相馬日式火鍋 Kwun Tong

Open Now

Now Closed

見廣告好似好好食，就去試下，點知奶哂野首先，茶蒸碗一般跟住到佢個龍蝦雞煲第一，成個煲無咩味，食落去無味道，係得舊豆卜叫有下味，第二，雞肉食落去一般，第三！龍蝦，無鮮味，食落似普通蟹柳，而且仲要無咩肉食，雖然任食，但食完已經唔想再食…下道菜係 花膠雞湯，飲落去第一下感覺！好很咸！！飲完已經無咩胃口，係咁飲茶！跟住就到最難食個Part-海鮮蒸鍋，鮑魚！！咩味都無！！係唔知自己食咩！！蜆！！食落口成口沙！！！！！魚！！無味！！蝦直情無食！！龍蝦！！肉唔新鮮，仲要無味，口感好差，成盤野都基本得蒜泥味，原完全唔知自己食緊咩！！！到打邊爐個part,可以叫炸物，我叫左炸牛丸，食落口，第一個感覺係酸臭！食一啖，即刻扔，炸牛丸有咩理由係酸臭？？個芝士丸我唔知係咪少食，我食落去係覺得個餡係乳酪味道，又係怪怪地，得個牛肩肉係同出面平價火鍋店差唔多，叫食得落肚，咁叫左個帶子，無味，由佢…海蝦，出到嚟，仲帶冰係蝦身，又係唔好食…急凍蝦…食左幾樣野已經拿拿林埋單走人，仲要人頭429蚊，都唔知食緊咩落肚！明既4百幾主打任食龍蝦，都知會有差距，但有咩理由，係無一樣野好食？？龍蝦完全係唔好食，咁既龍蝦任食都無用喇！！

首先嘗試佐佢地既蒸海鮮，當中蒸扇貝配蒜蓉粉絲簡直太美味啦！帶子肉鮮嫩多汁，每一啖都滿足到我既味蕾，蒜蓉粉絲既味道搭配得恰到好處，帶給整個蒸海鮮更多層次感！😍之後品嘗佐呢間餐廳既招牌菜之一，任食的羊腩煲，羊腩煲獨特既香氣讓我食慾大增，羊腩炆得十分入味，每一塊肉都嚼勁十足，配上煲入面其他配料，絕對係饕餮之選！🥰跟住任食火鍋菜單亦豐富多彩，海鮮品種好多又新鮮，包括各種不同魚類貝類，丸類又有肉丸、芝士丸等等，種類繁多。而肉類中，最難忘就係美國特選牛肩胛，肉質嫩滑多汁，有嚼勁，配上各種醬料蘸料，火鍋味道更加豐富多樣！😘

最近去到觀塘既相馬試佐佢地既放題，無限時，任食放題，超豐富，其中令我印象深刻既就係佢地既胡椒花膠湯、任食羊腩煲同任食火鍋。一黎到就先飲佐胡椒花膠湯，呢個絕對係濃郁香醇既湯，湯底呈現出濃郁既骨湯味道，入口之後舌尖被深沈而激動既胡椒味刺激，令人回味無窮。湯裡面既花膠增添佐豐富既口感同滋味，成個湯俾人既感覺就係溫暖舒適，非常適合係寒冷既天氣享用😚😚之後就到佢地既任食羊腩煲，以鮮嫩多汁既羊腩為主料，搭配上新鮮既蔬菜配料同香料炆煮而成，羊腩肉質軟嫩，入口即化，配合上獨特既煲仔烹調方式，更具口感滋味🤪🤪仲未食飽就繼續任食火鍋，肉類丸類蔬菜海鮮都有，而且選擇多多，包括沙白蜆、東風螺、青口、帶子、海蝦、蟹柳同生蠔等等，全部海鮮都非常新鮮，味道鮮甜，煮熟既海鮮搭配上熱辣既鍋底，感受到細膩既口感同鮮美既味道😋😋

