58
10
16
港鐵北角站 A1 出口, 步行約2分鐘 繼續閱讀
電話號碼
38969896
開飯介紹
提供多國美食的全天候餐廳位於海匯酒店2樓,室內及戶外座位均可飽覽無敵的維多利亞海港景色。餐廳供應自助餐及多國佳餚,是家庭和朋友聚會及商務聚餐的最佳地點。 繼續閱讀
營業時間
今日營業
06:30 - 00:00
星期一至日
06:30 - 00:00
*最後落單時間: 23:30
付款方式
Visa Master AE 現金 銀聯 JCB 支付寶 微信支付
座位數目
280
其他資料
酒精飲品
自帶酒水 詳細介紹
切餅費 詳細介紹
電話訂座 詳細介紹
加一服務費
海景景觀
室外座位
食評 (90)
和朋友來北角新酒店食自助餐,心情相當興奮 , 只因唔大食既我絕小食自助餐, 因為怕蝕。  但朋友話好想試下The Farm House 的水準,所以佢唸都唔唸就BOOK 好位。 據我所知 開業時間不久,正面食評已經不小,所以充滿期望。 The Farm House 位於酒店二樓,餐廳裝潢別具泰式風格,面積相寬敞,佈局講究精緻,甚具大自然氣息。此外,餐兩廳均附設多大落玻璃窗,有助將日光引進屋內,客人一邊享受美食一邊欣賞夜境,真係無得頂! 預左會人頭湧湧的星期六吃Buffet,自助餐由六時半開始,客人魚貫地就坐,秩序都相當好。 首輪當然是去海鮮區,雖然並無陣容強勁的海鮮陣,但種類 一點也不小。 當晚有源源不絕的蟹鉗、波士頓龍蝦、青口、牡丹蝦、蜆及海螺。雖然食物好快被清空, 但源源不絕地refill, 客人也無須擔心錯過左就無得食。 我個人推介橙黃色厚膏波士頓龍蝦,肉質彈牙鮮香;  牡丹蝦肥美鮮甜也是必食。 日式剌身,約有五至六款,我首先被海膽壽司所吸引,再點了厚切吞拿魚剌身。海鮮控一定可以吃得心花怒放。食完冷盤後再去到熟食區。 一眼看到是非常呼吸引的燒羊架和 燒牛仔。 繼而有車仔麵、叻沙等。 是晚中式燉湯是虫草花瘦肉湯、當然還有西式周打魚湯。 熱葷 連街頭小食都齊全,好似豬皮蘿蔔魚蛋,  惹味的咖哩也不缺, 可惜只有一款選擇 反而印度米,薄餅也齊備。Comfort food有炒飯、 蒸魚、炒雜菜、尖牛腩 … 數之不盡的中菜, 粗略估計熱葷約有廿至三十款。 串燒也好吃西式即煮意粉 , Carbonana, 可配上即煎鵝肝,  必食! 吃罷主菜已有九成飽但也不忘要進攻甜品。小巧的蛋糕也放在櫃內, 可以保持蛋糕溫度同時也較為美觀, 但蛋糕種類實在太小,無可能滿足我的甜胃。蛋糕唔可以係獨一伙二的旋轉雪糕雪條內拎到夠為止,不同牌子的 雪條、雪糕一定令甜胃大滿足。 如果縑未夠可坊排下即整WAFFLE , PANCAKE ,  梳乎里等。 食足兩個多小時,相當滿足!  繼續閱讀
(以上食評乃用戶個人意見 , 並不代表OpenRice之觀點。)
等級4 2018-09-22
2403 瀏覽
