星海．譽宴 (The ONE)

Open Now

Now Closed

尖沙咀區舒舒服服飲茶， 自己比較喜歡the one商場。 地點方便之餘 , 選擇又夠多。 不過 始終都係最鍾意 星海😊😊座位闊落 冇壓迫感，而且服務員殷勤，沖茶次數頻密， 有時會主動幫你添茶。我哋嗌咗以下嘅食物：胡椒濃雞湯灌湯餃🐥🐣🐤湯底香濃可口， 湯餃皮薄餡多， 微微香辣嘅胡椒味道， 提升鮮味。香蒜鮮魷蒸水晶粉🦑🦑鮮魷彈牙爽口，水晶粉吸收了鮮魷的甜味，加埋香蒜非常美味。金箔明蝦餃皮薄餡多，蝦肉彈牙， 配上金箔閃閃生輝，更顯矜貴。椰汁黃金糕煙煙韌韌，椰汁味香濃。xo醬煎腸粉滑捋捋又煙韌， 配上芽菜三色椒xo醬， 更加美味。

今日黎the ONE食午餐，兩個人叫左六樣點心，呢度真係好抵食，賣相有質素，裝修又高級。仲有無敵維港景。金箔明蝦餃($45)，個蝦餃邊有金色邊，超靚！蝦餃又唔算大粒但入面既蝦都幾足料。像生石榴果（$32），係韭菜鮮蝦餃，個樣好靚，好似一個禮物袋。養生山藥棉花雞（$38），即係雞扎無左塊腐皮，有山藥又有滑雞。老乾媽蒸鳳爪（$32），好厚肉，好鬆軟，味道夠曬豐富。安格斯牛肉腸粉（$58），用左啲胡椒粉配合牛肉，牛肉份量都幾足，好軟腍。雜菜鮮蝦春卷（$38），好足料既春卷，切開一半咁上，就見到粒粒蝦仁。點啲沙律醬夠神曬正。今日食完發現先$140連加一都係一位。咁既景咁既裝修同食物質素真係抵！

以為The One 高層的餐廳好貴？其實又不是，兩個人食都是$260左右，平均一人百幾元而已，又有無敵海景望，環境又大又靚，慢慢嘆茶簡直是一大樂事！.點心都十分精緻，用料上乘，師傅做點心的手藝好好。.安格斯牛肉腸粉用安格斯牛的腸粉我都是第一次食果然不一樣，很香牛肉味，而且更有質感皮薄餡多，高質！.金箔明蝦餃表面刷上金箔，頓時upgrade 同樣是皮薄，入面蝦肉滿滿.像生石榴果其實即是粉果，但做到好似石榴般十分精美，當下午茶打卡一流！.養生山藥棉花雞.老乾媽蒸鳳爪.什菜鮮蝦春卷第一次見如此大份的春卷入面是塞滿蝦肉，正！.出面有個露台，可以去抖抖氣見到360的海底盡收眼前，好鬼正

呢間譽宴位於The One 18樓，枱與枱之間幾有空間感，坐得好舒適又有靚景，服務都唔錯!! 整體點心幾有水準，做得幾精緻而味道又幾好!! 媽媽非常滿意，食完好嘢令人心情開朗!!今日最鍾意嘅點心係原隻鮑魚燒賣皇，一上枱已經覺得好得體，鮑魚大大隻爽口彈牙!! 趣致黃金豬，其實即係鹹水角，睇得又食得，正!! 黑松露鮮蝦餃，非常香黑松露味，能夠做到皮薄餡靚!!陳皮豉蒜炒秋葵，秋葵好健康應該要食多啲，呢個餸炒得好惹味香口，秋葵唔會過熟，推介!! 另外仲order左馬蹄糕同叉燒腸粉，一樣好味但就冇以上嘅點心咁特別!! 雖然有少少雨，但都出去睇吓個view，都真係幾靚，非常適合搞wedding banquet!!