今日我去咗相馬呢間餐廳，係一間以任食放題形式為賣點既火鍋餐廳，呢間餐廳既口碑一直好好，所以我都要特登去試一試！一定要食既就係佢地既任食羊腩煲✍🏻✍🏻✍🏻成個煲味道鮮美，羊肉酥爛入味，湯汁濃郁，滋味十足，而且，餐廳提供的羊既腩肉塊十分新鮮，完全無羶味，烹制得亦非常獨特，俾人一種細膩既口感，羊腩同鮮嫩既蔬菜仲有爽脆既馬蹄一齊燉煮，令人既味蕾得到極大滿足！同樣一定要食既就係佢地既任食火鍋✍🏻✍🏻✍🏻火鍋有不同肉類，海鮮，丸，蔬菜等等，美國進口牛肉、海蝦、沙白蜆和蟹柳等各種海鮮都有，完全係美味既享受。美國進口牛肉都係肥牛黎，鮮嫩多汁，肥美柔嫩；海蝦肉質緊實，味道鮮美；沙白蜆汁水豐富，口感清爽；蟹柳則鮮嫩可口，真係超級豐富！仲有不可不提既係佢地既任食炸物✍🏻✍🏻✍🏻我試佐炸牛丸、炸芝士春捲、炸蝦多士、炸米網蝦春捲同炸番薯等美食，全部炸物都熱騰騰咁上枱，外脆內軟，非常好食，牛丸炸得香脆彈牙，嚼起來口感十分豐富；芝士春捲外皮酥脆，內餡芝味十足；蝦多士外焦里嫩，非常鮮美；米網蝦春捲外脆內腍，有不同既口感層次；番薯炸得亦香甜可口，全部都好正！

今日約咗一班朋友喺觀塘聚會食飯，訂咗枱喺相馬日式火鍋食一個豐富嘅放題餐，呢一個套餐有一個任食羊肉煲，胡椒花膠湯，蒸海鮮和肉類海鮮火鍋。任食羊肉煲，濃郁惹味。羊腩肉🐏埋枝竹和生菜🥬，食得津津有味。唔夠食可以叫侍應再加，食到飽為止。不過一陣仲有其他嘢食，所以都唔使喺一開始就食得咁飽。蒸海鮮都係香味十足。海鮮新鮮彈牙，分別有粉絲，扇貝、沙白、🦐蝦、鮑魚、魚，貴妃蚌等多種精選海鮮。用蒜蓉🧄蒸，又好香嘅蒜蓉味和充滿海鮮鮮味，粉絲更加係吸左蒜蓉和海鮮嘅精華，成為漩渦中最好食嘅食物，真係好味到一啲都唔想返俾人食。仲有一個鍋可以食生菜、金菇、粟米、午肩胛、生蠔、魷魚、帶子、蟹柳和蝦等多種肉類和海鮮。粟米🌽香甜，飽滿又多汁。午肩胛的肉質鮮美，有香濃牛肉味。生蠔🦪肉厚鮮甜滋味、魷魚🦑彈牙，帶子鮮嫩和蟹柳鮮甜啖啖肉。

男朋友請食飯今次真係大飽口福，我哋喺觀塘呢一間相馬日式火鍋食放題，食一個暖羊羊海鮮火鍋放題套餐，套餐有胡椒花膠湯，任食羊肉煲，蒸海鮮和任食肉類海鮮火鍋，仲有多款甜品和飲品。超多嘢食，食到個肚都脹埋。首先來品嚐一碗香濃的胡椒花膠湯，這個湯充滿胡椒的香氣，飲落去非常暖胃，花膠肉厚大隻，膠質十足，惹味無比。🤤接下來，任食惹味羊腩煲，羊腩肉搭配支竹和生菜，羊肉入口溶化，有超香羊肉味，支竹充滿香味，又有口感。生菜清爽又多水份。羊腩煲加咗香蒽，令整個煲嘅香氣更加提昇。🤤蒸海鮮就啱晒鍾意食海鮮嘅人，海鮮鍋入邊包括扇貝、沙白、蝦、鮑魚、魚，貴妃蚌和粉絲。加上蒜蓉和香蔥一齊蒸，充滿了海鮮的原汁原味。一邊蒸，海鮮的香氣和蒜蓉的香濃味道隨着煙霧飄散出來，散發出誘人的香氣，未食已經流口水🤤跟住仲食埋豚肉、牛肉，雞肉，包心丸、青口、螺肉和蜆肉和各種蔬菜任食的任食火鍋。豚肉鮮嫩，包心丸的彈牙，仲有爆汁嘅口感。青口、螺肉和蜆的鮮甜爆燈，食得非常滿足。🤤

