1049
239
80
6-min walk from Exit E1, Sheung Wan MTR Station continue reading
Telephone
25448368
Introduction
A classic dai pai dong, Sing Heung Yuen is famous for their macaroni, instant noodles and crispy buttered buns. Drop by either for a quick snack or a full meal. continue reading
Awards and Titles
Best Restaurant in Central and Western (2008-2016), Best Hong Kong Style Tea Restaurant (2009-2016)
Opening Hours
Today
08:00 - 17:00
Mon - Sat
08:00 - 17:00
Sun
Closed
Public Holiday
Closed
Payment Methods
Cash
Number of Seats
35
Other Info
Restaurant Mode of Operation - Type B
Phone Reservation
Outdoor Seating
Review (1510)
如果大家對於大排檔嘅印象中仲係叫餸食飯、食煲仔飯嘅話就錯曬,呢間大排檔一樣都係食充滿港式風味嘅嘢食,喺茶餐廳、冰室一定會食到嘅奶油脆脆同呢排香港人好鍾意食既茄牛。香港有好多咩咩園,好似樂香園、紹香園、蘭芳園,但一講起中環、奶油脆脆、茄牛,大家就會諗起勝香園。勝香園係一間喺中環大排檔嘅粉麵店,呢間老字號係中上環屹立左半個世紀,係家族式經營。開業於1959年,勝香園以前是係玉葉甜品個個位,係30幾年前先搬黎歌賦街依邊,大家睇中勝香園,除左係佢既野食之外,唔多唔小都係這種露天式既大排檔風情,夠街邊夠地道。所謂既大排檔即係街邊檔攤,環境簡陋,外觀多以鐵皮同帆布組成搭建。全盛時期係二戰後,政府為因公傷殘或者殉職既公務員解決生計,所以發牌照,係街頭租金負擔低既情況下經營。不過由於衛生環境欠佳、阻街、市區整建等好多原因,1980年代前後政府開始唔再發放新牌照、補償金鼓勵持牌人繳交牌照,禁止轉讓同繼承舊牌照權利等措施,令呢一種街頭文化快速式微。直至2009年政府先有所意識,決議宣布大牌檔保育計畫,協助建設同環境翻修。呢家香港大牌檔已經唔多,大家數到既係油麻地、深水涉,大排檔式微都係令人想去勝香園既原因。喺未疫情之前,呢間大排檔一直都係旅客必食嘅人氣店,以前的確要排成半個鐘到一個鐘,即使而家冇左遊客嘅人潮,小店都係接近滿座。店舖堅持慢工出細貨,所以食佢哋嘅嘢食都要有啲耐性,喺繁忙嘅午膳時間,落完order等半個鐘都唔誇張。主打蕃茄面同埋脆脆,餸、麵同湯底都可以任意配搭。位置離地鐵站唔算話好近,係歌賦街,第一次嚟嘅話會有啲吃力,唔想行得辛苦可以經自動扶手電梯,係結志街落沿着上環方向行就會見到,佢嘅對面就係同樣昔日人氣嘅米芝蓮美食九記牛腩,以前會見到勝香園一條人龍、九記一條人龍,附近正正就係今年亞洲50餐廳之首嘅大班樓。