 爸爸媽咪結婚週年紀念日,同佢地食餐好慶祝下~喺網上見到介紹,北角一間新落成嘅酒店「Hotel Vic」入面,有間叫「The Farmhouse」嘅餐廳做緊優惠,只要讚好佢地Facebook就有85折優惠!見食物款式都有幾多元化,所以就訂定位同佢地試下~  「Farmhouse」顧名思義,用咗農場作為主題,所以全場都係以「木」嚟做主體,再加上一啲綠色植物作點綴。地方尚算寬躺,窗邊位置仲可以邊食邊欣賞夜景。 入到去最先會見到放滿甜品、冷盤、沙律同前菜嘅雪櫃。 Cold Cut選擇都算多,有莎樂美腸、巴馬火腿、風乾牛肉同火腿片,再配上芝士作為頭盤都係唔錯嘅選擇。 然後就會見到放滿海鮮嘅凍櫃,有麵包蟹、波士頓龍蝦、翡翠螺、凍蝦同大蜆!後面有個鐵籮,做到啲龍蝦好似一瀉而下嘅感覺。  有一樣幾令人意外嘅係,餐廳設有鮮搾果汁,有專人負責即叫即搾,旁邊用嚟搾汁嘅生果有時會轉下,但主要會以蘋果、雪梨為主,另外亦會有甘筍、西芹呢類蔬果。最好嘅係,鮮搾果汁可以無限添飲,唔似一般自助餐,只包一杯咖啡或茶。 刺身櫃同樣有專人負責,大大隻嘅赤蝦最為吸引,其次係厚厚嘅帶子,另外亦有油甘魚、三文魚、吞拿魚、八爪魚等刺身⋯ 再行入啲,就係擺放熱食嘅地方。首先會見到大大舊即切西冷。而另一邊就有燒羊𣕧、燒牛仔骨、煎三文魚、吉列豬排等肉食,旁邊仲有薯角同粟米粒,可當作拌菜。最吸引我嘅就係呢個大圓芝士!意粉即叫即製,有意粉、通粉或闊條麵。配料就有辣肉腸、蜆肉、洋蔥及彩椒。而醬汁,就可選蕃茄醬/白汁。意粉將近煮好時,大廚會加入大量的芝士跟意粉拌匀,芝士味甚濃!東南亞食品方面,就有多款不同口味的咖哩及薄餅供選擇。薄餅有厚有薄,咖哩亦有羊肉、牛肉及蔬菜可供選擇。港式食品種類甚多,上至燒味,下至街頭小食亦有提供。燒味方面有即切乳豬、叉燒、油雞⋯街頭小食就有咖哩魚蛋、豬皮、蘿蔔、牛肚等等⋯有西式即煮意粉外,亦有中式即製粉麵,配料比西式多一點,有牛腩、牛筋、扎肉、豆卜及蔬菜等⋯ 旁邊還有數款蒸點,有馬拉糕、蒸餃、奶黃包及荷葉糯米飯~甜品方面,有蛋糕、曲奇、酥餅、泡芙可自行任取。亦有即焗梳乎厘及即製班戟供選擇。而最特別的,就是設有大大部旋轉雪糕櫃,關上時雪糕櫃會自轉,轉到心水的雪糕/雪條時,才開雪櫃取出即可。雪糕/雪條方面,有經典的紅豆樂、橙冰、鳳仙,亦有Häagen-Dazs及Mövenpick !龍蝦唔會食完一轉就無,所以可以等佢拎過一批新嘅出嚟先出去拎~可以揀啲滿晒橙色膏嘅~食物款式都算多,每樣試一件都已經夠晒飽~食物方面會推介羊𣕧~肉質夠嫩滑,大大件,燒得唔錯~ 自助晚餐價錢:星期一至四 成人每位$598、長者及小童每位$299星期五至日、公眾假期及前夕 成人每位$668、長者及小童每位$334(+10%服務費) ****************************** The Farmhouse 北角北角邨里1號海匯酒店西座2樓 ****************************** 以上消費:$600/位 味道:7/10 環境:8/10服務:8/10衛生:7.5/10抵食:7/10 繼續閱讀
(以上食評乃用戶個人意見 , 並不代表OpenRice之觀點。)
