TOSS 蘇媽.蘇媽

Open Now

Now Closed

蘇媽蘇媽我來也，今次主要品嚐富有東南亞色彩風味的特色小菜，包括檳城亞參叻沙、羅惹生果豆卜、椰香咖央多士、貓山王榴槤沙冰及凍桔仔薄荷梳打。首先介紹飲品，主打貓山王榴連沙冰，價錢比較貴。不過不懂得分別是否貓山王，但聞到有陣陣榴連漂香，有淡淡榴連味。建議冰未溶化時，先品嚐幾口榴連沙冰，當冰開始融化後、榴連味會越來越淡。另一飲品凍桔仔薄荷梳打，酸味極強，如果不喜歡嗜酸者，就不要嘗試了。檳城亞參叻沙（選河粉），似素食，湯粉配菜有魚蓉、生菜、紅洋蔥、青瓜、辣椒、薄荷葉及菠蘿，湯底微辣惹味，令人食慾大開，其味無窮，極力推薦。至於羅惹生果豆卜，內有脆脆炸豆卜、油炸鬼、靑瓜、沙葛及花生粒，再配甜甜醬汁，每款食物都清脆爽口。周邊有幾枱食客都有品嚐椰香咖央多士，非常受歡迎。麵包外脆內軟，咖央甜度適中，的確鬆脆美味，建議上菜後，立刻進食，因為擺放太久，麵包開始煙煙韌韌了。下次也會再光顧。聽講蘇媽肉骨茶好好味，一定要試。

越來越難食，食完個個朋友個肚都唔舒服，食物一係無味一係超咸。只有60分鐘食嘢時間，起菜勁快，但無一樣係熱架喎！所有食物都好似整定咁，價錢又要貴又要無質素，蘿蔔糕超辣超鹹，湯麵啲蝦係雪藏蝦，個炸蝦啲蝦又梅超級唔好食，仲要好油利，個一字骨無味架，湯完全唔熱，難食到嘔，真心趕客！杯恐龍嘅美祿粉嚟到已經成個杯邊都係！過左超過5個號碼嘅其他都入座快過我只差2張到嘅我！最搞笑見到有枱客食到應該夠60分鐘，條亞姐係攞住張單企喺定定啤住人哋趕人埋單……態度差到咧！😵‍💫

招牌肉骨茶 - 一字骨$178好味指數：8/10呢一間嘅肉骨茶🍖我飲過好多次，今次試吓呢個最多人叫嘅一字骨，平時我都係叫棒棒骨🦴多，肉骨茶味道濃郁，有陣陣藥材味，餡料亦都好多，有🍄冬菇，豆腐卜，杞子，枝竹，仲有4️⃣大條一字骨。一字骨與棒棒骨相比呢個偏肥，但係正正因為有佢嘅油香😌，令到肉骨茶更加惹味。黃金軟殼蟹$188好味指數：8/10黃金軟殼蟹🦀好足料，份量大概有兩隻軟殼蟹有多，而且每一舊都充滿着🥚鹹蛋黃，每一舊都好大舊，咬落去脆脆地再混合埋鹹蛋嘅鹹香，非常🤤香口。舖頭仲用咗蝦🦐片去墊底，用啲蝦片沾上多餘出嚟嘅鹹蛋黃食，一樣好滋味。椰香咖央多士$48好味指數：8/10㗎央多士我見到每一枱都會叫，同我次次嚟都一樣😂，今次都唔例外，喜歡佢牛油🧈同埋斑蘭醬嘅比例調配得啱啱好👍🏽，大家唔會搶咗對方嘅味道，🍞多士整到脆卜卜，就算食晒餐飯最尾食都唔會變淋，做飯後甜點非常適合🤭。