前後食過兩次勝香園,兩次都係星期六晏就去,因為佢星期日唔開門,大排檔環境當然簡陋,枱面座位都唔可以講係非常乾淨,不過上面會有雨傘、遮棚,中午時期唔係坐最出嗰幾個位,基本上太陽曬唔入嚟,有提供幾把風扇,雖然環境唔理想,但依然高朋滿座,唔使等位不過去到接近滿座。餐牌只有簡單嘅兩頁紙,第一頁就係佢哋嘅麵食,可以自由配搭唔同既餸,但可以睇到佢右手邊全部都係蕃茄字頭,所以已經話俾你知蕃茄就係佢哋嘅招牌。而另一頁就會見到其他多士、三文治同飲品。枱上面會有基本嘅醬料,好似同辣椒醬同胡椒粉。-1️⃣ 奶油脆脆 💰21(👅: 9/10)食過幾次佢既脆脆上枱擺盤都係差唔多,好似米奇老鼠咁,脆脆都係即叫即製,上枱熱辣辣,比起蕃茄麵呢個更加要趁熱食,因為咁先保持脆口。呢度既脆脆同多士都係用800W多士爐,麵包特別揀選半機械、半人手製造,奶油脆焗得好香好脆,係我食過咁多個脆脆最脆嘅一個,第一口咬落係會偏硬少少,但咬完落去就係非常脆嘅口感,脆到係身邊嘅人都會聽到有聲,隨即就係脆脆入邊嘅鬆軟口感,脆到好似食緊餅乾咁,呢一種嘅鬆脆度食過咁多間茶餐廳都做唔到,食完會諗係咪越簡單嘅嘢越難做得好食。而奶油份量非常足夠,食落係偏甜,有一啲已經滲咗入去脆脆入邊,所以食落唔會話好乾身,如果唔係咁鍾意食好甜嘅人未必接受到,牛油檸檬汁蜜糖會更加適合,食落係非常邪惡但就係滿足無比。-2️⃣ 牛油檸檬汁蜜糖脆脆 💰21(👅: 8.5/10)檸檬汁食落清香,會食到牛油香,所有調味都搽得非常之均勻,口感清新,令人耐人尋味。牛油檸檬汁蜜糖比起奶油冇咁甜,食落會冇咁膩,因為檸檬汁會稍為中和蜜糖既甜,酸味會比甜味出啲,所以食落係開胃,但個人會鍾意奶油多啲,今日食落唔夠喉唔夠過癮。要挑剔既係食脆脆一定要用手羅,用筷子基本上夾唔到,但勝香園無提供清潔用紙巾或者濕紙巾,要自備一下。-3️⃣ 蕃茄牛肉蛋通粉/麵💰36(👅: 8/10)呢度既蕃茄底用炒香過嘅茄膏、新鮮蕃茄、雞湯等熬製而成,至於其他配料都係任意配搭,有10幾款選擇。上枱時係熱辣辣,湯底呈紅色,但唔係濃稠嘅湯底,蕃茄湯飲落非常濃郁,甘濃起沙,蕃茄味非常重,係夠酸,而酸味係黎自新鮮既蕃茄,而唔係人工嘅酸味,茄膏嘅甜味唔算好出,係天然嘅味道多啲,酸味會比甜味多好多,食落非常之開胃。而蕃茄嘅數量都幾多,真材實料,食起嚟淡淡茄肉,而且已經煮到腍身,接近變茄蓉嘅狀態,成個湯唔會話好油,係一個好多主打蕃茄湯嘢食嘅餐廳時代,呢個蕃茄湯都係可以佔一席位。略嫌湯太多,對比起蕃茄同牛肉嘅數量,所以上枱時基本上係睇唔到牛肉,沉晒底,用匙羹不上嚟先見到牛肉其實係唔小。鮮牛肉份量都係唔會孤寒,雖然細塊,但是對比起其他店舖,食起嚟係好軟嫩多汁,食得出好新鮮,唔算鞋唔算韌,牛肉軟諗程度,唔係好似茶記咁用肉鬆粉,所以食落唔會有鹼味,肉質食落都係自然。牛味就唔太食到,不過喺大排檔、茶餐廳來講,牛肉只要咬得開已經好足夠。煎雞蛋就不過不失,唔會話煎到窿咗,蛋黃起碼仲係流心,蛋黃既甜味同蛋香味會比蕃茄既酸味蓋過,下次會試下炒蛋,感覺食落會變炒蛋蕃茄。