等級4 2018-09-17
2150 瀏覽
在急速發展的社會,把舊區換上新貌是不變的事,對於念的一輩,實在有點無奈。 北角可說是當中的一份子,近年經重新打造,附近的確多了不少新建築物,就連酒店都有了。朋友知自己喜歡試新餐廳,便拉隊走訪了一次,看看酒店Buffet 有什麼賣點。 餐廳位處靠窗一邊,整個北角碼頭盡在眼底,感覺良好。 餐廳走南亞格調路線,座位間闊落,而食物區擺放不同角落。 當中最吸睛的,一定是價值廿幾萬既旋轉雪糕雪條機,每次睇啱想食既雪條時,一打開,雪糕雪條機就會自動停下,內裡放滿了不同口味及牌子的雪糕雪條,包括有Movenpick既草莓及瑞士朱古力雪糕、哈根大師雪糕、能得利雪條、橙味及黑加侖子味、牛奶公司既鳳仙、紅豆樂、牛奶樂與及Dairy Farm既朱古力及雲呢拿雪糕,夾雜了不少童年回憶既雪條,當然要捧場啦! 海鮮 陣容不俗,有爆膏麵包蟹、半開任食波士頓龍蝦、凍蝦、澳洲青口及蜆。海鮮迷多數圍攻龍蝦同蟹都好正常,refill速度在可接受之內。 即搾果汁總共有西芹、西瓜、蜜瓜、鴨梨、甘筍五款口味水果供大家任意配搭,的確好有新意,難為兩位女仕整晚不停洗、切、搾,不過真係係自助餐第一次見,夠誠意。 刺身每逢星期六會即劏藍旗吞拿魚,可惜造訪當日並非星期六,可惜。但餐廳依然有赤蝦、帆立貝、八爪魚、油甘魚、吞拿魚及三文魚提供,種類上比起好多酒店要多。 Carving Station 燒西冷、羊架與及沙爹雞肉串燒,都是即烤的,熱辣辣都幾好食。 即煮pasta可以在Home Made Tagliatelle 自家製闊條麵、Home Made Pappardelle 自家製粗意粉或者Bucatini 空心意粉中,任選一款,配以蟹肉、辣肉及蘑菇片,然後選擇紅白汁,變化幾多。湯 響螺雪耳燉上肉咸得有點過份,呷了兩口放棄。朋友試了意大利雜菜湯,同樣搖搖頭,所以無試。 點心雖然無最鍾意既蝦餃,仲有糯米飯、牛肉燒賣、叉燒包、馬拉糕及素菜餃,水準是意料之中,還是可以的。熱葷 龍蝦鉗啖啖肉,炒得幾入味。紅酒燴牛頰肉質地軟稔,輕輕一咬就開。 椒鹽蝦夠大隻,食落幾惹味。 另外,仲有燒茄子及甜蕃薯。 至於印度咖喱,只有印度煎餅、咖喱雞及印度黃色舊飯,咖喱種類比較少,但咖喱雞食落幾香辣,其實比預期中出色。 灼料吧日式拉麵配料有日式叉燒、蟹柳及豆卜,但麵底鹼水味不太重,可以接受,如果豬骨湯底可以再濃多少會更好。 反而香港街頭小食幾有特色,滷水雞翼、水煮牛肉、豬紅、豬皮、蘿蔔、咖哩魚蛋、牛肚及辣酒海螺,每款都試過,當中蘿蔔炆得幾稔,有入口即化的感覺,牛肚可以再炆耐少少,因為未夠入味。 燒味四款常見的燒味是泰式豬頸肉、燒鵝配梅子醬汁、白切雞和燒腩仔,豬頸肉有嚼口;燒鵝肉幾香,而燒腩仔芝皮好脆口。芝士橙車打芝士、白車打芝士 和 Brie Cheese。Cold Cut有 Salami及 Ham。 沙律提供牛油果蘋果沙律、燒雜菜沙律、腸仔沙律及蕃茄沙律。 