每次經開都好多人排今次一於早啲嚟，12點，情況果然好好多人少唔著數因為冇所叫肉骨茶，事關一嚟就3-4人份量，怕怕！下次再等多啲人先椰漿雞髀飯係皇牌果然不負眾望椰香飯真係出色加埋炸到香脆內嫩嘅雞髀，讚！咖哩魚配薄餅夠晒辣，好惹果薄餅又係好味道，冇飯咁heavy 個點埋咖哩真係好爽皮又想飯串燒半打其實都唔係多，3款(豬牛雞)一人一串過足癮至於亮點都係炸饅頭喇點練奶就梗係正喇好搞笑係仲有辣醬，呢個係咩玩法？唔理解，亦都試過算數因為，真係覺得唔太夾炸饅頭，永遠都係同練奶做朋友好啲😂

為左去睇小新去沙田係小新pop store隔離睇到呢間店嘅menu好吸引雖然價錢偏貴但好香 睇圖又好似好好食一入去係暖黃燈光 比較和暖feel枱面係啲好有特色 馬來西亞feel嘅磚枱老鼠粉評分：👍🏻👍🏻👍🏻👍🏻👍🏻以為個價錢應該都唔會好大鍋 點知原來兩個人食落都好夠份量蛋攪勻撈埋啲配料魚仔 花生一齊食好有口感用左個鐵鍋嚟裝住啲老鼠粉一路食都keep住噴熱 唔怕好快凍 咖央多士評分：👍🏻👍🏻👍🏻👍🏻👍🏻超好食 多士一咬落去好脆入面嘅咖央醬配埋牛油超級襯 必嗑炭燒豬頸肉評分：👍🏻👍🏻👍🏻👍🏻👍🏻份量比較少 但都可接受豬肉嘅部分好嫩 又有啲咬口配埋個馬來西亞醬 有啲花生醬呆咁 好好食似水榴槤評分：👍🏻👍🏻👍🏻👍🏻👍🏻真係好有榴槤味 飲完會想繼續飲有齒頰留香嘅感覺 不過偏貴HKD62

啱啱去咗沙田新城市廣場分店，叫咗碗喇沙同埋一杯奶茶，飲飲下杯奶茶有個侍應過嚟同我講，話出邊有九個人等緊枱，問我係咪食完，叫我走。從來冇試過食啲咁臭串嘅餐廳，唔好幫襯。態度惡劣，唔識面對客人。就算去食茶餐廳，都唔會有人夠膽催客趕客走。至於食物，正常味道同埋賣相，不過碗喇沙啲餸比較少，麵嘅份量正常。不過市面上有好多優質嘅馬來西亞餐廳，唔使幫襯呢一間。好耐冇試過去一間咁差嘅餐廳，大開眼界，唔識做就唔好學人做餐廳啦。

我是由荃灣店開始光顧，見蘇媽由小店開始越做越大。在沙田店見到環境不錯，空間不算擠迫。而且店內的擺設有其特色！店員尚算友善，同見有客用手機點錯餐，店員其後有主動協助更正！點餐用手機，內容易用和詳細！例如小甜小冰！下午茶海南鴛鴦燒麵包: 其實是牛油咖央配上麥包多士，但好味道！多士脆口，咖央美味！馬來西亞拉茶比較甜而且淡！檳城白咖喱油麵: 咖喱比較淡身，但配料新鮮，蝦夠爽口！

今日同幾個朋友黎開沙田行街，咁岩見到蘇媽原來開左間分店，當然要入黎試下啦呢度環境乾淨，坐得舒服，雖然餐廳入面都多人，但都唔覺好逼坐低問店員拎幾杯水，店員好快就比到我地想食d又香又可口既野，呢個魚子醬蘿蔔糕就岩曬，份量又岩岩好，而且唔會太油飲品我地叫左杯奶茶一齊試下，呢杯原來係三色拉茶，味道同普通奶茶唔同，但都係咁好味黎蘇媽當然唔少得叫個叻沙啦，呢個係椰香咖喱叻沙，又香又濃，勁正最後係每次食蘇媽必點既砂煲老鼠粉，真係食幾多次都係咁正料足味道好