在呢間餐廳既用餐體驗非常出色。首先，他們既蒸海鮮係我去過既餐廳中最新鮮之一。無論係海蝦，沙白蜆定係鮑魚，都散發著誘人既香氣，肉質鮮嫩多汁，回味無窮！此外，他們既炸物都非常出色，任食夠晒抵，炸午餐肉、炸牛丸、炸墨丸、炸蝦、炸春捲同炸番薯等外面酥脆，內里軟腍，每一口都帶到絕對的滿足感，而另外炸單骨雞翼亦係酥脆外皮同多汁雞肉既完美結合，令人欲罷不能！而去到任食火鍋就更有任食既海鮮，包括海蝦、蟹柳等，無論係鮮味既湯底定係新鮮既海鮮材料，都可以滿足你對火鍋既各種需求，而且，海鮮款式多多，絕對可以品嘗到各種不同既海鮮口味！最後，任食羊腩煲都絕對係呢間餐廳既一大亮點，羊腩煲燉得恰到好處，肉質鮮嫩，湯汁濃郁，配料豐富，每一啖都感受到羊肉既鮮美滋味，暖胃佳餚！

喺食大餐之前，先飲一碗開胃的胡椒花膠湯，微辣嘅胡椒香味即刻令人食慾大增，入邊仲有好多花膠，膠質十足。既然開咗位就可以任食惹味羊腩煲，羊肉炆度軟腍腍油脂都出晒嚟，支竹有好香豆味和生菜🥬被羊肉煲嘅湯汁包住，食落去有生菜嘅清爽口感，又有羊肉煲嘅惹味味道。濃郁又清新嘅配搭，令人一食上癮。食完羊，就嚟返過海鮮大餐，呢個充滿蒜蓉香味嘅蒜蓉蒸海鮮，有扇貝、沙白、蝦、鮑魚、魚和貴妃蚌。扇貝鮮嫩多汁，沙白肉質鮮甜，蝦和魚肉鮮嫩細膩，鮑魚的豐富口感和貴妃蚌的鮮甜味道都令人幸福。要牛肩胛、進口牛肉、翠肉瓜和芋絲等火鍋食材，就唔可以錯過佢嘅肉類海鮮火鍋。呢個火鍋包括有各種肉類，蔬菜，丸和海鮮。推介必食牛肩胛和進口牛肉，兩款都是優質的牛肉，肉質鮮美彈牙，入口即化。翠肉瓜和芋絲則為增添食火鍋嘅樂趣。您仲可以根據自己的喜好和食量，將餐廳提供食材都食一遍。呢度嘅單肉雞翼都一定要食，一款雞翼有多種口味，原味，辣味，燒烤味，海苔味，蜜糖味，每一隻都好好味，雞翼嫩滑又多汁，同每一種味道都係咁夾。

今日同同事放工諗唔到食咩好，同事又想食任食火鍋，上網見到呢間日式火鍋一於去試吓佢胡椒花膠湯◀️見到金黃色既花膠雞湯，已急不及待勺起2碗湯飲，入口鮮甜，味道濃郁，啖啖骨膠原，口感黏黏，食得出落足花膠😍數量都唔少🥰入口爽滑，味道唔腥，今次可以大大舊咁食😂羊腩煲◀️個煲一路係你檯面煲，羊腩切得細細件好入味，羊亦都有羊味，唔會太羶，配料有馬蹄，枝竹，係岩岩滾既時候大家要試一試啖湯，大家都覺得唔錯😎蒸海鮮◀️就有扇貝/沙白/蝦/鮑魚/魚/貴妃蚌，全部海鮮都極度新鮮，仲要d 鮑魚勁大隻👍🏽沙白同貴妃蚌無砂自然不在話下，仲要係好甜又彈牙😁牛肩胛◀️肉質特別煙靭，口感細膩，牛肉濃厚香味撲鼻進口牛肉◀️好有牛肉味，脂肪同牛肉比例分明，口感特別豐富，絕對係好高質

