TOSS 蘇媽.蘇媽

Open Now

Now Closed

今晚同朋友去開沙田新城市食飯，佢話好想食肉骨茶，食肉骨茶緊係要食呢間聞名食馬拉菜既餐廳啦🤤🎈招牌肉骨茶-皇帝骨（$208）一份大概係2-3人份量，仲要每日限量20份，食到覺得自己好lucky ❤️，每份份量都好足夠，大概有十幾塊肉，加入有杞子，豆卜等配料，豆卜吸入湯汁後味道更好食，肉彈牙但好淋，夠哂惹味，而且味道正宗，食完都幾飽😂🎈福建炒伊麵（$118）有啲意料驚喜咁好食，伊麵炒得好香口，再加入配料一同食，好香鑊氣味道，除左蝦之外配料仲有魷魚圈，而且伊麵吸入左蝦汁一同炒，所以食落好juicy, 唔會太乾身！勁香口好食呢！🎈似水榴槤（$62）馬來西亞菜嚟講我最喜歡就去睇飲品，今日試咗呢款熱榴槤為主嘅飲品，一日後就覺得係幸福嘅味道，滿口都係榴槤味！榴槤控一定要試🎈桔仔薄荷梳打（$48）呢一款飲品好清新嘅味道，而且好解渴，甜甜酸酸咁樣，配搭得好好味，食完嘢飲番一杯，可以去晒食物嘅油膩感整體來講，餐廳坐得好舒適，入座後限時60分鐘，但上菜嘅時間都好快，所以絕對夠時間食㗎！

今日想食下馬來西亞菜，朋友又係想食肉骨茶，咁就叫左兩款食物1）福建炒蝦麵(伊麵)炒麵濃味但唔係咸，炸豬油粒好香脆，配上椰菜同海鮮，鮮魷大蝦都彈牙好好食。2）皇帝骨肉骨茶熱煱上枱，每一啖飲到好香當歸味，每人都可以飲到三碗，東菇同豬肉都夠淋同入味，好足料。飲品3）桔仔薄荷梳打(凍)好似飲到好多桔仔在入面，配搭薄荷勁解渴。4）桔仔話梅水(凍)真係有原粒話梅，桔仔配話梅飲落又係好正，又係夏天一個必飲之選。

新城市呢間分店裝修得好光鮮亮麗，感覺似去咗宮殿咁，枱面用左陶瓷圖案拼湊，色彩繽紛🔸皇帝骨肉骨茶 $208肉骨茶藥材味香濃，飲到陣陣甘香味道，皇帝骨即是豬背頸的位置，煲到非常入味，而且肉質好軟淋，一煲都有幾多件肉。入面仲有好多配菜，冬菇、豆卜、枝竹、杞子，都幾豐富🔸福建炒蝦麵 ＄118麵底用咗伊麵，成個麵都沾滿蝦汁，味道香濃，口感都好juicy，配料有幾隻大蝦同魷魚圈🔸美祿暴龍 $48冰鎮美祿加上滿滿美祿粉，加上一大球雲尼拿雪糕，夏天飲真係好爽🔸椰汁班蘭冰 $48椰香味道突出，入面仲有西米增添口感

由深水埗起家，做到開多5間分店，人氣依然不減! 開正屋企附近，每次經過都排長龍，好彩唔算等太耐，因為晚市去會限時60分鐘。皇帝骨肉骨茶 $208每次去必點肉骨茶，之前試過其他鋪頭既，肉質比較乾柴，但蘇媽蘇媽既有保證。今次簡左皇帝骨，即豬頸背上最嫩滑既部位，每頭豬份量唔多，所以每日限量20份，肉質軟嫩，帶點骨膠原，一份有成6-8舊，好足料! 湯頭飲落有當歸味，而不油膩，仲有冬菇、豆卜同腐竹配料，飲埋湯，好飽肚。下次會想試佢新出既花膠配豬腳灣肉骨茶。 褔建炒蝦麵 (伊麵) $118伊麵軟硬適中，每條麵都均勻地沾滿蝦醬，濃郁得黎，唔會死鹹，有蝦、魷魚、炸豬皮等配料。恐龍下蛋 $48馬拉白咖啡向來帶點朱古力味，配埋香草味雪糕，增添奶味同口感，成杯Mocha，好正!椰汁班蘭冰 $48成杯薄荷綠色，面頭有幾片新鮮薄荷葉，但班蘭味唔算好重，底下有粒粒西米，增加口感。

