1601
食tea当然要叹靓茶!呢个tea set同着名英国红茶品牌 Twinings 川宁合作,设计多款以伯爵茶为主题嘅美点。下午茶特色茶点包括迷你川宁伯爵茶泡芙法式马卡龙、自家制香浓朱古力蛋糕、川宁伯爵茶芝士饼、川宁伯爵茶吉士千层酥、蟹肉黑鱼子酥盒等。另外仲提供川宁伯爵茶1壶,畀你边叹靓茶,边享受茶香浓郁嘅美点,好好放松身心。 



川宁伯爵英式下午茶
日期:即日起至5月底
价钱:2位$288(另收加一服务费)


文:Kenna
相:Cathy、Kenna
片:Cathy、Kenna、Kar


关键字
下午茶
酒店
抹茶
凤梨酥
玫瑰
茉莉
樱花
伯爵茶
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】便利店寻宝 每周新品速报
1天前
尖沙咀新商场开幕 过江龙餐厅一览
2019-10-11
【特约分享】食鱼生转运 三种好意头日本海产介绍
5天前
日本人气茶室登陆尖沙咀 招牌Tea Set、甜品推介(有片)
2019-09-25
亚洲首间 Tiffany Blue Box Café 打卡必到!三层架下午茶 + 棉花糖鸡尾酒
2019-10-08