相馬日式火鍋 Kwun Tong

Open Now

Now Closed

自問我未試過喺OpenRice度，留劣評因為真係好耐好耐未試過食到一間咁難食嘅嘢！4月6號就已經食，今日先得閒補返呢個評價！事源朋友因為睇左鋪天蓋地嘅廣告，就訂了這間餐廳食飯！點知出事了…… 食到我地懷疑人生！我再睇返OpenRice啲好評，更加覺得如果我唔留呢個劣評對唔住自己🫣我覺得一間餐廳賣咁多廣告，搵水軍都冇問題，前提係要好食先得㗎，質素完全對唔住個價錢！廣告同現實係天淵之別！相馬開咗咁多年，未搬之前好初期食過一次都冇咁差，而家係越做越差…淨係識得俾錢賣廣告！倒不如抌錢真係做返好食物嘅質素，培養員工嘅態度，注重返舖頭嘅衛生狀況好過啦！唉所有海鮮全部是雪藏唔新鮮…又好似洗唔乾淨咁嘅感覺。。。主打嘅龍蝦雪藏細隻之餘，仲要係霉嘅蒸蛋過晒火又唔熱…花膠湯懷疑係味精粉煲嘅…打邊爐湯底淡而無味，我都唔記得我叫咗咩湯啊！炸物正常係叫做食到入得下口填飽個肚嘅食品！火鍋配料，牛肉2款，都叫食得下，唔食冇咩食㗎啦！其他配料選擇並唔多。。。出面自助Bar衛生情況欠缺！真係睇見都唔想夾總之真係真心伏伏伏伏伏伏…體驗極差！永不錄用！每人$458呢個價位我真係可以食到好多好高質嘅餐廳啦！嬲到真係一張相都冇影

真心伏，好耐都未試過食一間餐廳食到想講粗口，貨不對辦，蒸蛋又凍又嚡，雞煲無味，好似水煮咁，花膠雞湯陣味居然似岀前一丁麻油味，蒸海鮮又哽又柴，任食龍蝦真係食咗一件都唔想再order，上面個龍蝦汁食到想嘔，服務態度又差，成晚食得落嘅只有炸物，前兩日見到有人係社交平台 page留差評，過一陣就會俾人delete ，最近廣告賣到咁勁，我從來都未試過係OpenRice 留食評，真係唔想再有人中伏，無諗過食到一肚氣，所以連相都無影

🤬🤬🤬中伏中得好交關，收費連加一平均$458一位，無限食蒸急凍波頓龍蝦，龍蝦鉗就要咗嚟做龍蝦鉗雞煲，急凍都唔緊要，最慘係啲肉係霉嘅，冇辦法食用，問店員點解唔係蒜蓉蒸佢話冇得揀，只得龍蝦汁蒸龍蝦，就連一次性蒸氣海鮮都係用急凍貨，全場波頓龍蝦size手掌咁細，見到都覺得可憐，唔會再幫襯

試完任食羊腩煲同火鍋🍲，即刻喺好朋友群組分享，book到位的話希望下次會再同好朋友黎食。首先，餐廳裝飾好有日式感覺，衛生程度仲係日本級數，非常滿意！💯今次揀左《相馬日式火鍋》😗📌胡椒花膠湯香氣撲鼻，花膠質感幼滑爽口，散發出胡椒花膠湯味既香氣，越飲越覺有一層膜係個口，係骨膠原的感覺，好味又美顏🥰，係一道不容錯過嘅美食💃🏻📌 日式蒸海鮮一直都鍾意食蒸海鮮，蔥蒜既調味完全係舌尖上嘅享受，非常香口惹味，再粉絲食，成個口感層次好豐富，不能忘記咁豐富同多層次既感覺！😋📌 炸物賣相非常吸引，口感爽脆，入口非常香，每一件炸物都散發着香味，令人再三回味，而家講起又想再食，好彩一早再訂定位過食😌📌 豚肉超有驚喜！豚肉鮮味十足，肉質滑嫩放入火鍋後仍能夠鎖住肉汁，一咬落好多汁，果然係有料到，選擇食材十分好👍🏻係觀塘返工或者住附近既人一定要去，唔去走寶，羊腩煲、火鍋都係任食！😚