想食蘇媽蘇媽好耐架喇, 今日終於有機會食到喇~~好難得平日夜晚6半唔洗排隊喔餐廳裝修好光猛, 又有格調, 感覺好特別同幾舒服~~食物方面好多選擇丫!!有多款馬來西亞既特色食物....例如肉骨茶, 叻沙, 咖央多士等~~似水榴槤 $65本身係榴槤控既我見到有榴槤飲品就必點丫!!!果然冇令我失望, 榴槤味道好濃郁好香, 仲帶有榴槤果肉, 好好飲丫椰汁班蘭冰 $48椰汁配班蘭味道都幾夾, 椰汁就較重, 唔會好甜皇帝骨肉骨茶 $208見餐牌寫住每日限量20份, 咁睇似幾矜貴, 一於叫黎試試皇帝骨原來係係豬背頸部以上6寸既骨, 以肉質順滑爽口見稱~呢道既肉骨茶好岩我口味, 係我鍾意既偏重藥材味多過黑胡椒味肉骨茶裏面既材料除左皇帝骨之外仲有豆腐卜, 炸枝竹, 冬菇 & 杞子~~皇帝骨份量都幾多, 夠3-4個人食..... 每件骨都好厚肉, 肉質較爽口帶少許韌勁~福建炒蝦麵 $118材料有3隻大蝦&魷魚, 睇落貌似簡單, 但味道就係有大驚喜!!!整碟伊麵都充滿蝦既精華, 每啖都掛住濃郁既蝦鮮味, 超正超香呀~~~鍾意食蝦既朋友一定要點呢個蝦麵!!! 食過真係幾難忘

尋晚食左個老鼠粉同埋豬頸肉個老鼠粉係無味 無味到要問待應攞辣椒醬先食得埋落去然後個豬頸肉得嗰幾塊但又收勁貴成餐飯食左2樣野$300但我覺得真係好一般完全唔值呢個價錢！

Openrice 評論都幾多劣評😂但係身為沙田友嘅我又想試蘇媽好耐，就膽粗粗去試吓啦～大雜錦肉骨茶 （3-4人份量）$178 其實佢同普通1-2人份量差$30 only， 而且個煲唔算大，又冇得好似其他分店咁加湯，如果想叫肉骨茶都建議揀大份；基本上都足料嘅，一人一舊大豬腩骨，肉質夠淋，仲有豆卜、豬手、燒肉、冬菇、枝竹等，油炸鬼就淋晒，湯味道都濃郁，絕對唔係冇味嘅椰香咖央多士 $42全場最欣賞係e樣😂多士夠脆，椰香味濃招牌砂煲老鼠粉 $118有魚仔、蝦米、肉碎、豬油渣、蛋，材料豐富，但係食落唔夠香，亦冇預想中咁好味，唔知係分店問題定點燒豬頸肉 $82正常水準總結：我唔會話佢啲野難食，只係驚喜位比較少，亦未試過其他分店，但絕對有好多地方好食過佢😂我就應該食e一次就算啦🙊地址：沙田沙田正街18號新城市廣場1期1樓107號舖評分（5⭐️為最高）：環境：⭐️⭐️⭐️⭐️服務：⭐️⭐️⭐️⭐️食物：⭐️⭐️⭐️價錢：⭐️⭐️⭐️

六點鐘等左一陣就可以安排入座，坐一張二人枱，尚算寬敞舒適。見餐廳推介皇帝骨，而且每日限量20份，所以就試下。黎到嘅份量唔算太大份，每舊肉就切得大舊，皇帝骨食落中間會有一舊筋，或者肥膏，質量都幾穩定。湯底稍鹹，餐廳應該是為了迎合香港人口味，刻意減去好多肉骨茶應有的藥材味，不過鹹魚白菜各有所愛，各有捧場客。湯底內還有冬菇、炸腐竹等其他配料，仲可以加辣椒，蒜蓉等，我就偏好加少少辣椒令到個味再立體同豐富啲。我同朋友各自叫左一杯飲品，分別係拉茶同埋榴槤汁，呢杯榴連汁個名都少少特別，叫榴連似水，我覺得餐廳都算誠實，因為事實上佢係用上榴連汁加入左糖水混成的一杯飲料。拉茶照舊有薑味，亦夠甜，質素算是平穩。

連鎖馬來西亞餐廳蘇媽蘇媽，向來都人氣高企，等位就基本啦，不過見今次唔太多人等位就拎張飛行個圈再返黎。 對於馬來西亞美食黎講，我淨係識肉骨茶同喇沙，今次就試下個招牌砂鍋老鼠粉同埋肉骨茶（細雜錦）。 老鼠粉感覺就係一堆野擺埋一齊，有少少似狗仔粉。炸蒜、炸乾蔥、豬油渣，食落香口好正常，不過成兜都係普通街邊野，咁就百幾蚊。 肉骨茶（細雜錦）除左一字骨之外仲有其他野食下咁啦，配埋油炸鬼。藥材味比較重，呢樣野就睇個人口味喇，不過不失啦。 食物黎講不過不失，但係就整體偏貴，可以食不過唔抵食，可能我揀錯野啦。

老實講個價錢係沙田黎講真係唔算平，但食物質素極高，服務都好好，所以我覺得係抵食。裝修有種宮廷金璧輝煌既感覺，又有印花地磚，好似去左轉東南亞旅行😁🌟福建炒蝦麵 $118福建炒蝦麵除左蝦仲有魷魚圈，用左伊麵底，成個麵用蝦汁炒到橙紅色，食落好香蝦味。伊麵唔會太淋，但又吸晒蝦汁入去，食落勁juicy🌟皇帝骨肉骨茶 $208食星馬菜就一定要叫肉骨茶，一試便知龍與鳳，個藥材湯好香濃，排骨好淋又有少少肥肉痴住，送飯一流。原來皇帝骨係豬頸後一小段肉好珍貴😱 食晒D餸之後仲飲左成碗湯，都完全唔涸喉，豬骨原味道正🤤🌟美祿暴龍 $48美祿上面有一大球雪糕，夏天飲透心涼，阿華田濃郁得黎都唔會太甜🌟馬來西亞拉茶 $32飲拉茶好多時候係固定甜度，但呢度幾好迎合返香港人口味有得少甜，少甜左都不減拉茶風味，馬拉既茶葉真係不得了👍🏻

