TOSS 蘇媽.蘇媽

Open Now

Now Closed

沙田新城市呢間蘇媽·蘇媽，裝修同其他地方嘅分店都有差異，呢間更加光鮮。我六點幾嚟食飯，門口已經有好多人等緊位，拎咗飛之後，大概要等十幾20分鐘先可以入去，所以建議大家早啲到。唔係咁我決定要一個小食、一個主食、加一杯飲品。小食方面，我叫咗一份椰香咖咉多，濃厚嘅醬，配上豐富牛油，包烘得脆口，一啖咬落去係勁Richy。之後我叫咗一份甲必丹咖喱炸魚柳配兩塊薄餅，$86，咖哩汁香口，並無因為加咗椰汁或者椰醬而變到好結，薄餅有好濃郁嘅牛油味，再加埋新鮮炸起熱辣辣嘅魚柳，切一細塊薄餅，點一啖咖喱汁再切一細舊魚柳，唔點汁，夾埋一齊食，非常唔錯。最後叫左一杯美祿恐龍，勁豐富嘅朱古力味，作為總結呢餐嘅飲品又好，甜品又好。