沙田新城市呢間蘇媽·蘇媽，裝修同其他地方嘅分店都有差異，呢間更加光鮮。我六點幾嚟食飯，門口已經有好多人等緊位，拎咗飛之後，大概要等十幾20分鐘先可以入去，所以建議大家早啲到。唔係咁我決定要一個小食、一個主食、加一杯飲品。小食方面，我叫咗一份椰香咖咉多，濃厚嘅醬，配上豐富牛油，包烘得脆口，一啖咬落去係勁Richy。之後我叫咗一份甲必丹咖喱炸魚柳配兩塊薄餅，$86，咖哩汁香口，並無因為加咗椰汁或者椰醬而變到好結，薄餅有好濃郁嘅牛油味，再加埋新鮮炸起熱辣辣嘅魚柳，切一細塊薄餅，點一啖咖喱汁再切一細舊魚柳，唔點汁，夾埋一齊食，非常唔錯。最後叫左一杯美祿恐龍，勁豐富嘅朱古力味，作為總結呢餐嘅飲品又好，甜品又好。

今日嚟咗沙田蘇媽 蘇媽食dinner之前喺荃灣食過唔錯今次見開咗再食多次#海南炸雞球金黃色嘅外皮，一啖咬落去，啲肉汁爆曬出嚟，完全想像唔到咁嫩滑。冇呢過原來海南雞都可以炸來食咁香口。特制辣椒板麵呢個特制嘅辣椒香味十分強烈；比平常普通辣椒醬更多吸引，係嗜辣人士嘅天堂。而且板麵十分有咬口，成個配搭十分夾。辣死你嗎 配烤雞髀嚟到蘇媽梗係要試吓佢個招牌辣死你系列，特制秘方經典辣醬，配上惹味香烤雞髀，令人食旨大動。燒豬頸肉烤豬頸肉，呢道菜式係第二次係蘇媽呢度食，依然能夠保持水準，豬頸肉外層烤到脆卟卟，配上清新嘅醬汁，十分匹配。

Lucas好多朋友都食過蘇媽蘇媽，但我就未食過，所以一直都好想試吓😋😋咁啱呢個中午得閒，就去試吓佢地嘅午餐🥣我點咗雜錦肉骨茶，入面有排骨、肥豬肉同豬雜等等⋯非常足料呀！個餐仲會跟一個飯，呢個午餐真係非常滿足！眼闊肚窄嘅我另外見到椰香咖央多士好吸引，就點咗啦～果然係超好味🤤兩塊多士中間夾住一大塊牛油同咖央，極度邪惡😈跟餐飲品我點咗美碌恐龍🦖，超濃嘅美碌味呀！鍾意飲美碌嘅朋友就唔好錯過啦～～！

♡‎ ♡‎‎ ♡‎ ♡ 沙田 - TOSS蘇媽蘇媽‎ ♡‎ ♡‎‎ ♡‎ ♡‎ 喺沙田想搵間特別啲嘅餐廳 都幾貴近近唔想行 嚟咗呢間唔算太貴嘅Toss 蘇媽蘇媽一如既往好多人支持等咗陣就可以入座🔹海南炸雞球 $62上次食過海南炸雞球覺得佢大大份，而且炸得好香脆都算係我見過雞球比較大嚿嘅一種🔹特製辣椒板麵 $83朋友就好鍾意食呢一個麵啦好似闊條麵咁 有啲質感帶點微辣 簡簡單單嘅一個主食🔹 辣死你嗎配烤雞髀 $86冇睇清楚個菜名以前係炸雞髀而家變咗烤 嚟到有啲失望不過食落烤嘅都好好味而且更健康～最鍾意食銀魚仔 撈飯更有口感仲有塊心心蝦片🔹燒豬頸肉 $92切得好均勻 每一舊都燒得好靚配咗沙爹醬 好香濃花生味比起一般點酸辣醬更有風味🔹三色拉茶 $42『推薦推薦！』超特別 同普通嘅港式奶茶好唔同絕對有馬來風味 而且真係有三種材料糖漿 奶 茶 比例剛好口感係超順滑第一下飲落去味覺絕對有衝擊