🕑中午食飯時段來到沙田新城市人氣推介✡️馬來西亞菜•蘇媽，攞飛等位大概十分鐘就有位，尚算快，餐廳裝修好光鮮📸，枱面用左七彩復活陶瓷圖案🌈充滿色彩胃口都好D☺️🍝福建炒蝦麵$118🦐蝦麵既汁有著很濃郁既蝦殼熬制香味🦑墨魚切成小圈圈，蝦肉很新鮮爽口🥣皇帝骨肉骨茶$208皇帝骨即是豬頸背的位置，肉質大塊腍滑，藥材味香，一煲大概有5-6塊肉🍄配菜有冬菇腐皮，飲了一碗滿滿甘香味道湯好滿足🥤似水榴槤$62😋第一次飲榴槤冰，香滑榴槤還有少少榴槤蓉值得一嘗🥤美祿暴龍加雪糕$48美祿粉加雲呢拿雪糕點綴🍨味道亦唔會太甜🌟繁忙時段用餐一小時🌟人流多但服務都好，上餐快

今天3點幾，同屋企人一起來到沙田蘇媽食飯，冇服務之餘仲要叫的白飯食到外賣盒蓋，都唔知係唔係別人的剩飯，餐廳經理出來解釋話今次唔係第一次，係唔小心跌的外賣盒蓋，然後就換左碗飯出來當冇一回事，換出來的飯冇要到，仲要我們比翻白飯的錢，離晒譜

一字骨肉骨茶😋一小鍋既一字骨肉骨茶大概二人份量，無跟油炸鬼或飯，需另叫主食配搭。但湯好香濃藥材味，一字骨煮得夠軟腍，唯獨骨肉既肥膏較多，食多左會覺膩。香蕉餅😅以為係印度飛餅戈種，結果同想像有出入。係香葉包住糯米既煎餅，個餡除左香蕉重有椰絲。就咁聞唔太覺蕉味，但咬落就蕉味濃郁，配上椰絲更有一陣椰香。但因為用香葉包住，剛上台較熱，糯米會好黏塊葉，進食時有啲唔方便。整體黎講，味道比較有挑戰性，並唔係人人都會喜愛既類型。

試過荃灣同深水埗嘅分店，嚟開沙田行街，原來新城市廣場入邊都有蘇媽蘇媽，食飯時間都好多人排隊，等咗一陣好快有位。原來每枱只有一個鐘食飯，唔怪得知咁快。裝修好靚，每張枱都有啲好靚嘅瓷花紋。自己用QR code落單，原本叫咗好多嘢食，跟住驚食唔晒，就冇叫到咖咉。一字肉骨茶材料都幾足，有好大塊肉、冬菇、豆卜同埋腐竹。味道ok ，偏甜，個人覺得藥棉唔算好龍，胡椒味都爭啲。招牌砂煲老鼠粉份量好似比其他分店小，但係配料嗰啲都幾足，有魚仔啦發送啦同埋蝦乾，味道幾唔錯。不過佢有因為有火喺下面，食到最後有少少痴底，記得食嘅時候你好快撈勻佢。羅惹生果豆ト之前都未食過，味道幾特別，甜甜地辣辣地，有：青瓜、蘿蔔、沙葛、咋豆卜同埋炸油炸鬼。略嫌油炸鬼太脆，中間冇嗰種軟腍腍嘅感覺。馬拉沙嗲串燒叫咗三串牛同三串雞，唔係點食到牛味，但佢個沙嗲醬真係好好味，甜甜地少少啦，仲好香花生，桔仔薄荷梳打好清新，酸酸甜甜，啱晒用嚟清口腔。如果有埋粒話梅就更好啦。埋單每人200多啲，都唔係好平。同埋限時一個鐘真係有啲太趕喇，希望老細可以加長返食嘢時間啦。

這間餐廳由入座至離座，只限60分鐘。上星期五和朋友一起用膳，18:24入座，侍應立刻叫我們自助落單(我最討厭自助落單，太花時間)，結果我們左睇右睇，足足用了14分鐘落單(18:38)。食物都算來得快，我們共叫了4個主菜和2杯飲品，但還未夠60分鐘(17:15 侍應已經拿著餐單提醒我們就夠鐘，要埋單了)，當時我們枱上食物還有一半未食完，之後17:24，17:30再吹多我們2次，感覺真的很不爽😡。餐廳食物價格算是中價，但只提供60分鐘用餐時間，實在太過，比大家樂大快話還差。就算食物質素再好，都不會再去😡