甜品種類的確不多,只有Panna Cotta、芒果慕斯、焦糖燉蛋 朱古力慕絲、朱古力慕絲蛋糕、紐約芝士蛋糕及意大利芝士餅。 簡單的試了奶凍及意大利芝士餅,只是一般水準,看來餐廳要加強甜品陣容。 樽裝汽水有舊版細樽可樂、雪碧及玉泉忌廉,喜歡懷舊的朋友,正好緬懷一番。 可能是新開的關係,服務員收拾餐具有點慢,而食物有進步空間。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-09-14
2283 瀏覽
男友生日,我知道他最喜歡自助餐,因為我們都喜歡多元化,多品種又可以有不同的選擇,男友最愛吃波士頓龍蝦,而且他出名的挑,所所以我决定去近日大熱的the Farmhouse, 在北角的海匯酒店西座2樓,這間北角的新酒店裝修和主流用上木色為格調,很有泰国的情調,賣点是看來漂亮的海景,感覺既自然又很浪漫,我們訂了今晚7時正!首先我們拿了兩極新鮮搾的蘋果雪梨汁,還有青斤汁可以挑的!海鮮區的冷盤選擇多的是,有青口,麵包蟹,海螺及大大隻的波士頓龍蝦,我和男友當然以龍蝦為主,真的很新鮮!壽司區的刺身甜蝦,八爪魚及三文魚也不錯!行了一會很意外地發現懷舊可樂,雪碧和忌廉,很少酒店會有這類樽裝飲品的,值得一讚!男友去了熟食區發現羊架,他超開心,因為味道很香,他一口氣吃了兩隻呀!忘了一提,竟然有煎鵝肝呀,我們發狂拿了五塊,心想也太超值,已吃回票價,鵝肝厚切很香,放在口裏慢慢品嘗,也慢慢融化!雪糕及甜品也很多,有梳夫里及焦糖燉蛋,品種多不勝數,今晚我們吃得心花怒放,我們决定国慶和家人一起來吃過痛快! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-09-11
1799 瀏覽
係炮台山工作也有一段日子, 附近一帶的酒店不多, 最近係北角終於開了一間新的酒店, 叫Hotel VIC on the Harbour, 今次去了佢地的餐廳The Farmhouse食自助晚餐. 這裡其中一樣吸引我是海鮮. 一踏入餐廳已見到龍蝦, 蟹, 青口, 翡翠螺等的冷盤海鮮. 雖然這裡沒有生蠔供應, 但對於唔食生蠔的我就完全無影響. 還有各式各樣的熱食和甜品. 而最特別一定係這部旋轉自助雪糕機, 放滿不同牌子的雪糕和雪條, 真係令人眼花撩亂. 我習慣先飲湯. 這個燉湯幾鮮甜和滋潤. 再來就食我最愛的龍蝦. 蝦肉夠新鮮, 又爽口彈牙. 海鮮受歡迎, 好快被清晒, 職員也會定時睇下情況再補. A先生食了佢至愛的刺身. 我就食壽司. 再來就是意粉, 我選了我愛食的闊條麵, 因應自己喜愛選擇配料. 而且旁邊有一個原個芝士, 加上新鮮的芝士碎, 特別好味. 還有即整生果汁. 我這杯哈蜜瓜和梨, 飲完好清新. 也有一些懷舊食品, 如豬紅, 牛腩等. 熱食選擇也有不少, 我最鍾意食龍蝦鉗和鵝肝. 其實已經好飽, 但甜品怎樣也食一點點. 我幾鍾意這裡自家製的曲奇餅. 最後食番一杯雪糕. 再飲一杯熱咖啡. 這一餐非常滿足. 繼續閱讀
(以上食評乃用戶個人意見 , 並不代表OpenRice之觀點。)