星海．譽宴 (The ONE)

Open Now

Now Closed

放假悠悠閒同屋企人去尖沙咀the one✨譽宴。星海✨ 嘆番個靚茶。第一次嚟呢度係參加婚宴😎， 後來聽朋友講，呢度晏晝都會有得飲茶😋😋。 可以瞓到自然醒， 晏晏地再慢慢過嚟🤗🤗🤗。呢度最大特色就係有個無敵靚景😍😍😍😍😍， 好可惜今日落雨，所以冇得坐outdoor 位置😫 不過唔緊要，我哋都揀坐窗邊位置嘅枱， 景色一樣好好。😍黑松露鮮蝦餃🦐(四隻) 特點:$45皮薄餡靚， 鮮蝦爽口彈牙， 加埋黑松露令鮮味提升😋😋😋😍 😍丹麥黑魚子燒賣 大點: $38燒賣大大粒熱辣辣😚😚， 肉味香濃 ，肥瘦比例適中， 魚子卜卜脆 很有趣嘅口感。😍養生山藥棉花雞. 大點:$38十分養生嘅配搭 ，很足料嘅棉花雞， 魚肚淋滑入味， 雞肉嫩滑鮮味。😍龍蝦湯鮮竹卷. 特點:$45鮮竹卷炸成金黃色， 龍蝦湯濃郁。這個配搭，令到鮮竹卷吸收到湯底嘅精華， 非常美味。😍😍😍胡椒濃雞湯灌湯餃. 頂點:$58 x2雞湯濃郁美味，雞肉嫩滑彈牙， 已經好耐未試過咁足料嘅灌湯餃😍😍😍😯安格斯和牛腸粉. 頂點:$58相對其他點心， 安格斯和牛腸粉就比較遜色， 腸粉嘅皮有啲厚唔夠滑。 😍香芒糯米卷. 中點:$32重點推薦的甜品，

環境非常優美，服務員招呼很好，非常細心及有禮貌， 食物質素不過不失，與一般茶樓沒有太大分別。份量會比坊間的茶樓少點點，但不會差太遠。當日我們兩人食了兩個小食和飲了二支啤酒，埋單接近$300元，但環境真的十分優美🙀，價錢略貴，但相信價錢的一半是買環境，所以亦是合理範圍。如果一對情侶想吃中菜的話，如有想需要一個環境10分優美的地方，這裏會是一個不錯的選擇， 當然價錢上會貴，但本人認為的是10分值得的👍🏻

之前喺婚展睇中左依間譽宴星海諗住之後同男朋友喺度睇吓有冇機會大排筵席見佢個海景真係好靚好吸引所以今晚決定兩個人上嚟食吓飯咁我哋就坐咗喺露台邊既二人枱望住無敵大海景真係覺得佢哋嘅排場同埋裝修得好靚咁先講下嘢食我哋第一味就試左個雙色其味碟首先呢會有個陳醋青瓜佢將陳醋融入喺青瓜入面都幾flash 而且佢比較爽口凍凍地幾開胃咁同一碟隔離就會有個黑毛豬做嘅叉燒估唔到原來黑毛豬做嘅叉燒同平時嘅會有分別好好食一入口就會即溶而且佢嘅蜜糖好多同成舊叉燒嘅口感都好夾之後第二度就係花雕醉鮑魚平時鮑魚我哋都係食開熱盤估唔到用左花雕酒變成冷盤都幾好味因為鮑魚本身嘅質感都有啲咬口配合埋少少酒味其實都幾香而且個鮑魚嘅份量都幾大隻男朋友話見食左一兩度就想飲過湯暖下胃咁我哋一人一個就要左美國響螺燉摩利菌湯呢個湯飲落去舒服而家個菌既外觀有d 似海參個湯嘅味道都調校得唔錯飲落去係可以飲到尾一啲都唔油之後就係一個胡麻醬煎焗龍蝦呢個真係10分推介因為普通我食開龍蝦都係用芝士整但原來日本嘅胡麻醬帶少少甜嘅芝麻醬味加啖啖既龍蝦肉好好食之後有個細細地嘅泡湯百合煮蘆筍係一個素既菜式佢既上湯煮得好好食而且露筍嘅質感比較爽配合埋上湯都唔錯