約媽咪到尖沙咀行街，她提議到the one 譽宴星海飲下午茶， 於是兩母女大約下午兩點鐘到達， 不用等位非常好。 酒樓內有大型落地玻璃， 地方寬敞環境舒適。 當日點心有金箔明蝦餃$45， 灌湯小籠包$38， 養生山藥棉花雞$38， 老乾媽蒸鳳爪$32， 雜菜鮮蝦春捲$38。金箔明蝦餃～ 皮薄餡靚， 高貴的金箔皮， 增添賣相。灌湯小籠包～ 味道唔錯， 但上枱的時候溫度不太熱。養生山藥棉花雞～ 棉花雞做得很入味， 山藥有益。老乾媽蒸鳳爪～ 蒸鳳爪不會太鹹， 一碟有好多隻。雜菜鮮蝦春～ 最欣賞雜菜鮮蝦卷， 炸得剛剛好，不太油膩。兩個人大約埋單二百幾蚊， 不算貴， 下次有機會試晚餐。

難得親友相約飲茶今次就揀左位於尖沙咀嘅譽宴。星海聽個名都好似特別高級餐廳位於18樓 係望維港海景對住個無敵海景飲茶 好正🍽趣致黃金豬豬仔造型幾得意其實係咸水角黎嘅外皮炸到非常酥脆咬落係外脆內軟中間餡料非常多🍽金箔明蝦餃蝦餃大粒飽滿餃皮唔厚入面啖啖蝦肉師傅手工唔錯蝦餃唔會話一夾就散🍽灌湯小籠包皮薄餡靚 超多湯汁湯汁十分鮮甜🍽碧玉鮮蝦腸粉上枱時已分好一件件 方便進食腸粉皮薄 每件都有一隻蝦 鮮蝦大隻 食落彈牙無雪味🍽黑杞子山竹牛肉球🍽蒜片和牛粒估唔到咁大碟和牛粒牛味好濃充滿油香 肉質軟腍一定要趁熱食🍽拍蒜青瓜青瓜好爽口加埋蒜蓉同醬汁開胃之選呢度飲茶屬於中就價位不過環境靚 服務好座位亦好闊落整體食物質素唔錯成餐茶都飲得好舒服

今日啲親戚家人約左一齊係尖沙咀飲茶，去左the one，18樓。茶樓都有分室外同室內，但冬天始終太凍，我地都係坐翻入去好過。我地叫左都好多野食，以下幾樣係最推薦既。分別有布拉米皇腸粉，灌湯小籠包，蝦乾迷你珍珠雞，鮮竹卷同香芒糯米卷。布拉腸好彈牙，仲有淡淡既米香味。小籠包多汁，用個竹具盛載住好滴息。珍珠雞就好多餡，有蛋黃，肉，冬菇，大蝦乾。鮮竹卷既汁最岀色，甜甜地，十分提鮮。最後仲有個甜品，因為有小朋友係到，甜品一定吾少得。個糯米卷又吾會話太甜，一口一小粒，啲小朋友個個都爭住黎食，好彩我都搶到一粒！哈哈！腸粉配甜醬同花生醬

好耐冇去飲下午茶喇，今日小編就做下孝順女，帶媽媽岀去尖沙咀The one到歎茶！望住對面海飲茶，環境又靚，媽媽不知幾開心！🥜餐前小食 花生 - $15估吾到飲茶都有花生食，脆卜卜！🦐金箔明蝦餃 - $40蝦餃皮薄餡厚實。🥟灌湯小籠包 - $33最好食個小籠包，皮簿到一夾起就爆汁。肉味鮮甜。🌱杞子濃雞湯泡翠苗 - $52個湯都飲得，清清地，又吾咸。🌸蔥油海蜇花 - $108海蜇就食得多，海蜇花就第一次。爽口酸脆，食定一片又一片。

今晚屋企人食生日飯 揀左呢間星海譽宴 因為聽人講佢嘅business晚餐做得好出色😼雖然冇乳豬全體 但燒黑豚肉香而不膩 入口微甜😻 肉質鮮嫩 仲燒得好脆阿 成班小朋友爭住食😹花雕醉鮑魚 賣相有啲似日式 因為面頭有啲蟹籽😽 但聞一聞已經聞到花雕酒香 好陳年花雕🙀🙀 鮑魚浸到好香透 每咬一啖 花雕味更加濃烈咁充斥口腔😽配菜係酸甜話梅浸淮山 食落好清新😸到我最期待嘅芝麻醬煎龍蝦😻😻 殼都煎得好脆 蟹肉同蟹殼輕易分離 足見龍蝦好新鮮😻😻 雖然搶左少少龍蝦嘅原味 但落咗芝麻醬就特別惹味 亦都冇芝士咁濟😽大家都讚個燉湯 花膠燉螺頭😸 花膠簡直係漿口 充滿骨膠原 仲落左雞髀去燉 值回票價😼唯一可惜啲嘅係個蟹肉燴班球😿 味道就好好 清得黎食到魚既鮮味 但班球仲有啲碎骨係入邊 老人家同小朋友食要小心啲😿濃湯浸百合蘆筍 蘆筍都好新鮮脆嫩😸 湯好甜 完全唔係用雞粉開嗰啲味精湯😽最神奇嘅係個泡窩巴😹 將窩巴泡係頭先既濃湯度 再落埋啲芫荽好香 真係第一次咁樣食😸 脆脆地 唔使氹啲小朋友都自動食埋啲飯😸最後既甜品同生果杯😽

