eddyboyho12's Profile

迷の刀 五 刺身盛合刺身拼盤好新鮮，勁多三文魚油脂分布幾好，帶子亦都好鮮甜，甜蝦蝦身亦都好實淨。三文魚層層疊見到店員拎枝火灸槍出嚟，即刻笑啲芝士已經知道呢個一定好好食，入面勁多三文魚。吉列童星蝦童星點心麵好有驚喜，估唔到配埋吉列蝦嘅味道可以咁夾，蝦肉都處理得啱啱好。明太子醬厚燒玉子食日本嘢一定要食玉子燒，呢間我覺得做得幾好，咬落去冇好香嘅蛋汁。雞翼雞翼燒得幾香口，雞皮燒到有少少燶邊，味道一流。蒜燒厚切牛舌芯牛舌惹厚度都幾厚，咬落去口感好豐富，呢間啲燒物做得好好。牛油果山葵漬牛油果完熟得啱啱好，配埋個醬汁真係有少少三文魚嘅感覺。冰菠蘿梳打酸酸甜甜幾好飲，個冰菠蘿最後仲可以食返。…Read More

之前食過佐敦嗰間，覺得幾有水準。今次見佢開咗分店，就試吓佢中環店，環境幾寬敞空間感亦都好足夠。今次叫咗廚師發板套餐，師傅燒之前會同我哋介紹一次啲食材，望到啲海鮮已經好開心。前菜加招牌沙律係佢哋嘅特色菜式之一，煙三文魚配蔬菜口感層次一流，之後配埋個龍珠果解下個味蕾。刺身一品生蠔好新鮮，食落去有好濃烈嘅海水味同埋好Creamy，再配埋佢個蝶豆花泡沫，滿足埋視覺嘅享受。個海膽配蛋食落去勁滑，勁夾同埋勁好味，係我其中一樣最鍾意食嘅菜式。元貝燒得到啱啱好，咬落去好有質感同埋好Creamy。鮑魚亦燒得恰到好處配埋個蒜蓉真係好夾。白鰻真係值得一讚，外皮燒得好脆同埋充滿魚油，真係燒到外脆內軟，燒白鱔真係冇得輸，食過一定會話正。虎蝦亦係另一樣必食嘅海鮮，隻虎蝦燒完之後都好大隻，咬落去係好實淨，要食材好新鮮先做到。澳洲牛柳粒五成熟，師傅鐵板真係有一手，燒到啲食材啱啱好，最緊要咬落去冇筋好好味。黑松露海鮮炒飯，食埋呢個真係好飽，我最鍾意啲炒飯炒得乾身一粒粒層次分明，呢度嘅師傅完全滿足到我。飲埋個菊花豆腐白麵豉湯暖一暖個胃，真係勁滿足。食埋佢個紅豆爆珠雪糕，個爆珠都幾得意。…Read More

去左一間蘭桂坊嘅樓上酒吧 一上到去就畀佢一幅掛滿歌詞 玩具十足嘅霓虹燈牆所吸引，有好多熟悉嘅歌詞，係平時唱K必點地方唔算好大 但五臟俱全 有K唱 有嘢食 最緊要有酒飲 個環境都幾舒服，望到街景感覺幾好叫左杯cocktails 係用茶+expresso+酒嘅formula 味道好唔錯 店員話係以鴛鴦做concert 啱晒香港人口味 容易入口嘅酒精味唔會話好重，最適合想有微燻感覺嘅時間另外黑松露薯條勁好味，瞬間就食晒鍾意去老蘭，但又想唱下K同唔鍾意太嘈嘅朋友真係可以去試吓…Read More