話說3大2小諗住去飲個茶啫，可能我冇著西装同有2個小朋友，果條四眼經理冇禮貌到一個點，"有冇bb椅？" "bb椅呀？(極冇禮貌) "係呀" "邊個坐呀？(唔想拎咪唔好拎囉)" (心諗)唔想拎咪算啦，仲有呢個白痴問題一個二歲一個5歲你問黎做乜，拎黎之後"BB椅呀", 咩料忍唔住，我大聲講"你冇禮貌得很，拍枱走人，不知所謂，靚景有咩用

因為就嚟到農曆七月👻少咗好多人擺酒終於有機會可以到呢一間尖沙咀新開嘅譽宴星海食嘢睇下靚景食下中菜😊😊🏙🌃🌌樓底好高裝修又新backdrop位好大仲望曬成個維港夜景真心好想擺多次酒😌.💟雙色奇味碟蜜餞黑毛豬叉燒 陳醋青瓜黑毛豬叉燒煮得好林 肥瘦適中甜甜地 叉燒醬比較濃 偏鹹咗少少😗陳醋青瓜 煮得好脆 酸酸酸地好開胃.💟蠔皇五頭南非鮑魚鮑魚煮得好冧 上湯煮到好入味加埋蠔油汁好好食 超大粒又彈牙.💟野生黃耳竹笙燉豬展湯呢個湯好濃 所有配料都煮到林曬係慢煮燉嘅 所以連豬肉都煮到淋一淋可以食個湯好甜 冇味精 住家湯好👍.💟牛油蔥香焗美國龍蝦龍蝦超大隻啖啖肉牛油汁好正🧀🦞龍蝦超新鮮 肉質爽 好大隻下面有啲脆米索曬啲牛油汁連龍蝦食口感好豐富😙.💟甜桃蘆筍伴雙蚌白色嗰隻肉比較好味 紅色嗰隻偏鹹琥珀合桃甜甜地 可惜淋咗少少 .💟鮮茄桃膠會鮮腐竹呢個真心超好味 自製茄汁撈腐竹腐竹煮到啱啱好 銀銀地撈埋茄汁又出奇地配合桃膠冇煮到好溶 仲好有質地咬落去似啫喱 加埋啲茄汁酸酸味味好開胃我小朋友都好鍾意食.💟金瑤元貝蛋白炒絲苗瑤柱炸到脆脆哋撈埋少少菜心碎 炒埋一齊蛋白好多 不過味道偏淡.💟芒果忌廉卷芒果味好香 忌

The One 譽宴星海無論環境，服務還是食物質數都令我有很深刻的印象！係18樓的譽宴星海可以飽覽整個維港的夜景！加上美味佳餚簡直是人生一大享受。前菜蜜餞黑毛豬叉燒, 陳醋青瓜：黑毛豬叉口感非常燒鬆軟，加上黑毛豬脂肪油潤卻不膩口。青瓜酸酸的口感清甜十分開胃。蠔皇五頭南非鮑魚：鮑魚口感十分軟腍，而且醬汁亦煮得非常入味及出色，食完後絕對令人念念不忙。野生黃耳竹笙螺頭燉豬展湯：湯頭呈金黃色，清而不油！湯料的螺頭鮮味十足，加上湯水燉的時間比較長，鷄脚基本燉到入口及溶及化骨。湯水有滋潤及養顏美滋陰的功效！最適合我們女士。牛油蔥香焗美國龍蝦：龍蝦肉質飽滿肥美！只是簡單使用了蔥和牛油已經將龍蝦的鮮味發揮得淋漓盡致。龍蝦肉爽口彈牙且鮮甜味十足。甜桃露荀炒雙蚌：雙蚌爽口彈牙而且味道都極爲鮮甜，口感也是比較爽口！配搭露荀和桃露令色彩更豐富，增加食欲。鮮茄桃膠煨鮮腐竹：餐廳原隻蕃茄煨腐竹桃膠，在用料方面餐廳絕對沒有手軟！桃膠分量非常多，而且對女士養顔是一流的。鮮腐竹有濃郁蕃茄味之餘口感非常順滑。金瑤元貝蛋白炒絲苗：抄飯粒粒分明！口感豐富而且很夠鑊氣。最後更有甜品桂花糕！！桂花糕清甜帶有花香，清清地很令人喜歡