今日同同事在呢度飲茶，同事話個場靚又有維港景，所以帶我嚟。酒樓在The One 18 樓，基本上都看到大部份港島的地方，由北角至西環，如果夜晚嚟應該會更加靚。今晚好似有婚宴，所以個台同埋啲佈置都好靚，又有露天位置影相。五香牛𦟌，滷水汁加五香粉醃煮，好甘香，切得幾薄，易咬易食。豉汁蒜香蒸排骨，佢哋用靚的排骨，蒸的時間剛剛好，所以排骨好滑好淋。椰汁黃金糕好香椰汁味，表面煎得脆。原隻鮑魚燒賣皇感覺名貴，一碟一隻燒賣，擺設精表，燒賣亦有水準。海鹽柚子雞中翼是醒胃小食，雞翼炸得剛剛好，皮脆肉滑，柚子會增加食慾。蝦乾迷你珍珠雞亦有水準，糯米同粘米的比例混合得幾好，感覺唔會太難消化。

星期六輕輕鬆鬆同屋企人去飲茶。 來到非常熟悉的尖沙咀星海， 最愛就係呢度有好多唔同款式嘅點心， 地方又闊落， 去過咁多地方飲茶，仍然係最愛呢度。今日叫咗好多點心， 錦鹵雲吞這個真的很有驚喜， 原本以為只係普普通通炸雲吞加啲酸汁。咁諗就錯喇， 炸雲吞鬆脆可口😋， 外皮比較有質感。 酸甜汁除咗菠蘿🍍 、蕃茄🍅、青椒之外， 仲有鮮蝦🦐、叉燒、肉片 真係非常豐富。香蒜鮮魷蒸水晶粉魷魚爽口彈牙， 蒜蓉味濃郁 ，而且略帶鹹香。 鋪喺底嘅水晶粉， 完全吸收曬海鮮嘅精華及蒜蓉嘅滋味😋😋😋像生石榴果精美外型打卡呃like100分, 女孩子 的最愛.甘筍流沙包流沙包餡料豐富, 蛋黃流沙幼滑，甘金的鹹蛋黃味道。 記得趁熱食，先會有爆漿效果。其餘嘅點心，都係我哋平時嗌開。布拉米王腸粉，腸粉又滑又煙韌😍😍養生山藥棉花雞、黑杞子山竹牛肉球、丹麥黑魚子燒賣、泡椒掌翼。 都係媽媽嘅最愛， 材料新鮮 用料又足。喺呢度飲茶嘅環境真係好舒服， 淨係食個景都值返喺度。 環境同埋衛生 、點心款式 都可以媲美酒店 ，而價格相對實在是經濟實惠。

望海景唔一定要好貴嘅！呢間位於尖沙咀the one 18樓嘅中菜館唔止有靚海景，食物質素都好好嫁🔻整體評分：🌕🌕🌕🌕🌗🔻價錢：$300/2位我地叫左七樣點心：丹墨黑魚子燒賣（大）黑杞子山竹牛肉球（小）老乾媽蒸鳳爪（中）甘筍流沙包（中）XO醬煎腸粉（特）海鹽柚子雞中翼 $52泡椒掌翼 $68叫左七樣冇一樣係伏，而且全部都唔錯😋男友表示最出色係XO醬煎腸粉，夠晒惹味而且幾滑，就絕對唔會比甜醬麻醬嘅腸粉失色；而我自己就最鍾意個海鹽柚子雞中翼，唔試夠脆，柚子味濃，夠晒真材實料絕不欺場除此以外，甘筍流沙包都係我同男友心目中嘅第二名好食，名符其實嘅流心，有陣陣鹹蛋黃味之餘甜而不膩呢👍🏻📍譽宴．星海 (尖沙咀)尖沙咀彌敦道100號The ONE 18樓

