大角咀平食石烧牛扒 最平$87/300g!加$35叹埋红酒!(有片)
2019-07-03

石烧牛扒店可以话系呢半年最红嘅美食之一,专门店开完一间又一间,大角咀都有间啊,都几抵食,最平$87就食到300g牛扒!附近嘅打工仔有时如果想对自己好啲,lunch食丰富啲可以留意下。

餐厅以快餐形式提供石烧牛扒,如果想快,拣立食区仲可以优先点餐同开餐添。Menu方面,呢间餐厅选择就唔算好多,一眼望晒,最平嘅系加拿大肉眼,另外有阿根廷牛柳同美国安格斯西冷牛扒三款选择,拣啱食边款,师傅就会即场切肉、磅重,然後略略烧至三成熟左右(当然你可以要求再要熟啲或生啲嘅,但温提块热石板有一定热力好快烧熟,所以唔建议大家一开头已经叫得太熟),就会放上热石板,哔上配料就可以开餐啦~

最平嘅加拿大肉眼位,块扒仲大过块板啊!肉质嫩滑,带油脂香,边边位仲会有微脆感觉。

阿根廷牛柳嘅肉质则系三款牛扒中最软腍嘅。

而讲到肉味最浓郁嘅话,就一定系美国安格斯西冷牛扒喇,油分分布仲好平均下,肉汁好香。唔可以漏咗嘅系佢哋嘅自家制柚子烧汁,酸酸甜甜,同牛肉好夹,而且仲会令牛肉多咗份甜味。

叫个set就会有饭/汤/沙律/嘢饮(四选三),嘢饮唔系净得汽水或茶㗎,食牛喎,锯扒喎,梗系有酒先开心。细细支红酒又得,好似啜啜啫喱咁嘅微汽泡蒟蒻清酒都得,後者口感几得意,仲有苹果、桃同梅子三种口味,甜得嚟又有少少酸苦度,几清爽,好啱女生饮!


牛扒 ミディアムレア ステーキ
地址:大角咀博文街11号富贵大厦西座地下17号舖


文、相、片:Kar


关键字
大角咀
牛肉
石烧牛扒
抵食
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】最後倒数!即将结业的老字号及人气小店
2020-07-21
【随时更新】零食速报 每周新款零食、酒品点评
2020-07-31
全城抗炎!屋企都叹到三层架下午茶 Tea Set外送/外卖自取推介
4天前
全城抗炎!北角酒店最新应变 自助餐都有得外卖?
2020-07-17
全城抗炎!送上门懒人煮食包及套餐大合集2.0 花胶炖汤/火锅/铁板烧
2020-07-30