話說老公介紹觀塘有間日式火鍋店幾好食，裝修非常日系，仲好整潔，於是放工同埋老公同朋友一齊去食🧏🏻‍♀️單骨雞翼⭐️我同老公都最鍾意既雞翼🤩擺盤靚靚。雞翼外皮炸到非常香脆，有唔同特色味道，每一啖都帶來濃郁口感，雞肉肉質鮮嫩多汁，回味無窮🙆🏻‍♀️海鮮火鍋⭐️賣相擺盤已經超吸引。海鮮新鮮到有去左日本魚市場既鮮味！選擇又多，有我最愛的廣島蠔、日本帶子、青口，仲有蟹棒、水魷等等⋯鮮味無窮，真係唔食走寶🧏🏻‍♀️羊腩煲⭐️賣相都已經相當吸引。羊腩顏色色澤鮮亮，肉質十分香口，入口煙韌彈牙，味道濃郁，非常好味🙋🏻‍♀️蒸海鮮⭐️海鮮賣相新鮮。有扇貝、沙白、鮑魚、貴妃蚌，全部海鮮都好新鮮，無雪藏味道，有粉絲同蒜蔥，十分惹味，海鮮肉質口感都好彈牙，非常回味💁🏻‍♀️餐廳無限時，羊腩煲都有得任食，推薦💁🏻‍♀️

嚟到冬天呢啲時間，最好一定係食火鍋，加上我呢啲食肉獸，對於火鍋我係非常之挑剔嘅！呢間試過都真係幾滿意💖胡椒花膠湯💖花膠雞湯絕對係真材實料，用多隻鮮雞大量豬骨等熬上數小時至金黃色，再加入花膠😍入口不但鮮甜濃郁，滿滿骨膠原之感🥰仲帶點膠質黏黏的😎💖羊腩煲💖肉質嫩滑完全唔嚡囗，每舊都有帶有濃濃的羶香味，配上腐乳醬，非常推薦，有好多羊腩同支竹，羊腩汁非常濃郁，羊腩炆得好入味，肉質唔會過韌，肉味香濃，而且唔會好多骨，絕對超值！💖蒸海鮮💖一望到呢度海鮮嘅款式就覺得餐廳真係非常揼本！好新鮮嘅海鮮再加埋蒸氣嘅烹調方式，可以食得到海鮮嘅原汁原味好正，而且呢度嘅海鮮亦都好高質👍🏽👍🏽我自己都幾鍾意食呢度嘅鮑魚同貴妃蚌！啖啖肉真係好滋味！💖進口牛肉💖這種肉質柔軟，帶有豐富的肉汁和口感，旦容易烹調💖雞肉💖雞肉質細嫩，就算淥耐咗都唔會靭

蒸海鮮🌟非常出色🌟佢地既海鮮都係有唔同款式，全部都係新鮮既海鮮，好有保證，帶子經過蒸煮後，保留佐鮮甜既味道，爽嫩非常；海蝦肉質飽滿，爽口彈牙；鮑魚則鮮嫩味美，甘香有嚼勁，全部都原汁原味，令我完全陶醉其中！羊腩煲⭐️棒棒⭐️羊腩煲都真係無得彈，羊腩燉煮得十分入味，肉質醇香，有啲肥膏，入口即化，而煲中既配菜亦好豐富，蔬菜既甜味同羊肉既鮮香相互融合，令人胃口大開！任食火鍋✨滿足✨餐廳提供佐多種火鍋底料同配菜，客人可以根據自己既口味搭配，我地就簡佐辣味既底料，配以蔬菜、海鮮同肉類食材。經過煮熟後，食材既味道完全展現出來，火鍋湯底亦好美味，暖笠笠好舒服！任食炸物🔥熱愛🔥呢個當然都不容錯過，牛丸、芝士丸、蝦球、芝士春捲、蝦多士同午餐肉都係令人垂涎欲滴既炸物選擇，每一款食物都炸得金黃酥脆，內外口感非常出色，特別係芝士丸同芝士春捲，每一口都散發著濃郁既芝士香味，十分誘人！

今天同屋企人試了一間裝修非常日系感，環境好舒適既餐廳🍴：相馬日式火鍋，數碼餐牌非常清晰易睇，而且有相非常吸引✨超興奮係有得任食羊腩煲👐🏻🌸 任食火鍋（肉類），豚肉、牛肩胛、美國進口牛肉都充滿香氣，口感柔滑，每一啖都係迷人既滋味，脂肪分布平均，食落牛肉味同豚肉味十足，新鮮既肉食落爽口又有濃濃既肉汁，食到上癮，絕對不能錯過❤️🌸 羊腩煲-羊肉肉質鮮嫩，又十分多汁，擁有好惹味既羊肉味，口感豐富。有蔥同生菜配合成個羊腩煲，香氣十足，生菜吸哂所有羊腩汁，好食到停不了口💚呢間餐廳最正係仲有胡椒花膠湯飲，養生又抵食，性價比高所以好full，老公好勁book到位，我地好努力book緊下次再嚟食🫰🏻