難得放假梗係搵個好啲嘅地方同屋企人一盅兩件嘆下茶咁啦。呢度環境闊落又有無敵大海景, 真係食件嘢都心情愉快啲😊叫咗原隻鮑魚燒賣, 鮮蝦腸粉。當然唔少得有蝦餃同埋特別既似磨菇包啦。仲有大大件嘅灌湯餃同埋鮮蝦春卷!我最鍾意食就係個灌湯餃, 有枸杞同埋濃湯伴住皮薄嘅餃子真係好好味! 屋企人最鍾意食就係原隻鮑魚燒賣, 因為鮑魚食落真係好惹味同埋好夠腍。呢度啲員工十分友善又會主動收碟又會主動斟茶, 仲會主動介紹啲餸菜畀你, 唔使諗得咁辛苦。春捲脆口得呢我係非常鍾意食, 外面嘅皮唔會油膩之餘又好鬆化! 個蝦餃係黑松露蝦餃, 所以個黑松露味其實都幾強烈, 咁就要睇下你個人本身鍾唔鍾意食黑松露啦。最後仲送咗個陳皮紅豆沙畀我哋, 個陳皮真係幾十年既甘香陳皮, 磨到溶咗入去個紅豆沙到, 所以係好濃香嘅陳皮味道!想搵間個景靚啲嘅地方嚟飲茶呢度絕對係一個好好嘅選擇! 😊👍

The One 譽宴星海, 餐廳環境高貴優雅、氣派十足當然不在話下, 在the one 18樓居高臨下的氣勢是更無其他附近的中式酒家可匹敵。餐廳有户外區，前方就是係中環維多利亞港，右邊就係九龍公園一帶, 日間陽光婚宴午宴可坐享維港景色, 而夜間入席也可邊欣賞幻彩詠香江邊享受精緻的佳餚, 適合任何形式的聚會。-這天老闆商務宴請, 就趁機記下了所看過和所吃過的。前菜雙式奇味碟(蜜餞黑毛豬叉燒, 陳醋青瓜)黑毛豬叉燒油潤甘香,  肉質細緻，入口香滑鬆軟, 肥瘦分明, 味道濃郁, 完全發揮黑毛豬豬的優點。配搭的陳醋青瓜清甜爽脆, 陳醋味道調較適怡, 酸甜度很合胃口, 實在是醒胃之選---蠔皇五頭南非鮑魚5頭南非乾鮑這珍貴的食材, 對我來說已是極品的級數 含豐富蛋白質, 邊緣毛刺非常多, 體態飽滿完整，刀起叉落，煨得相當軟腍入味，更有滋補養顏，養肝明目平衡血壓等功效, 真係做得好出色！---野生黃耳竹笙螺頭燉豬展湯野生黃耳珍貴, 是植物膠原蛋白之王, 有植物燕窩之稱, 與竹笙螺頭豬展同燉湯, 滋潤而不膩滯，螺頭味甘性平，味道鮮美香甜, 亦特別適合女性，有養顏美膚及滋陰功效。----牛油蔥香焗美國

