星海．譽宴 (The ONE)

Open Now

Now Closed

之前去過飲茶，攞咗枱坐低後叫茶。但坐了十多二十分鐘，舉極手一係無人理，一係應咗但當無件事。最不知所謂就係有個帶眼鏡嘅部長/經理，叫了兩次佢都話「Ok, 轉頭嚟」。但佢處理完手頭上嘅嘢佢都只係企係度周圍望。到第三次我叫「唔該，可唔可以幫我開茶」，佢就大聲話「開茶呀嘛！知啦！係咪開茶呀！」。我心諗。唔係呀，我等咗十幾二十分鐘，佢哋十張枱都無，經理加埋女侍應都有7-8人，應完我又唔理？工資包受氣我就聽過，飲茶比錢佢賺都要老馮受佢氣？！之後我就再無幫襯佢，味道ok都係咁話！

星期六和媽媽去了譽宴午膳，海景很美，叫了幾樣點心和一碟乾炒牛河，味道和賣相也不錯，可是到了埋單時，被一位女侍應呼喝。我問那女侍應有The One 會員証是否有優惠時，她大聲夾惡的説：「攞嚟啦！」，態度其差！我的媽媽也被她嚇壞，説她很粗魯！我們之前幫襯開13/F 煌府婚宴專門店，食物味道好，侍應們態度也非常好，值得一讚！13/F 和 18/F 的待遇簡直差天共地！

朋友攪婚宴，有幸蒞臨，本來開開心心先讚：環境一流，氣氛也好，宴會展示開場特別，環境也算清潔，衛生尚可。去廁所指示不清淅，仲有侍應生便服掛出來放在門邊，我以為是員工休息室，惹人誤會家俱衛生，桌布有心思(有兼覓)，椅背設計重心偏後，容易向後反，小朋友要小心注意。食物質素尚好，沒有特別驚喜，中規中矩員工態度普通以下，趕收工咁：員工在一邊分菜，原無問題，可惜，1) 送碟上客人時好似美國隊長咁飛個盾埋嚟，無講唔該謝謝，仲次次差啲中頭。2) 個人認為，員工分餸可能打斧頭，我圍枱十個人(少了兩個)，仲可以一人一件雞，一人一小舊魚，絕無機會講粗口：“多舊魚”。問佢仲有無淨，佢超差態度話(係鬧)：分哂喇。去到雞，魚都仲要餓住留意，其他之前的菜式唔駛講啦。3) 果頭食完，果頭9秒9“靈蛇取碟”伸手入來收碟，極無禮貌，有時想夾第11隻碟上食物，自己隻碟都俾人收埋，無得食。過往去“飲”，大多情況係開始時無乜特別，豬一碟算；食到魚有人停手夠皮；去到雞都食到漏哂；飯、麵、糖水無乜人掂，美點雙輝同橙都係帶走或裝飾。但今日我係第一次“見到”同“試過”飯、麵上菜，自己肚腹仍肚餓。我們張枱食完好似未上菜一樣乾淨，可能食客

公眾假期同公公婆婆來到星海譽宴飲茶，十一時來到，很快就能安排入座。 喜歡這裏因為座位較舒適，感覺也很乾淨。 看看餐單，這裏有些點心也頗為特色，也可以點小菜，選擇也頗多。點了三款炸物，全都做得不錯，整體的水準中上，下次會再來！！！脆麻花很薄很鬆化，加入桂花糖，不會很杰，感覺清新，甜度也適中。椒鹽魷魚鬚炸得金黃，外表鬆脆，內裏的魷魚鬚很稔，又香又惹味， 蘸一點喼汁，味道更突出，吃到停不了口 。 炸雲吞炸得很好，色澤金黃，皮薄香脆！黑糖馬拉糕就是那傳統的味道，又香又鬆軟潮州粉果皮薄軟糯， 餡料精緻，味道很好！ 蟹子燒賣味道和質素只屬一般叉燒包餡料略甜，但味道也不錯的。五香牛雜現在很少酒樓有牛雜吃了，牛雜炆得夠稔，不過味道太濃，鹹了一點。鳳梨甜心鼠鳳梨餡的糯米糍 ， 造型可愛 ，讓人有新鮮感！

今晚公司有個function，到譽宴食飯，環境闊落，仲可以行出露台，飽覽成個維港，五光十色✨🌟超靚，樓底夠高，無柱位！員工服務還可以，食物都好食，每度菜出既時間亦不會等太奈！天花佈置都很有心思最欣賞就係每張椅，兩側都有個位置可以掛東西，掛手袋，非常貼心乳豬脆皮好脆口蝦仁好爽口鮑魚 正👍腐皮包住蝦膠加蟹籽 好味紅燒生翅，無乜味道菜好好味，有瑤柱，好青甜👍👍可能呢個部位係魚腩兩側，超滑，豉油好香，正👍雞肉比較‘鞋口’

平日去開The one十二樓東海，點知到冇位，於是去了十八樓譽宴，竟然有驚喜！每樣點心擺放都有心思，當然味道都好得，金錢肚丶鳳爪出色！仲有可以行出去露台睇維港景色。

中午11點幾飲茶，哈哈，上到去計埋我地都係得兩檯人，包場甘濟，好正😂😂😂無記錯既話，其實點心食物就一般😁😁無乜特別。不過果到可以周圍出去露台到行下影下相，真係美景。😘😘😘好靚，對住個靚景飲茶，真係心情都特別好！