上到去覺得環境幾好，地方都幾寬敞幾舒服。揀完嘢食之後， 就開始上咗份燒鱈魚乾， 都燒得幾香口幾惹味。食完冇幾耐就上咗5款刺身拼盤，深海池魚同真鯛都好鮮味好新鮮， 赤蝦鮮甜、 帶子彈牙、大拖羅就最好味， 油脂分布好平均。日本A5和牛他他都係超級好味， 兩個人食份量就剛剛好。 油脂分布好充足， 和牛嘅邊位亦都燒得剛剛好， 食咗幾塊之後再食埋佢下面嗰啲洋蔥過一個味蓄既味道。另外就叫咗佢個招牌 因為全部呢個超級豐富，全部都係我鍾意食嘅嘢，當然首先食咗海膽先啦冇濃味之餘亦都冇名凡明礬味海膽丼，呢個超級豐富，全部都係我鍾意食嘅嘢，當然首先食咗海膽先啦，濃味之餘亦都冇明礬味。入面仲有好多蟹肉同三文魚子，每一啖都充滿驚喜，最令我讚嘆係佢嗰塊和牛，咬落去係成個口腔會有種和牛大爆炸嘅感覺，超級滿足。估唔到特色鰻魚蛋卷，可以做得咁好味，呢個蛋捲真係一定要叫。另外仲食咗啲燒物，燒芝士、燒五花肉、燒餃子、免治雞肉軟骨，樣樣都燒得幾好。…Read More

今次係第二次過嚟食，之前食個lunch覺得幾好食，所以今次試吓dinner。最鍾意佢間餐廳好有特色，有好浪漫嘅紅玫瑰放喺門口。睇緊有咩食嘅時候就送咗餐包過嚟，個餐包都好軟熟好好味。首先叫咗個傳統西班牙烤乳豬慢煮蘋果蓉、些利酒烤豬汁，食西班牙嘢一定要叫燒乳豬，佢個燒乳豬乳做得好腍好入味，豬皮都煎得好香，食得出係靚嘅豬肉好腍好滑，仲有炸咗嘅羽衣甘藍，兩樣食物都好夾。另外叫咗辣味香蒜虎蝦，虎蝦爽滑彈牙仲要好大隻，配埋個汁真係好惹味，仲要有好多隻。最後煮食就叫咗西班牙海鮮飯，啲飯超級大粒，另外食得出用濃湯煨左好耐落啲米飯嗰度，粒粒都好分明。隻蝦勁大隻勁濃味，另外亦都有勁多海鮮勁豐富，食得出全部都係新鮮嘅海鮮。…Read More

喺門口搵咗一陣先搵到間餐廳，入到去私隱度都幾高，坐低一陣之後店員就悉心推介。點咗杯啤酒之後就一路望吓睇吓有咩食，最後點咗個兩個入門廚師發辦套餐（五道菜），另外點多咗個燒雞泡魚乾用嚟送酒，燒得啱啱好送酒一流。之後就上咗煙三文魚沙律配黑醋，整體個感覺好和諧，幾夾幾好味。海鮮就選咗老虎蝦、白鱔、扇貝同埋鮑魚，老虎蝦值得一讚，超重蝦味之餘仲十分爽彈，白鱔係必點嘅食完就覺得值回票價，鮑魚同扇貝都好食嘅。之後就叫咗鐵板燒牛肉，油脂分布都幾平均燒得啱啱好，有𡁻頭之餘超級好味。之後就食埋個鐵板炒飯，個味道都係我鍾意嘅口味，食埋個甜品就啱啱好啦。…Read More

行完海旁搵吓附近有咩餐廳，之後見到呢間好有聖誕氣氛，出面有好大棵聖誕樹，同埋喺玻璃窗望入去都好靚。出面太凍啦，即刻走入去。坐低冇幾耐就開始上咗餐包，佢有三款唔同嘅包，有牛油同埋肉醬，我就比較鍾意點肉醬好味好多，三款包得好鬆軟，同埋好有咬口。咩都唔理，叫咗餐前飲先。原本想試吓佢杯紅心Q，但係咁啱就冇，所以就要左伸縮自如的愛，個杯賣相都唔錯，酒底比較重。另外叫咗一杯妮可羅寶，冇酒精酸酸甜甜都幾好味，我就比較鍾意飲料杯多啲。主食就叫咗牛骨髓意粉，個意粉都做得幾出色，調味嚟講我認為係有驚喜嘅，啲牛肉都燒得啱啱好，好有唧勁。另外就叫咗海鮮Risotto，入面勁豐富勁多海鮮，有大蝦、磯燒鮑魚、青口，仲有好多唔同海鮮，個汁都煲到溶晒入啲飯度，每粒米飯都好有層次。…Read More