之前同屋企黎食，任食肉叉有海鮮，覺得好正，今次同班friend再訪♦️胡椒花膠湯♦️冬天品嚐暖胃又養生的花膠雞鍋，湯底真材實料，夠哂濃郁，充滿膠質，雞肉質軟腍入味😋♦️羊腩煲♦️雖然唔係好大煲，但你真的不要睇少，因為入面好多羊肉！！我哋個個都食得好滋味，大家都不禁大讚唔騷👍🏽仲好香，枝竹和馬蹄也很新鮮、索了腩汗的確好惹味😋♦️蒸海鮮♦️有六款新鮮海鮮，扇貝/沙白/蝦/鮑魚/魚/貴妃蚌，其中鮑魚肉好厚大大嚿，高質游水貨😎蒸海鮮🦞真係一個好出色嘅烹調方法，可以完全保留每款海鮮嘅鮮味同埋營養價值。喺香港🇭🇰，蒸海鮮係一種好常見嘅食法，無論係餐廳定係屋企，都可以輕易咁整出色香味俱全嘅蒸海鮮。其中蒸扇貝🐚嘅口感鮮嫩，配埋啲蒜蓉同埋蔥花，簡直係絕配。而蒸沙白（鯧魚）嘅味道清新，肉質細膩且鮮美。蒸蝦🦐保留咗蝦嘅鮮甜，啖啖肉令人垂涎。至於蒸鮑魚，佢嗰種獨特嘅海味，總令人難以抗拒。蒸魚🐟通常係用來煮清蒸淡水魚，肉質更顯蒸得入味。最後，蒸貴妃蚌，味道鮮美，蚌肉咬落去又彈牙，令人一試難忘。🧡總括嚟講，蒸海鮮係一個能夠最大程度保持海鮮原始風味嘅烹調方式，無論係口感定係營養價值都得到咗最佳嘅保存。♦️豚肉♦️脂肪和豚肉的比例適

相馬全港有好幾間分店，之前都同班friend食過一次，主打精選牛肉當然係正，今次第2次去食胡椒花膠湯👈🏽店員話熬咗十幾個鐘，雞湯真係好濃郁，仲要真係有好大塊花膠，成個湯好濃稠👍🏽真材實料，完全覺得有滿滿嘅膠原🥰🥰羊腩煲👈🏽成個煲份量很足之餘都非常多肉，入面既炸枝竹好多亦都係最快清晒😂口感好好，煲咗好耐都冇糊掉，馬蹄都好爽口，羊肉就唔使講腍身得黎並唔係太鹹，各個食材都非常入味，真心高質😍蒸海鮮👈🏽食材實際上包括扇貝，沙白，蝦，鮑魚，魚，貴妃蚌，呢個扇貝真係一流，肉質緊實又鮮美，入口即化令人回味無窮，簡直喺人間美味😋炸物👈🏽種類較多，炸蝦、炸丸、蝦多士等等，首先啲炸蝦做得好出色，外皮炸得金黃鬆脆，蝦肉新鮮彈牙進口牛肉👈🏽切得厚薄適中，唔會太肥亦唔會太瘦，食落去口感一流👍🏽👍🏽

今日一家人黎到呢間餐廳食呢個暖羊羊海鮮火鍋放題，凍冰冰打邊爐真係好幸福！羊肉煲美味指數🐏🐏🐏🐏🐏這個放題主打食羊肉煲，羊肉仲要任食，羊肉鮮嫩多汁，有適量嘅油脂，食落去甘香鬆化，充滿香味，入邊仲有生菜和枝竹，食完一煲唔夠食再添食，新鮮熱辣好好味。蒸海鮮美味指數⭐️⭐️⭐️⭐️⭐️食完羊肉就食蒜蓉粉絲蒸海鮮，這道菜有粉絲扇貝、沙白、蝦、鮑魚、魚和貴妃蚌，全部食材新鮮鮮甜。咬一口鮮嫩的海鮮與蒜蓉的香氣在口中爆發，令人回味無窮。肉類海鮮火鍋美味指數🍲🍲🍲🍲🍲輪到肉出場了，呢個任食肉類海鮮火鍋供有雞肉、豚肉、牛肩胛和進口牛肉等多種選擇，雞肉鮮嫩幼滑，豚肉甘香鮮甜，牛肩肉有好香濃嘅牛肉味，又唔係太肥食多多都唔怕。進口牛肉肥瘦均勻入口溶化。