這天是星期五、在尖沙咀The One 18/F譽宴中菜廳晚膳，一進門就被那寬敞的場地、柔和而高貴的燈光報置深深吸引著，我倆安排在近露台的餐桌而可遠眺維港景色，華燈初上，夜冪低垂，令人神往！這晚我倆人點菜包括：野生黃耳竹笙燉豬展熱騰騰的燉湯，清甜味鮮，爽滑的黃耳，名貴又有益！十分可口帶陳醋的蒜蓉青瓜、醒胃之極，那蜜汁黑毛豬义燒，肥瘦均勻，香軟腍滑，是十分有水準製作！再來是主菜，羌葱爆炒美國龍蝦爆香的羌葱香味，完全被那豐滿龍蝦肉吸收，新鮮的蝦肉、爽而彈牙，味道鮮甜，一試難忘！再來的是甜桃露筍炒雙蚌這菜式的整體製作和拌碟擺放和顏色配搭都是很有心思，琥珀合桃，香脆可口，而另一方的配菜鮮露筍，吸收了桂花蚌的香味，更覺可口！再來的濃鷄湯野菌浸時菜鶏湯鮮味濃郁，而蔬菜（菜心/野菌）完全收了湯汁味道，吃來感覺完全沒有味精添加！這𥚃看烟花一流，過年來留位看煙花令，到這一頓飯更是十分滿意和豐富！

和長輩慶祝，中菜就一定係首選。今次就特別揀左間可以飽覽維港景色既中餐廳餐廳位於尖沙咀the one 18樓，裝修頗為華麗，地面鋪上華麗的地氈，天花的水晶燈令人目眩。加上無敵落地大玻璃，邊食飯可以邊欣賞完全沒有遮擋的維港景色，如果天氣好仲可以走出露台，景觀一流 雙式奇味碟前菜是燒三層肉以及拍青瓜。燒肉外皮好脆，肥膏較多，適合長輩口味。拍青瓜入味爽脆 豐料佛跳牆內有鮑魚、花膠、瘦肉、雞腳、花菇，真係超足料。飲落味道好鮮味有營養。 砵酒洋蔥焗龍蝦平常食龍蝦多數都係爆炒、芝士焗等，第一次食砵酒洋蔥焗。個汁類似生炒骨汁，酸酸甜甜，開胃但唔會掩蓋龍蝦的鮮味。 順德欖角三度骨排骨是帶有欖角的香，但不會搶過排骨自身的肉香。排骨肉質嫩滑，不錯。 甜桃露筍炒雙蚌蘆筍好新鮮，唔會老。雙蚌我沒有怎樣食，因為本身不喜歡這食材呢。 翅湯雜菌浸菜苗個湯非常鮮味濃郁，好好飲。可惜菜苗唔啱季節有些苦 蒜香海皇炒飯炒飯非常香，炒得又乾身！ 桂花糕造型是一朵玫瑰，好靚呀，食落有淡淡的桂花香味呢間餐廳味道好，景色正，真係好啱帶長輩黎，一定會好開心！

早2日生日, 朋友帶我去呢高級酒樓食dinner, 一上到去個場真係好靚 仲要冇乜人 坐得好舒服 重點係可以出去露台 欣賞香港嘅夜景 真係靚到暈暈地跟住我地嘅重頭戲菜譜, 慢慢嘆, 重點介紹下特別嘅菜色先冰鎮三層肉加陳醋青瓜: 真係好好味, 燒肉口感一d都唔肥, 皮脆肉軟, 青瓜個汁調得一流, 酸得嚟唔搶, 勁開胃, 如果再大碟d就好了蠔皇南非鮑魚: 都唔洗多介紹, 唔un, 鮮甜, 汁一流牛油蒜香焗蝦: 極好食, 肉好爽口, 超鮮甜, 牛油蒜香味啱啱好, 龍蝦腳都"損"埋, 邊打呢個文章邊回味緊甜桃露荀炒雙蚌: 又係好好食, 夠哂爽甜, 又係大碟d就正啦鮮茄桃膠鮮腐竹: 酸酸地幾得意, 其實食埋呢個已經係好飽, 炒飯已經冇影相了總括: 場地, 個view真係一流, 最後一定要講係服務都一流, 侍應姐姐又禮貌又好service, 經常加水加茶同睇你有咩需要, 有機會一定再嚟

