90
2
5
港鐵奧運站 C1 出口, 步行約2分鐘 繼續閱讀
所有分店 (2)
電話號碼
23871327
付款方式
AlipayHK 支付寶 現金
其他資料
Wi-Fi
酒精飲品
自帶酒水
外賣服務
加一服務費
當面支付
食評 (102)
等級4 2020-04-22
744 瀏覽
前兩日突然想食扒,好似食肉獸上身咁,所以近近地就去咗大角咀一間食鐵板燒嘅小店開餐啦!呢度有三款唔同嘅牛扒比你選擇,分別有肉眼扒,牛柳及西冷扒!收費就以gram 數重量嚟定的!我哋揀左牛柳同西冷扒,牛柳約300g 約$110蚊,而西冷扒約360g 約$200蚊,另可以加$25配套餐,有飯,沙律,湯及飲品比你四選三,如果想飲梅酒等含酒精成份飲品,就要選加$40蚊套餐!點完餐之後,店員會俾個嘟嘟牌俾你,當佢響嘅時候你就可以去取餐啦!都幾方便呀!牛柳扒啱啱上枱切開肉汁非常之多,肉質亦非常之鮮嫩,而西冷相對油脂比較多,肉質比較結實,兩者都好大份,食落啖啖肉,枱面更有黑胡椒及粗鹽俾你調味!建議唔好食得太慢,因為鐵板傳熱比較快,食得太耐肉質就會變得比較鞋身!整體性價比好高!值得一試!食完記得自己清理返張枱呀!有個位置係比客人放食完嘅盤的! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-11
639 瀏覽
今次又嚟到大角咀搵好嘢食喇,大角咀真係美食小區🏘,每條街都好似隱藏著美食等你去發掘咁。而呢間餐廳我真係畀佢大大舊嘅牛肉吸引住咗🥩,因為佢將牛肉放係透明嘅冰櫃內,價錢亦都係接受範圍之內,今日就決定試下餐廳嘅牛扒如何啦🤔。🎈肉眼部位 300g (跟餐加$25) $124餐廳有三個牛部分可以選擇,肉眼,西冷,牛柳🍖,咁我就揀咗肉眼位試一試先。同埋你可以揀牛扒要幾多克,呢個選擇方式都幾特別。餐廳就要係門口先點餐後搵位,牛扒亦都可以選擇熟度,餐廳就建議5成熟,因為係鐵板上嘅關係會變成約7成熟。既然係咁,我就試下5成熟啦🙉。另外,除咗鐵板牛扒之外😦,亦都可以跟餐+$25或者+$45加個湯、飯、嘢飲,而$25同$45嘅分別係$45係可以跟啤酒🍺。去到重點主角,肉眼扒🥩。鐵板個Size同牛扒Size一樣咁大,顯得牛扒大大塊,鐵板上仲有蒜片同粟米調下口味🌽。切開牛扒見到鮮紅嘅肉就放心一定唔會太韌,而且比例幾適中,根位有些少多咗,好多位咬唔開🤔。原汁原味嘅牛扒,無乜太強烈調過味嘅感覺,而且如果需要加啲味道嘅話,檯面上都有調味料添✨。整體環境、食物質素、價錢都唔錯,如果夜晚嚟食,感覺應該更不一樣🌙。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-18
593 瀏覽
平又好食鐵板牛扒上星期同男友去大角咀食呢間medium rare steak,之前經過見到有個廚櫃放晒牛肉咁,又多人排,都想食,所以就襯平日去食下。呢間扒同石燒牛扒店一樣,以GRAM計錢,不過就可以自己揀食幾多,冇SET定,每一GRAM既價錢都吾算貴,最平$0.33肉眼,叫300G都係$99,出面石燒牛同樣起碼$160。我地就食好小小,我揀左後腰三角肉355G($0.59/G),男友就西冷430G(0.55/G),牛即刻係面前用電子磅磅重量同計價錢,夠晒均真,我地各再加$25跟餐。西冷男友大食又肚餓,食多D要430g西冷配蒜油。牛扒鐵板上,廚房會先煎到2,3成熟左右,上台自己再繼續用鐵板熱力慢慢整熟D都得。西冷勁大塊,鐵板都裝吾晒,面頭鋪滿蒜片同鮮蒜,好香,肉實但質地都軟,無根同易趙,邊邊條肥肉都食埋,個底有D粟米粒,色肉太熟,都貼心。後腰三角肉冇特別食過後腰部份牛扒,塊牛勁厚,切開D肉汁飛出黎,入面都係好靚嘅桃紅色。慢慢鐵板完都KEEP左牛味肉汁,脂肪比例都算,所以扒肉都淋淋地。加埋我揀既蒜油連蒜食,更加好食。我跟餐沙律、味噌湯同韓式可樂,男友跟餐要飯、烏龍茶同味噌湯。沙律同飯塞到實一實,又飽又抵。 繼續閱讀