尖沙咀的The One 18樓，有間譽宴．星海，入到去，右邊的位置可以坐享無敵海景食飯當中，仲可以俯瞰整個維港景色，實在令人陶醉，紫色的環境，是日去到食飯，仲見到準新人在度看場地呢~~是日同HONEY好好享受一下~叉燒青瓜拼盤叉燒青瓜拼盤的叉燒，用上黑毛豬做，入口即溶，真的食到停唔到口，青瓜爽脆，中和一下油膩感，花膠摩利菌燉螺頭花膠摩利菌燉螺頭原盅上，入面好多配料，花膠仔、螺頭，摩利菌，雞腳等，真的女仕福物，花雕醉鮑魚花雕醉鮑魚真的好入味，鮑魚食時爽口彈牙，胡麻醬龍蝦胡麻醬龍蝦真的好正，胡麻醬搽在龍蝦上，啖啖肉，真的好滿足，蟹肉燴斑球蟹肉燴斑球真的好多斑球，斑球爽脆，食出肉質鮮甜，加上蟹肉，味道唔會太濃，好好味，百合濃湯露筍百合濃湯露筍真的好靚，青色加上白色湯，露筍爽口，百合好滋補，真的養生之物~~櫻花蝦海皇炒飯櫻花蝦海皇炒飯真的好正，飯粒分明，加上櫻花蝦，真的食到飽都要食埋佢是日生果甜品甜品系桂花椰汁榚，真的好香滑，無敵靚景，星級盛宴，改變左我對中菜的想法，真的值得再來!

聽朋友介紹話The One有一間飲茶嘅地方可以嘆埋靚景，於是趁出嚟睇戲嘅時候順便試吓。上到嚟唔係太多人，而且好好彩我哋仲有窗邊位坐添。望住個維多利亞港飲茶食點心都係第一次！飲茶點少得蝦餃，所以就帶咗呢個黑松露鮮蝦餃，雖然餐牌上面話得四隻，但其實想來嘅時候仲有第五粒嘅迷你版。你唔好以為呢隻迷你版得個樣，其實佢同普通嘅蝦餃一樣，都係真材實料。啲蝦好彈牙好新鮮，加埋淡淡的黑松露香味，真係好好食。然後就係呢個香蒜鮮魷蒸水晶粉，你唔好以為見到佢咁好就以為好辣，其實佢一啲都唔辣，個水晶粉加埋佢啲汁真係超好食，一條水晶粉都冇放過。而佢D先有仲好新鮮，好厚身之餘又彈牙。另外我哋仲一人帶咗一個蟹粉小籠包，呢個蟹粉小籠包比起普通小籠包大粒，而且蟹粉充足，好香蟹粉味同埋好多汁。要飽肚所以我哋就帶咗個甘筍流沙包，呢個包真係流沙架，淡淡蛋黃味再加埋奶黃香，又唔會太甜，唔錯。除咗點心，我哋仲試咗佢個海鹽柚子雞翼，我男朋友本身好討厭柚子，但呢一個雞翼佢都話好好食，啲雞翼好大隻唔使講，佢炸到外層脆卜卜，但咬開係有肉汁嘅。然後戰柚子蜜係出邊，甜甜酸酸鹹鹹，有幾夾個喎。最後甜品就帶咗呢個椰汁黃金糕，初初仲以為佢會好甜，但

咁耐冇飲茶，梗係揀番間靚靚酒樓嘆番個靚茶啦，位於The One高層嘅酒樓，果然係唔同啲，一入到去成個場已經好Grand，氣勢磅礡仲比我揀到呢個靚位，係可以望到海景㗎，仲有柔和嘅陽光，令人心曠神怡用咗陳皮同豆豉炒嘅秋葵，果然零捨香噴噴，仲好惹味添用咗XO醬去煎嘅腸粉，食落就辣辣地，夠晒刺激包到咁靚嘅點心其實食落就同蒸粉果好似呢款蝦餃嘅蝦餃邊係有少量嘅金箔㗎蝦肉色落爽滑彈牙馬拉糕上面就加咗麥芽胚，所以食落口感會比較豐富啲中間都蒸到好鬆軟㗎最Cute嘅豬仔點心出爐啦其實佢哋就好似平時食嘅鹹水角咁