如果大家對於大排檔嘅印象中仲係叫餸食飯、食煲仔飯嘅話就錯曬，呢間大排檔一樣都係食充滿港式風味嘅嘢食，喺茶餐廳、冰室一定會食到嘅奶油脆脆同呢排香港人好鍾意食既茄牛。香港有好多咩咩園，好似樂香園、紹香園、蘭芳園，但一講起中環、奶油脆脆、茄牛，大家就會諗起勝香園。勝香園係一間喺中環大排檔嘅粉麵店，呢間老字號係中上環屹立左半個世紀，係家族式經營。開業於1959年，勝香園以前是係玉葉甜品個個位，係30幾年前先搬黎歌賦街依邊，大家睇中勝香園，除左係佢既野食之外，唔多唔小都係這種露天式既大排檔風情，夠街邊夠地道。所謂既大排檔即係街邊檔攤，環境簡陋，外觀多以鐵皮同帆布組成搭建。全盛時期係二戰後，政府為因公傷殘或者殉職既公務員解決生計，所以發牌照，係街頭租金負擔低既情況下經營。不過由於衛生環境欠佳、阻街、市區整建等好多原因，1980年代前後政府開始唔再發放新牌照、補償金鼓勵持牌人繳交牌照，禁止轉讓同繼承舊牌照權利等措施，令呢一種街頭文化快速式微。直至2009年政府先有所意識，決議宣布大牌檔保育計畫，協助建設同環境翻修。呢家香港大牌檔已經唔多，大家數到既係油麻地、深水涉，大排檔式微都係令人想去勝香園既原因。喺未疫情之前，呢間大排檔一直都係旅客必食嘅人氣店，以前的確要排成半個鐘到一個鐘，即使而家冇左遊客嘅人潮，小店都係接近滿座。店舖堅持慢工出細貨，所以食佢哋嘅嘢食都要有啲耐性，喺繁忙嘅午膳時間，落完order等半個鐘都唔誇張。主打蕃茄面同埋脆脆，餸、麵同湯底都可以任意配搭。位置離地鐵站唔算話好近，係歌賦街，第一次嚟嘅話會有啲吃力，唔想行得辛苦可以經自動扶手電梯，係結志街落沿着上環方向行就會見到，佢嘅對面就係同樣昔日人氣嘅米芝蓮美食九記牛腩，以前會見到勝香園一條人龍、九記一條人龍，附近正正就係今年亞洲50餐廳之首嘅大班樓。前後食過兩次勝香園，兩次都係星期六晏就去，因為佢星期日唔開門，大排檔環境當然簡陋，枱面座位都唔可以講係非常乾淨，不過上面會有雨傘、遮棚，中午時期唔係坐最出嗰幾個位，基本上太陽曬唔入嚟，有提供幾把風扇，雖然環境唔理想，但依然高朋滿座，唔使等位不過去到接近滿座。餐牌只有簡單嘅兩頁紙，第一頁就係佢哋嘅麵食，可以自由配搭唔同既餸，但可以睇到佢右手邊全部都係蕃茄字頭，所以已經話俾你知蕃茄就係佢哋嘅招牌。而另一頁就會見到其他多士、三文治同飲品。枱上面會有基本嘅醬料，好似同辣椒醬同胡椒粉。-1️⃣ 奶油脆脆 💰21（👅: 9/10）食過幾次佢既脆脆上枱擺盤都係差唔多，好似米奇老鼠咁，脆脆都係即叫即製，上枱熱辣辣，比起蕃茄麵呢個更加要趁熱食，因為咁先保持脆口。呢度既脆脆同多士都係用800W多士爐，麵包特別揀選半機械、半人手製造，奶油脆焗得好香好脆，係我食過咁多個脆脆最脆嘅一個，第一口咬落係會偏硬少少，但咬完落去就係非常脆嘅口感，脆到係身邊嘅人都會聽到有聲，隨即就係脆脆入邊嘅鬆軟口感，脆到好似食緊餅乾咁，呢一種嘅鬆脆度食過咁多間茶餐廳都做唔到，食完會諗係咪越簡單嘅嘢越難做得好食。而奶油份量非常足夠，食落係偏甜，有一啲已經滲咗入去脆脆入邊，所以食落唔會話好乾身，如果唔係咁鍾意食好甜嘅人未必接受到，牛油檸檬汁蜜糖會更加適合，食落係非常邪惡但就係滿足無比。-2️⃣ 牛油檸檬汁蜜糖脆脆 💰21（👅: 8.5/10）檸檬汁食落清香，會食到牛油香，所有調味都搽得非常之均勻，口感清新，令人耐人尋味。