見廣告好似好好食，就去試下，點知奶哂野首先，茶蒸碗一般跟住到佢個龍蝦雞煲第一，成個煲無咩味，食落去無味道，係得舊豆卜叫有下味，第二，雞肉食落去一般，第三！龍蝦，無鮮味，食落似普通蟹柳，而且仲要無咩肉食，雖然任食，但食完已經唔想再食…下道菜係 花膠雞湯，飲落去第一下感覺！好很咸！！飲完已經無咩胃口，係咁飲茶！跟住就到最難食個Part-海鮮蒸鍋，鮑魚！！咩味都無！！係唔知自己食咩！！蜆！！食落口成口沙！！！！！魚！！無味！！蝦直情無食！！龍蝦！！肉唔新鮮，仲要無味，口感好差，成盤野都基本得蒜泥味，原完全唔知自己食緊咩！！！到打邊爐個part,可以叫炸物，我叫左炸牛丸，食落口，第一個感覺係酸臭！食一啖，即刻扔，炸牛丸有咩理由係酸臭？？個芝士丸我唔知係咪少食，我食落去係覺得個餡係乳酪味道，又係怪怪地，得個牛肩肉係同出面平價火鍋店差唔多，叫食得落肚，咁叫左個帶子，無味，由佢…海蝦，出到嚟，仲帶冰係蝦身，又係唔好食…急凍蝦…食左幾樣野已經拿拿林埋單走人，仲要人頭429蚊，都唔知食緊咩落肚！明既4百幾主打任食龍蝦，都知會有差距，但有咩理由，係無一樣野好食？？龍蝦完全係唔好食，咁既龍蝦任食都無用喇！！

首先嘗試佐佢地既蒸海鮮，當中蒸扇貝配蒜蓉粉絲簡直太美味啦！帶子肉鮮嫩多汁，每一啖都滿足到我既味蕾，蒜蓉粉絲既味道搭配得恰到好處，帶給整個蒸海鮮更多層次感！😍之後品嘗佐呢間餐廳既招牌菜之一，任食的羊腩煲，羊腩煲獨特既香氣讓我食慾大增，羊腩炆得十分入味，每一塊肉都嚼勁十足，配上煲入面其他配料，絕對係饕餮之選！🥰跟住任食火鍋菜單亦豐富多彩，海鮮品種好多又新鮮，包括各種不同魚類貝類，丸類又有肉丸、芝士丸等等，種類繁多。而肉類中，最難忘就係美國特選牛肩胛，肉質嫩滑多汁，有嚼勁，配上各種醬料蘸料，火鍋味道更加豐富多樣！😘

最近去到觀塘既相馬試佐佢地既放題，無限時，任食放題，超豐富，其中令我印象深刻既就係佢地既胡椒花膠湯、任食羊腩煲同任食火鍋。一黎到就先飲佐胡椒花膠湯，呢個絕對係濃郁香醇既湯，湯底呈現出濃郁既骨湯味道，入口之後舌尖被深沈而激動既胡椒味刺激，令人回味無窮。湯裡面既花膠增添佐豐富既口感同滋味，成個湯俾人既感覺就係溫暖舒適，非常適合係寒冷既天氣享用😚😚之後就到佢地既任食羊腩煲，以鮮嫩多汁既羊腩為主料，搭配上新鮮既蔬菜配料同香料炆煮而成，羊腩肉質軟嫩，入口即化，配合上獨特既煲仔烹調方式，更具口感滋味🤪🤪仲未食飽就繼續任食火鍋，肉類丸類蔬菜海鮮都有，而且選擇多多，包括沙白蜆、東風螺、青口、帶子、海蝦、蟹柳同生蠔等等，全部海鮮都非常新鮮，味道鮮甜，煮熟既海鮮搭配上熱辣既鍋底，感受到細膩既口感同鮮美既味道😋😋

今日我去咗相馬呢間餐廳，係一間以任食放題形式為賣點既火鍋餐廳，呢間餐廳既口碑一直好好，所以我都要特登去試一試！一定要食既就係佢地既任食羊腩煲✍🏻✍🏻✍🏻成個煲味道鮮美，羊肉酥爛入味，湯汁濃郁，滋味十足，而且，餐廳提供的羊既腩肉塊十分新鮮，完全無羶味，烹制得亦非常獨特，俾人一種細膩既口感，羊腩同鮮嫩既蔬菜仲有爽脆既馬蹄一齊燉煮，令人既味蕾得到極大滿足！同樣一定要食既就係佢地既任食火鍋✍🏻✍🏻✍🏻火鍋有不同肉類，海鮮，丸，蔬菜等等，美國進口牛肉、海蝦、沙白蜆和蟹柳等各種海鮮都有，完全係美味既享受。美國進口牛肉都係肥牛黎，鮮嫩多汁，肥美柔嫩；海蝦肉質緊實，味道鮮美；沙白蜆汁水豐富，口感清爽；蟹柳則鮮嫩可口，真係超級豐富！仲有不可不提既係佢地既任食炸物✍🏻✍🏻✍🏻我試佐炸牛丸、炸芝士春捲、炸蝦多士、炸米網蝦春捲同炸番薯等美食，全部炸物都熱騰騰咁上枱，外脆內軟，非常好食，牛丸炸得香脆彈牙，嚼起來口感十分豐富；芝士春捲外皮酥脆，內餡芝味十足；蝦多士外焦里嫩，非常鮮美；米網蝦春捲外脆內腍，有不同既口感層次；番薯炸得亦香甜可口，全部都好正！