(以上食評乃用戶個人意見 , 並不代表OpenRice之觀點。)
等級8 2020-01-24
2776 瀏覽
死黨夏總晌大角咀返工,佢又喺咀尖嘅人,嗰區有咩好食問佢就最啱喇。約咗佢出嚟傾啲私人嘢,順便兩支公「撐枱腳」,食肉啱晒我哋,就建議去賣日本牛扒嘅「牛扒ミディアムレアステーキ」,佢話啲扒唔錯,但定價卻非常親民。無嚟博文街一段時間,已經變為成條酒吧街,撞正今日喺星期五晚,人氣更旺。扒爐、廚房就設晌近門口位,香氣漂出室外,行過都聞到嗰陣陣肉香。室內唔算大,亦唔算細,一室紅磚牆,配木枱,暖黃嘅燈光,又幾有種扒房情懷。而外面仲有個立食區,可能最原先喺立食,不過,見依家都有擺放啲櫈俾客人坐。餐廳採自助形式,到門外嘅點餐區落單,揀扒類、要求嘅重量、選配料(蔥油、洋蔥油、蒜油,要齊3樣都得,唔知喺咪日文寫法,其實唔喺油嚟,喺實實際際嘅蔥粒、洋蔥粒、炸蒜片)、轉唔轉為套餐(+$25 / $45),無加一服務費,俾個傳呼器你,等叫就有得攞。都介紹吓扒類嘅選擇,餐廳只賣3個部位:肉眼、牛柳、西冷,就晌收銀處旁嘅凍櫃展示晒出嚟。溫提,起錶價喺300g,即大概10.5安士,一般人而言喺好夠食。而我哋就同樣揀+$25嘅套餐,可以晌沙律、麵豉湯、汽水、白飯中4揀3。師傅都好熟手,切出嚟嘅重量跟我哋嘅要求都差唔多,誤差都喺晌10g以內。基本上,正如餐廳嘅名字「Medium Rare Steak」,牛扒都喺燒到Medium Rare嘅生熟度,而透過鐵板再控制到Medium到Well Done。食牛扒就梗喺生啲好啦,小弟就一向喜歡Medium Rare。基本上啲扒都有少少俾鹽醃過,不過,枱上都放有即磨嘅海鹽同黑胡椒,等客人按個人喜好再調節。傳呼器響喇,出得去廚房拎扒,唔講得笑,啲扒晌塊鐵板度滋滋聲猛響,堅喺熨熱。所以,店員都溫提要小心,塊鐵板有二、三百度,仲話有需要幫手拎可以出聲。肉眼(341g)$112.5幾個部位中,肉眼較喺小弟心水,因為少脂肪,肉味特別濃,而蔥油、洋蔥油、蒜油3樣都要晒,揀沙律配白飯,再要咗罐熱情果汽水。沙律喺簡簡單單嘅椰菜絲、甘筍絲,再淋上胡麻汁嘅日本風沙律,味道清爽,配牛扒都幾唔錯。唔講得笑,件扒真喺好大塊,冚過晒成塊鑼板,而啲蔥粒、洋蔥粒、炸蒜片落得一啲都無手熨,仲伴埋燒汁,個汁亦非常好食。講到件扒,真喺好得,好有肉香,燒得又啱啱好,裡面仲帶點嫩紅,卻半點血水都無,咬落富肉汁。牛柳(304g)$112.4夏總就揀牛柳,佢話喜歡牛柳嗰份軟腍,都喺配晒蔥油、洋蔥油、蒜油,不過,佢就揀麵豉湯配白飯,汽水就再咗罐維他檸檬茶。夏總話佢嘅麵豉湯都無欺場喎,唔會得朕鹹味,麵豉味都幾香濃,湯中又放有少少昆布。件牛柳非常厚身,小弟都切咗一小件嚟試試,啲肉真喺有一定質素,口感確喺頗軟腍,卻又不失肉味,就算唔再調味,都已經夠晒。順帶一提,小弟罐熱情果汽水又幾好飲喎,酸酸爽爽,襯牛扒亦有幾好效果!最後,記得幫幫店員手,幫忙拎番成份托盤去「返却口」,一人拎自己份,可以減輕到店員嘅操勞。越晏越多客人,有一家幾口,有情侶,亦有啲單身寡佬,只要食物好,定價合理,真喺唔憂無客路。喜歡食扒嘅人,嚟到呢度就可以一解牛扒癮。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-06-14
23 瀏覽
想訂座打極冇人聽,唯有搵過其他。個電話由晏晝十一點開始打,打到晏晝三點都係長響冇人聽。諗住訂座實冇走雞,點知打足咁耐都係咁,faceboo 留言又係咁。。。。有啲失望。 繼續閱讀
(以上食評乃用戶個人意見 , 並不代表OpenRice之觀點。)