牛油檸檬汁蜜糖比起奶油冇咁甜，食落會冇咁膩，因為檸檬汁會稍為中和蜜糖既甜，酸味會比甜味出啲，所以食落係開胃，但個人會鍾意奶油多啲，今日食落唔夠喉唔夠過癮。要挑剔既係食脆脆一定要用手羅，用筷子基本上夾唔到，但勝香園無提供清潔用紙巾或者濕紙巾，要自備一下。-3️⃣ 蕃茄牛肉蛋通粉/麵💰36（👅: 8/10）呢度既蕃茄底用炒香過嘅茄膏、新鮮蕃茄、雞湯等熬製而成，至於其他配料都係任意配搭，有10幾款選擇。上枱時係熱辣辣，湯底呈紅色，但唔係濃稠嘅湯底，蕃茄湯飲落非常濃郁，甘濃起沙，蕃茄味非常重，係夠酸，而酸味係黎自新鮮既蕃茄，而唔係人工嘅酸味，茄膏嘅甜味唔算好出，係天然嘅味道多啲，酸味會比甜味多好多，食落非常之開胃。而蕃茄嘅數量都幾多，真材實料，食起嚟淡淡茄肉，而且已經煮到腍身，接近變茄蓉嘅狀態，成個湯唔會話好油，係一個好多主打蕃茄湯嘢食嘅餐廳時代，呢個蕃茄湯都係可以佔一席位。略嫌湯太多，對比起蕃茄同牛肉嘅數量，所以上枱時基本上係睇唔到牛肉，沉晒底，用匙羹不上嚟先見到牛肉其實係唔小。鮮牛肉份量都係唔會孤寒，雖然細塊，但是對比起其他店舖，食起嚟係好軟嫩多汁，食得出好新鮮，唔算鞋唔算韌，牛肉軟諗程度，唔係好似茶記咁用肉鬆粉，所以食落唔會有鹼味，肉質食落都係自然。牛味就唔太食到，不過喺大排檔、茶餐廳來講，牛肉只要咬得開已經好足夠。煎雞蛋就不過不失，唔會話煎到窿咗，蛋黃起碼仲係流心，蛋黃既甜味同蛋香味會比蕃茄既酸味蓋過，下次會試下炒蛋，感覺食落會變炒蛋蕃茄。通粉會比麵更加索湯，因為佢個空心可以令到更多湯同茄蓉滲入去，通粉食落唔會話煮到好腍，軟而不粉，係合格嘅通粉。麵係用出前一丁，麵質我係幾鍾意，因為佢煮到偏硬身少少，而唔係腍身，個人食麵類都係鍾意硬身啲，因為腍身完全冇口感可言。-4️⃣ 凍奶茶💰15（👅: 8/10）凍奶茶以絲襪奶茶既作法黎整，飲落夠凍，夠香滑有奶香味，奶味會比茶味重，所以飲落整體甜味會比較夠香滑有奶香味多。如果鍾意奶味濃一點既朋友，呢杯奶茶肯定係你杯茶。-🌟酸甜嘅蕃茄、腍滑牛肉、爽滑嘅通粉，食落開胃飽肚，價廉物美，身為香港人好難抗拒呢一種美食，看似做法簡單，但要將三者完美咁結合，非常考大廚火候控制度同埋食材嘅新鮮度。香港有好多主打蕃茄湯嘅餐廳，好似蕃茄師兄、red object、蕃滿門、華嫂、樓下冰室、星座冰室等等，勝香園作為香港茄湯既始創者，絕對唔會比下去，嘢食當然唔係好精緻好打卡，但勝在水準係有。茄牛通、茄牛麵、鹹檸七、奶油脆豬簡單樸實已經好好食，絕對係香港人既comfort food， 如果我住附近，一定會成日黎食。以前仲有好多遊客個時，勝香園出名店員服務態度差為名，改單會態度差，而且堅持唔比加單，係呢一段艱難時期，幫襯過兩次都感受唔到澳牛式服務，賣單讚姐姐計數快仲笑笑口有傾有講，可能生意大不如前，人龍店都要變得嫌虛、禮貌一啲。冇晒遊客嘅情況下，勝香園已經唔使點排隊，兩次去都係可以即刻坐低唔使等，不過夏天嚟食就會比較熱啲，因為始終係露天大排檔，冇冷氣得風扇，而且喺馬路邊，但大排檔就係食呢一種嘅特色，呢一種嘅懷舊味道，冬天喺呢個露天地方吹着風食碗熱辣辣麵可能會更舒服。喺呢個疫情嘅時期，小店買少見少，再加上呢一啲鐵皮檔嘅大排檔，碩果僅存，唔知幾時會因為政府一句話收返，到時想食都冇得食，就只可以變成大家嘅集體回憶，所以無論係想一試大排檔風味，定係一試好代表到香港特色嘅奶油脆脆，定係要帶外國朋友一試香港特色、但外國不常見既美食，除左諗起歌賦街既九記，呢間人龍店勝香園都係我既口袋名單。-👅味道: 8.5/10🍴環境: 6/10💰消費: $70 (服務費: NA)…Read More