家人生日，特意購買這個貴價團購為他慶祝生日，諗住一邊食好西，一邊欣賞維港靚景。可惜當天打風，冇得出露台睇夜景。佛跳牆較遲上枱，但係係最好味的一道菜，材料有鮑魚、海參、魚翅、花膠，湯清味濃。青口的味道沒有特別，但也不錯的。鮑魚新鮮，汁料味道不錯，不會搶走鮑魚鮮味。炸的食物香脆可口，特別是炸蝦丸，好彈牙。椰汁燉燕窩味道較甜，但入面有好多燕窩。甜品糕點也好味，各款清甜不膩。長腳蟹雖然味道不錯，但太細隻，唔夠食。其他餸菜用料新鮮，特別是牛柳，夠牛肉味，而且嫰滑。

有朋友請吃飯，要就住他荷包，又要好環境，食物不太差，鎖定The One 譽宴.星海。參看食評有景觀，環境乾淨，價錢不太貴，決定要親自去感受！星期日，晚上7:30，只有4張檯食客，已包括我們，坐在窗口旁位置，望出去就是香港夜景，若想更親近夜裡景色，有露台位可選擇，不過風很大。四個人叫了北京田鴨兩食，醬炒什菜，芝士三層肉乳豬伴海蜇。北京田鴨一食：好吃，份量很多，是整隻，在你旁邊片出鴨皮，真材實料，配菜豐富，包皮有多款選擇，醬汁都有幾款，很獨特。北京田鴨二食：鴨肉及生菜包，除了鴨肉，還有西芹、冬菇，所以很香口，用來包生菜，美味組合。芝士三層肉乳豬伴海蜇：味道特別，有特色。醬炒什菜：新鮮食材，但份量比較少，賣價$108。譽宴.星海位置方便，食物味道不錯，價錢中價，個人覺得服務不是太差，係不夠人手吧！

第一次相信應該都係最後一次！因網上見到團購D相好似好好味，咪買一個四人餐試吓！上到去環境好好，個場好大，但係得九枱客人食晚飯，真係好嚇人！成個場眼見得四個人做嘢，我哋開始上菜，食到差不多啦，四個都停晒手，我以為上齊主菜，就睇吓張菜單仲有咩未上，還有一個煎什麼蝦餅，甜品，生果，咁咪一邊閒談一邊等，足足等咗半個鐘，都無一個服務員行埋嚟問D餸菜到齊未，最後我都係要舉手叫人先有人行過嚟！咁靜d服務係咪要應該可以好d，有待改進！食物質素都要改善！

今日同事聚餐大班人食飯，有老細埋單就投票揀左the one 18樓既高級譽宴，一於食盡佢！！一上黎就比個天花吸引住，好靚！！人唔多招呼都幾好侍應係咁幫我地添茶水食物都叫得毫不手軟，手快有手慢無啊！最愛係隻黃金豬，外型趣緻咬落去又好軟熟唔會太硬，但都好香脆，係好正既鹹水角！譽宴都不時有幫襯，但星海店有既野就似乎真係呢度先有依家推出緊淮揚菜，都幾吸引，或者下次黎食晚飯啦～

味道唔係太咸就太甜，賣相雖然好靚，又有公仔，不過味道真係唔多ok. 由於其中一碟菜實在非常之咸，服務員拿走了太咸的菜，又沒有下文，不知是換還是取消，她建議取消，暗示個廚師都係會煮得咁咸，真奇怪！之後阿女要食白飯，就叫白飯，竟然要吹了兩次，最後20分鐘才到，仲一句安慰的說話都無，呢度啲高級服務員的態度唔差，卻好像全沒交待？ 以這裡一行5人來一坐，茶錢加兩碟花生都百幾蚊起，卻得如此服務？今天星期日飲茶，得1/3滿，怪不得！👎🏻👎🏻👎🏻

豬仔鹹水角唔係得個樣足料好好味烏龜奶皇包貪得意要俾差不多兩歲的囡囡食但味道毫冇特別，不試也罷鴨舌爽口，但係都係覺得緑楊邨的好味得多龍蝦鮮竹卷好吃安格斯牛肉腸粉味道有點辣👍🏻👍🏻👍🏻比一般牛肉腸粉有新鮮感煎餃子因為食嘅時候已經凍左所以冇特別黑松露蝦餃同小籠包都冇乜特別驚喜和牛炒飯必定要是試...正點了個甜品拼盤macaroons 配桂花蛋散感覺不太配總結：環境清靜仲有個無敵靚景價錢合理值得一試唔知平日係咪都咁清靜呢？

和尊敬的人飲茶一定要簡間舒適方便嘅地方， 居高臨下迷人景色，今次我在the one選了這間。地點確實非常方便，食品品質和賣相都好吸引，至於食物，就真是可以給80分，精緻又好吃，值得再來，價錢合理

終於收爐得閒去飲茶睇戲，等開場前想食下點心所以到咗The One 18樓既譽宴·星海之前黎過飲宴，夜晚氣氛係好正，夜景又靚所以印象好好。沒想到上午又是另一番滋味，晴朗的天色映襯下露台感覺好舒服，可以欣賞藍天白雲，好有時尚感。人唔多，坐得亦舒服，招呼做得足！由於唔係太餓所以只係叫咗幾款點心，見到有窩貼就當場忍唔住啦但溫馨提示，真係多汁到會發生意外，我咬落去𠴱下湯汁竟然濺落朋友個位到，整到佢件靚衫搞到我勁唔好意思（但隻窩貼堅係好睇又好食，湯汁好正