第一次去食蘇媽蘇媽己經係好幾年前，係深水埗總店，當時還是一間小店，他們家的馬來西亞食物相當正宗，一直都係好好生意 最新沙田都開左新店，今日收工後就和同事去食晚飯，大約6點左右，門口己出現等位的人龍 裝修非常別緻！滲住濃濃的東南亞懷舊風情款式一如其他分店 馬拉沙嗲串燒六串（可選沙嗲醬十分香甜惹味豬牛雞）$98沙嗲醬十分香甜惹味，由花生打出來的食起來滲住木炭烤肉香氣 份量也非常之足 肉骨茶大什錦（1-2人量） $198其實就是肉骨茶！他們家的肉骨茶是馬來西亞口味，用上了當歸川芎等多種藥材，所以要需要按自己身體體質及狀況決定是否食用 食材非常豐富，有豬手、雞腳、一字骨、冬菇、豆卜、杞子、腐竹 特色醬汁碟，黑醬油、蒜蓉和辣椒是肉骨茶的專屬醬料，用來伴著肉骨食，增加風味，肉腍嫩滑做餸一流 最近天氣好冷，很想喝碗熱湯暖暖身體，肉骨茶溫暖胃，非常岩冬天食用

之前聽講話幾出名，而家仲有好幾間分店。今日行過無乜人就試一試開咗咁多間分店嘅佢係咪真係好食。檳城炒棵條 $118其實即係濕炒河粉，有蝦，蜆肉，豬油渣，椰菜，臘腸等。炒出黎無鑊氣，亦好快上枱，似煮好咗一段時間，因為一d都唔熱。蝦肉有雪味，都明係急凍蝦，但係個處理唔太好，亦無放底味。個蜆肉係幾有趣，可能係制過嘅蜆肉。河粉個醬汁偏多偏甜，整體一般偏差，但又未去到難食。串燒 $98都熱嘅。豬牛雞各二。要食到食材本質就好難嫁啦，始終又唔係啲乜嘢貴菜式。都係醃料味重個d。但係個沙爹醬係ok, 算幾惹味，有d香茅，花生粒咁。拉茶 $35叫咗少甜，唔知係咪咁所以無咗拉茶個種濃郁嘅感覺。不過茶味真係偏弱。口感係滑嘅。總結以上，整體計，如果想草草食一餐係無問題嘅，但係諗住食餐好嘅就唔算啦。當然，我無叫肉骨茶個d, 可能其他好好食嘅。同埋個環境同服務其實都真係同間茶記無分別。但係佢又貴過茶記，所以佢真性價比係幾低。無奈係擴張營運底下難免會失去小店有嘅質素同味道。期待有一天可以試下當初小店時嘅味道。(味道好個人，以上為個人口味嘅食評。)

🌟港鐵沙田站 A3出口🌟馬來西亞菜🌟#特色地道🌟#新城市廣場🌟#特式裝潢想食蘇媽•蘇媽好耐啦 咁啱今次行去新城市廣場見到😛見到個拱門口 好靚🥰仲要係下午茶時間 唔使等位就即刻入咗去食啦🤣《下午茶》🌼特製辣椒板麵 ＄69-賣相好吸引 成碟就好似拌麵咁-好多唔同嘅材料撈埋一齊就食得-其中又炒得好香嘅肉碎豬肉粒 仲有鹹香脆魚乾蝦米 乾蒜-仲有一隻蛋係碟面-撈埋好惹味🙈-但唔係想像中咁辣🌼檳城亞參叻沙＄66-之前好少食馬來西亞嘅叻沙-湯底好濃味 亦好夠酸 越食越興奮🤭-揀左米粉底 更加可以吸收到湯底嘅味道-有少許肉粒 但相對比起板麵 真係比較少肉粒🙃🌼跟餐配飲品-熱拉茶-凍拉茶（+$5）-熱拉茶比夠濃茶味 好香-凍拉茶冇咩茶味 好淡