遠近馳名蕃茄麵，搭配選擇超多...次次都令我揀好耐 蕃茄煎蛋鮮牛通～其實本身全枱都of叫炒蛋，但上到黎所有都變唒煎...可能真係太忙太多人味道方面，蕃茄溶份量好足，甜酸適中，好開胃。煎蛋剛偏老，牛肉嫩滑但有明顯嘅雞粉味... 除左麵食，今次都同同事夾份叫左兩個脆脆一齊食，奶油脆脆味道普通，不過係烤得好香。必食推介係牛油檸檬汁蜜糖脆脆，滿酸嘅檸檬配上香甜蜜糖，真係令人食指大動，想食多幾嚿
小弟對中環小路非常陌生，兜兜轉轉，四處查問，終於在一位運輸老師傅口中探聽出聖地真實所在，經過千辛萬苦，最終找到隱藏在這迷城裡的聖殿。來到這裡時快11點了，還沒吃過早飯，在聖地前已經出現一條長長的人龍，置身此人龍里，時間過得特別的慢，心裡戰戰兢兢的，從內心深處湧出緊張的感覺，對面另一飲食勝地【九記牛腩】的招牌在這邊長長的朝聖隊伍下，也顯得黯然失色。。。。。。越來越接近人龍盡處就越感到那種氣勢，來，來感受一下這種山雨欲來的感覺吧！！！
當我剛把【奶油脆脆】吃過乾淨的時候，一股香味從身後傳來，讓我精神一震，啊，我知道是什麼了，侍者把在我夢中多次出現的神聖之物放在我面前，是【番茄牛肉麵】，我把它認出來了，碗中的番茄多而香，伴著番茄的牛肉也好像很漂亮，看著它，我已經清楚感覺到神想告訴我的真理，為了印證心中的想法，我拿起了筷子，夾了一箸麵，放進咀裡。同時提起了勺子，喝了一口湯，濃濃的番茄味從我的喉嚨流下肚子去，很新鮮的番茄湯，鹹味剛剛好，很實在的感覺，麵條也是很熟悉，牛肉嫩嫩的，配搭起來很美好，食物進入了我肚子深處的這一刻，我看見了真理，清清楚楚地感受到神要我經過他的恩賜，而想傳遞給我的信息，感謝神，哈利路亞~~~ 
）我離開了神之領域，懷著滿足的感覺往前走著，來到可以看見天空的地方，我找了個地方坐下，回憶起神的話語。。。是什麼呢？從那凍咖啡開始，到脆脆，到最後的番茄牛肉麵，神都很清楚地向我傳遞一種感覺，那就是熟悉感！！！
那【凍咖啡】的味道不就是隨便一家食店都找到的味道嗎？那【奶油脆脆】不就跟普通茶餐廳都找到的【奶醬多】差不多嗎？那【番茄牛肉麵】的味道跟我自己在家煮的幾乎一模一樣，就是開鍋炒爛加了鹽糖的番茄，然後把牛肉加進去快炒一下後馬上加開水跟快熟麵餅，免得牛肉會被煮老，當麵剛剛好夠軟的時候就立即倒出來，就是這樣地簡單而已。。。我清楚地明白了。。。神想跟我說的就是這個！ ~~~神與我常在~~~ 美食就在我身邊，只要用平常心舒服地品嘗食物，你就能好好地感受人生，不用過於強求，再次感謝主，哈利路亞
凍鹹檸七($12)送上時已代為篤好檸檬，只要把雪碧倒進杯內便可以享用了。雪碧冰感十足，喝一口為這炎熱的午餐降溫不少。鹹檸檬加上雪碧，消暑清爽，檸檬的味道更是令人越喝越開胃呢！喝了冰涼的飲品後，我們便不若而同地把目光放到旁邊的麵包區。由豬仔包從多士爐跳出來，塗醬再把豬仔包放成米奇老鼠的樣子，一碟又一碟出爐的脆脆也不是送到我們的面前，急不及待的心情也越來越強。差不多十份脆脆出爐之後，第十一份的