當天3人行品嚐這點心宴，各人都吃得飽1.黑松露鮮蝦餃，不錯，但個人不喜好黑松露2.安格斯肥牛腸粉，腸粉皮滑溜，肉嫩，好吃3.石榴果，內裏是粉果餡，弄得精緻好吃4.灌湯小籠包，造型也不錯，吃時肉汁滿溢5.黑金流沙包，自家製的包皮很軟熟，軟度拿捏得剛好；但流沙饀不流沙，如改進這點會更好6.趣緻黃金豬，其實是鹹水角，內有肉粒、冬菇粒⋯，造型可愛，外脆好吃7.紫菜蒜香春卷，當然是即弄的，所以皮炸得趣卜卜，好吃8.香煎蘿蔔糕，煎得很好，金黃焦脆，雖然糕內的臘味料不算多，但吃時有蘿蔔的香味，不錯了蘆薈水晶玫瑰，有心思的造型整體食物滿意，色香味俱全，團購價連茶芥加一，每人約$125，實在超值🤩！唯一不好的，就是快速地將所有點心上桌，有些點心未能在最佳狀態吃下位於尖沙咀區，又有海景露台飽覽維港和城景👍🏼

公司開年飯, 第一次嘗試這間, 在The One 18樓, 這價錢合理.環境開陽, 人不多比較清靜,同事可以有好好交流過年期間都沒有太多花巧嘢, 平實可取, 雖然味道沒有好驚喜,但都合格.只是有個別服務生態度比較差

上到譽宴，令我諗翻起三年前上 Ritz-Carlton 食浦飛，又係食風景！ Ritz-Carlton 總係覺得堅離地，我哩D窮鬼，去譽宴舒服得多！重有個分別， Ritz-Carlton 格住塊大玻璃，譽宴就有個無敵大露台！今次同班師兄弟姊妹拜吓年食圍餐，所以，菜色無得㨂.食圍餐，我習慣睇重三款菜，乳豬，炸子雞同最后嘅伊麵+糯米飯.如果第一道菜都唔掂，間餐廳好極有限啦，乳豬，皮脆肉嫩，肥豬肉唔多，不過我唔怕肥豬肉，第一道菜滿意.天山雪蓮燉美國響螺湯名就好勁，湯清甜但料不足.清蒸珍珠龍躉班控制蒸煮時間好好，所以蒸出黎肉嫩鮮甜，無過火變得硬.炸子雞皮脆肉嫩，但隻雞份量少咗D.最后，伊麵炒得乾身唔會太多芡汁，滿意，糯米飯配料不足，總覺得無蔥同花生嘅糯米飯欠缺完整，扣分！一邊食一邊同師傅師兄弟玩遊戲抽禮品，又有美景又有美食，今年初三過得超愉快！天蓬萬歲！\(^0^)/

朋友請飲，包左個廳，外面有個無敵露台景觀，可惜我自己本身有D畏高，隨非係有個玻璃隔著就好D，好似而家甘一伸出外我就吳甘行甘近，所以就影左一張露台景之後就無再影了，如果吳怕高既人，上到棃一定要影反夠本😅😅食物味道都吳差，服務一般，無特別好亦無特別吳好，普普通通甘啦😀😀食物無影曬，因為有D影吳切，待應拎左去分比客人，食品味道大致上不太差👌有乳豬釀蚧蓋炸子🐔蒸魚包鱼鴨掌湯節瓜瑤柱碧綠🦐球珊瑚甜品生果