身邊有好多朋友都係肉食者，打邊爐當然要有肉再加埋海鮮直頭冇得頂⏩️胡椒花膠湯⏪️湯底係慢熬足十個鐘，大家打完卡之後急不及待去飲，湯底係幾濃味嘅，花膠都有好幾舊😍算唔錯！！⏩️羊腩煲⏪️羊腩係連皮帶骨，肥瘦適中，分量極多，其他地方嘅羊腩煲一人食兩三舊就食完，呢度廚房俾羊腩頁係唔手軟😂⏩️蒸海鮮⏪️有差不多6款海鮮，包括有扇貝，沙白，蝦，鮑魚，魚，貴妃蚌，海鮮都是肥肥美美的，烹飪方法就係就咁蒸海鮮沒有加任何的調味料，咁樣就可以食到海鮮最原始的味道🥰⏩️單骨雞翼⏪️將雞翼處理為單骨真係幾好，方便客人食用，又唔使整污糟隻手👏🏽⏩️雞肉⏪️雞腿肉肉質偏厚，就算淥得比較耐都唔會柴

之前IG見到佢個龍蝦雞煲就同男朋友同佢屋企人一齊嚟食，點知去到見到環境勁噏耷，但可能因為係分店，所以環境差啲所以就照食。首先佢會比碗茶碗蒸，就普通正常嘢，然後就食龍蝦雞煲，啲龍蝦就又鞋又霉，仲要全部都係蟹鉗😅食完個雞煲就嚟咗個海鮮盤，要蒸10分鐘先食得。蒸嗰陣佢有俾碗花膠雞湯，勁大浸味精味。個海鮮盤蒸緊嗰陣係咁滾瀉，搞到成枱都係湯。跟住蒸完啲海鮮，啲龍蝦好鞋，佢啲蝦睇落唔新鮮，成隻白白地個頭又有啲黑黑地。到最尾終於可以打邊爐，打邊爐個落單網站全部冇圖睇。環境方面間店有少少寒酸，得一個嘢飲雪櫃，嘢飲種類好少 有少少蚊滋仔服務方面店員有少少Hea 本身話拎張新嘅墊枱紙俾我哋 轉個頭唔記得咗 仲企埋一邊傾偈😅呢間店唯一嘅好處就係有milk top嘅雪糕有走綠茶牛奶芝麻味

我要食海鮮！我要食海鮮！我好想食阿，我點都要食返一次，搵唔到人陪我，巧合有個好耐無見既朋友😝佢仲話請我食，今晚咁難忘既時間，一定會好好咁紀錄一下！呢間舖夠大😉枱上會有落單code比我地落單，部份就係出面靚，入面好多人，全場氣氛都好熱鬧，個個笑晒口咁食，我地兩個心情都好靚，呢度既任食多到好誇張，會有一系列指定食物，職員仲會講解埋，真係好細心！                       ➕雞腿肉➕呢份雞腿肉多汁鮮嫩，咁好食通常都來自於健康既雞隻，飼養方面食得好，佢既肉質先會靚，同時都係營養豐富，用作打邊爐是其中不錯的食物！                   ➕惹味日式炸物➕呢度既炸物真係好日式，金黃色表面，質感爽脆既香，炸完之後仲仍然存在既熱度，每一款都不同，食晒都唔厭！                      ➕海鮮火鍋➕打邊爐其中一種招牌菜式，就係海鮮，打邊爐既海鮮品質一定要好，肉質細膩好多汁，再加豉油跟本係絕配，仲放埋美味貢丸，好彈牙有彈性！                        ➕羊腩煲➕做列原汁原味，食列尾仲可以保留到原有既鮮味，湯汁既鮮味再以及豐富既羊腩，好有豐富