呢間日本餐廳個佈置好似去咗日本嘅居酒屋咁，放工過到去坐滿人好有氣氛，一坐低首先叫咗個黑白啤先，收工梗係爽爽佢。之後分別叫咗蟹味噌甲羅燒同埋黑松露蟹肉甲羅燒，呢度其中一樣值得讚嘅地方係店員會幫手燒埋，個甲羅燒做得唔錯，每一啖都係好重嘅蟹膏味，我就比較鍾意食黑松露味嗰隻，因為真係香好多。之後就叫咗，馬刀貝同鮑魚殼燒，兩款海鮮都好新鮮，鮑魚嚟到仲識郁嘅。大家記得剪一剪個鮑魚，唔係燒嗰陣時有機會會爆。另外叫左三文魚籽帆立殼燒同醬油木魚帆立殼燒，佢呢度嘅帆立貝好甜，我比較鍾意有蕃茄嗰一隻，因為酸酸地幾好味。最後叫咗壽司盛合同埋三文魚/甜蝦刺身，佢嘅手握壽司都做得唔錯，另外三文魚好肥同埋甜蝦好大隻，食到超飽。…Read More

我覺得而家係通脹情況咁高嘅時候，大家樂嘅燒鴨瀨下午茶真係冇得頂，我覺得佢個燒鴨係做得出色過出面好多嘅燒味檔，加埋隻由髀收呢一個價錢，出面真係好少地方做得到，同埋佢杯奶茶真係可以保持水準，每次飲都會覺得好好飲。…Read More

每次食佢嘅五餸飯都要叫多飯，喺呢度食嘢會食到家嘅感覺，喺出面好難搵到呢陣味道，小店好有人情味，我覺得佢嘅齋味道方面真係掌握得好好，今次去食估唔到有四個外籍人士幫襯，感覺好奇妙。…Read More

行過俾佢過百子櫃吸引住，坐低咗之後就開始叫嘢食，今次試咗個火腿班尼迪蛋，估唔到佢個蛋做得幾好，好落去個蛋白唔會散，入面都仲係流心好好味，另外塊包都好唔錯。之後就叫咗杯Americano，都係易入口幾好味嘅。…Read More

行過先知原來有呢一間舖頭，餃子一直係我最愛。呢間個鮮雞豬骨濃湯做得幾好，一間餃子店個湯底，如果做得好已經加咗好多分，佢個湯底係足料嘅飲完唔會好口渴。今次叫咗西洋菜鮮肉餃同埋芫荽鮮肉餃，好怕喺出面有時食西洋菜會苦，今次就冇呢個情況，芫荽都好好味。…Read More

星期六夜晚出開尖沙咀，想搵間糖水舖坐多陣，10點幾去到又唔算好多人，今日佢嘅是日精選糖水有腐竹雞蛋糖水，係我嘅最愛。碗糖水就正正常常冇咩特別，不過出面真係好多人等，店員確實好忙，同埋都唔坐得耐。…Read More

去銅鑼灣搵個朋友食lunch，佢提議太興，我覺得太興最好嘅地方就係，你入去之前已經大約知道食物係點。今次叫咗生炸豬扒麵，塊豬扒整得唔錯幾香口，牛油豬仔都做得幾香脆，當然最好味係杯奶茶。…Read More

之前去開佐敦嗰間食，去到而家得返銅鑼灣呢一間，總係會掛住佢嘅味道。今次叫咗雙皮奶，喺出面真係食唔到佢呢種味道，嗰塊雙皮超級好味，配埋佢嘅燉鮮奶一齊食真係好正，燉鮮奶嘅奶味好濃郁，同埋真係好滑。…Read More