通粉會比麵更加索湯,因為佢個空心可以令到更多湯同茄蓉滲入去,通粉食落唔會話煮到好腍,軟而不粉,係合格嘅通粉。麵係用出前一丁,麵質我係幾鍾意,因為佢煮到偏硬身少少,而唔係腍身,個人食麵類都係鍾意硬身啲,因為腍身完全冇口感可言。-4️⃣ 凍奶茶💰15(👅: 8/10)凍奶茶以絲襪奶茶既作法黎整,飲落夠凍,夠香滑有奶香味,奶味會比茶味重,所以飲落整體甜味會比較夠香滑有奶香味多。如果鍾意奶味濃一點既朋友,呢杯奶茶肯定係你杯茶。-🌟酸甜嘅蕃茄、腍滑牛肉、爽滑嘅通粉,食落開胃飽肚,價廉物美,身為香港人好難抗拒呢一種美食,看似做法簡單,但要將三者完美咁結合,非常考大廚火候控制度同埋食材嘅新鮮度。香港有好多主打蕃茄湯嘅餐廳,好似蕃茄師兄、red object、蕃滿門、華嫂、樓下冰室、星座冰室等等,勝香園作為香港茄湯既始創者,絕對唔會比下去,嘢食當然唔係好精緻好打卡,但勝在水準係有。茄牛通、茄牛麵、鹹檸七、奶油脆豬簡單樸實已經好好食,絕對係香港人既comfort food, 如果我住附近,一定會成日黎食。以前仲有好多遊客個時,勝香園出名店員服務態度差為名,改單會態度差,而且堅持唔比加單,係呢一段艱難時期,幫襯過兩次都感受唔到澳牛式服務,賣單讚姐姐計數快仲笑笑口有傾有講,可能生意大不如前,人龍店都要變得嫌虛、禮貌一啲。冇晒遊客嘅情況下,勝香園已經唔使點排隊,兩次去都係可以即刻坐低唔使等,不過夏天嚟食就會比較熱啲,因為始終係露天大排檔,冇冷氣得風扇,而且喺馬路邊,但大排檔就係食呢一種嘅特色,呢一種嘅懷舊味道,冬天喺呢個露天地方吹着風食碗熱辣辣麵可能會更舒服。喺呢個疫情嘅時期,小店買少見少,再加上呢一啲鐵皮檔嘅大排檔,碩果僅存,唔知幾時會因為政府一句話收返,到時想食都冇得食,就只可以變成大家嘅集體回憶,所以無論係想一試大排檔風味,定係一試好代表到香港特色嘅奶油脆脆,定係要帶外國朋友一試香港特色、但外國不常見既美食,除左諗起歌賦街既九記,呢間人龍店勝香園都係我既口袋名單。-👅味道: 8.5/10🍴環境: 6/10💰消費: $70 (服務費: NA) continue reading
(The above review is the personal opinion of a user which does not represent OpenRice's point of view.)
Level2 2021-10-12
0 views
「檸檬蜜糖脆脆」勝香園的脆豬仔包係我食過覺得整得最香脆又最好食的上面搽左檸檬蜜糖味道酸酸甜甜配上食到‘’chop chop’’聲的脆豬真係好好食唔小心一個人可以食得哂兩個㗎「蕃茄火腿餐蛋麵」佢地ge茄湯真係好多蕃茄肉唔係artificial或者開出黎的茄湯麵底可以配出前一丁/通粉/火粉亦可以有唔同餸的配搭雞翼豬扒牛肉煙肉餐腸腿蛋等等都有最後配杯鹹檸七 就完美per-‘fat’了🌝而家少左好多人所以平日去都好多時唔洗排坐係梯級的簷蓬下別有一番local風味 continue reading
(The above review is the personal opinion of a user which does not represent OpenRice's point of view.)