今日約咗一班朋友喺觀塘聚會食飯，訂咗枱喺相馬日式火鍋食一個豐富嘅放題餐，呢一個套餐有一個任食羊肉煲，胡椒花膠湯，蒸海鮮和肉類海鮮火鍋。任食羊肉煲，濃郁惹味。羊腩肉🐏埋枝竹和生菜🥬，食得津津有味。唔夠食可以叫侍應再加，食到飽為止。不過一陣仲有其他嘢食，所以都唔使喺一開始就食得咁飽。蒸海鮮都係香味十足。海鮮新鮮彈牙，分別有粉絲，扇貝、沙白、🦐蝦、鮑魚、魚，貴妃蚌等多種精選海鮮。用蒜蓉🧄蒸，又好香嘅蒜蓉味和充滿海鮮鮮味，粉絲更加係吸左蒜蓉和海鮮嘅精華，成為漩渦中最好食嘅食物，真係好味到一啲都唔想返俾人食。仲有一個鍋可以食生菜、金菇、粟米、午肩胛、生蠔、魷魚、帶子、蟹柳和蝦等多種肉類和海鮮。粟米🌽香甜，飽滿又多汁。午肩胛的肉質鮮美，有香濃牛肉味。生蠔🦪肉厚鮮甜滋味、魷魚🦑彈牙，帶子鮮嫩和蟹柳鮮甜啖啖肉。

男朋友請食飯今次真係大飽口福，我哋喺觀塘呢一間相馬日式火鍋食放題，食一個暖羊羊海鮮火鍋放題套餐，套餐有胡椒花膠湯，任食羊肉煲，蒸海鮮和任食肉類海鮮火鍋，仲有多款甜品和飲品。超多嘢食，食到個肚都脹埋。首先來品嚐一碗香濃的胡椒花膠湯，這個湯充滿胡椒的香氣，飲落去非常暖胃，花膠肉厚大隻，膠質十足，惹味無比。🤤接下來，任食惹味羊腩煲，羊腩肉搭配支竹和生菜，羊肉入口溶化，有超香羊肉味，支竹充滿香味，又有口感。生菜清爽又多水份。羊腩煲加咗香蒽，令整個煲嘅香氣更加提昇。🤤蒸海鮮就啱晒鍾意食海鮮嘅人，海鮮鍋入邊包括扇貝、沙白、蝦、鮑魚、魚，貴妃蚌和粉絲。加上蒜蓉和香蔥一齊蒸，充滿了海鮮的原汁原味。一邊蒸，海鮮的香氣和蒜蓉的香濃味道隨着煙霧飄散出來，散發出誘人的香氣，未食已經流口水🤤跟住仲食埋豚肉、牛肉，雞肉，包心丸、青口、螺肉和蜆肉和各種蔬菜任食的任食火鍋。豚肉鮮嫩，包心丸的彈牙，仲有爆汁嘅口感。青口、螺肉和蜆的鮮甜爆燈，食得非常滿足。🤤

在呢間餐廳既用餐體驗非常出色。首先，他們既蒸海鮮係我去過既餐廳中最新鮮之一。無論係海蝦，沙白蜆定係鮑魚，都散發著誘人既香氣，肉質鮮嫩多汁，回味無窮！此外，他們既炸物都非常出色，任食夠晒抵，炸午餐肉、炸牛丸、炸墨丸、炸蝦、炸春捲同炸番薯等外面酥脆，內里軟腍，每一口都帶到絕對的滿足感，而另外炸單骨雞翼亦係酥脆外皮同多汁雞肉既完美結合，令人欲罷不能！而去到任食火鍋就更有任食既海鮮，包括海蝦、蟹柳等，無論係鮮味既湯底定係新鮮既海鮮材料，都可以滿足你對火鍋既各種需求，而且，海鮮款式多多，絕對可以品嘗到各種不同既海鮮口味！最後，任食羊腩煲都絕對係呢間餐廳既一大亮點，羊腩煲燉得恰到好處，肉質鮮嫩，湯汁濃郁，配料豐富，每一啖都感受到羊肉既鮮美滋味，暖胃佳餚！