🍪 【#中環】勝香園 Shing Heung Yuen💥1959年開業大牌檔 最強茄牛通💥.🍪 歷史悠久大牌檔,旅客必去。✧Famous dai pai dong opened in 1959. A must-go tourist spot.🍪以濃稠鮮茄牛肉麵和檸蜜脆脆聞名🍅🍅🍅✧Beef noodles in rich tomato soup and crispy bun are its specialities🍪門外有幾張戶外枱櫈可坐✧Al fresco dining area only. ~~~~~~~~~~~~~~~~~~~~~~~~~~~~~~🍽蕃茄鮮牛肉雞翼通粉 Tomato, beef, chicken wings macaroni $37 (5/5)🍽蕃茄鮮牛肉蛋 Tomato, beef, egg instant noodles $36 (5/5)好足料濃郁蕃茄湯,唔會一味同好多茄膏調味。靚牛肉,軟身又唔鞋。雞翼入味同煲得好稔😋✧Satisfying tomato soup made of a surplus of fresh tomatoes. Tender beef and chicken wings. .🍽檸蜜脆脆🍋Butter and Honey w/Lemon on Crispy Bun $21(5/5)必叫同一定要趁熱食!檸檬加蜜糖甜甜酸酸,個包鬆脆可口!🤤✧Crunchy toast with refreshing lemon and honey! Enjoy this must-order item while it is still hot! .🍽凍檸茶 Iced Lemon Tea $17~~~~~~~~~~~~~~~~~~~~~~~~~~~~~~🍪中環返工一大恩物!好食仲要唔貴!😍👍🏻👍🏻👍🏻✧Absolutely an affordable lunch deal in Central! 🍪營業時間︰星期一至六 08:00-17:00,星期日/公眾假期唔好去摸門釘喇~✧Opening from Mon to Sat, 08:00-17:00~~~~~~~~~~~~~~~~~~~~~~~~~~~~~~味道 Taste:🍪🍪🍪🍪🍪/5環境 Ambience:🍪🍪/5💸消費 Spending:$56/人 Person🔥推介度 Recommendation:5/5 continue reading
(The above review is the personal opinion of a user which does not represent OpenRice's point of view.)
Level4 2021-08-16
360 views
喺香港嘅8月去勝香園無疑係一項挑戰,今日我就去左挑戰自己🔥🔥叫左最鍾意嘅蕃茄牛肉通粉同埋檸蜜脆脆我超鍾意呢個蕃茄湯底,夠酸夠濃郁!不過好多人覺得佢真係太酸,要另外加糖落去中和返牛肉唔係碎濕濕無誠意嘅用料,食得出牛味,而且無用鬆肉粉醃過龍果重!檸蜜脆脆咬落係香脆餅乾咁,好鬆脆,上面個醬我其實無喺其他食店食過,我凈係鍾情呢度個酸酸甜甜味道,青檸嘅酸味真係好開胃!嚟到梗係要飲返杯凍奶茶,茶味香濃又夠滑,奶同茶嘅比例剛剛好!可能我去果日唔多人,班姐姐唔太忙,重同我傾下計~真係喜出望外😃 continue reading
(The above review is the personal opinion of a user which does not represent OpenRice's point of view.)
Level3 2021-08-14
423 views
百吃不厭既勝香園牛油檸檬脆脆🥯黎到勝香園除左茄牛通必食之外,脆豬都係必點。如果食得太多一般茶記的奶油豬,覺得悶的話。就要試下呢一度的牛油檸檬脆脆。超級香脆,一要落去chop一聲,加埋牛油同檸檬醬簡直係絕配!茄牛通🍅番茄味好濃,可以看出落足料,牛肉係有少少厚度,比較有嚼勁,而且好重牛味。配通粉一起食簡直一流!最後仲有一杯凍奶茶本身叫左少甜,但感覺上味道都偏甜一點。但茶味會比奶味再出少少。仲有貓店長陪你用膳,開針😜 continue reading
(The above review is the personal opinion of a user which does not represent OpenRice's point of view.)